ഗാനരചയിതാവ് രാജീവ് ആലുങ്കൽ മദർ തെരേസയെക്കുറിച്ച് എഴുതിയ തെരേസാമ്മ എന്ന കവിത സെപ്റ്റംബർ നാലിനു വത്തിക്കാനിൽ മദറിനെ വിശുദ്ധയായി പ്രഖ്യാപിക്കുന്ന ചടങ്ങിൽ മാർപാപ്പയ്ക്കു സമർപ്പിക്കും. കവിതയുടെ ഇംഗ്ലീഷ് പരിഭാഷ അവിടെ വായിക്കുകയും ചെയ്യും.
മദർ തെരേസയുടെ ജന്മദിനമായ ഈ മാസം 26 നു മാവേലിക്കരയിൽ നടക്കുന്ന ചടങ്ങിൽ ബിഷപ് ഡോ. ജോഷ്വ മാർ ഇഗ്നാത്തിയോസ് ചുനക്കര ജനാർദനൻ നായർക്കു നൽകി കവിതയുടെ മലയാളം-ഇംഗ്ലീഷ് പതിപ്പുകൾ പ്രകാശനം ചെയ്യും.