Manoramaonline.com no longer supports Internet Explorer 8 or earlier. Please upgrade your browser.  Learn more »

സ്ഥിരമായി നാരങ്ങാവെള്ളം കുടിച്ചാൽ?

lime-juice

ഭാരം കുറയ്ക്കാൻ നാരങ്ങാവെള്ളം സ്ഥിരമായി കുടിക്കുന്നവരാണോ നിങ്ങൾ. ഇതു നിങ്ങളുടെ ശരീരഭാരം കുറച്ചേക്കാം, പക്ഷേ കൂടെ ചില ആരോഗ്യപ്രശ്നങ്ങൾ വരാതെ സൂക്ഷിക്കണമെന്നു മാത്രം.

നെഞ്ചെരിച്ചിൽ

അസിഡിറ്റി കൂടുതലുള്ള ഫലവർഗങ്ങളിൽ ഒന്നാണ് നാരങ്ങ. ഇതു കൂടുതൽ അളവിൽ ശരീരത്തിലെത്തുന്നത് നെഞ്ചെരിച്ചിലിനു കാരണമാകുന്നുണ്ട്. അതുകൊണ്ടുതന്നെ അസിഡിറ്റി പ്രശ്നമുള്ളവർ നാരങ്ങാവെള്ളം അധികം കുടിക്കാതിരിക്കുന്നതാണു നല്ലത്.

പല്ലുകളുടെ ആരോഗ്യം

സ്ഥിരമായ നാരങ്ങാവെള്ളം കുടി പല്ലിന്റെ ഇനാമലിനെ ദോഷകരാമായി ബാധിക്കും. ലെമൺ ആസിഡ് പല്ലുകളെ ദ്രവിപ്പിക്കുകയും ഇതിലെ നാച്വറൽ ഷുഗർ പല്ലിന്റെ ആരോഗ്യം ക്ഷയിപ്പിക്കുകയും ചെയ്യും. സെൻസിറ്റിവിറ്റി, കാവിറ്റി തുടങ്ങിയ ദന്തപ്രശ്നങ്ങളിലേക്കും ഇവ നയിക്കാം.

ഓക്കാനം

വൈറ്റമിൻ സി യാൽ സംപുഷ്ടമാണ് നാരങ്ങ. ഇത് ശരീരത്തിന് ആവശ്യവുമാണ്. എന്നാൽ കൂടിയ അളവിൽ ഉള്ളിലെത്തിയാൽ ആരോഗ്യപ്രശ്നങ്ങൾക്കു കാരണമാകും. വയറിന് അസ്വസ്ഥത, ഓക്കാനം. മനം പിരട്ടൽ എന്നിവയിലേക്കും ഇതു നയിക്കാം.

മൂത്രശങ്ക

അമിതമായി നാരങ്ങാവെള്ളം കുടിക്കുന്നത് മൂത്രശങ്ക സൃഷ്ടിക്കുകയും ഇത് നിർജലീകരണത്തിനു കാരണമാകുകയും ചെയ്യും. ഇതൊഴിവാക്കാൻ കുടിക്കുന്ന വെള്ളത്തിന്റെ അളവ് കൂട്ടേണ്ടി വരും.

മൈഗ്രേൻ

 സ്ഥിരമായ നാരങ്ങാവെള്ളം കുടി മൈഗ്രേൻ പോലുള്ള പ്രശ്നങ്ങളിലേക്കും കൊണ്ടെത്തിക്കാം. നാരകഫലങ്ങളിലുള്ള തൈറാമിൻ മൈഗ്രേൻ പ്രശ്നങ്ങൾ കൂടാൻ കാരണമാകുന്നു. വൈറ്റമിൻ സി ശരീരത്തിന് ആവശ്യമായതിനാൽത്തന്നെ നാരകഫലങ്ങൾ തീർത്തും നിരാകരിക്കാനും പാടില്ല.

വായ്പുണ്ണ്

വായ്പുണ്ണ് ഉള്ളവർ നാരങ്ങാവെള്ളം കുടിക്കുന്നത് ഇവയെ ദോഷകരമായി ബാധിക്കും. അസിഡിറ്റി ആഹാരങ്ങളോട് അലർജി ഉള്ളവർക്ക് ഇവ പെട്ടെന്നു പിടിപെടാം. വായ്പുണ്ണ് ഉള്ളവർ അസിഡിറ്റി ഉണ്ടാക്കുന്ന ആഹാരങ്ങൾ ഒഴിവാക്കുകയാകും നല്ലത്.

അയൺ അളവു കൂട്ടുന്നു

വെറ്റമിൻ സി അധികമായി ശരീരത്തിലത്തുന്നത് ശരീരത്തിലെ നോൺ– ഹീം അയണിന്റെ ആഗിരണം വർധിപ്പിക്കും. ഹീമോക്രെമറ്റോസിസ് രോഗബാധിരെ ഇത് കൂടുതൽ അപകടകരമാകാം. ഇത് ശരീരത്തിൽ അയണിന്റെ അളവ് വർധിപ്പിക്കുകയും അവയവങ്ങളെ നശിപ്പിക്കുകയും ചെയ്യും.

Read More : Health and Wellbeing

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.