ചെന്നൈ നഗരത്തിൽ പ്രളയത്തെ തുടർന്ന് ദുരിതമനുഭവിക്കുന്ന ജനങ്ങളെ നേരിട്ട് കണ്ടു സ്ഥിതി ഗതികൾ മനസ്സിലാക്കുന്നതിനും ആശ്വസിപ്പിക്കുന്നതിനുമായി പ്രശസ്ത സിനിമാ താരവും കോണ്ഗ്രസ് പ്രവർത്തകയുമായ ഖുശ്ബു ചെന്നൈ നഗരത്തിൽ എത്തി.
വെള്ളപ്പൊക്കത്തിൽ പൂർണ്ണമായും തകർന്ന ചെന്നൈയിലെ തെരുവുകൾ താരം സന്ദർശിച്ചു. ഹൃദയഭേതകമായ കാഴ്ചയെന്നാണ് ഖുഷ്ബു ദുരന്തത്തെ വിശേഷിപ്പിച്ചത്‌. ആശ്വസിക്കാനായി തനിക്കു വാക്കുകൾ കിട്ടുന്നില്ലെന്നും ഖുശ്ബു പറഞ്ഞു.
റോഡിന്റെ നടുവിൽ കിടപ്പാടം പോലും നഷ്ടപ്പെട്ട് എങ്ങോട്ട് പോകണം എന്നറിയാതെ നിൽക്കുന്ന ആളുകളുടെ ദുഃഖം താരം നേരിട്ട് അറിഞ്ഞു. ചെന്നൈ ദുരന്തത്തിൽ പെട്ടവർക്ക് 10 ലക്ഷം രൂപയുടെ സഹായം നടൻ ജയറാമും വാഗ്ദാനം ചെയ്തിട്ടുണ്ട്.