ജയറാമിനെ നായകനാക്കി കണ്ണന് താമരക്കുളം സംവിധാനം ചെയ്യുന്ന ആടു പുലിയാട്ടത്തിന്റെ പൂജ നടന്നു. തൊടുപുഴയിൽവച്ചായിരുന്നു സിനിമയുടെ പൂജ. ഓംപുരിയും രമ്യാകൃഷ്ണനും ചിത്രത്തിൽ ഒരു പ്രധാനവേഷത്തില് എത്തുന്നുണ്ട്. ചിത്രം ഒരു ഹൊറർ ത്രില്ലറാണ്.
അറുനൂറ് വര്ഷങ്ങള്ക്കു മുന്പ് നടന്നതെന്ന് വിശ്വസിക്കപ്പെടുന്ന ഒരു മിത്തിനെ പശ്ചാത്തലമാക്കി ഒരുക്കുന്ന ഈ ഹൊറര് ചിത്രത്തില് സാൾട് ആൻഡ് പെപ്പർ ലുക്കിലാണ് ജയറാം എത്തുന്നത്. സുധീര് കരമന, എസ്.പി. ശ്രീകുമാര്, പാഷാണം ഷാജി, രമേശ് പിഷാരടി തുടങ്ങിയവരാണ് മറ്റു പ്രമുഖ താരങ്ങള്.
ഗ്രാന്റേ ഫിലിം കോര്പ്പറേഷന്റെ ബാനറില് ഹസീബ് ഹനീഫ്, നൗഷാദ് ആലത്തൂര് എന്നിവര് ചേര്ന്ന് നിര്മിക്കുന്ന ഈ ചിത്രത്തിന്റെ കഥ, തിരക്കഥ, സംഭാഷണം ദിനേശ് പള്ളത്ത് എഴുതുന്നു.