ഷാജി കൈലാസ്–ആനി ദമ്പതികളുടെ മകൻ ജഗന് ബിബിഎയിൽ മൂന്നാം റാങ്ക്. ഷാജി കൈലാസ് തന്നെയാണ് ഈ വിവരം സമൂഹമാധ്യമത്തിലൂടെ പ്രേക്ഷകരെ അറിയിച്ചത്. അമിറ്റി ഗ്ലോബൽ ബിസിനസ്സ് സ്കൂൾ കൊച്ചിയിലാണ് ജഗൻ പഠിച്ചിരുന്നത്.
പഠനത്തിൽ മാത്രമല്ല സിനിമയിലും ജഗൻ മിടുക്കനാണ്. അഹാന കൃഷ്‍ണകുമാറിനെ പ്രധാനകഥാപാത്രമാക്കി കരി എന്നൊരു മ്യൂസിക്കൽ വിഡിയോ ജഗൻ സംവിധാനം ചെയ്തിരുന്നു. നിഥിൻ രൺജി പണിക്കർ സംവിധാനം ചെയ്ത മമ്മൂട്ടി ചിത്രം കസബയിൽ സംവിധാനസഹായിയായിരുന്നു.
തിരുവന്തപുരത്തെ വഴുതക്കാട് സമോസ പോയ്ന്റ് എന്നൊരു ഹോട്ടലും ജഗന് സ്വന്തമായുണ്ട്. സമോസ പോയിന്റ് എന്ന ബിസിനസ് സംരംഭത്തിന്റെ നിക്ഷേപത്തുകയും ജഗന്റെ സ്വന്തം സമ്പാദ്യം തന്നെയാണ്. ചലിക്കുന്ന ഒരു റസ്റ്റോറൻറ് ആയിരുന്നു ആദ്യം മനസ്സിലുണ്ടായിരുന്നത്. അതിന്റെ പ്രയോഗികതയെ കുറിച്ച് ചിന്തിച്ചപ്പോൾ ആ ശ്രമം ഉപേക്ഷിക്കുകയായിരുന്നുവെന്ന് ജഗൻ പറഞ്ഞിരുന്നു. സമോസ പോയിന്റിന്റെ ഒൗട്‍‍‍െലറ്റുകൾ തിരുവന്തപുരത്തിനകത്തും മറ്റുജില്ലകളിലുമെല്ലാം തുറക്കുകയാണ് ജഗന്റെ ലക്ഷ്യം.
ഷാജി കൈലാസിന്റെയും ആനിയുടെയും മൂത്തമകനാണ് ജഗൻ. ഷാരോൺ, റോഷൻ എന്നിവരാണ് ജഗന്റെ സഹോദരങ്ങൾ.
