നിലക്കടലക്കൃഷിയുമായി കർഷകക്കൂട്ടം

കൊയിലാണ്ടി∙ കൊടക്കാട്ടുമുറി മാരിഗോൾഡ് കർഷകക്കൂട്ടത്തിന്റെ നിലക്കടല കൃഷി വിജയമായി. കൃഷി ഓഫിസർ പി.ദിവ്യയുടെ ഉപദേശത്തിലാണ് കൃഷി നടത്തിയത്. നേരത്തെ ചെണ്ടുമല്ലി കൃഷി ചെയ്തിരുന്നു. പിന്തുണയുമായി വാർഡ് കൗൺസിലർ രമേശൻ വലിയാട്ടിലും ഉണ്ടായിരുന്നതായി സംഘാംഗങ്ങൾ പറഞ്ഞു. എം.കെ.ലിനീഷ്, പുഷ്പ പ്രകാശ്, ബീന രമേശ്, ജിതു രനീഷ്, ബിന്ദു സത്യൻ, അജിത ചന്ദ്രൻ, ശ്രീജ രവി, രാധ നാരായണൻ എന്നിവരാണ് കർഷകക്കൂട്ടത്തിന് നേതൃത്വം നൽകുന്നത്.