വേനലിൽ കുളിർമയായി കാക്കശേരി ഇന്ദ്രാംചിറ

ചിറ്റാട്ടുകര ∙ കൊടും വേനലിൽ കുളിർമയായി  എളവള്ളി പഞ്ചായത്തിലെ കാക്കശേരി ഇന്ദ്രാംചിറ. ഒരേക്കറിൽ തെളിമയോടെയുള്ള ജല സമൃദ്ധിയാണ് ചിറയുടെ പ്രത്യേകത, ചണ്ടിയോ പായലോ പാഴ്പുല്ലുകളോ മറ്റു മാലിന്യങ്ങളോ ഇല്ല എന്നതും സവിശേഷതയാണ്.  തൃശൂർ കോർപറേഷന്റെ നഗര സഞ്ചയിക പദ്ധതിയിൽ 54 ലക്ഷം രൂപ ചെലവിട്ടാണു നവീകരണം പൂർത്തിയാക്കിയത്. 5.4 മീറ്റർ ഉയരത്തിൽ ചുറ്റുമതിൽ നിർമിച്ചു. കൂടുതൽ ജലം സംഭരിക്കുന്നതിനു മധ്യഭാഗത്തായി പ്രത്യേക കുളം നിർമിച്ചു. ചിറയിലേക്ക് ഇറങ്ങുന്നതിനു പടവുകളോടുകൂടിയ 3 കടവുകൾ നിർമിച്ചു. ചുറ്റും നടപ്പാതയും നിർമിച്ചു.