Activate your premium subscription today
ഭുവനേശ്വർ ∙ ബെംഗളൂരു വഴി കൊച്ചിയിലേക്കുള്ള ഇൻഡിഗോ വിമാനം. സീറ്റ് ബെൽറ്റ് മുറുക്കവേ, നോറ ഫെർണാണ്ടസ് പറഞ്ഞു: ‘‘ആദ്യ 25 മിനിറ്റിൽ ഗംഭീര കളിയായിരുന്നു നമ്മുടേത്. 4 ഗോളെങ്കിലും അടിക്കുമെന്നു കരുതി. സെൽഫ് ഗോൾ പക്ഷേ, നിർഭാഗ്യമായി.എങ്കിലും ജയിക്കാമായിരുന്നു’’- കേരള ബ്ലാസ്റ്റേഴ്സിന്റെ മൂന്നാം നമ്പർ ഗോൾ കീപ്പറായ നോറയുടെ വാക്കുകളിൽ നിരാശ പ്രകടം.
മഡ്ഗാവ് ∙ ഐഎസ്എൽ ഫുട്ബോളിലെ എഫ്സി ഗോവ–നോർത്ത് ഈസ്റ്റ് യുണൈറ്റഡ് മത്സരത്തിൽ ആവേശ സമനില (3–3). ഇൻജറി ടൈമിൽ (90+4) ബോർഹ ഹെരേര നേടിയ ഗോളിലാണ് ഗോവ സമനില നേടിയെടുത്തത്. അർമാൻഡോ സാദിക്കു (45+2–പെനൽറ്റി, 47) ഗോവയ്ക്കായും നെസ്റ്റർ ആൽബിയാഷ് (6, 51) നോർത്ത് ഈസ്റ്റിനായും ഇരട്ടഗോൾ നേടി. 56–ാം മിനിറ്റിൽ അലാദ്ദീൻ അജാരെയാണ് നോർത്ത് ഈസ്റ്റിന്റെ മൂന്നാം ഗോൾ നേടിയത്.
യുവേഫ യൂറോപ്പാ ലീഗിൽ തോൽവിയുടെ വക്കിൽനിന്നും അവസാന നിമിഷം സമനിലയുമായി രക്ഷപ്പെട്ട് മാഞ്ചസ്റ്റർ യുണൈറ്റഡ്. പോർച്ചുഗീസ് ക്ലബ് എഫ്സി പോർട്ടോയ്ക്കെതിരെ 3–3നാണ് യുണൈറ്റഡ് സമനില പിടിച്ചത്. മുഴുവൻ സമയം പൂർത്തിയാകുമ്പോൾ 3–2ന് പിന്നിലായിരുന്ന യുണൈറ്റഡിന്, ഇൻജറി സമയത്തിന്റെ ആദ്യ മിനിറ്റിൽ ഹാരി മഗ്വയർ നേടിയ ഗോളാണ് പിടിവള്ളിയായത്.
ആദ്യ 21 മിനിറ്റിനിടെ, ഒഡീഷ വലയിലേക്കു രണ്ടു വട്ടം നിറയൊഴിച്ചിട്ടും കലിംഗപ്പോരിൽ ബ്ലാസ്റ്റേഴ്സിനു 2–2 സമനിലയുടെ നിരാശ. തീ പാറിയ മത്സരത്തിൽ അലക്സാന്ദ്രെ കോയെഫിന്റെ സെൽഫ് ഗോളാണു ബ്ലാസ്റ്റേഴ്സിന്റെ താളം തെറ്റിച്ചത്. ഒഡീഷയെ അവരുടെ തട്ടകത്തിൽ തോൽപിക്കാൻ ബ്ലാസ്റ്റേഴ്സിന് ഇക്കുറിയും കഴിഞ്ഞില്ല. കഴിഞ്ഞ സീസൺ പ്ലേ ഓഫ് തോൽവിയുടെ വേദനയും ബാക്കി.
ന്യൂഡൽഹി ∙ഗുവാഹത്തിയിൽ കേരള ബ്ലാസ്റ്റേഴ്സിനെതിരായ ഐഎസ്എൽ മത്സരത്തിനിടെ നോർത്ത് ഈസ്റ്റ് യുണൈറ്റഡ് ഡിഫൻഡർ അഷീർ അക്തറിനു റഫറി നൽകിയ ചുവപ്പുകാർഡ് അഖിലേന്ത്യാ ഫുട്ബോൾ ഫെഡറേഷൻ അച്ചടക്ക സമിതി മഞ്ഞക്കാർഡായി ലഘൂകരിച്ചു. നോവ സദൂയിയെ ഫൗൾ ചെയ്തതിനാണ് അഷീറിന് ചുവപ്പുകാർഡ് ലഭിച്ചത്.
ഭുവനേശ്വർ∙ ആദ്യ പകുതിയിൽ പിറന്ന എണ്ണം പറഞ്ഞ നാലു ഗോളുകൾ, രണ്ടാം പകുതിയിൽ പിറക്കാതെ പോയ എണ്ണമില്ലാത്ത എത്രയോ ഗോളുകൾ, ഒപ്പം ബ്ലാസ്റ്റേഴ്സിന് റഫറി അനുവദിക്കാതെ പോയ ഒരു പെനൽറ്റിയും... ഇരു ടീമുകളും കളത്തിലും കണക്കിലും ഒപ്പത്തിനൊപ്പം പൊരുതിയ ആവേശപ്പോരാട്ടത്തിൽ സമനിലയ്ക്ക് കൈകൊടുത്ത് കേരള ബ്ലാസ്റ്റേഴ്സും ഒഡീഷ എഫ്സിയും. ആവേശം വാനോളമുയർന്ന മത്സരത്തിൽ രണ്ടു ഗോൾ വീതം നേടിയാണ് ഇരു ടീമുകളും സമനിലയ്ക്ക് സമ്മതിച്ചത്. മത്സരത്തിന്റെ ആദ്യ പകുതിയിലാണ് നാലു ഗോളുകളും പിറന്നത്.
ഫുട്ബോൾ കരിയറിലെ 46–ാം കിരീടം സ്വന്തമാക്കി അർജന്റീന ഇതിഹാസ താരം ലയണൽ മെസി. യുഎസിലെ മേജർ ലീഗ് സോക്കർ സപ്പോർട്ടേഴ്സ് ഷീൽഡാണ് ഇന്റർ മയാമി വിജയിച്ചത്. കൊളംബസ് ക്രൂവിനെതിരെ രണ്ടിനെതിരെ മൂന്നു ഗോളുകൾക്ക് ഇന്റർ മയാമി വിജയിക്കുകയായിരുന്നു. മയാമിക്കായി മെസി രണ്ടു ഗോളുകൾ നേടി. യുറഗ്വായ് താരം ലൂയി സ്വാരെസിന്റെ വകയായിരുന്നു മൂന്നാം ഗോൾ.
78–ാമത് സന്തോഷ് ട്രോഫി ദേശീയ ഫുട്ബോളിനു ഹൈദരാബാദ് വേദിയാകും. നവംബറിൽ പ്രാഥമിക റൗണ്ട് മത്സരങ്ങളും ഡിസംബറിൽ ഫൈനൽ റൗണ്ടും നടക്കും. 57 വർഷത്തിനു ശേഷമാണു ഹൈദരാബാദ് സന്തോഷ് ട്രോഫിക്കു വേദിയൊരുക്കുന്നത്. 9 ഗ്രൂപ്പ് ജേതാക്കളും കഴിഞ്ഞ സീസൺ ഫൈനലിസ്റ്റുകളായ സർവീസസും ഗോവയുമാണ് ഫൈനൽ റൗണ്ട് കളിക്കുക.
ലണ്ടൻ ∙ കരിം അഡയാമിയുടെ മിന്നും ഹാട്രിക് മികവിൽ ജർമൻ ക്ലബ് ബൊറൂസിയ ഡോർട്മുണ്ടിനു യുവേഫ ചാംപ്യൻസ് ലീഗ് ഫുട്ബോളിൽ തകർപ്പൻ വിജയം. സ്കോട്ടിഷ് ക്ലബ് കെൽറ്റിക്കിനെ 7–1നാണ് ബൊറൂസിയ ഡോർട്മുണ്ട് തോൽവിയിൽ മുക്കിയത്. 11, 29, 42 മിനിറ്റുകളിലായിരുന്നു ജർമൻ യുവതാരം അഡയാമിയുടെ ഹാട്രിക് ഗോളുകൾ.
മത്സരത്തലേന്നു കലിംഗ സ്റ്റേഡിയത്തിലെ മാധ്യമ സമ്മേളന മുറിയിലിരുന്നു കേരളത്തിന്റെ യുവ മിഡ്ഫീൽഡർ വിബിൻ മോഹനൻ പറഞ്ഞു: ‘‘ ഇതു പുതിയ സീസൺ ആണെങ്കിലും എല്ലാവരും വാശിയിലാണ്; ഒഡീഷയെ തോൽപിക്കണം. കഴിഞ്ഞ പ്ലേ ഓഫിൽ മാത്രമല്ല, കലിംഗ സ്റ്റേഡിയത്തിൽ ഒരിക്കലും ഒഡീഷയെ തോൽപിക്കാൻ നമുക്കു കഴിഞ്ഞിട്ടില്ല. ആ ചരിത്രവും തിരുത്തണം!’’
