Manoramaonline.com no longer supports Internet Explorer 8 or earlier. Please upgrade your browser.  Learn more »

പ്രഭാതഭക്ഷണം: ചില അരുതുകൾ

breakfast

പ്രഭാതഭക്ഷണം തലച്ചോറിന്റെ ഭക്ഷണം എന്നാണ് അറിയപ്പെടുന്നത്. അതായത് ശരീരത്തിനും തലച്ചോറിനും അത് അത്യന്താപേക്ഷിതമാണ്. പ്രഭാതഭക്ഷണം സംബന്ധിച്ച് ചില തെറ്റായ ശീലങ്ങളും ധാരണകളും നമുക്കിടയിലുണ്ട്. അവ എന്തൊക്കെയാണെന്നു തിരിച്ചറിഞ്ഞ് സ്വയം തിരുത്താൻ തയാറാകണം

∙ തിരക്കുകാരണം പ്രഭാതഭക്ഷണം കഴിക്കാൻ വിട്ടുപോകരുത്.

∙ വെറുംവയറ്റിൽ കടുപ്പമേറിയ കാപ്പി കഴിക്കുന്ന ശീലം നല്ലതല്ല.

∙ തലേദിവസത്തെ ഭക്ഷണത്തിന്റെ ബാക്കി വീണ്ടും ചൂടാക്കി കഴിക്കരുത്. പുതിയ ദിവസത്തെ പുതിയ ഭക്ഷണത്തോടെ വേണം വരവേൽക്കാൻ

∙ പ്രഭാതഭക്ഷണത്തിനു മുൻപേ പുകവലിക്കുകയോ മദ്യപിക്കുകയോ ചെയ്യരുത്

∙ രാവിലെ ആദ്യം തന്നെ ഖരരൂപത്തിലുള്ള ഭക്ഷണം അകത്താക്കരുത്. മറിച്ച് ഒരു ഗ്ലാസ് വെള്ളം കുടിച്ചുകൊണ്ട് ദിവസം തുടങ്ങാം.

∙അമിതമായി തണുത്ത ഭക്ഷണങ്ങൾ ആദ്യം കഴിക്കുന്നത് നല്ലതല്ല. വായ്ക്കുള്ളിലെ ഊഷ്മാവുമായി പൊരുത്തപ്പെടുന്നവിധം പാകത്തിനു ചൂടോ തണുപ്പോ ഉള്ള ആഹാരം തിരഞ്ഞെടുക്കാം.

∙ ടിവി കണ്ടുകൊണ്ട് പ്രാതൽ കഴിക്കുന്നത് ശരിയല്ല. സമയമെടുത്ത് ചവച്ചരച്ചുമാത്രം കഴിക്കുക

∙ കടുത്ത എരിവോ പുളിയോ കലര്‍ന്ന ഭക്ഷണം വെറുംവയറ്റിൽ കഴിക്കരുത്.

∙ വെയിലുദിച്ചാൽ വൈകാതെ ഭക്ഷണം കഴിക്കണം. അസിഡിറ്റിയുടെ പ്രശ്നമുള്ളവർ പ്രഭാതഭക്ഷണം വൈകിക്കഴിക്കുന്നത് ആരോഗ്യത്തിന് ദോഷം ചെയ്യും.

∙ അമിതമായ അളവിൽ കൃത്രിമമധുരം അടങ്ങിയ ഭക്ഷണം ഒഴിവാക്കണം. ഇത് പ്രാതലിനു നല്ലതല്ല.

∙ ഒരു ഗ്ലാസ് പാൽ കഴിച്ചാൽ എല്ലാമായി എന്നു കരുതരുത്. പാൽ മാത്രം കഴിച്ച് ഭക്ഷണം ചുരുക്കുന്നത് ശരിയല്ല

∙ പച്ചക്കറിയോ പഴങ്ങളോ നട്സോ മാത്രമായി കഴിക്കരുത്. ഇവയെല്ലാം മിതമായ അളവിൽ ഉറപ്പുവരുത്തിയേ കഴിക്കാവൂ.

Read more : Healthy Food

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.