നല്ലൊരു ഗായിക കൂടിയാണ് നടി അപർണ ബാലമുരളി. ആദ്യമായി നായികയായ സിനിമയിലുമുണ്ട് താരത്തിന്റെ ഒരു മനോഹരമായ ഗാനം. ഇപ്പോഴിതാ അപർണ പാടുന്ന ഒരു വിഡിയോ സമൂഹ മാധ്യമങ്ങളിലെത്തിയിരിക്കുകയാണ്. വെറുതെ മൊബൈൽ നോക്കി ഓർക്കസ്ട്രയൊന്നുമില്ലാതെയാണ് ആലാപനം. അപർണയുടെ സ്വരഭംഗിയും ആലാപന ശേഷിയും അടുത്തറിയാം ഈ ഒരൊറ്റ വിഡിയോയിൽ നിന്നു തന്നെ.
ഗപ്പി എന്ന സിനിമയിൽ വിഷ്ണു വിജയൻ ഈണമിട്ട പാട്ടാണിത്. ഈ ഗാനം പാടിയ സൂരജ് സന്തോഷിനോടൊപ്പമിരുന്നാണ് അപർണ പാടിയത്. പാട്ടിനൊടുവിൽ അപർണയെ സൂരജ് അഭിനന്ദിക്കുന്നുമുണ്ട്. ഈ പാട്ട് പാടിയതിനാണ് സൂരജിന് പോയവർഷം ഏറ്റവും മികച്ച പിന്നണി ഗായകനുള്ള സംസ്ഥാന അവാർ‍ഡ് ലഭിച്ചത്. മഹേഷിന്റെ പ്രതികാരം, സൺ‍േഡ ഹോളിഡേ തുടങ്ങി നായികയായ ചിത്രങ്ങളിലെല്ലാം അപർണ ഗായികയുമായിട്ടുണ്ട്.