Manoramaonline.com no longer supports Internet Explorer 8 or earlier. Please upgrade your browser.  Learn more »

ഈ മന്ത്രം ജപിച്ചോളൂ, സകല പാപങ്ങളും അകലും

lord-vishnu

ഭഗവൻ വിഷ്ണുവിന്റെ മൂലമന്ത്രമാണ് അഷ്ടാക്ഷരീമന്ത്രം അഥവാ അഷ്ടാക്ഷരമന്ത്രം. "ഓം നമോ നാരായണായ " എന്ന  എട്ട് അക്ഷരങ്ങൾ അടങ്ങിയ മന്ത്രമായതിനാലാണ് ഈ നാമം ലഭിച്ചത്. സിദ്ധമന്ത്രമാണിത്. സിദ്ധമന്ത്രങ്ങൾ ജപിക്കുന്നതിനു ഗുരുമുഖത്തു നിന്ന് ഉപദേശം സ്വീകരിക്കേണ്ടതില്ല  എന്ന പ്രത്യേകതയുണ്ട്.

മന്ത്രങ്ങളെല്ലാം "ഓം" എന്ന  പ്രണവമന്ത്രം ചേർത്താണ് ജപിക്കാറു പതിവ് . അ, ഉ, മ എന്നീ അക്ഷരങ്ങൾ ചേർന്നനാണല്ലോ  ഓം എന്ന അക്ഷരം രൂപം കൊണ്ടിടിരിക്കുന്നത്. ഇതിൽ ‘അ’ വിഷ്ണുവിനെയും ‘ഉ’ ശിവനെയും ‘മ ’ ബ്രഹ്മാവിനെയും സൂചിപ്പിക്കുന്നു. ഈ ഓംകാര മന്ത്രം കൂടി ചേർന്നാലേ അഷ്ടാക്ഷരീ  മന്ത്രത്തിൽ  എട്ടക്ഷരമാകുകയുള്ളൂ . ചുരുക്കിപ്പറഞ്ഞാൽ ഓംകാരം അഷ്ടാക്ഷരമന്ത്രത്തിലെ അവിഭാജ്യഘടകമാണ് .

ohm

അഷ്ടാക്ഷരീമന്ത്രത്തിലെ ഓരോ അക്ഷരവും അഷ്ടപ്രകൃതികളെയാണ്  സൂചിപ്പിക്കുന്നത്.  പഞ്ചഭൂതങ്ങളായ  ഭൂമി, ജലം, വായു, അഗ്നി, ആകാശം എന്നിവയേയും  മനസ്സ് , ബുദ്ധി, ചിന്ത എന്നിവയേയും ചേർത്ത് പറയുന്നതാണ് "അഷ്ട പ്രകൃതി". അതിനാൽ ഈ മന്ത്രം ഭക്തിയോടെ ജപിച്ചുപോന്നാൽ  അഷ്ടപ്രകൃതികൾ  നമുക്കനുകൂലമാകുകയും   ജീവിതത്തിൽ മനഃശ്ശാന്തിയും നന്മയും രോഗശാന്തിയും ലഭിക്കുകയും ചെയ്യും. 

സര്‍വ ഐശ്വര്യങ്ങളുടേയും കാരകനായ ഭഗവാൻ മഹാവിഷ്ണുവിനെ ധ്യാനിച്ചു വേണം ഈ മന്ത്രം  ജപിക്കാൻ . അഭീഷ്ട സിദ്ധിക്കായി നിത്യേന നൂറ്റെട്ട് തവണ ജപിക്കുന്നതാണ് ശ്രേഷ്ഠം. വ്യാഴദശാകാല  ദോഷങ്ങളുടെ കാഠിന്യം കുറയ്ക്കാൻ  ഏറ്റവും ഉത്തമമാർഗമാണ് അഷ്ടാക്ഷരീ മന്ത്രജപം. 

ഈ മന്ത്ര ജപം ഭക്തന്റെ സകല പാപങ്ങളെയും കഴുകിക്കളയും.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.