ചൈനയിൽ ടിവി പരമ്പരയിലെ നടി തന്നെ തുറിച്ചുനോക്കിയെന്നു പറഞ്ഞു കേസും പുലിവാലും. ഏറ്റവും കൂടുതൽ പ്രതിഫലം പറ്റുന്ന ചൈനീസ് നടിമാരിലൊരാളായ ഷാവൊ വെയ്ക്കെതിരെയാണ് പ്രേക്ഷകന്റെ പരാതി. ഷാങ്ഹായിൽ താമസിക്കുന്ന ഇയാൾ ഷാവൊ അഭിനയിക്കുന്ന ‘ടൈഗർ മൊം’ എന്ന പരമ്പര കണ്ടതാണു പ്രശ്നമായത്. ടിവിയിലൂടെ നടി ഇയാളെ തുറിച്ചുനോക്കിയത്രേ! ആ നോട്ടം തനിക്ക് ‘ആത്മീയനാശം’ ഉണ്ടാക്കിയെന്നാണു പ്രേക്ഷകന്റെ പരാതി. കോടതി ഈ കേസ് സ്വീകരിച്ചോ എന്നു വ്യക്തമല്ല.
ഏറെ ജനശ്രദ്ധ പിടിച്ചുപറ്റിയ കോമഡി സീരിയല്‍ ടൈഗര്‍ മോമിലെ മുഖ്യ കഥാപാത്രമാണ് ഷാവൊ. വലിയ കണ്ണുകള്‍ തന്നെയാണ് നടിയുടെ പ്രത്യേകത. ഷാങ്ഹായ് കോടതിയിലാണ് വ്യത്യസ്തമായ കേസ് നല്‍കിയിരിക്കുന്നത്.