ആന്ധ്രാപ്രദേശ് മുന്മുഖ്യമന്ത്രി വൈ.എസ്.രാജശേഖര റെഡ്ഡിയുടെ ജീവിതത്തെ ആസ്പദമാക്കി ഒരുക്കുന്ന ചിത്രത്തില് മമ്മൂട്ടി തന്നെ നായകന്. സംവിധായകന് മഹി വി.രാഘവ് വാർത്ത സ്ഥിരീകരിച്ചു. യാത്ര എന്നു പേരിട്ടിരിക്കുന്ന ചിത്രത്തില് നായികയായി എത്തുന്നത് നയന്താരയാണ്. ഇരുപത് വർഷങ്ങൾക്ക് ശേഷമാണ് മമ്മൂട്ടി ഒരു തെലുങ്ക് ചിത്രത്തിൽ അഭിനയിക്കുന്നത്.
1999 മുതല് 2004 വരെയുള്ള കാലഘട്ടത്തിലെ വൈഎസ്ആറിന്റെ ജീവിത കഥയാണ് യാത്ര എന്ന് പേരിട്ടിരിക്കുന്ന ബയോപിക്കിലൂടെ പറയുന്നത്. 2004ല് കോണ്ഗ്രസിനെ അധികാരത്തിലെത്തിച്ച അദ്ദേഹം നയിച്ച പദയാത്ര സിനിമയിലെ ഒരു മുഖ്യഭാഗമാണ്. 1475 കിലോമീറ്റര് പദയാത്ര മൂന്നു മാസം കൊണ്ടാണ് അദ്ദേഹം പൂര്ത്തിയാക്കിയത്.
അതേസമയം, ചിത്രത്തിന്റെ കാസ്റ്റിങ്ങിനെക്കുറിച്ചോ മറ്റ് അണിയറപ്രവര്ത്തകരെക്കുറിച്ചോ ഉള്ള വിവരങ്ങള് ഇതുവരെ പുറത്തുവിട്ടിട്ടില്ല. വൈ എസ് ആറിന്റെ മകനായ വൈഎസ് ജഗമോഹന് റെഡ്ഡിയുടെ പിന്തുണയും രാഘവിനുണ്ട്.
1992ല് കെ വിശ്വനാഥന് സംവിധാനം ചെയ്ത സ്വാതി കീരണത്തിലൂടെയാണ് മമ്മൂട്ടി ആദ്യമായി തെലുങ്കിലെത്തുന്നത്. 1998ൽ പുറത്തിറങ്ങിയ റെയിൽവേ കൂലിയാണ് മമ്മൂട്ടി അവസാനമായി അഭിനയിച്ച തെലുങ്ക് ചിത്രം.