ആഘോഷവേളകൾ എന്നാൽ മധുരപലഹാരങ്ങളുടെ ആഘോഷം എന്നു കൂടി അർഥമുണ്ട്. ഭക്ഷണ നിയന്ത്രണമെല്ലാം മധുരത്തിനു മുന്നിൽ അടിയറവു പറയുന്ന കാലം. മധുരമെല്ലാം അകത്താക്കി കഴിയുമ്പോഴാവും ആരോഗ്യചിന്ത മടങ്ങിവരുന്നത്. വൈകിയിട്ടില്ല. ആരോഗ്യം തിരികെ കൊണ്ടു വരാൻ സഹായിക്കുന്ന ചില പാനീയങ്ങളുണ്ട്. ശരീരത്തെ വിഷമുക്തമാക്കുന്ന ആ ‘ഡീടോക്സ് ഡ്രിങ്കു’കളെ പരിചയപ്പെടാം.
∙ഇഞ്ചിയും നാരങ്ങയും: ഉദരപ്രശ്നങ്ങൾ അകറ്റാനും ദഹനം എളുപ്പമാക്കാനും ഇഞ്ചി സഹായിക്കും. നാരങ്ങ ജീവകം സി, ആന്റി ഓക്സിഡന്റുകൾ ഇവയാൽ സമ്പന്നം. ഇത് ശരീരത്തി ലെ ഫ്രീ റാഡിക്കലുകളോട് പൊരുതും.
∙വെള്ളരിയും പുതിനയും: കുക്കുമ്പർ അഥവാ സാലഡ് വെള്ളരിയും പുതിനയും ചേർന്നാൽ അത് ശരീരത്തിലെ വിഷാംശങ്ങളെയെല്ലാം നീക്കുകയും ദഹനത്തിനു സഹായി ക്കുകയും ചെയ്യും. സാലഡ് വെള്ളരിയിലും ആന്റിഓക്സിഡന്റു കൾ ധാരാളമുണ്ട്. ശരീരത്തിലെ ജലാംശം നിലനിർത്താനും ഇത് സഹായിക്കും.
∙മച്ചാ ടീ: ഗ്രീൻടീയുടെ ഇലകൾ പൊടിച്ച് തിളച്ച വെള്ള ത്തിൽ ചേർത്ത് തയാറാക്കുന്ന ചായയാണിത്. ആന്റി ഓക്സിഡന്റുകൾ ധാരാളമുള്ള ഇത് ഊർജ്ജമേകുന്നതോടൊപ്പം കാലറി കത്തിച്ചു കളയുകയും ശരീരത്തെ വിഷമുക്തമാക്കുക (detoxify) യും ചെയ്യും.
∙ക്രാൻബെറി ജ്യൂസ്: സ്വാഭാവികമായി ഒരു ഡൈയൂറെറ്റിക് ആണിത്. അമിത ജലാംശത്തെ ഇത് പുറന്തള്ളും. അണുബാധകളോടും രോഗങ്ങളോടും പൊരുതുന്ന നിരോക്സീകാരികൾ അടങ്ങിയ ഇത് കൊളസ്ട്രോൾ നിയന്ത്രിക്കുകയും ചെയ്യും.
∙ഉലുവ: ശരീരത്തിന്റെ ഉപാപചയനിരക്ക് കൂട്ടാൻ ഉലുവയ്ക്ക് കഴിയും. ഉലുവ വെള്ളത്തിലിട്ട് ഒരു രാത്രി മുഴുവൻ കുതിർത്ത ശേഷം രാവിലെ കഴിക്കുക.
