തിരുവനന്തപുരം∙ സർക്കാർ, അർധസർക്കാർ, പൊതുമേഖല, തദ്ദേശ, സ്വാശ്രയ സ്ഥാപനങ്ങൾ എന്നിവിടങ്ങളിലെ തയ്യൽ ജോലികൾക്കായി കുടുംബശ്രീ യൂണിറ്റുകൾക്കു നൽകിയ കരാർ കാലാവധി ഒരു വർഷത്തേയ്ക്കു കൂടി നീട്ടി. ടെൻഡർ നടപടികൾ ഇല്ലാതെ തയ്യൽ ജോലികൾ നേരിട്ടു ലഭിക്കുന്നതിനു സ്റ്റോക്ക് പർച്ചേസ് മാന്വലിൽ പ്രത്യേക ഇളവു വരുത്തിയാണു കരാർ ദീർഘിപ്പിച്ചത്. കഴിഞ്ഞവർഷം സർക്കാർ സ്ഥാപനങ്ങളിൽ നിന്നുള്ള തയ്യൽജോലികളും ഏറ്റെടുത്തതുവഴി കുടുംബശ്രീ യൂണിറ്റുകൾ നാലു കോടി രൂപയുടെ വരുമാനം നേടിയിരുന്നു.