ലണ്ടൻ ∙ ബയൺ മ്യൂണിക് ഗോൾകീപ്പർ മാനുവൽ നോയർക്ക് ‘ടിപ്സ്’ പറഞ്ഞു കൊടുക്കാൻ മാത്രം ധൈര്യമുള്ള ഏതെങ്കിലും ഗോൾകീപ്പർ ഇന്നു ലോകത്തുണ്ടോ? ഉണ്ട്. ആസ്റ്റൻ വില്ലയുടെ അർജന്റീന ഗോൾകീപ്പർ എമിലിയാനോ മാർട്ടിനസ്! ഫ്രാൻസിനെതിരെ ലോകകപ്പ് ഫൈനലിലെ പ്രകടനം ഓർമിപ്പിച്ച ഉജ്വല സേവുകളോടെ എമിലിയാനോ കൈയും കാലും വിരിച്ചു നിന്നപ്പോൾ യുവേഫ ചാംപ്യൻസ് ലീഗ് ഫുട്ബോളിൽ ബയൺ മ്യൂണിക്കിനെതിരെ ഇംഗ്ലിഷ് ക്ലബ് ആസ്റ്റൻ വില്ലയ്ക്ക് അപൂർവ സുന്ദര ജയം (1–0).
സൂപ്പർ ലീഗ് കേരളയിലെ തിരുവനന്തപുരം കൊമ്പൻസ് - മലപ്പുറം എഫ്സി പോരാട്ടം സമനിലയിൽ. ചന്ദ്രശേഖരൻ നായർ സ്റ്റേഡിയത്തിൽ നടന്ന മത്സരത്തിൽ ഇരു ടീമുകളും ഓരോ ഗോൾ വീതം നേടി. മലപ്പുറത്തിനായി അലക്സിസ് സാഞ്ചസും കൊമ്പൻസിനായി പകരക്കാരൻ വൈഷ്ണവും സ്കോർ ചെയ്തു. ബ്രസീലിയൻ താരങ്ങളെ നായകസ്ഥാനം ഏൽപ്പിച്ചാണ് ഇരു ടീമുകളും കളത്തിലിറങ്ങിയത്. അനസ് എടത്തൊടികയുടെ അഭാവത്തിൽ ആൾഡലിർ മലപ്പുറത്തെയും പാട്രിക് മോട്ട തിരുവനന്തപുരത്തെയും നയിച്ചു.
ഇന്ത്യൻ സൂപ്പർ ലീഗിൽ ബെംഗളൂരു എഫ്സി– മുംബൈ സിറ്റി എഫ്സി പോരാട്ടം ഗോൾരഹിത സമനിലയിൽ. മുംബൈയുടെ ഹോം ഗ്രൗണ്ടിൽ നടന്ന പോരാട്ടത്തിൽ ഗോളവസരങ്ങൾ ഇരു ടീമുകളും ഒരു പോലെ സൃഷ്ടിച്ചെങ്കിലും ലക്ഷ്യം കാണാൻ സാധിച്ചില്ല. പന്തടക്കത്തിലും പാസുകളുടെ എണ്ണത്തിലും ബെംഗളൂരു എഫ്സിയായിരുന്നു മുംബൈയേക്കാൾ മുന്നിൽ.
മുംബൈ∙ ഐസിസി ടെസ്റ്റ് ബോളർമാരുടെ റാങ്കിങ്ങിൽ ഒന്നാം സ്ഥാനത്തെത്തി ഇന്ത്യൻ താരം ജസ്പ്രീത് ബുമ്ര. കാൻപുരിൽ നടന്ന ബംഗ്ലദേശിനെതിരായ രണ്ടാം ടെസ്റ്റിൽ ആറു വിക്കറ്റ് വീഴ്ത്തിയതോടെയാണ് ബുമ്ര ഒന്നാം സ്ഥാനത്തേക്കു കയറിയത്. ഇന്ത്യൻ സ്പിന്നർ ആർ. അശ്വിനെ പിന്നിലാക്കിയാണ്
ലണ്ടൻ∙ യുവേഫ ചാംപ്യൻസ് ലീഗിൽ ഫ്രഞ്ച് വമ്പൻമാരായ പിഎസ്ജിക്കെതിരെ തകർപ്പൻ വിജയവുമായി ആർസനൽ. ആവേശകരമായ മത്സരത്തിൽ ഏകപക്ഷീയമായ രണ്ടു ഗോളുകൾക്കാണ് ആർസനൽ പിഎസ്ജിയെ വീഴ്ത്തിയത്. ആദ്യ പകുതിയിലാണ് ഇരു ഗോളുകളും പിറന്നത്. 20–ാം മിനിറ്റിൽ കയ് ഹാവർട്സും 35–ാം മിനിറ്റിൽ ബുകായോ സാകയുമാണ് ആർസനലിനായി ലക്ഷ്യം
കൊച്ചി ∙ കേരള ബ്ലാസ്റ്റേഴ്സ് എഫ്സിയുടെ ചീഫ് എക്‌സിക്യൂട്ടീവ് ഓഫിസറായി അഭിക് ചാറ്റർജിയെ നിയമിച്ചു. നോർത്ത് ഈസ്റ്റ് യുണൈറ്റഡ്, ഹൈദരാബാദ്, ഒഡീഷ എന്നീ ക്ലബ്ബുകളിൽ പ്രവർത്തിച്ച അനുഭവസമ്പത്തോടെയാണ് അഭിക് ബ്ലാസ്റ്റേഴ്‌സിലേക്ക് എത്തുന്നത്.
റിയാദ് ∙ പനി മാറി കളത്തിലേക്കു തിരിച്ചുവന്ന ക്രിസ്റ്റ്യാനോ റൊണാൾഡോയുടെ ഗോളിൽ എഎഫ്സി ചാംപ്യൻസ് ലീഗ് എലീറ്റ് മത്സരത്തിൽ സൗദി അറേബ്യൻ ക്ലബ് അൽ നസ്റിനു ജയം. ഏഷ്യയിലെ ഒന്നാംനിര ക്ലബ് ചാംപ്യൻഷിപ്പിൽ അൽ റയാനെ 2–1നാണ് അൽ നസ്ർ തോൽപിച്ചത്.
യവുൻഡെ (കാമറൂൺ) ∙ കാമറൂൺ മുൻ ഫുട്ബോൾ താരവും ഇപ്പോൾ ദേശീയ ഫുട്ബോൾ ഫെഡറേഷൻ മേധാവിയുമായ സാമുവൽ എറ്റുവിന് ഫിഫയുടെ വിലക്ക്. ആറു മാസം ദേശീയ ടീമുകളുടെ മത്സരവേദികളിൽ നിന്നാണ് വിലക്ക്. ഇക്കഴിഞ്ഞ സെപ്റ്റംബർ 11ന് കൊളംബിയയിലെ ബൊഗോട്ടയിൽ നടന്ന അണ്ടർ 20 വനിതാ ലോകകപ്പിൽ കാമറൂണും ബ്രസീലുമായുള്ള മത്സരത്തിനിടെയുള്ള അച്ചടക്കലംഘനങ്ങൾക്കാണ് വിലക്ക്.
ഹൈദരാബാദ്∙ ഇന്ത്യൻ സൂപ്പർ ലീഗിൽ (ഐഎസ്എൽ) ഹൈദരാബാദ് എഫ്സി – ചെന്നൈയിൻ എഫ്സി പോരാട്ടം ഗോൾരഹിത സമനിലയിൽ. ഹൈദരാബാദ് എഫ്സിയുടെ തട്ടകത്തിൽ നടന്ന മത്സരത്തിലാണ് ഇരു ടീമുകളും സമനിലയ്ക്കു കൈകൊടുത്ത് പിരിഞ്ഞത്. പരാഗ് ശ്രീവാസ് ചുവപ്പുകാർഡ് കണ്ട് 71–ാം മിനിറ്റിൽ പുറത്തുപോയതിനാൽ, 10 പേരുമായാണ് ഹൈദരാബാദ് എഫ്സി അവസാന 20 മിനിറ്റ് കളിച്ചത്.
പയ്യനാട് (മലപ്പുറം)∙ തൃശൂർ മാജിക് എഫ്സിയെ ഏകപക്ഷീയമായ ഒരു ഗോളിന് തോൽപ്പിച്ച് കൊച്ചി ഫോഴ്സ എഫ്സി സൂപ്പർ ലീഗ് കേരളയുടെ പോയിന്റ് പട്ടികയിൽ രണ്ടാമതെത്തി. 74–ാം മിനിറ്റിൽ കൊച്ചി ക്യാപ്റ്റനും ടുണീഷ്യൻ താരവുമായ സയ്യിദ് മുഹമ്മദ് നിദാലാണ് ഗോൾ നേടിയത്. കൊച്ചിയുടെ തുടർച്ചയായ രണ്ടാം വിജയമാണിത്.
ഇംഗ്ലിഷ് പ്രിമിയർ ലീഗ് ഫുട്ബോളിൽ ടോട്ടനം ഹോട്സ്പറിനെതിരെ സ്വന്തം മൈതാനത്ത് മാഞ്ചസ്റ്റർ യുണൈറ്റഡിന് കനത്ത തോൽവി (3–0). ഓൾഡ് ട്രാഫഡ് സ്റ്റേഡിയത്തിൽ ബ്രണ്ണൻ ജോൺസൻ (3–ാം മിനിറ്റ്), ദെജാൻ കുലുസെവ്സ്കി (47), ഡൊമിനിക് സോളങ്കെ (77) എന്നിവരാണ് ടോട്ടനത്തിനായി ലക്ഷ്യം കണ്ടത്. ക്യാപ്റ്റൻ ബ്രൂണോ ഫെർണാണ്ടസ് 42–ാം മിനിറ്റിൽ ചുവപ്പുകാർഡ് കണ്ട് പുറത്തായതോടെ യുണൈറ്റഡ് 10 പേരായി ചുരുങ്ങിയിരുന്നു.
കൊൽക്കത്ത ∙ ഐഎസ്എൽ സീസണിൽ തുടക്കം മോശമായതിനു പിന്നാലെ പരിശീലകൻ കാൾസ് ക്വാദ്രത്തിനെ പുറത്താക്കി ഈസ്റ്റ് ബംഗാൾ. സഹപരിശീലകനും മലയാളിയുമായ ബിനോ ജോർജിനാണ് ടീമിന്റെ താൽക്കാലിക ചുമതല.
