ഇല കുടഞ്ഞെറിഞ്ഞ മഞ്ഞുകണികകൾ പോലെ – ഹരിത പണിക്കർ എഴുതിയ കവിത

ഇല കുടഞ്ഞെറിഞ്ഞ 

മഞ്ഞുകണികകൾ

പോലെ രാത്രി സ്വപ്നത്തിനെ

കുടഞ്ഞ് മാറ്റാൻ,

മടിക്കുന്ന പകലുകൾ...
 

ഒന്നിനും മുതിരാതെയീ

ജന്മം മുഴുവനും നോക്കി-

യിരുന്നാലും മടുക്കാത്ത 

കണ്ണുകളിലാ നോട്ടം,ഹ
 

പുണ്യമേ നീ 

മിണ്ടിയാലത്രെയും 

വസന്തം, മൗനൠതു 

ഗ്രീഷ്മങ്ങൾ പോലും 

പൊഴിച്ചതോർമ്മ മർമ്മരങ്ങൾ.
 

നിന്റെ നോട്ടമെന്റെ ശ്രദ്ധയിൽ 

പെടുമ്പോഴൊക്കെയും

നീഹാര കാലത്തെ 

നീലവാക മരം പോലെ

പെയ്യുന്നു പൂക്കൾ 

മൃദുലമായ് ദലങ്ങൾ!
 

അതേ സ്വപ്നത്തിലാവ-

ണമവസാനവും, പാതി

തുറന്ന മിഴി ജാലകങ്ങൾ

നിന്റെയാ നോട്ടം കാണുവാ-

നെന്നോണം ചാരി, കാറ്റിലിമ 

ചിമ്മാതെ പയ്യേ പോകയാവണം 
 

പ്രാണൻ, പ്രിയതമാം മൗനമായി

മേഘവിതാനങ്ങൾക്കു

മേലേക്ക്, ആരും കാണാത്ത 

കാവ്യതരു ശിഖിരമായി.!!