ടൂറിസ്റ്റ് ബസുകളേക്കാൾ കുറഞ്ഞ നിരക്കിൽ സർവീസ്; വിവാഹ യാത്രയ്ക്ക് താരം ആനവണ്ടികൾ

ഹരിപ്പാട് ∙ വിവാഹ യാത്രയ്ക്ക് ആനവണ്ടികൾ പ്രിയമാകുന്നു. ഹരിപ്പാട് ഡിപ്പോയിൽ നിന്നു 2 കല്യാണങ്ങൾക്ക് 5 ഓർഡിനറി ബസുകളാണ് ഇന്നലെ സർവീസ് നടത്തിയത്. ടൂറിസ്റ്റ് ബസുകളേക്കാൾ കുറഞ്ഞ നിരക്കിലാണ് കെഎസ്ആർടിസി സർവീസ് നടത്തുന്നത്. കലക്‌ഷൻ കുറവുള്ള റൂട്ടുകളിലോടുന്ന ബസുകളാണ് കല്യാണയാത്രകൾക്കായി ഉപയോഗിക്കുന്നത്. ഏപ്രിൽ 21 മുതൽ 5 വരെ 15 വിവാഹട്രിപ്പുകളാണ് ജില്ലയിലെ വിവിധ ഡിപ്പോകളിൽ നിന്നു നടത്തിയത്. ഏറ്റവും കൂടുതൽ കല്യാണ ട്രിപ്പുകൾ നടത്തിയത് ഹരിപ്പാട് ഡിപ്പോയിൽ നിന്നാണ്.