പുതിയ ജയിംസ് ബോണ്ട് ആയി ബ്രിട്ടീഷ് താരം തിയോ ജയിംസിനെ തിരഞ്ഞെടുത്തതായി വാർത്തകൾ. ഡൈവേർജെന്റ് എന്ന മൂവി സീരിസിലൂടെ പ്രശസ്തനാണ് ഈ മുപ്പതുകാരൻ. ഡാനിയൽ ക്രെയ്ഗ് ബോണ്ട് സീരീസിൽ നിന്ന് പിന്മാറിയതോടെ അണിയറപ്രവർത്തകർ മറ്റൊരു താരത്തെ തേടുകയായിരുന്നു.
ഇഡ്രിസ് എൽബ, ടോം ഹിഡില്‍സ്റ്റൺ, ടോം ഹാർഡി തുടങ്ങിയവരുടെ പേരുകൾ പറഞ്ഞ് കേട്ടെങ്കിലും അവസാനം തിയോയ്ക്ക് നറുക്ക് വീഴുകയായിരുന്നു. എന്നാൽ ഇതു സംബന്ധിച്ച ഔദ്യോഗികസ്ഥിരീകണം ഇതുവരെയും ഉണ്ടായിട്ടില്ല.