സന്തോഷം, മൂന്നിരട്ടി: ഒന്നിച്ചുപിറന്ന മൂന്നു സഹോദരങ്ങളും സമ്പൂർണ എ പ്ലസ് നേടി

കോട്ടായി ∙ എസ്എസ്എൽസി ഫലം വന്നപ്പോൾ ത്രിബിൾ സന്തോഷമാണ് ചൂലനൂർ പന്നികുളമ്പ് വീട്ടിൽ നിറഞ്ഞത്. ഒന്നിച്ചുപിറന്ന മൂന്നു സഹോദരങ്ങളും സമ്പൂർണ എ പ്ലസ് നേടിയതോടെ സന്തോഷം മൂന്നിരട്ടിയായി. സുരേഷ്– രമ ദമ്പതികളുടെ മക്കളായ അംഗിത, ആദിഷ്, ആർദ്ര എന്നിവരാണു സമ്പൂർണ എ പ്ലസ് വിജയം നേടിയത്. കോട്ടായി ഗവ.ഹയർ സെക്കൻഡറി സ്കൂളിലെ വിദ്യാർഥികളായ മൂവരും സ്റ്റുഡന്റ് പൊലീസ് കെഡറ്റുകളാണ്. പാഠ്യേതര വിഷയങ്ങളിലും മികവു പുലർത്തുന്നു. അംഗിതയ്ക്ക് കണക്കിലും ആദിഷിനും ആർദ്രയ്ക്കും ശാസ്ത്രവിഷയങ്ങളിലാണു താൽപര്യം.