പാൽഘർ∙ മഹാരാഷ്ട്രയിലെ പാൽഘറിൽ അ‍ഞ്ചുവയസ്സുകാരിയെ പത്തൊമ്പതുകാരൻ പീഡിപ്പിച്ചതായി പരാതി. ഇന്നലെ പെൺകുട്ടിയുടെ മാതാപിതാക്കൾ പാടത്തേക്കു പോയപ്പോഴായിരുന്നു സംഭവം. പെണ്‍കുട്ടിയും എട്ടു വയസ്സുകാരനായ സഹോദരനും മാത്രമായിരുന്നു ഈ സമയത്ത് വീട്ടിലുണ്ടായിരുന്നത്.
ഈ സമയത്ത് വീട്ടിലെത്തിയ പ്രതി കുട്ടിയെ മധുരം തരാമെന്നു പറഞ്ഞു പ്രലോഭിപ്പിച്ചു പീഡിപ്പിക്കുകയായിരുന്നുവെന്നു പൊലീസ് പറഞ്ഞു. സഹോദരിയുടെ വീട്ടിൽവച്ചായിരുന്നു പീഡനം. ജോലിക്കുശേഷം തിരിച്ചെത്തിയപ്പോഴാണു മാതാപിതാക്കള്‍ വിവരം അറിഞ്ഞത്. തുടർന്ന് ഇവർ പൊലീസിൽ പരാതി നൽകുകയായിരുന്നു. അതേസമയം, സംഭവത്തിൽ പ്രതിയെ പൊലീസ് അറസ്റ്റു ചെയ്തു.