പാരിസ് ∙ രാജ്യാന്തര ഫുട്ബോളിൽ നിന്ന് അപ്രതീക്ഷിത വിരമിക്കൽ പ്രഖ്യാപിച്ച് ഫ്രാൻസ് താരം അന്റോയ്ൻ ഗ്രീസ്മാൻ. ഇന്നലെ സമൂഹമാധ്യമങ്ങളിൽ പോസ്റ്റ് ചെയ്ത കുറിപ്പിലൂടെയായിരുന്നു മുപ്പത്തിമൂന്നുകാരൻ ഗ്രീസ്മാന്റെ വിടവാങ്ങൽ. ‘‘ഹൃദയം നിറയെ ഓർമകളുമായി ഞാൻ ജീവിതത്തിലെ ഈ അധ്യായത്തിന് വിരാമമിടുന്നു. ഫ്രഞ്ച് ത്രിവർണ പതാകയ്ക്കു കീഴിലെ ഈ പോരാട്ടങ്ങളിൽ എനിക്കൊപ്പം നിന്നതിന് നന്ദി’’– ഗ്രീസ്മാൻ കുറിച്ചു. ഫ്രാൻസിനായി 137 മത്സരങ്ങളിൽ 44 ഗോളുകൾ നേടിയിട്ടുള്ള ഗ്രീസ്മാൻ ദേശീയ ടീമിനൊപ്പം 2018 ഫിഫ ലോകകപ്പ്, 2021 യുവേഫ നേഷൻസ് ലീഗ് കിരീടനേട്ടങ്ങളിൽ പങ്കാളിയായി.
ഞാൻ ഹാപ്പിയാണോ എന്നു ചോദിച്ചാൽ അല്ല, വലിയ നിരാശയിലാണോ എന്നു ചോദിച്ചാൽ അതുമല്ല’– ഗുവാഹത്തിയിൽ നോർത്ത് ഈസ്റ്റ് യുണൈറ്റഡിനോട് 1–1 സമനില വഴങ്ങിയ മത്സരത്തിനു ശേഷം മാധ്യമസമ്മേളനത്തിനു വന്നപ്പോൾ അത്ര നല്ല മൂഡിലായിരുന്നില്ല കേരള ബ്ലാസ്റ്റേഴ്സ് കോച്ച് മികായേൽ സ്റ്റാറെ.
ഗോളവസരങ്ങൾ പലവട്ടം വാതിൽ തുറന്നുപിടിച്ചിട്ടും അകത്തേക്കു കയറാൻ മടിച്ചു നിന്ന കേരള ബ്ലാസ്റ്റേഴ്സിന് ഐഎസ്എൽ ഫുട്ബോളിൽ ഈ സീസണിലെ ആദ്യ എവേ മത്സരത്തിൽ സമനില. നോർത്ത് ഈസ്റ്റ് യുണൈറ്റഡിനെതിരെ 1–1 എന്ന സ്കോറിലാണ് ബ്ലാസ്റ്റേഴ്സ് സമനിലയിൽ പിരിഞ്ഞത്.
ടോൾ ഗേറ്റുകൾ കടന്ന് ‘ഓവർ സ്പീഡി’ൽ കുതിച്ച ബാർസിലോനയ്ക്ക് പെറ്റിയടിച്ച് ഒസാസൂന! സ്പാനിഷ് ലീഗ് ഫുട്ബോളിൽ തുടരെ 7 മത്സരങ്ങൾ ജയിച്ചു മുന്നേറിയ ബാർസ എട്ടാം മത്സരത്തിൽ ഒസാസൂനയോടു തോറ്റു (4–2). ഈ മത്സരം കൂടി ജയിച്ചിരുന്നെങ്കിൽ ബാർസയ്ക്ക് ലാലിഗ സീസണിൽ ക്ലബ്ബിന്റെ ഏറ്റവും മികച്ച തുടക്കം എന്ന റെക്കോർഡിന് ഒപ്പമെത്താമായിരുന്നു.
ഗോകുലം കേരള എഫ്സിയിലേക്ക് തിരിച്ചെത്തി മലയാളി സ്ട്രൈക്കർ വി.പി.സുഹൈർ. ഈസ്റ്റ് ബംഗാൾ താരമായ സുഹൈർ 2018, 2019 സീസണുകളിൽ ഗോകുലത്തിനായി ഐ ലീഗിൽ കളിച്ചിട്ടുണ്ട്. 2020ൽ മോഹൻ ബഗാന് ഐ ലീഗ് ട്രോഫി നേടിക്കൊടുക്കുന്നതിൽ മുഖ്യപങ്കു വഹിക്കുകയും ചെയ്തു.
പാംപ്‍ലോന(സ്പെയിൻ)∙ സ്പാനിഷ് ലാലിഗയിൽ ബാർസിലോനയ്ക്ക് ആദ്യ തോൽവി. ഒസാസുന രണ്ടിനെതിരെ നാലു ഗോളുകൾക്കാണു ബാർസിലോനയെ തകർത്തത്. ആന്റെ ബുഡിമിർ (18,72 പെനാൽറ്റി), ബ്രയൻ സറഗോസ (28), ആബെല്‍ ബ്രെന്റോൻസ് (85) എന്നിവരാണ് ഒസാസുനയ്ക്കായി ഗോളുകൾ നേടിയത്.
ഗുവാഹത്തി ∙ ഇന്ദിരാഗാന്ധി സ്റ്റേഡിയത്തിനു സമീപത്തെ ഗ്രൗണ്ടിൽ രാവിലെ നോർത്ത് ഈസ്റ്റ് യുണൈറ്റഡിന്റെ പരിശീലനം നടക്കുന്നു. ഗ്രൗണ്ടിന്റെ അങ്ങേപ്പുറത്ത് മലയാളി താരം എം.എസ്. ജിതിൻ. എന്താ സുഖമല്ലേ എന്ന അൽപം ഉച്ചത്തിലുള്ള മലയാളിച്ചോദ്യത്തിന് നോർത്ത് ഈസ്റ്റ് ടീമിലുള്ള 3 മലയാളികളും മറുപടി പറഞ്ഞു– അതേ, സുഖം തന്നെ!
ഗുവാഹത്തി∙ ഇന്ത്യൻ സൂപ്പർ ലീഗ് സീസണിലെ ആദ്യ എവേ മത്സരത്തിൽ കേരള ബ്ലാസ്റ്റേഴ്സിനു സമനില. നോർത്ത് ഈസ്റ്റ് യുണൈറ്റഡിനെതിരായ പോരാട്ടത്തിൽ ഇരു ടീമുകളും ഓരോ ഗോൾ വീതം നേടി സമനിലയിൽ പിരിയുകയായിരുന്നു. ബ്ലാസ്റ്റേഴ്സിനായി 67–ാം മിനിറ്റിൽ നോവ സദൂയിയും
ബ്യൂണസ് ഐറിസ് ∙ ലോകകപ്പ് യോഗ്യതാ റൗണ്ട് മത്സരങ്ങളിലെ മോശം പെരുമാറ്റത്തെത്തുടർന്ന് അർജന്റീന ഗോൾകീപ്പർ എമിലിയാനോ മാർട്ടിനസിന് ഫിഫ രണ്ടു മത്സരങ്ങളിൽ നിന്ന് വിലക്കേർപ്പെടുത്തി. ഒക്ടോബറിൽ വെനസ്വേലയ്ക്കും ബൊളീവിയയ്ക്കുമെതിരെയുള്ള ലോകകപ്പ് യോഗ്യതാ മത്സരങ്ങളാണ് മാർട്ടിനസിനു നഷ്ടമാവുക. ഈ മാസം ചിലെയ്ക്കും കൊളംബിയയ്ക്കുമെതിരെയുള്ള മത്സരങ്ങൾക്കു ശേഷമുള്ള പെരുമാറ്റമാണ് വിലക്കിനു കാരണം.
ലണ്ടൻ ∙ ആദ്യ പകുതിയിൽ തന്നെ 4 ഗോളുകൾ നേടിയ കോൾ പാമറുടെ മികവിൽ ഇംഗ്ലിഷ് പ്രിമിയർ ലീഗ് ഫുട്ബോളിൽ ബ്രൈട്ടനെതിരെ ചെൽസിക്ക് ജയം (4–2). ഉജ്വലമായ ഒരു ലോങ് റേഞ്ച് ഫ്രീകിക്കും ഒരു പെനൽറ്റി കിക്കും ഉൾപ്പെടെയാണ് പാമറുടെ ഗോൾ നേട്ടം. 21,28,31,41 മിനിറ്റുകളിൽ ഗോൾ നേടിയ പാമർ പ്രിമിയർ ലീഗ് ചരിത്രത്തി‍ൽ ഒരു മത്സരത്തിന്റെ ആദ്യ പകുതിയിൽ തന്നെ 4 ഗോളുകൾ നേടുന്ന ആദ്യ താരമായി. 7–ാം മിനിറ്റിൽ ജോർജിനിയോ റുട്ടറുടെ ഗോളിൽ ബ്രൈട്ടൻ മുന്നിലെത്തിയ ശേഷമായിരുന്നു ചെൽസിയുടെ തിരിച്ചടി. 34–ാം മിനിറ്റിൽ ക്വാമ ബലേബ ബ്രൈട്ടന്റെ രണ്ടാം ഗോൾ നേടി.
സൂപ്പർ ലീഗ് കേരള പോരാട്ടത്തിൽ കണ്ണൂർ വാരിയേഴ്സും കാലിക്കറ്റ് എഫ്സിയും ഓരോ ഗോൾ വീതം നേടി സമനിലയിൽ പിരിഞ്ഞു. സ്പാനിഷ് താരം അഡ്രിയാൻ സെർദിനേറോ കണ്ണൂർ ടീമിനായും പകരക്കാരൻ പി.എം. ബ്രിട്ടോ കാലിക്കറ്റ് ടീമിനായും സ്കോർ ചെയ്തു. മത്സരത്തിന്റെ മുഴുവൻ ഗെയിറ്റ് കളക്ഷനും ഷിരൂരിലുണ്ടായ മണ്ണിടിച്ചിലിൽ മരിച്ച അർജുന്റെ കുടുംബത്തിന് സഹായധനമായി നൽകുമെന്നു സംഘാടകർ അറിയിച്ചു.
