എംപ്ലോയീസ് സ്റ്റേറ്റ് ഇൻഷുറൻസ് കോർപറേഷൻ വിവിധ ഇഎസ്ഐസി ആശുപത്രി/ഡിസ്പൻസറികളിൽ ഇൻഷുറൻസ് മെഡിക്കൽ ഒാഫിസർ(ഐഎംഒ) ഗ്രേഡ്-II(അലോപതിക്) ഒഴിവിലേക്ക് അപേക്ഷ ക്ഷണിച്ചു. 771 ഒഴിവുകളുണ്ട്. ഓൺലൈനായി അപേക്ഷിക്കണം.
അപേക്ഷ സ്വീകരിക്കുന്ന അവസാന തീയതി: നവംബർ 10.
യോഗ്യത: മെഡിക്കൽ കൗൺസിൽ ചട്ടപ്രകാരം. റൊട്ടേറ്റിങ് ഇന്റേൺഷിപ്പ്, മെഡിക്കൽ കൗൺസിൽ ഓഫ് ഇന്ത്യയുടെ റജിസ്ട്രേഷൻ എന്നിവ വേണം.
പ്രായം (10.11.2018ന്): 30 വയസു കവിയരുത്. അർഹരായവർക്ക് ഉയർന്ന പ്രായപരിധിയിൽ ചട്ടപ്രകാരം ഇളവ് ലഭിക്കും.
ശമ്പളം: 53100–167800 രൂപ.
അപേക്ഷാഫീസ്: അപേക്ഷാഫീസ് സംബന്ധിച്ച വിവരങ്ങൾ ഇതോടൊപ്പം പട്ടികയിൽ. ഡെബിറ്റ് കാർഡ്, ക്രെഡിറ്റ് കാർഡ്, ഇന്റർനെറ്റ് ബാങ്കിങ് തുടങ്ങിയവ മുഖേന ഒാൺലൈനായി ഫീസടയ്ക്കാം.
തിരഞ്ഞെടുപ്പ്: എഴുത്തു പരീക്ഷ, ഇന്റർവ്യൂ എന്നിവ അടിസ്ഥാനമാക്കിയാണ് തിരഞ്ഞെടുപ്പ്.
അപേക്ഷിക്കേണ്ടവിധം: അപേക്ഷ അയയ്ക്കുന്നതിനും മറ്റു വിശദവിവരങ്ങൾക്കും www.esic.nic.in എന്ന വെബ്സൈറ്റ് കാണുക.
Job Tips >>