പച്ചക്കറികളെല്ലാം ചേർത്തൊരു കുറുമ രുചികരമായി തയാറാക്കിയാലോ? അപ്പത്തിനും ചപ്പാത്തിക്കുമൊപ്പം സ്വാദുള്ള വെജിറ്റബിൾ കുറുമ കൂട്ടാം.
ചേരുവകൾ
ബീൻസ്, കാരറ്റ്, പൊട്ടറ്റോ, ഫ്രഷ് പീസ് എല്ലാം കൂടി - 2 കപ്പ്‌
ഉപ്പ് - ആവശ്യത്തിന്
പച്ചമുളക് – 1
ചെറിയ സവാള – 1
ചെറിയ തക്കാളി – 1
ഇഞ്ചി വെളുത്തുള്ളി ചതച്ചത് – 1 ടീസ്പൂൺ
വെജിറ്റബിൾ മസാല – 1 സ്പൂൺ
പാകം ചെയ്യുന്നവിധം
എല്ലാം കൂടി ചേർത്ത് ഒരു വിസിൽവരെ കുക്കറിൽ വേവിക്കുക. ഒരു കപ്പ്‌ തേങ്ങ ,ഒരു കഷ്ണം ഉള്ളി , 4-5അല്ലി വെളുത്തുള്ളി , പച്ച മുളക് കറിവേപ്പില അല്പം ഗരം മസാല , മഞ്ഞൾപൊടി , കുരുമുളക് ഇവ ചെറിയ തീയിൽ അൽപ നേരം വറുത്തെടുത് നന്നായി അരച്ചെടുക്കണം. വേവിച്ച പച്ചക്കറിയിലേക്ക് ഒഴിച്ച് ആവശ്യത്തിന് വെള്ളം കൂടി ചേർത്ത് തിളക്കുമ്പോൾ കടുകും കറിവേപ്പിലയും താളിച്ച് ഒഴിച്ചു ഇറക്കാം.