ബെംഗളൂരു∙ ഇന്ത്യന്‍ സൂപ്പർ ലീഗിൽ മോഹൻ ബഗാൻ സൂപ്പർ ജയന്റ്സിനെ എതിരില്ലാത്ത മൂന്നു ഗോളുകൾക്കു തകർത്ത് ബെംഗളൂരു എഫ്സി. ബെംഗളൂരു ശ്രീകണ്ഠീരവ സ്റ്റേഡിയത്തിൽ നടന്ന പോരാട്ടത്തിൽ എഡ്ഗാർ മെൻ‍ഡസ് (9–ാം മിനിറ്റ്), സുരേഷ് സിങ് വാങ്ജം (20), സുനിൽ ഛേത്രി (51) എന്നിവരാണ്
ഭുവനേശ്വർ∙ ഇന്ത്യൻ സൂപ്പർ ലീഗിൽ ഒഡീഷ എഫ്സിക്ക് ആദ്യ വിജയം. ജാംഷഡ്പൂർ എഫ്സിയെ ഹോം മാച്ചിൽ ഒന്നിനെതിരെ രണ്ടു ഗോളുകൾക്കാണ് ഒഡീഷ തോൽപിച്ചത്.
കൊച്ചി ∙ ആദ്യ പകുതിയിൽ മദിച്ചു കയറിയ തിരുവനന്തപുരം കൊമ്പൻസിനെ ഫോഴ്സ കൊച്ചി മുട്ടുകുത്തിച്ചതു രണ്ടാം പകുതിയിലെ ഇരട്ട പ്രഹരത്തിൽ. ഒരു ഗോളിനു പിന്നിൽ നിന്ന ശേഷം തിരിച്ചടിച്ച കൊച്ചിക്കു സൂപ്പർ ലീഗ് കേരളയിൽ (എസ്എൽകെ) ആദ്യ ജയം. കൊച്ചിക്കായി കുമാർ പാസ്വാൻ രാഹുലും (62) ബ്രസീലിയൻ താരം ഡോറിയെൽറ്റനും (76) ഗോൾ കണ്ടെത്തിയപ്പോൾ കൊമ്പൻസിന്റെ ഏക ഗോൾ മാർക്കോസ് വിൽഡറുടെ (40) ബൂട്ടിൽ നിന്ന്. പോയിന്റ് പട്ടികയിൽ കൊച്ചി നാലാം സ്ഥാനത്തേക്കു കയറിയപ്പോൾ കൊമ്പൻസ് മൂന്നാം സ്ഥാനത്ത് തുടരുന്നു.
കൊച്ചി വിമാനത്താവളത്തിലെ പുസ്തകക്കടയിൽനിന്ന് കൈനിറയെ ബുക്കുകൾ വാങ്ങിച്ചുകൂട്ടുന്ന ഒരാൾക്കൊപ്പം സെൽഫി എടുക്കാൻ മറ്റു യാത്രക്കാർ കാത്തുനിൽക്കുന്നു. ഹൂഡി ജാക്കറ്റിൽ തല വരെ മൂടി അധികമാർക്കും മുഖം കൊടുക്കാതെ നിൽക്കുന്നയാൾ കേരള ബ്ലാസ്റ്റേഴ്സിന്റെ സൂപ്പർ താരം കെ.പി.രാഹുൽ. ഐഎസ്എലിൽ ബ്ലാസ്റ്റേഴ്സിന് അടുത്തത് 2 എവേ മത്സരങ്ങളാണ്. സീസണിലെ ആദ്യ എവേ പോരാട്ടം നാളെ ഗുവാഹത്തിയിൽ നോർത്ത് ഈസ്റ്റ് യുണൈറ്റഡിനെതിരെ. തൊട്ടടുത്ത മത്സരം ഒക്ടോബർ മൂന്നിനു ഭുവനേശ്വറിൽ ഒഡീഷ എഫ്സിക്കെതിരെ. എവേ ഗ്രൗണ്ടുകളിലേക്കുള്ള വിമാന യാത്രകളിൽ ബോറടിക്കാതിരിക്കാൻ രാഹുലിന്റെ വഴിയാണത്രേ പുസ്തക വായന.
കൊൽക്കത്ത∙ സ്പാനിഷ് താരം ബോർജ ഹെരേര ഹാട്രിക് ഗോളുകളുമായി കത്തിക്കയറിയ മത്സരത്തില്‍ ഈസ്റ്റ് ബംഗാളിനെ തകർത്ത് എഫ്സി ഗോവ. ഈസ്റ്റ് ബംഗാളിന്റെ ഹോം ഗ്രൗണ്ടിൽ നടന്ന പോരാട്ടത്തിൽ രണ്ടിനെതിരെ മൂന്നു ഗോളുകൾക്കാണ് ഗോവയുടെ വിജയം. 13,20,71 മിനിറ്റുകളിലായിരുന്നു സ്പാ
സൂപ്പർ ലീഗ് കേരളയുടെ നാലാം റൗണ്ട് അവസാന മത്സരത്തിൽ ഫോഴ്സ കൊച്ചിക്ക് ജയം. തിരുവനന്തപുരം കൊമ്പൻസിനെ ഒന്നിനെതിരെ രണ്ട് ഗോളുകൾക്കാണ് ഫോഴ്സ കൊച്ചി തോൽപ്പിച്ചത്. കലൂർ ജവഹർലാൽ നെഹ്റു സ്റ്റേഡിയത്തിൽ നടന്ന മത്സരത്തിന്റെ ആദ്യ പകുതിയിൽ
കൊച്ചി ∙ ‘‘അതിലങ്ങനെ സീക്രട്ടൊന്നുമില്ല! പെനൽറ്റിയെടുക്കാൻ വരുന്നവരുടെ സമ്മർദം കാണുമ്പോൾ ഞാനൊരു തീരുമാനം എടുക്കുന്നതാണ്. പിന്നെ, കളിക്കു മുൻപു തന്നെ എതി‍ർ കളിക്കാരുടെ കിക്കിങ് രീതികളും നോക്കും. പിന്നെയെല്ലാം ആ സമയത്തിന് അനുസരിച്ച്!’’ – തീയുണ്ട പോലെ വരുന്ന പെനൽറ്റി കിക്കുകളെ എങ്ങനെ കൂളായി നേരിടുന്നുവെന്ന ചോദ്യത്തിനു കേരള ബ്ലാസ്റ്റേഴ്സിന്റെ ഗോൾകീപ്പർ തൃശൂർ സ്വദേശി സച്ചിൻ സുരേഷിന്റെ മറുപടി!
ചെന്നൈ∙ ഇന്ത്യൻ സൂപ്പർ ലീഗിൽ (ഐഎസ്എൽ) കന്ന ജയം കുറിച്ച് മുഹമ്മദൻസ്. ആവേശപ്പോരാട്ടത്തിൽ ചെന്നൈയിൻ എഫ്‍സിയെയാണ് മുഹമ്മദൻസ് തോൽപ്പിച്ചത്. ഏകപക്ഷീയമായ ഒരു ഗോളിനാണ് മുഹമ്മദൻസിന്റെ വിജയം. 39–ാം മിനിറ്റിൽ ലാൽറിംസംഗ ഫനായിയാണ് അവരുടെ വിജയഗോൾ നേടിയത്.
മഡ്രിഡ്∙ സ്പാനിഷ് ലീഗ് ഫുട്ബോളിൽ ബാർസിലോന വിജയക്കുതിപ്പു തുടരുന്നു. ആവേശകരമായ മത്സരത്തിൽ ഗെറ്റഫയെ എതിരില്ലാത്ത ഒരു ഗോളിനു തോൽപ്പിച്ച ബാർസ, പോയിന്റ് പട്ടികയിൽ ഒന്നാം സ്ഥാനം അരക്കിട്ടുറപ്പിച്ചു. 19–ാം മിനിറ്റിൽ റോബർട്ടോ ലെവൻഡോവിസ്കി നേടിയ ഗോളാണ് ബാർസയ്ക്ക് തുടർച്ചയായ ഏഴാം ജയം സമ്മാനിച്ചത്. ഏഴു കളികളും ജയിച്ച് 21 പോയിന്റോടെയാണ് അവർ ഒന്നാമതു തുടരുന്നത്.
കോഴിക്കോട്∙ ദേശീയ വനിതാ ഫുട്ബോൾ ടീമംഗം ജ്യോതി ചൗഹാൻ ഗോകുലം കേരള എഫ്സിയിൽ. ക്രൊയേഷ്യൻ ക്ലബ്ബായ ജിഎൻകെ ഡൈനാമോയിൽ നിന്നാണ് ജ്യോതി ചൗഹാൻ ഗോകുലത്തിലെത്തിയത്. കഴിഞ്ഞ സീസണിൽ ക്രൊയേഷ്യൻ ഫുട്ബോൾ കപ്പ് ജേതാക്കളായ ടീമിനു വേണ്ടി സെമിയിലും ക്വാർട്ടർ ഫൈനലിലും ജ്യോതി ഗോൾ നേടിയിരുന്നു.
റോം∙ ഫ്രാൻസിന്റെയും സ്പാനിഷ് ക്ലബ് റയൽ മഡ്രിഡിന്റെയും മുൻ ഡിഫൻഡർ റാഫേൽ വരാൻ ഫുട്ബോളിൽ നിന്നു വിരമിക്കൽ പ്രഖ്യാപിച്ചു. മുപ്പത്തിയൊന്നുകാരനായ വരാൻ ജൂലൈയിലാണ് ഇറ്റാലിയൻ ക്ലബ്ബായ കോമോയുടെ ഭാഗമായത്.
