ക്രിക്കറ്റ് താരം ശ്രീശാന്ത് നായകനായി മലയാള ചിത്രം ‘ടീം ഫൈവ്’ ഒരുങ്ങുന്നു. നവാഗതനായ സുരേഷ് ഗോവിന്ദാണു ചിത്രം സംവിധാനം ചെയ്യുന്നത്. തെന്നിന്ത്യൻ സുന്ദരി നിക്കി ഗൽറാണിയാണ് ചിത്രത്തിൽ ശ്രീയ്ക്ക് നായികയായി എത്തുന്നത്. ഇഷ തൽവാറിനെയും ചിത്രത്തിലേക്ക് പരിഗണിച്ചിരുന്നു.
ഗോപി സുന്ദറിന്റെയാണു സംഗീതം. ബാബു ആന്റണിയാണു മറ്റൊരു പ്രധാനം വേഷം ചെയ്യുന്നത്. ആക്‌ഷൻ ചിത്രമായതിനാൽ സിനിമയ്ക്കായി ആയോധന കല പരിശീലിക്കുന്ന തിരക്കിലാണു ശ്രീശാന്ത്. ഇലക്ഷൻ പ്രചാരണത്തിന്റെ തിരക്കായതിനാൽ സിനിമയുടെ ചിത്രീകരണം തുടങ്ങാൻ വൈകുമെന്നാണ് അണിയറപ്രവർത്തകർ പറയുന്നത്.