മലയാളത്തിലെ സൂപ്പര്ഹിറ്റ് ചിത്രമായ പ്രേമം തമിഴില് റീമേയ്ക്കിനൊരുങ്ങുകയാണ്. നേരത്തെ നടന് ധനുഷ് ചിത്രത്തിന്റെ തമിഴ്പതിപ്പില് നായകനാകും എന്ന് വാര്ത്തയുണ്ടായിരുന്നു. ധനുഷ് ഒരു ഭാഗമായിരിക്കും എന്നാൽ നായകനായല്ല നിർമാതാവായായിരിക്കും പ്രേമം തമിഴിൽ ധനുഷ് എത്തുക.
നാനും റൗഡി താൻ എന്ന സിനിമയുടെ വിജയത്തിന് ശേഷം യുവതാരം വിജയ് സേതുപതിയുമായി വീണ്ടുമൊരു ചിത്രം നിർമിക്കുന്നുവെന്ന് ധനുഷ് വെളിപ്പെടുത്തിയിരുന്നു. ഇപ്പോൾ കേൾക്കുന്നത് ധനുഷിന്റെ ഉടമസ്ഥതയിലുള്ള വണ്ടർബാർ ഫിലിംസ് പ്രേമം സിനിമയുടെ റീമേയ്ക്ക് അവകാശം മേടിക്കാൻ ഒരുങ്ങുന്നു എന്നതാണ്. അങ്ങനെയെങ്കിൽ വിജയ് സേതുപതിയാകും നിവിൻ പോളിയുടെ വേഷത്തിലെത്തുക. ചിത്രത്തിൽ നായികയായി ഹൻസികയെയാണ് ധനുഷ് പരിഗണിക്കുന്നതെന്നും കേൾക്കുന്നു.