ഭാരത് പെട്രോളിയത്തിന്റെ കൊച്ചി റിഫൈനറിയിൽ കെമിസ്റ്റ് ട്രെയിനി, ഓപ്പറേറ്റർ ട്രെയിനി, ജനറൽ വർക്ക്മാൻ ബി ട്രെയിനി തസ്തികയിലെ ഒഴിവുകളിലേക്ക് അപേക്ഷ ക്ഷണിച്ചു. 147 ഒഴിവുകളാണുള്ളത്. ഓൺലൈനായി അപേക്ഷിക്കണം. അപേക്ഷ സ്വീകരിക്കുന്ന അവസാന തീയതി: നവംബർ 26.
തസ്തിക, യോഗ്യത ചുവടെ :
കെമിസ്റ്റ് ട്രെയിനി: അംഗീകൃത സർവകലാശാലയിൽ നിന്ന് എംഎസ്സി കെമിസ്ട്രിയിൽ (ഫുൾടൈം) 60% മാർക്കോടെ ഫസ്റ്റ് ക്ലാസ് ജയം. അനലറ്റിക്കൽ കെമിസ്ട്രിക്കാർക്ക് മുൻഗണന. ബന്ധപ്പെട്ട മേഖലയിൽ ഒരു വർഷം യോഗ്യതാനന്തര പ്രവൃത്തിപരിചയം.
ഓപ്പറേറ്റർ ട്രെയിനി: 60% മാർക്കോടെ നേടിയ കെമിക്കൽ എൻജിനീയറിങ്/ ടെക്നോളജി ഡിപ്ലോമ (എഐസിടിഇ അംഗീകൃത ഫുൾടൈം കോഴ്സ്). ബന്ധപ്പെട്ട മേഖലയിൽ കുറഞ്ഞത് അഞ്ചുവർഷത്തെ യോഗ്യതാനന്തര പ്രവൃത്തിപരിചയം.
ജനറൽ വർക്ക്മാൻ ബി(ട്രെയിനി)–കെമിക്കൽ: 60% മാർക്കോടെ നേടിയ കെമിക്കൽ എൻജിനീയറിങ്/ ടെക്നോളജി ഡിപ്ലോമ (എഐസിടിഇ അംഗീകൃത ഫുൾടൈം കോഴ്സ്). ബന്ധപ്പെട്ട മേഖലയിൽ കുറഞ്ഞത് ഒരു വർഷത്തെ യോഗ്യതാനന്തര പ്രവൃത്തിപരിചയം.
ജനറൽ വർക്ക്മാൻ ബി(ട്രെയിനി)–മെക്കാനിക്കൽ: 60% മാർക്കോടെ നേടിയ മെക്കാനിക്കൽ എൻജിനീയറിങ് ഡിപ്ലോമ (എഐസിടിഇ അംഗീകൃത ഫുൾടൈം കോഴ്സ്). ബന്ധപ്പെട്ട മേഖലയിൽ കുറഞ്ഞത് ഒരു വർഷത്തെ യോഗ്യതാനന്തര പ്രവൃത്തിപരിചയം.
ജനറൽ വർക്ക്മാൻ ബി(ട്രെയിനി)– ഇലക്ട്രിക്കൽ: 60% മാർക്കോടെ നേടിയ ഇലക്ട്രിക്കൽ/ഇലക്ട്രിക്കൽ ആൻഡ് ഇല്ക്ട്രോണിക്സ് എൻജിനീയറിങ് ഡിപ്ലോമ (എഐസിടിഇ അംഗീകൃത ഫുൾടൈം കോഴ്സ്). ബന്ധപ്പെട്ട മേഖലയിൽ കുറഞ്ഞത് ഒരു വർഷത്തെ യോഗ്യതാനന്തര പ്രവൃത്തിപരിചയം.
ജനറൽ വർക്ക്മാൻ ബി(ട്രെയിനി)– ഇൻസ്ട്രുമെന്റേഷൻ: 60% മാർക്കോടെ നേടിയ ഇൻസ്ട്രുമെന്റ് ടെക്നോളജി/ ഇൻസ്ട്രുമെന്റേഷൻ ആൻഡ് കൺട്രോൾ/ ഇലക്ട്രോണിക്സ് ആൻഡ് ഇൻസ്ട്രുമെന്റേഷൻ എൻജിനീയറിങ് ഡിപ്ലോമ (എഐസിടിഇ അംഗീകൃത ഫുൾടൈം കോഴ്സ്). ബന്ധപ്പെട്ട മേഖലയിൽ കുറഞ്ഞത് ഒരു വർഷത്തെ യോഗ്യതാനന്തര പ്രവൃത്തിപരിചയം.
എസ്സി/എസ്ടി/ അംഗപരിമിതർ എന്നിവർക്ക് 50% മാർക്ക് മതി. 2018 ഒക്ടോബർ ഒന്ന് അടിസ്ഥാനമാക്കി പ്രായം, പ്രവൃത്തിപരിചയം എന്നിവ കണക്കാക്കും.
പ്രായം: 18–30 വയസ്. യോഗ്യരായവർക്ക് പ്രായപരിധിയിൽ ചട്ടപ്രകാരം ഇളവുകൾ.
തിരഞ്ഞെടുപ്പ്: എഴുത്തുപരീക്ഷ, സ്കിൽ ടെസ്റ്റ് എന്നിവ മുഖേനയാണ് തിരഞ്ഞെടുപ്പ്. എഴുത്തുപരീക്ഷ കൊച്ചിയിലായിരിക്കും.
അപേക്ഷിക്കേണ്ട വിധം: www.bharatpetroleum.com>careers എന്ന വെബ്സൈറ്റ് മുഖേന ഓൺലൈൻ അപേക്ഷ സമർപ്പിക്കാം. ഒഴിവുകൾ സംബന്ധിച്ച വിശദവിവരങ്ങളും അപേക്ഷിക്കുന്നതിനുള്ള നിർദേശങ്ങളും വെബ്സൈറ്റിൽ ലഭിക്കും. വിജ്ഞാപനത്തിലെ വിശദാംശങ്ങൾ വായിച്ചു മനസിലാക്കിയതിനു ശേഷം അപേക്ഷിക്കുക.
തസ്തിക -ഒഴിവുകളുടെ എണ്ണം-ശമ്പളം
കെമിസ്റ്റ് ട്രെയിനി-13-13500–31000
ഓപ്പറേറ്റർ ട്രെയിനി-12-13500–31000
ജനറൽ വർക്ക്മാൻ ബി (ട്രെയിനി)-122 (കെമിക്കൽ–63, മെക്കാനിക്കൽ–32, ഇലക്ട്രിക്കൽ–10, ഇൻസ്ട്രുമെന്റേഷൻ– 17)-11500–20000