ലോ ബജറ്റില്‍ ഒരു മിനി യൂറോപ്യന്‍ ഹൗസ്, അതാണ് നിലമ്പൂര്‍ ആഢ്യന്‍പാറ വെള്ളച്ചാട്ടത്തിലേക്കുള്ള പ്രധാന റോഡില്‍ സ്ഥിതിചെയ്യുന്ന നമ്പൂരിപ്പൊട്ടി ഗ്രാമത്തിലെ കൊളോണിയൽ ഹൗസ്. നവീകരിച്ചു മുഖഛായ മാറ്റിയ വീടാണിത്. കാലപ്പഴക്കം കൊണ്ടും സ്ഥലപരിമിതി കൊണ്ടും ബുദ്ധിമുട്ട് എറിയപ്പോഴാണ് വീട് പുതുക്കാൻ തീരുമാനിച്ചത്.
18 സെന്റിൽ സ്ഥിതി ചെയ്യുന്ന വീടിനു വെറും 1000 ചതുരശ്രയടി വിസ്തീർണം മാത്രമേയുള്ളൂ. സ്ട്രക്ച്ചറിൽ റൂഫിങ്ങിലാണ് കാതലായ മാറ്റം കൊണ്ടുവന്നത്. ജിഐ മെറ്റൽ റൂഫിങ് നൽകി അതിൽ യൂറോ ടൈല്‍ ഷീറ്റ് വിരിച്ചു. അതോടെ വീടിനു കൊളോണിയൽ ഛായ കൈവന്നു.
മുറികളുടെ പുനർക്രമീകരണം വഴിയാണ് അകത്തളങ്ങളിൽ സ്ഥലലഭ്യത ഉറപ്പുവരുത്തിയത്. അനാവശ്യ ചുവരുകൾ ഇടിച്ചുകളഞ്ഞതോടെ കൂടുതൽ സ്ഥലലഭ്യത കൈവന്നു. കനംകുറഞ്ഞ ഇഷ്ടികയാണ് പുതിയ ഭിത്തികൾ കെട്ടാൻ ഉപയോഗിച്ചത്. ഇടച്ചുമരുകൾ കളഞ്ഞതോടെ ലിവിങ്-ഡൈനിങ് ഓപ്പൺ ശൈലിയിലേക്ക് മാറി.
രണ്ടു കിടപ്പുമുറികളും അടുക്കളയും എല്ലാം അതിലളിതമാണ്. വെറും മൂന്ന് ലക്ഷം രൂപ മാത്രമാണ് അറ്റകുറ്റപ്പണികൾക്ക് ചെലവായത്. പ്രാദേശികമായി ലഭ്യമായ നിർമാണവസ്തുക്കൾ ഉപയോഗിച്ചതാണ് ചെലവ് കുറയാൻ കാരണം.
Project Facts
Location- Nilambur, Malappuram
Area- 1000 SFT
Plot- 18.5 cent
Owner- M C John
Construction- Siddiq Nambooripody
Design- Ranjth John
Mob -9645479008
Completion year- 2018 May