മഞ്ചേരി∙ സൂപ്പർ ലീഗ് കേരളയിൽ പയ്യനാട് സ്റ്റേഡിയത്തിലെ സ്വന്തം കാണികൾക്കു മുന്നിൽ ഒരു വിജയത്തിനായുള്ള മലപ്പുറം എഫ്സിയുടെ കാത്തിരിപ്പ് നീളുന്നു; ഒപ്പം തോൽവിയറിയാതെ കണ്ണൂർ വോറിയേഴ്സിന്റെ അജയ്യ മുന്നേറ്റം തുടരുന്നു. ഇന്നു നടന്ന ആവേശപ്പോരാട്ടത്തിൽ മലപ്പുറം എഫ്സിയെ അവരുടെ തട്ടകത്തിൽ വീഴ്ത്തി കണ്ണൂർ രണ്ടാം വിജയം കുറിച്ചു. ഒന്നിനെതിരെ രണ്ടു ഗോളുകൾക്കാണ് കണ്ണൂരിന്റെ വിജയം. വിജയത്തോടെ നാലു കളികളിൽനിന്ന് എട്ടു പോയിന്റുമായി കണ്ണൂർ ഒന്നാം സ്ഥാനത്തെത്തി. അത്ര തന്നെ കളികളിൽനിന്ന് ഓരോ ജയവും സമനിലയും സഹിതം നാലു പോയിന്റുമായി നാലാം സ്ഥാനത്താണ് മലപ്പുറം.
ന്യൂഡൽഹി∙ ഇന്ത്യൻ സൂപ്പർ ലീഗ് (ഐഎസ്എൽ) 11–ാം സീസണിലെ തുടർച്ചയായ മൂന്നാം ജയവുമായി പഞ്ചാബ് എഫ്സി കുതിക്കുന്നു. ഇന്നു നടന്ന ആവേശപ്പോരാട്ടത്തിൽ ഹൈദരാബാദ് എഫ്‍സിയെയും തോൽപ്പിച്ച് പഞ്ചാബ് പോയിന്റ് പട്ടികയിൽ ഒന്നാമതെത്തി. ഏകപക്ഷീയമായ രണ്ടു ഗോളുകൾക്കാണ് പഞ്ചാബ്, ഹൈദരാബാദിനെ വീഴ്ത്തിയത്.
കൊച്ചി ∙ ഒരു ‘വായ്പയുടെ’ വിലയറിയുകയാണു മലയാളി ഫുട്ബോൾ പ്രേമികൾ. കേരള ബ്ലാസ്റ്റേഴ്സിനെതിരായ മിന്നും പ്രകടനത്തിനു പ്ലെയർ ഓഫ് ദ് മാച്ച് പുരസ്കാരം. രണ്ടാം കളിയിൽ ഒഡീഷ എഫ്സിക്കെതിരെ തകർപ്പനൊരു ഗോളും പ്ലെയർ ഓഫ് ദ് മാച്ച് പുരസ്കാരവും! ഐഎസ്എലിൽ പഞ്ചാബ് എഫ്സിയുടെ നക്ഷത്രത്തിളക്കമാണു നിഹാൽ സുധീഷെന്ന കൊച്ചിക്കാരൻ !
ലണ്ടൻ ∙ അറം പറ്റുക എന്നു പറഞ്ഞാൽ ഇതാണ്! പ്രഫഷനൽ ഫുട്ബോൾ താരങ്ങളുടെ അമിതാധ്വാനത്തെപ്പറ്റി ഒന്നു വെട്ടിത്തുറന്നു പറഞ്ഞതേയുള്ളൂ, ദാ പിന്നാലെ മത്സരത്തിനിടെ പരുക്കേറ്റ് മാഞ്ചസ്റ്റർ സിറ്റി മിഡ്ഫീൽഡർ റോഡ്രിക്ക് സീസൺ തന്നെ നഷ്ടമായിരിക്കുന്നു! ഇത്തവണ ചാംപ്യൻസ് ലീഗ് സീസണിൽ ഇന്റർ മിലാനെതിരെ സിറ്റിയുടെ ആദ്യ മത്സരത്തിനു മുൻപാണ് റോഡ്രി ‘എല്ലാ ഫുട്ബോളർമാർക്കും’ വേണ്ടി സംസാരിച്ചത്.
കോഴിക്കോട്∙ സൂപ്പർ ലീഗ് കേരളയിലെ ആവേശപ്പോരിൽ കരുത്തരായ കാലിക്കറ്റ് എഫ്സിയെ സമനിലയിൽ തളച്ച് തൃശൂർ മാജിക് എഫ്സി. ഇരു ടീമുകളും രണ്ടു ഗോളുകൾ വീതം നേടി സമനില പാലിക്കുകയായിരുന്നു. രണ്ടാം പകുതിയിലായിരുന്നു മത്സരത്തിലെ നാലു ഗോളുകളും പിറന്നത്. 49–ാം മിനിറ്റില്‍ മുഹമ്മദ് റിയാസും 81–ാം മിനിറ്റിൽ പി.എം. ബ്രിട്ടോയുമാണു കാലിക്കറ്റിനായി ഗോളുകൾ നേടിയത്. എന്നാൽ രണ്ടാം പകുതിയുടെ
കൊച്ചി ∙ മൂന്നു വർഷത്തെ ഇടവേളയ്ക്കു ശേഷം പരിശീലകനെ മാറ്റി ഐഎസ്എലിനെത്തിയ ബ്ലാസ്റ്റേഴ്സിൽ നിന്നു മത്സരഫലത്തിനപ്പുറം ചില ഉത്തരങ്ങൾ കൂടി ആരാധകർ തേടിയിരുന്നു. എന്താകും പുതിയ പരിശീലകന്റെ ഫിലോസഫി? എങ്ങനെയാകും കളിക്കാർ അതിനോടു പൊരുത്തപ്പെടുക? ശൈലീമാറ്റം കളത്തിൽ തെളിയാൻ എത്ര സമയമെടുക്കും? ഈ മൂന്നു ചോദ്യങ്ങൾക്കുമുള്ള ഉത്തരം കൂടി നൽകിയാണ് സീസണിലെ രണ്ടാം മത്സരത്തിൽ ഈസ്റ്റ് ബംഗാളിനെതിരെ വിജയം കുറിച്ചു മികായേൽ സ്റ്റാറെയുടെ ബ്ലാസ്റ്റേഴ്സ് മടങ്ങുന്നത്.
തിരുവോണനാളിൽ സമ്മാനിച്ച നിരാശയ്ക്കു മികായേൽ സ്റ്റാറെയുടെ കേരള ബ്ലാസ്റ്റേഴ്സ് ഏഴാം നാളിൽ പരിഹാരം കുറിച്ചു. കരുത്തുറ്റ താരനിരയും പാരമ്പര്യവുമായി വന്ന ഈസ്റ്റ് ബംഗാളിനെതിരെ ഏഴഴകുള്ളൊരു വിജയത്തോടെ ബ്ലാസ്റ്റേഴ്സിന്റെ മുന്നേറ്റത്തിനു തുടക്കമായിരിക്കുന്നു. പഞ്ചാബിനെതിരെ കണ്ട ബ്ലാസ്റ്റേഴ്സിനെയല്ല കഴിഞ്ഞ ദിവസം ഈസ്റ്റ് ബംഗാളിനെതിരെ കണ്ടത്. കളിയിൽ ഒത്തിണക്കം വന്നു. മുന്നേറ്റങ്ങൾക്കു മൂർച്ച വന്നു. എല്ലാറ്റിനുമുപരി ജയിക്കാൻ വേണ്ടി കളിക്കുന്നതാണെന്ന ലക്ഷ്യബോധം ഓരോ താരത്തിലും വന്നു. ക്യാപ്റ്റൻ അഡ്രിയൻ ലൂണയില്ലാതെ വീണ്ടും ഇറങ്ങേണ്ടി വന്നിട്ടും പോരാട്ടം അനുകൂലമായതിന്റെ ആദ്യ ക്രെഡിറ്റ് ബ്ലാസ്റ്റേഴ്സിന്റെ പ്രതിരോധ നിരയ്ക്കുള്ളതാണ്.
വിജയത്തിനിടയിലും ബാർസിലോനയ്ക്കു തിരിച്ചടിയായി ഗോൾകീപ്പർ മാർക് ആന്ദ്രെ ടെർസ്റ്റീഗന്റെ പരുക്ക്. ഒരു ഹൈ ക്രോസിൽ നിന്നുള്ള പന്ത് പിടിച്ചെടുക്കാൻ ശ്രമിക്കവേ നിലത്തുവീണ ടെർസ്റ്റീഗന്റെ വലതു കാൽമുട്ടിനാണ് പരുക്കേറ്റത്. സ്ട്രെച്ചറിലാണ് ടെർസ്റ്റീഗൻ മൈതാനം വിട്ടത്. ജർമൻ ഗോൾകീപ്പർക്ക് ശസ്ത്രക്രിയയും ദീർഘകാല വിശ്രമവും വേണ്ടി വരുമെന്ന് ബാർസിലോന അറിയിച്ചു.
