കോട്ടയം ∙ മഴയെ തുടർ‌ന്ന് കോട്ടയം, വയനാട് ജില്ലകളിലെ ചില വിദ്യാഭ്യാസ സ്ഥാപനങ്ങൾക്ക് കലക്ടർമാർ വെള്ളിയാഴ്ച അവധി പ്രഖ്യാപിച്ചു. കോട്ടയം താലൂക്കിലെ തിരുവാർപ്പ്, കാഞ്ഞിരം എസ്എൻഡിപി ഹൈസ്കൂളിനും മീനച്ചിൽ താലൂക്കിലെ കിടങ്ങൂർ, പിറയാർ, ഗവ.എൽ.പി.സ്കൂളിനും അവധിയാണ്.
വയനാട് ജില്ലയിൽ വൈത്തിരി, മാനന്തവാടി താലൂക്കുകളിലെ അങ്കണവാടി ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും അവധിയാണ്. ജില്ലയില്‍ ദുരിതാശ്വാസ ക്യാംപുകള്‍ പ്രവര്‍ത്തിക്കുന്ന എല്ലാ സ്കൂളുകള്‍ക്കും അവധിയായിരിക്കും. ബത്തേരി താലൂക്കിലെ വിദ്യാഭ്യാസ സ്ഥാപനങ്ങള്‍ക്കും ജില്ലയിലെ പ്രഫഷനല്‍ കോളജുകള്‍ക്കും മോ‍ഡല്‍ റസി‍ഡന്‍ഷ്യല്‍ സ്കൂളുകള്‍ക്കും അവധി ബാധകമല്ല.
×
