കൊച്ചി∙ കോർപറേഷനിൽ മേയറും പ്രതിപക്ഷാംഗങ്ങളും തമ്മില് സംഘർഷം. കൊച്ചി മേയർ സൗമിനി ജെയ്നിനെയാണു പ്രതിപക്ഷാംഗങ്ങൾ ഓഫിസിൽ പൂട്ടിയിട്ടത്. ശനിയാഴ്ച രാത്രിയോടെയാണു സംഭവം. തുടർന്നു പൊലീസെത്തിയാണു മേയറെ മോചിപ്പിച്ചത്. ഭരണ പക്ഷാംഗങ്ങളും പൊലീസും ചേർന്നു സംരക്ഷണമൊരുക്കി മേയറെ പുറത്തെത്തിച്ചു. കോർപറേഷൻ പരിസരത്തു സംഘർഷാവസ്ഥയായിരുന്നു ഈ സമയത്തെല്ലാം. സംഭവത്തെത്തുടർന്നു ദേഹാസ്വാസ്ഥ്യം അനുഭവപ്പെട്ട മേയറെ സ്വകാര്യ ആശുപത്രിയിൽ പ്രവേശിപ്പിച്ചു.