കൊൽക്കത്ത ∙ ഐഎസ്എൽ ഫുട്ബോളിൽ നോർത്ത് ഈസ്റ്റ് യുണൈറ്റഡിനെതിരെ മോഹൻ ബഗാന് ജയം. രണ്ടിനെതിരെ മൂന്നു ഗോളുകൾക്കാണു ബഗാന്റെ വിജയം. 87–ാം മിനിറ്റിൽ ജെയ്സൻ കമ്മിങ്സാണ് ബഗാന്റെ വിജയഗോൾ നേടിയത്. ദീപേന്ദു ബിശ്വാസ് (10–ാം മിനിറ്റ്), സുഭാശിഷ് ബോസ് (61) എന്നിവരും
മാഞ്ചസ്റ്റർ ∙ ഇംഗ്ലിഷ് പ്രിമിയർ ലീഗ് ഫുട്ബോളിൽ ആർസനലിനെതിരെ അവസാനനിമിഷം സമനില നേടിയെടുത്ത് മാഞ്ചസ്റ്റർ സിറ്റി (2–2). ഇൻജറി ടൈമിൽ (90+8) ജോൺ സ്റ്റോൺസ് നേടിയ ഗോളാണ് സിറ്റിയെ രക്ഷിച്ചത്. 9–ാം മിനിറ്റിൽ എർലിങ് ഹാളണ്ട് നേടിയ ഗോളിൽ സ്വന്തം മൈതാനത്ത് സിറ്റിയാണ് ആദ്യം മുന്നിലെത്തിയത്. സിറ്റിക്കു വേണ്ടി നോർവേ താരത്തിന്റെ 100–ാം ഗോളായിരുന്നു ഇത്.
കൊച്ചി∙ തിരുവോണ ദിനത്തിലെ നിരാശപ്പെടുത്തുന്ന ആ തോൽവി കേരള ബ്ലാസ്റ്റേഴ്സ് ആരാധകർക്ക് ഇനി മറക്കാം. അന്നത്തെ നിരാശകൾക്കും വേദനകൾക്കും പകരമായി ദിവസങ്ങൾക്കിപ്പുറം അതേ വേദിയിൽ, അതേ സ്കോറിൽ കരുത്തരായ ഈസ്റ്റ് ബംഗാളിനെ വീഴ്ത്തി കേരള ബ്ലാസ്റ്റേഴ്സ് താരങ്ങൾ ആരാധകരോടു പറഞ്ഞു; ഹാപ്പി ഓണം... ഒരിക്കൽക്കൂടി മത്സരം പുരോഗമിക്കുന്തോറും ആവേശം ഉയർന്നുപൊങ്ങുന്ന കാഴ്ച കണ്ട മത്സരത്തിൽ കലൂർ ജവഹർലാൽ നെഹ്റു സ്റ്റേഡിയത്തിൽ കേരള ബ്ലാസ്റ്റേഴ്സിന്റെ ചുണക്കുട്ടികൾ ഈസ്റ്റ് ബംഗാളിനെ വീഴ്ത്തിയത് ഒന്നിനെതിരെ രണ്ടു ഗോളുകൾക്ക്.
ലിവർപൂൾ∙ ഇംഗ്ലിഷ് പ്രിമിയർ ലീഗ് ഫുട്ബോളിൽ വിജയവഴിയിൽ തിരിച്ചെത്തി ലിവർപൂൾ. സ്വന്തം മൈതാനമായ ആൻഫീൽഡിൽ നടന്ന മത്സരത്തിൽ ബോൺമതിനെ 3–0നാണ് ആതിഥേയർ തോൽപിച്ചത്. കഴിഞ്ഞ മത്സരത്തിൽ നോട്ടിങ്ങം ഫോറസ്റ്റിനോടേറ്റ അപ്രതീക്ഷിത തോൽവിയുടെ ഭാരവും ഇതോടെ ലിവർപൂൾ ഇറക്കിവച്ചു.
റിയാദ്∙ പുതിയ പരിശീലകൻ സ്റ്റെഫാനോ പിയോലിയുടെ കീഴിലുള്ള ആദ്യ മത്സരം വിജയത്തോടെ ആഘോഷിച്ച് അൽ നസ്ർ. സൗദി പ്രൊ ലീഗ് ഫുട്ബോളിൽ ഇന്നലെ നടന്ന മത്സരത്തിൽ അൽ ഇത്തിഫാഖിനെ 3–0നാണ് ക്രിസ്റ്റ്യാനോ റൊണാൾഡോയും സംഘവും തോൽപിച്ചത്.
തിരുവനന്തപുരം∙ മഹീന്ദ്ര സൂപ്പർ ലീഗ് കേരളയിലെ മൂന്നാം റൗണ്ട് അവസാന മത്സരത്തിൽ തിരുവനന്തപുരം കൊമ്പൻസും കണ്ണൂർ വോറിയേഴ്സും സമനിലയിൽ (1-1) പിരിഞ്ഞു. ചന്ദ്രശേഖരൻ നായർ സ്റ്റേഡിയത്തിൽ നടന്ന മത്സരത്തിന്റെ അൻപത്തിയേഴാം മിനിറ്റിൽ കാമറൂൺ താരം ഏണസ്റ്റൻ ലവ്സാംബ കണ്ണൂർ വോറിയേഴ്സിനായി ഗോൾ നേടി. കളി അവസാനിക്കാൻ അഞ്ച് മിനിറ്റ് ശേഷിക്കെ ഗണേശനാണ് തിരുവനന്തപുരം കൊമ്പൻസിനായി സമനില ഗോൾ നേടിയത്.
ജംഷഡ്പുർ∙ ഇന്ത്യൻ സൂപ്പർ ലീഗിലെ (ഐഎസ്എൽ) ആവേശപ്പോരാട്ടത്തിൽ മുംബൈ സിറ്റി എഫ്സിയെ തകർത്ത് ജംഷഡ്പുർ എഫ്സി. ഇരു ടീമുകളും ഒപ്പത്തിനൊപ്പം പൊരുതിയ മത്സരത്തിൽ രണ്ടിനെതിരെ മൂന്നു ഗോളുകൾക്കാണ് ജംഷഡ്പുരിന്റെ വിജയം. ഇരുപകുതികളിലുമായി ഇരട്ടഗോൾ നേടിയ ഹാവി ഹെർണാണ്ടസാണ് ജംഷഡ്പുരിന്റെ വിജയശിൽപി. 44, 50 മിനിറ്റുകളിലായിരുന്നു ഹെർണാണ്ടസിന്റെ ഗോളുകൾ.
പാരിസ് ∙ യൂറോ കപ്പിൽനിന്ന് യൂറോപ്യൻ ക്ലബ് ചാംപ്യൻഷിപ്പിലേക്ക് എത്തിയ രണ്ടു യുവതാരങ്ങൾക്ക് ആദ്യ മത്സരത്തിൽ ജയവും തോൽവിയും! ഇക്കഴിഞ്ഞ യൂറോ കപ്പിലെ മിന്നും താരം സ്പെയിനിന്റെ ലമീൻ യമാൽ സ്പാനിഷ് ക്ലബ് ബാർസിലോനയ്ക്കായി ഗോൾ നേടിയിട്ടും ടീം തോറ്റു. ജർമൻ താരം ഫ്ലോറിയൻ വെറ്റ്സാകട്ടെ, ജർമൻ ക്ലബ് ബൊറൂസിയ ഡോർട്മുണ്ടിനായി ചാംപ്യൻസ് ലീഗ് അരങ്ങേറ്റത്തിൽ നേടിയതു 2 ഗോൾ. ടീമിന് ഗംഭീരവിജയവും.
തിമ്പു (ഭൂട്ടാൻ) ∙ അണ്ടർ 17 സാഫ് ഫുട്ബോൾ ചാംപ്യൻഷിപ്പിൽ നിലവിലെ ചാംപ്യൻമാരായ ഇന്ത്യയ്ക്കു വിജയത്തുടക്കം. ഗ്രൂപ്പ് എയിലെ ആദ്യ മത്സരത്തിൽ ബംഗ്ലദേശിനെയാണ് (1–0) ഇന്ത്യ തോൽപിച്ചത്. രണ്ടാം പകുതിയുടെ ഇൻജറി ടൈമിൽ (90+1) ഡിഫൻഡർ സുമിത് ശർമ ഇന്ത്യയുടെ വിജയഗോൾ നേടി
കൊച്ചി ∙ 18 വയസ്സേയുള്ളൂ വൈപ്പിൻ ഞാറക്കൽ പെരുമ്പിള്ളി നിരഞ്ജൻ അനീഷിന്. കേരളത്തിലെ, ഒരു പക്ഷേ ഇന്ത്യയിലെ തന്നെ ഏറ്റവും പ്രായം കുറഞ്ഞ അംഗീകൃത ഫുട്ബോൾ പരിശീലകൻ! അഖിലേന്ത്യാ ഫുട്ബോൾ ഫെഡറേഷന്റെ പരിശീലകർക്കുള്ള ‘ഡി ലൈസൻസ്’ ചെറുപ്രായത്തിലേ സ്വന്തമാക്കാൻ നിരഞ്ജനു സാധിച്ചുവെന്നതാണ് പ്രത്യേകത.
മഞ്ചേരി (മലപ്പുറം) ∙ കളംനിറഞ്ഞു കളിച്ചെങ്കിലും തൃശൂർ മാജിക് എഫ്സിയുടെ പ്രതിരോധപ്പൂട്ടിൽ മലപ്പുറം എഫ്സി കുടുങ്ങിയതോടെ സൂപ്പർ ലീഗ് കേരള ഫുട്ബോൾ മത്സരം ഗോൾരഹിത സമനിലയായി (0–0). മൂന്നു കളികളിൽ ഒരു പോയിന്റെങ്കിലും നേടാനായതിന്റെ സന്തോഷം തൃശൂരിന്.
ന്യൂഡൽഹി∙ ഇന്ത്യൻ സൂപ്പർ ലീഗ് (ഐഎസ്എൽ) 11–ാം സീസണിൽ കേരള ബ്ലാസ്റ്റേഴ്സിനെതിരെ കൊച്ചി ജവഹർലാൽ നെഹ്റു സ്റ്റേഡിയത്തിൽ നേടിയ വിജയം ‘ഒറ്റപ്പെട്ട’ സംഭവമല്ലെന്ന് തെളിയിച്ച് പഞ്ചാബ് എഫ്സി. ഡൽഹി ജവഹർലാൽ നെഹ്റു സ്റ്റേഡിയത്തിൽ ഇത്തവണ പഞ്ചാബ് എഫ്‍സിക്കു മുന്നിൽ വീണത് കരുത്തരായ ഒഡീഷ എഫ്സി. ആവേശപ്പോരാട്ടത്തിൽ ഒന്നിനെതിരെ രണ്ടു ഗോളുകൾക്കാണ് പഞ്ചാബ് എഫ്സിയുടെ വിജയം.
