കണവ (കൂന്തൽ) കഴിക്കുമ്പോൾ നന്നായി വേവിച്ചു കഴിക്കണമെന്ന് ദക്ഷിണകൊറിയയിലെ അറുപത്തിമൂന്നുകാരിയെ ഇനിയാരും പഠിപ്പിച്ചു കൊടുക്കേണ്ടതില്ല. വായിലെ അസ്വസ്ഥതയും വേദനയും മൂലം ഇവർ ചികിൽസ തേടിയപ്പോഴാണു നാക്കിലും മോണയിലുമായി നെന്മണി പോലെ 12 ചെറിയ തടിപ്പുകൾ കണ്ടത്.
പരിശോധിച്ചപ്പോഴാണ് ഞെട്ടിയത്: അവ കണവയുടെ ജീവനുള്ള ബീജക്കൂട്ടങ്ങളായിരുന്നു. വേണ്ടത്ര ചൂടാക്കാതെയും വൃത്തിയാക്കാതെയും കണവ കഴിച്ചതാണു കുഴപ്പമായത്. മരിക്കാതെ ശേഷിച്ച ബീജങ്ങൾ സ്ത്രീയുടെ വായിലെ ശ്ലേഷ്മ സ്തരത്തിനുള്ളിൽ സുരക്ഷിതസ്ഥാനം കണ്ടെത്തി കടിച്ചുതൂങ്ങുകയായിരുന്നു. പരാന്നഭോജികളെ സംബന്ധിച്ച പഠനങ്ങൾക്കൊപ്പം ഈ അപൂർവസംഭവവും ഉൾപ്പെടുത്തിയിട്ടുണ്ട്.
×
