ഇടുക്കി ജില്ലയിൽ ഇന്ന് (08-05-2024); അറിയാൻ, ഓർക്കാൻ

വൈദ്യുതി  പ്രവാഹം; ജാഗ്രത  പാലിക്കണം: ആലക്കോട്∙ മുട്ടം സബ് സ്റ്റേഷനിൽ നിന്ന് ആലക്കോടിനു സമീപം പ്രവർത്തിക്കുന്ന ഫാക്ടറിയിലേക്ക് ഭൂമിയുടെ അടിയിലൂടെയുള്ള 11 കെവി കേബിൾ ലൈൻ ഇന്ന് രാവിലെ 9 മുതൽ വൈദ്യുതി പ്രവഹിപ്പിക്കുന്നതിനാൽ കേബിൾ ലൈൻ കടന്നുപോകുന്ന ഭാഗത്ത് ജാഗ്രത പുലർത്തണമെന്ന് ആലക്കോട് ഇലക്ട്രിക്കൽ സെക്‌ഷൻ അസിസ്റ്റന്റ് എൻജിനീയർ അറിയിച്ചു.

കാലാവസ്ഥ
വടക്കൻ ജില്ലകളിലും മലയോര മേഖലയിലും ശക്തമായ മഴ ലഭിക്കാൻ സാധ്യത. വയനാട്, ഇടുക്കി ജില്ലകളിൽ യെലോ അലർട്ട് പ്രഖ്യാപിച്ചു. വയനാട്, ഇടുക്കി ഒഴികെ 12 ജില്ലകളിൽ ഉയർന്ന താപനില മുന്നറിയിപ്പ് .

ജില്ലാ  ബാഡ്മിന്റൻ ഷട്ടിൽ ചാംപ്യൻഷിപ്  30 മുതൽ
തൊടുപുഴ∙ ജില്ലാ ബാഡ്മിന്റൻ ഷർട്ടിൽ അസോസിയേഷന്റെ ജില്ലാ ബാഡ്മിന്റൻ ഷട്ടിൽ ചാംപ്യൻഷിപ് 30നും ജൂൺ ഒന്നിനും തൊടുപുഴ ഫോർകോട്ട് ബാഡ്മിന്റൻ സ്റ്റേഡിയത്തിലെ ഇന്ത്യൻ സ്പോർട്സ് ബാഡ്മിന്റൻ അക്കാദമിയിൽ നടക്കും. 

ആൺ, പെൺ വിഭാഗങ്ങളിലായി അണ്ടർ 11,13,15,17,19, സീനിയർ, കൂടാതെ മാസ്റ്റേഴ്സ് (35+), വെറ്ററൻസ് (40+,45+,50+,55+,60+) എന്നീ വിഭാഗങ്ങളിലും മത്സരങ്ങൾ ഉണ്ടായിരിക്കുന്നതാണ്. ആഗ്രഹിക്കുന്നവർ kbsa.co.in എന്ന വെബ്സൈറ്റ് വഴി ഓൺലൈനായി എൻട്രികൾ അയയ്ക്കേണ്ടതാണ്. എൻട്രികൾ 22ന് വൈകിട്ട് 5ന് മുൻപായി ലഭിക്കണം. 8592005520.

സ്കൂൾ പ്രവേശനം
മുട്ടം∙ കേരള സർക്കാർ സ്‌ഥാപനമായ ഐഎച്ച്ആർഡിയുടെ കീഴിൽ പ്രവർത്തിക്കുന്ന മുട്ടം ടെക്നിക്കൽ ഹയർ സെക്കൻഡറി സ്കൂളിൽ 2024-25 അധ്യയന വർഷത്തിൽ 8, 9 ക്ലാസുകളിൽ ഒഴിവുള്ള സീറ്റിലേക്ക് അപേക്ഷ ക്ഷണിക്കുന്നു. കൂടാതെ ഈ വർഷം +1 ക്ലാസിലേക്കുള്ള റജിസ്ട്രേഷൻ ആരംഭിച്ചിട്ടുണ്ട്. 8547005014, 9447599167.

ചെസ്  ടൂർണമെന്റ് ഇന്ന്
കട്ടപ്പന∙ ചെസ് അസോസിയേഷൻ ഓഫ് ഇടുക്കിയുടെ ആഭിമുഖ്യത്തിലുള്ള ഓൾ ഇടുക്കി ഓപ്പൺ സിലക്‌ഷൻ ചെസ് ടൂർണമെന്റ് ഇന്ന് 10ന് കട്ടപ്പന മാസ്റ്റേഴ്സ് അക്കാദമിയിൽ നടക്കും. ആദ്യത്തെ 4 സ്ഥാനങ്ങൾ നേടുന്നവർ  സംസ്ഥാന ചെസ് ചാംപ്യൻഷിപ്പിൽ ജില്ലയെ പ്രതിനിധീകരിക്കും. 9961160622.

കടകൾ  തുറക്കില്ല
മുട്ടം∙ വ്യാപാരി വ്യവസായി ഏകോപന സമിതി മുട്ടം യൂണിറ്റിന്റെ ദ്വൈവാർഷിക തിരഞ്ഞെടുപ്പ് നടക്കുന്നതിനാൽ ഇന്ന് വൈകിട്ട് 5 മുതൽ വ്യാപാരസ്ഥാപനങ്ങൾ മുടക്കമായിരിക്കുമെന്ന് യൂണിറ്റ് പ്രസിഡന്റ് പി.എസ്.രാധാക