കെ പി ഉദയഭാനും ഫൗണ്ടേഷൻ സംഘടിപ്പിച്ച കാനനഛായ എന്ന പരിപാടിയുടെ ഉദ്ഘാടനം പ്രതിപക്ഷ നേതാവ് വി എസ് അച്യുതാനന്ദൻ നിർവഹിച്ചു. കെ പി ഉദയഭാനു സംഗീത പുരസ്കാരം അദ്ദേഹം കെ എസ് ചിത്രയ്ക്കു സമ്മാനിച്ചു. സമ്മേളനത്തിൽ ഫൗണ്ടേഷന്റെ ചെയർമാൻ ശിവൻ അധ്യക്ഷത വഹിച്ചു. കെ മുരളീധരൻ എംഎൽഎ പ്രഭാഷണം നടത്തി. ഡോ എൻ രാധാകൃഷ്ണൻ അനുസ്മരണ പ്രഭാഷണം നടത്തു. കോട്ടുകാൽ കൃഷ്ണകുമാർ സംഘടനാ റിപ്പോർട്ട് അവതരിപ്പിച്ചു. സെക്രട്ടറി വി കെ മോഹൻ, എ പ്രഭാകരൻ എന്നിവർ പ്രസംഗിച്ചു. സമ്മേളനത്തിനു ശേഷം ഓൾഡ് ഈസ് ഗോൾഡ് ഗാനമേളയും നൃത്തപരിപാടിയും നടന്നു.