ബെംഗളൂരു ∙ രാജ്യാന്തര ഫുട്ബോളിൽനിന്നു വിരമിച്ചെങ്കിലും സുനിൽ ഛേത്രിയുടെ ബൂട്ടുകൾക്കു വിശ്രമമില്ല. ഐഎസ്എൽ ഫുട്ബോളിൽ ഹൈദരാബാദ് എഫ്സിയെ 3–0ന് തോൽപിച്ച ബെംഗളൂരു എഫ്സി സീസണിലെ രണ്ടാം വിജയം സ്വന്തമാക്കിയപ്പോൾ 2 ഗോളുകൾ പിറന്നതു ക്യാപ്റ്റൻ ഛേത്രിയുടെ ബൂട്ട്സിൽനിന്ന്.
ലണ്ടൻ ∙ ബയൺ മ്യൂണിക് ഒറ്റയ്ക്ക് 9 ഗോളടിച്ച മത്സരദിവസത്തിനു പിറ്റേന്നു ചാംപ്യൻസ് ലീഗ് ഫുട്ബോളിൽ ഗോൾക്ഷാമം. ജർമൻ ക്ലബ് ബയൺ മ്യൂണിക് ക്രൊയേഷ്യൻ ക്ലബ് ഡൈനമോ സാഗ്രെബിനെ 9–2ന് മുക്കിയ ചൊവ്വാഴ്ച കളത്തിൽ ആകെ പിറന്നത് 28 ഗോളുകൾ. പക്ഷേ, ബുധനാഴ്ച രാത്രി നടന്ന മത്സരങ്ങളിൽ ആകെ ഗോളെണ്ണം 13 മാത്രം.
ന്യൂഡൽഹി ∙ കേരള ബ്ലാസ്റ്റേഴ്സിനെതിരെ കൊച്ചിയിൽ നടന്ന മത്സരത്തിനിടെ പരുക്കേറ്റ പഞ്ചാബ് എഫ്സി താരം ലൂക്ക മാജ്സനെ ശസ്ത്രക്രിയയ്ക്കു വിധേയനാക്കി. താടിയെല്ലിനു പൊട്ടലേറ്റ സ്ലൊവേനിയൻ താരത്തിനു 2 മാസത്തെ വിശ്രമമാണു നിർദേശിച്ചിരിക്കുന്നത്. മൊഹാലിയിലെ സ്വകാര്യ ആശുപത്രിയിൽ ശസ്ത്രക്രിയയ്ക്ക് വിധേയനായ ലൂക്കയുടെ ആരോഗ്യനില തൃപ്തികരമാണെന്നു ടീം മാനേജ്മെന്റ് അറിയിച്ചു. ഇന്നു രാത്രി 7.30ന് പഞ്ചാബ് ഒഡീഷ എഫ്സിയെ നേരിടും.
തിരുവോണദിനത്തിൽ കേരള ബ്ലാസ്റ്റേഴ്സിനെതിരെ കൊച്ചിയിൽ നടന്ന മത്സരത്തിനിടെ പരുക്കേറ്റ പഞ്ചാബ് എഫ്സി താരം ലൂക്ക മാജ്സനു 2 മാസത്തെ വിശ്രമം. ബ്ലാസ്റ്റേഴ്സ് താരം കെ.പി.രാഹുലുമായി കൂട്ടിയിടിച്ച സ്ലൊവേനിയൻ താരം മാജ്സന്റെ താടിയെല്ലിനു 2 പൊട്ടലുകളുണ്ടെന്ന് ക്ലബ് അറിയിച്ചു.
ഒരൊറ്റ ലോകകപ്പിലൂടെ ലോകമെങ്ങുമുള്ള ഫുട്ബോൾ ആരാധകരുടെ മനസ്സിലേക്കു ലോങ്റേഞ്ചർ പായിച്ച ഇറ്റാലിയൻ താരം സാൽവതോറെ സ്കില്ലാച്ചി (59) ഇനി ഓർമ. ഇറ്റലിയിൽ നടന്ന 1990 ലോകകപ്പിലെ ടോപ് സ്കോററും മികച്ച താരവുമായിരുന്ന സ്കില്ലാച്ചിയുടെ മരണവാർത്ത അദ്ദേഹത്തിന്റെ മുൻ ക്ലബ്ബുകളായ ഇന്റർ മിലാനും യുവന്റസുമാണ് പുറത്തുവിട്ടത്.
കൊച്ചി ∙ കേരള ബ്ലാസ്റ്റേഴ്സ് മധ്യനിരയിലെ യുവ പ്രതിഭ വിബിൻ മോഹനന്റെ (21) കരാർ 4 വർഷത്തേക്കു ദീർഘിപ്പിച്ചു. 2029 വരെയാണു പുതിയ കരാർ. ബ്ലാസ്റ്റേഴ്സിനായി 28 മത്സരങ്ങളിൽനിന്ന് ഒരു ഗോളും 4 അസിസ്റ്റുകളുമാണു സംഭാവന. അണ്ടർ 23 ഇന്ത്യൻ ടീമിലേക്കും വിബിൻ തിരഞ്ഞെടുക്കപ്പെട്ടിരുന്നു. 2020 ൽ ബ്ലാസ്റ്റേഴ്സിന്റെ യൂത്ത് ടീമിൽ ചേർന്ന വിബിൻ 2022 ലാണ് സീനിയർ ടീമിലെത്തുന്നത്.
കോഴിക്കോട് ∙ സൂപ്പർലീഗ് കേരള ഫുട്ബോളിന്റെ മൂന്നാം റൗണ്ടിലെ ആദ്യമത്സരത്തിൽ കാലിക്കറ്റ് എഫ്സിയും ഫോഴ്സ കൊച്ചിയും തമ്മിലുള്ള മത്സരം സമനിലയായി (1–1). കാലിക്കറ്റ് എഫ്സിക്കുവേണ്ടി ഗനി അഹമ്മദ് നിഗമാണ് 42–ാം മിനിറ്റിൽ ഗോൾ നേടിയത്. 75–ാം മിനിറ്റിൽ ദക്ഷിണാഫ്രിക്കൻ താരം സ്പെഫല്ലോ കൊച്ചിക്കായി ഗോൾ മടക്കി. നേരത്തേ, മലപ്പുറത്തിനെതിരെ 2 ഗോൾ നേടിയ ഗനിയുടെ ലീഗിലെ ആകെ ഗോൾ നേട്ടം 3 ആയി.
മിലാൻ∙ ഇറ്റലിയുടെ മുൻ ഫുട്ബോൾ താരം സാൽവതോർ ഷില്ലാച്ചി (59) അന്തരിച്ചു. 1990 ഫുട്ബോൾ ലോകകപ്പിലെ മികച്ച താരത്തിനുള്ള ഗോൾഡന്‍ ബോൾ നേടിയ ഷില്ലാച്ചി, ആ ലോകകപ്പിൽ ഇറ്റലിയെ മൂന്നാം സ്ഥാനത്തെത്തിക്കുന്നതിൽ നിർണായക പങ്കുവഹിച്ചു. ടോട്ടോ എന്ന വിളിപ്പേരുള്ള ഷില്ലാച്ചി ഇറ്റലിയിലെ
ന്യൂഡൽഹി ∙ ഇന്ത്യയുടെ വനിതാ ഫുട്ബോൾ ടീം മുഖ്യ പരിശീലകനായി സന്തോഷ് കശ്യപിനെ അഖിലേന്ത്യാ ഫുട്ബോൾ ഫെഡറേഷൻ നിയമിച്ചു. ഇന്ത്യയുടെ മുൻ രാജ്യാന്തര താരമായ കശ്യപിന് ഐ ലീഗ് പരിശീലകനായുള്ള പരിചയമുണ്ട്. ചവോബ ദേവിയുടെ പിൻഗാമിയായാണ് കശ്യപ് എത്തുന്നത്. ഒക്ടോബറിൽ നേപ്പാളിൽ നടക്കുന്ന സാഫ് വനിതാ ചാംപ്യൻഷിപ് മുതൽ ടീമിനൊപ്പം ചേരും. മലയാളിയായ പി.വി.പ്രിയയാണ് അസിസ്റ്റന്റ് കോച്ച്.
കോഴിക്കോട്∙ സൂപ്പർ ലീഗ് കേരള ഫുട്ബോളില്‍ ഫോഴ്സ കൊച്ചി എഫ്സിക്ക് രണ്ടാം സമനില. കാലിക്കറ്റ് എഫ്സിക്കെതിരായ പോരാട്ടത്തിൽ, ഇരു ടീമുകളും ഓരോ ഗോൾ വീതം നേടി സമനിലയിൽ പിരിയുകയായിരുന്നു. 42–ാം മിനിറ്റിൽ ഗനി അഹമ്മദ് നിഗം കാലിക്കറ്റിനെ മുന്നിലെത്തിച്ചപ്പോൾ, 75–ാം മിനിറ്റിൽ ഗുബോ സെഫേലോ
കൊച്ചി∙ ലോകത്തിലെ ആദ്യ ‘മീശ ടൂർ’ അവതരിപ്പിച്ച സ്ലൊവേനിയൻ തലസ്ഥാനനഗരം ലുബിയാനയിൽ നിന്നുള്ള ലൂക്ക മാജ്സന്റെ ‘മീശ ഷോ’യ്ക്കു മുന്നിലാണ് ഈ ഐഎസ്എലിലെ ആദ്യമത്സരത്തിൽ കേരള ബ്ലാസ്റ്റേഴ്സ് പകച്ചുപോയത്. ലൂക്കയുടെ മീശവീര്യത്തിനു വേദിയായതു ബ്ലാസ്റ്റേഴ്സിന്റെ പെനൽറ്റി ഏരിയയും കോർണർ ഏരിയയും.
