കോഴിക്കോട് അത്തോളിയിൽ 10 സെന്റിൽ 2350 ചതുരശ്രയടിയിലാണ് ഈ വീട് നിർമിച്ചിരിക്കുന്നത്. അത്യാവശ്യ സൗകര്യങ്ങളുള്ള ഒരു വീട് എന്നതുമാത്രമായിരുന്നു ഉടമസ്ഥന്റെ ഡിമാൻഡ്. സമകാലിക ശൈലിയിലാണ് പുറംകാഴ്ചയും അകത്തളങ്ങളും. ചെറിയ പോർച്ചും സിറ്റൗട്ടും കടന്നാണ് അകത്തേക്ക് എത്തുക. സെമി ഓപ്പൺ ശൈലിയിൽ അകത്തളങ്ങൾ ഒരുക്കിയത് വിശാലതയ്ക്കൊപ്പം സ്ഥല ഉപയുക്തതയും നൽകുന്നു.
വെള്ള നിറമാണ് അകത്തളങ്ങളിൽ നൽകിയത്. ജിപ്സം+ വെനീർ ഫിനിഷിൽ ഫോൾസ് സീലിങ് ചെയ്ത് ഇൻഡയറക്ട് ലൈറ്റിങ് കൊടുത്തത് ഇന്റീരിയറിൽ പ്രസന്നത നിറയ്ക്കുന്നു. വിട്രിഫൈഡ് ടൈലുകളാണ് നിലത്തു വിരിച്ചത്. പ്ലൈവുഡ്, വെനീർ ഫിനിഷിലാണ് അകത്തളങ്ങൾ ഫർണിഷ് ചെയ്തത്.
എട്ടുപേർക്കിരുന്നു ഭക്ഷണം കഴിക്കാൻ പാകത്തിൽ ഊണുമേശ. ഗോവണിയുടെ താഴെയായി വാഷ് ഏരിയ ഒരുക്കി. എംഎസ്സും വുഡും കൊണ്ടാണ് ഗോവണിയുടെ കൈവരികൾ. മുകൾനിലയിലും ലിവിങ് ഒരുക്കി. പ്രകാശം സമൃദ്ധമായി കടന്നുവരാനായി ഗോവണിയുടെ വശത്തെ ഭിത്തികളിലും മുകൾനിലയിലുമൊക്കെ വെർട്ടിക്കൽ സ്കൈലൈറ്റുകൾ നൽകിയിട്ടുണ്ട്.
നാല് കിടപ്പുമുറികളിലും അറ്റാച്ഡ് ബാത്റൂം, വാഡ്രോബ് സൗകര്യങ്ങൾ നൽകിയിട്ടുണ്ട്. റോളർ ബ്ലൈൻഡുകൾ ജനാലകൾക്ക് ഭംഗി പകരുന്നു.
പ്ലൈവുഡ്+ലാമിനേറ്റ് ഫിനിഷിലാണ് അടുക്കളയിലെ കാബിനറ്റുകൾ നിർമിച്ചത്.
കൺസ്ട്രക്ഷനും ഫർണിഷിങ്ങും ഉൾപ്പെടെ 50 ലക്ഷം രൂപയാണ് വീടിന് ചെലവായത്. ചുരുക്കത്തിൽ പ്രകടനപരതയ്ക്ക് പ്രാധാന്യം നൽകാതെ ആവശ്യങ്ങൾക്ക് ഊന്നൽ നൽകിക്കൊണ്ട് രൂപകൽപ്പന ചെയ്തതാണ് ഈ വീടിനെ വ്യത്യസ്തമാക്കുന്നത്.
ചിത്രങ്ങൾ- അഖിൽ കൊമാച്ചി
Project Facts
Location- Atholi, Calicut
Area- 2350 SFT
Plot- 10 cents
Owner- Abhilash
Designer- Saleem
Saleem Associates
Mob- 9946824606
Completion year- Apr 2018