Manoramaonline.com no longer supports Internet Explorer 8 or earlier. Please upgrade your browser.  Learn more »

50 കോടി ക്ലബിൽ പത്താമനായി രാമലീല

ramaleela-50-crore

ദിലീപ് ചിത്രം രാമലീലയുടെ ബോക്സ്ഓഫീസ് കലക്ഷൻ അണിയറപ്രവർത്തകർ പുറത്തുവിട്ടു. അൻപത്തിയഞ്ച് ദിവസം കൊണ്ട് ചിത്രം വാരിയത് 55 കോടി രൂപയാണ്. സിനിമയുടെ ആഗോള കലക്ഷനാണിത്.

ഷാഫി സംവിധാനം ചെയ്ത 2 കണ്ട്രീസിന് ശേഷം 50 കോടി ക്ലബില്‍ ഇടംനേടുന്ന രണ്ടാമത്തെ ദിലീപ് ചിത്രമാണ് രാമലീല. ഇതേക്ലബിൽ ഇടം ലഭിക്കുന്ന പത്താമത്തെ മലയാളസിനിമ കൂടിയാണ് ഈ ചിത്രം. പുലിമുരുകൻ, ദൃശ്യം, ഒപ്പം, പ്രേമം, 2 കണ്ട്രീസ്, എന്നു നിന്റെ മൊയ്തീൻ, എസ്ര, ഗ്രേറ്റ്ഫാദർ, മുന്തിരിവള്ളികൾ തളിർക്കുമ്പോൾ എന്നീ സിനിമകളാണ് 50 കോടി കടന്ന മലയാളചിത്രങ്ങൾ.

ഒട്ടേറി പ്രതിസന്ധികൾ മറികടന്നായിരുന്നു രാമലീല റിലീസിനെത്തിയത്. ദിലീപിന്റെ അറസ്റ്റും ജയിൽവാസവും രാമലീലയെ വിവാദങ്ങളിലേക്ക് തളളി വിട്ടു. പ്രതിസന്ധികളെ അതിജീവിച്ച് തീയറ്റുകളിലെത്തിയ ചിത്രത്തിന് അണിയറപ്രവർത്തകരെ പോലും അമ്പരപ്പിക്കുന്ന സ്വീകരണമാണ് ബോക്സ് ഓഫീസിൽ ലഭിച്ചത്.

സെപ്റ്റംബർ 28ന് തിയറ്ററുകളിലെത്തിയ ചിത്രത്തിന് മികച്ച സ്വീകാര്യതയാണ് ലഭിച്ചത്. സമീപകാലത്ത് ഒരു സിനിമയ്ക്ക് കിട്ടുന്ന ഏറ്റവും മികച്ച ജനപ്രീതിയും രാമലീലയ്ക്ക് ലഭിച്ചു. നവാഗതനായ അരുൺ ഗോപി സംവിധാനം ചെയ്ത ഈ ചിത്രം ഒരു പൊളിറ്റിക്കൽ ത്രില്ലറാണ്. രാമനുണ്ണി എന്ന രാഷ്ട്രീയപ്രവർത്തകനായാണ് ദിലീപ് ചിത്രത്തിൽ എത്തുന്നത്. പതിനാലു കോടി രൂപ മുടക്കി ടോമിച്ചൻ മുളകുപാടം ആണ് ചിത്രം നിർമിച്ചത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.