മലയാളത്തിൽ നിന്നല്ല തമിഴ് സിനിമയില്‍ നിന്നുപോലും ഒരു യുവ നടനും കിട്ടാത്ത സൗഭാഗ്യമാണ് നിവിൻ പോളിയെ തേടിയെത്തിയത്. തെന്നിന്ത്യൻ സിനിമയെ പ്രതിനിധീകരിച്ച് ഫിലിം ഫെയർ നിവിൻ പോളിയെ ആദരിച്ചു. ഫിലിം ഫെയറിന്റെ അഞ്ചാം വാർഷികത്തോട് അനുബന്ധിച്ച് ദുബായ് രാജ്യാന്തര ചലച്ചിത്രമേളയുമായി ചേർന്നാണ് ഈ ചടങ്ങ് സംഘടിപ്പിച്ചത്.
ഇതേ ചടങ്ങിൽ ബോളിവുഡിൽ നിന്നും ആദരിച്ചത് ഷാരൂഖ്-കജോൾ ജോഡികളെയാണ്. ഷാരൂഖിനും കജോളിനും പുറമെ ബാപ്പി ഹിലരി, നസറുദ്ദീൻ ഷാ എന്നിവരും പങ്കെടുത്തു.
ഷാരൂഖ് ഖാൻ പോലുള്ള താരങ്ങൾ പങ്കെടുത്ത ചടങ്ങിൽ വേദിയിൽ കയറി നിൽക്കാൻ സാധിച്ചത് തന്നെ വലിയ ഭാഗ്യമാണെന്നും കുട്ടിക്കാലം തൊട്ടുള്ള ഒരു സ്വപ്നമാണ് ഷാരൂഖിനെ കണ്ടതുമൂലം സാക്ഷാൽകരിച്ചതെന്നും നിവിൻ പറഞ്ഞു.