Manoramaonline.com no longer supports Internet Explorer 8 or earlier. Please upgrade your browser.  Learn more »

എകെജി ചൂണ്ടിക്കാട്ടിയ വഴിയെ പാർലമെന്റ്് പിന്നീടെന്നും സഞ്ചരിച്ചു: പിണറായി

തിരുവനന്തപുരം∙ ലോക്സഭയിലെ പ്രതിപക്ഷ നേതാവായിരുന്ന എകെജി ചൂണ്ടിക്കാട്ടിയ വഴിയേതന്നെയാണു പാർലമെന്റ്് പിന്നീടെന്നും സഞ്ചരിച്ചതെന്നു മുഖ്യമന്ത്രി പിണറായി വിജയൻ. വി.ടി. ബൽറാം എംഎൽഎ, എകെജിയെ വിമർശിച്ചതു രാഷ്ട്രീയ വിവാദമായി കത്തിപ്പടർന്ന പശ്ചാത്തലത്തിലാണു ലോക കേരള സഭയുടെ ഉദ്ഘാടന പ്രസംഗത്തിൽ മുഖ്യമന്ത്രി എകെജിയെക്കുറിച്ചു വിശദമായി പരാമർശിച്ചത്. 

ജനാധിപത്യമെന്നതു ദൂരെ നിന്ന്് ആരാധനാപൂർവം നോക്കിത്തൊഴാനുള്ള ശ്രീകോവിലല്ല. മറിച്ച് അകത്തു കടന്നുചെന്നു സാമൂഹിക മാറ്റത്തിനു വേണ്ടി ഇടപെടേണ്ട പ്രവൃത്തി മണ്ഡലമാണ്. ഇക്കാര്യം ആദ്യഘട്ടത്തിൽ തന്നെ ചൂണ്ടിക്കാട്ടിയ മഹാനാണ് എകെജി. അദ്ദേഹത്തെ സംബന്ധിച്ചിടത്തോളം പുറത്തു ജീവിക്കാൻ വേണ്ടി പോരാടുന്നവരുടെ മനോവികാരം അലയടിക്കേണ്ട സ്ഥലമായിരുന്നു പാർലമെന്റ്്. മന്ത്രങ്ങളോ കീർത്തനങ്ങളോ അപദാനങ്ങളോ മുഴക്കേണ്ട ഇടമല്ലായിരുന്നു. ജനവികാരം അവിടെ അലയടിച്ചു. അവരുടെ ആശയാഭിലാഷങ്ങൾ പാർലമെന്റിൽ പ്രതിഫലിച്ചുവെന്നും മുഖ്യമന്ത്രി ചൂണ്ടിക്കാട്ടി.

related stories
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.