ഹേയ് വേദിക.. യൂ ലുക് മോർ ബ്യൂട്ടിഫുൾ ദാൻ ബിഫോർ. ഇത്തരം കമന്റ്സ് കൂടുന്നതിന് പിന്നിലൊരു സീക്രറ്റ് ഉണ്ട്.. പൊസിറ്റീവ് സീക്രറ്റ്. പൊസിറ്റീവായിരുന്നാൽ അതു മുഖത്ത് റിഫ്ലക്റ്റ് ചെയ്യും, ബെസ്റ്റ് എക്സാംപിൾ ഞാൻ തന്നെ. എന്നാൽപിന്നെ പൊസിറ്റിവിറ്റി ടെസ്റ്റ് നടത്തിയേക്കാം.
* ചായ തണുത്തു പോയാൽ?
ഐസ് ടീ കുടിക്കും.
* ഇഷ്ടമുള്ള ഉടുപ്പ് തേപ്പുപെട്ടി തട്ടി കരിഞ്ഞാൽ?
ലോങ്ഡ്രസ് ആണു കരിഞ്ഞതെങ്കിൽ അതു വെട്ടി തയ്ക്കും. ഇഷ്ടമുള്ള ഉടുപ്പ് പുതിയ ലുക്കിൽ ഇടാല്ലോ..
* ട്രെയിനോ ഫ്ലൈറ്റോ മിസ് ആയാൽ?
ദൈവം അപകടത്തിൽ നിന്ന് രക്ഷിച്ചെന്നു കരുതും.
* ആരെങ്കിലും ഒച്ചവെച്ച് സംസാരിച്ചാൽ?
അവരെ ഞാൻ കൂടുതൽ പ്രകോപിപ്പിക്കാതെ വരുതിയിലാക്കി.. ശാന്തി.. ശാന്തി.. ശാന്തി എന്ന് പറയും.
* സുഹൃത്ത് ചതിച്ചാല്‍?
എനിക്ക് ഒരാളുടെ യഥാർഥ സ്വഭാവം മനസ്സിലാക്കാൻ സാധിച്ചെന്ന് ആശ്വസിക്കും.
* ഒരുപാട് ജോലിയും വർക്ക് പ്രഷറും വന്നാൽ?
വജ്രം ഉണ്ടാക്കുന്നതും അങ്ങനെയല്ലേ. നല്ല പ്രഷർ അനുഭവിച്ച്. ഇതോർത്ത് ശാന്തമായിട്ട് ഇരിക്കും. ഇനിയും കൂടുതൽ ജോലി വരട്ടേ എന്നേ ചിന്തിക്കൂ.
* ഫിലിം ഫ്ലോപ്പായാൽ?
പരാജയമില്ലാതെ വിജയത്തിന് മധുരമുണ്ടാകില്ലല്ലോ.
* നല്ല ദേഷ്യം വരുമ്പോൾ?
അതുകൊണ്ട് ഒരു കാര്യവുമില്ലെന്ന് നന്നായിട്ടറിയാം. സോ അങ്ങനെ എനർജി വെയ്സ്റ്റാക്കില്ല.
* വേണ്ടപ്പെട്ടയാൾ ജന്മദിനം വിഷ് ചെയ്യാൻ മറന്നാൽ?
ജന്മദിനം കഴിഞ്ഞാലും വിഷസ് സന്തോഷമല്ലേ.. ശരിക്കും ഇത്രയും പൊസിറ്റീവായാൽ തന്നെ അത്രയും എനർജി കൂടും.. സോ ഗൈസ് ആൻഡ് ഗാൽസ്, പൊസിറ്റിവിറ്റി ലൈഫിലങ്ങ് ഏറ്റു പിടിച്ചാലോ?