മ്യൂണിക്ക്∙ യുവേഫ ചാംപ്യൻസ് ലീഗിൽ ജർമൻ ക്ലബ്ബ് ബയണ്‍ മ്യൂണിക്കിനു വമ്പൻ വിജയം. ക്രൊയേഷ്യൻ ക്ലബ് ഡൈനാമോ സാഗ്രെബിനെ 9–2 എന്ന സ്കോറിനാണ് ബയൺ തകർത്തുവിട്ടത്. ഇംഗ്ലിഷ് താരം ഹാരി കെയ്ൻ ബയണിനായി നാലു ഗോളുകൾ നേടി. 19,57,73,78
മഡ്ഗാവ് ∙ ഐഎസ്എൽ ഫുട്ബോൾ സീസണിലെ ആദ്യ മത്സരത്തിൽ എഫ്സി ഗോവയ്ക്കു സ്വന്തം മൈതാനത്തു തോൽവി. ജംഷഡ്പുർ എഫ്സി 2–1ന് ഗോവയെ തോൽപിച്ചു. ആദ്യപകുതിയുടെ ഇൻജറി ടൈമിൽ നേടാൻ കഴിഞ്ഞ ലീഡ് രണ്ടാം പകുതിയിൽ നിലനിർത്താൻ ഗോവയ്ക്കു കഴിയാതെ പോയതുമൂലമാണ് തോൽവി. കളിയിലുടനീളം മികച്ച പന്തവകാശവും പാസിങ് മികവുമുണ്ടായിരുന്നിട്ടും പ്രതിരോധത്തിലെ പാളിച്ചകൾ ഫറ്റോർഡ സ്റ്റേഡിയത്തിൽ നടന്ന മത്സരത്തിൽ ഗോവയെ തിരിഞ്ഞുകൊത്തി.
ലണ്ടൻ ∙ മാഞ്ചസ്റ്റർ സിറ്റി ജഴ്സിയിൽ ഗോളെണ്ണത്തിൽ സെഞ്ചറിയടിക്കാൻ എർലിങ് ഹാളണ്ടിന് ഒരു ഗോൾകൂടി. ബ്രെന്റ്ഫോഡിനെ 2–1നു തോൽപിച്ച ഇംഗ്ലിഷ് പ്രിമിയർ ലീഗ് ഫുട്ബോൾ മത്സരത്തിൽ മാഞ്ചസ്റ്റർ സിറ്റിക്കായി നേടിയ 2 ഗോളുകളോടെയാണ് ഹാളണ്ടിന്റെ ഗോൾ നേട്ടം 99 ആയത്. 22–ാം സെക്കൻഡിൽ യൊവാൻ വിസ്സ നേടിയ ഗോളിൽ ബ്രെന്റ്ഫോഡ് മുന്നിലെത്തിയിരുന്നു. ഇതിനു മറുപടിയായാണ് 19, 32 മിനിറ്റുകളിൽ ഹാളണ്ടിന്റെ ഗോളുകൾ വന്നത്. എല്ലാ ചാംപ്യൻപ്പുകളിലുമായി 103 മത്സരങ്ങളിൽനിന്നാണ് ഹാളണ്ടിന്റെ 99 ഗോളുകൾ. ഈ ജയത്തോടെ, ലീഗിലെ അപരാജിത കുതിപ്പ് തുടരാനും സിറ്റിക്കായി.
പുതിയ ഫോർമാറ്റിലുള്ള യുവേഫ ചാംപ്യൻസ് ലീഗ് ഫുട്ബോൾ സീസണിലെ ആദ്യ മത്സരങ്ങൾ ഇന്ന്. ഗ്രൂപ്പ് അടിസ്ഥാനത്തിൽ മത്സരിക്കുന്നതിനു പകരം ലീഗ് അടിസ്ഥാനത്തിലാണ് ഇത്തവണ ടൂർണമെന്റ്. 8 വീതം മത്സരങ്ങളാണ് ഓരോ ടീമിനും.
സ്പാനിഷ് ലാ ലിഗ ഫുട്ബോളിൽ വിജയമാവർത്തിച്ച് ബാർസിലോന. തുടർച്ചയായ അഞ്ചാം മത്സരത്തിലും ബാർസ വിജയം നേടി. ജിറോണ എഫ്സിയെ 4–1ന് തോൽപിച്ച ബാർസ ഒന്നാം സ്ഥാനത്തു തുടരുന്നു. മറ്റു മത്സരങ്ങളിൽ അത്‍ലറ്റിക്കോ മഡ്രിഡ് 3–0ന് വലൻസിയയെയും അത്‍ലറ്റിക് ക്ലബ് 3–2ന് ലാസ് പാമാസിനെയും തോൽപിച്ചു.
‘ഇവാൻ’ യുഗത്തിൽ നിന്നു ‘മികായേൽ’ യുഗത്തിലേക്കുള്ള പരിണാമ ഘട്ടത്തിന്റെ ആദ്യ പടിയിൽ കേരള ബ്ലാസ്റ്റേഴ്സ് നേരിട്ടത് ആശയക്കുഴപ്പവും തോൽവിയും. സീസണിലെ ആദ്യ ഐഎസ്എൽ ഫുട്ബോൾ മത്സരത്തിൽ പഞ്ചാബ് എഫ്സിക്കെതിരായ 2–1നാണ് ബ്ലാസ്റ്റേഴ്സ് തോൽവിയറിഞ്ഞത്. പുതിയ കോച്ച് മികായേൽ സ്റ്റാറെയുടെ ‘വെർട്ടിക്കൽ ഫുട്ബോൾ’ തന്ത്രവുമായി പൊരുത്തപ്പെടാൻ കളിക്കാർ പ്രയാസപ്പെട്ടതും പനി കാരണം ക്യാപ്റ്റൻ അഡ്രിയൻ ലൂണ കളിക്കാതിരുന്നതും ബ്ലാസ്റ്റേഴ്സിനു തിരിച്ചടിയായി.
കൊൽക്കത്ത ∙ ഐഎസ്എൽ ഫുട്ബോളിലെ അരങ്ങേറ്റ മത്സരത്തിൽ തോൽവി രുചിച്ച് കൊൽക്കത്ത മുഹമ്മദൻസ് സ്പോർട്ടിങ് ക്ലബ്. ഹോം ഗ്രൗണ്ടായ കിഷോർ ഭാരതി ക്രിരംഗനിൽ നടന്ന മത്സരത്തിൽ അയൽ ദേശക്കാരായ നോർത്ത് ഈസ്റ്റ് യുണൈറ്റഡ് ഇൻജറി ടൈമിലെ ഗോളിൽ മുഹമ്മദൻസിനെ വീഴ്ത്തി (1–0).
തിരുവനന്തപുരം∙ സൂപ്പര്‍ ലീഗ് കേരളയിലെ അരങ്ങേറ്റ മത്സരത്തിൽ തിരുവനന്തപുരം കൊമ്പന്‍സിനു വിജയം. തൃശൂർ മാജിക് എഫ്സിയെ എതിരില്ലാത്ത രണ്ടു ഗോളുകൾക്കാണു തിരുവനന്തപുരം തോല്‍പിച്ചത്. വിഷ്ണു ടി.എം (15–ാം മിനിറ്റ്), പാപുവയ് (69) എന്നിവരാണ് തിരുവനന്തപുരത്തിന്റെ ഗോൾ
കൊച്ചി∙ തിരുവോണ ദിനത്തിൽ ജവഹർലാൽ നെഹ്റു സ്റ്റേഡിയത്തിൽ ‘ആർക്കോ വേണ്ടിയെന്ന പോലെ തിളച്ചിരുന്ന’ ഐഎസ്എൽ മത്സരമാണ്, അവസാന 10 മിനിറ്റിലെ മൂന്നു ഗോളുകളും ഇതിനിടയിലെ കയ്യാങ്കളിയുമൊക്കെയായി അതിനാടകീയമായി അവസാനിച്ചത്. തിരുവോണ ദിനത്തിന്റെ ആവേശമൊക്കെയും കെടുത്തുന്ന മത്സരമായിരുന്നു കൊച്ചിയിൽ ബ്ലാസ്റ്റേഴ്സും
ലണ്ടൻ∙ ഇംഗ്ലിഷ് പ്രിമിയർ ലീഗിൽ കരുത്തൻമാരുടെ പോരാട്ടത്തിൽ ടോട്ടനം ഹോട്‍സ്പറിനെ വീഴ്ത്തി ആർസനൽ. ഏകപക്ഷീയമായ ഒരു ഗോളിനാണ് ആർസനലിന്റെ വിജയം. മറ്റൊരു മത്സരത്തിൽ ന്യൂകാസിൽ യുണൈറ്റഡ് വോൾവർഹാംപ്ടൻ വാണ്ടറേഴ്സിനെ 2–1ന് തോൽപ്പിച്ചു. പരുക്കേറ്റ ക്യാപ്റ്റൻ മാർട്ടിൻ ഒഡെഗാർഡ്, സസ്പെൻഷൻ നേരിടുന്ന മിഡ്ഫീൽഡർ
ഓണത്തിന്റെ കേന്ദ്രമായ തൃക്കാക്കരയിൽ നിന്നു നോക്കെത്തുന്ന ദൂരത്തുള്ള കലൂർ സ്റ്റേഡിയത്തിൽ തിരുവോണ നാളിൽ കേരളത്തിന്റെ ബ്ലാസ്റ്റേഴ്സ് പുതിയൊരു അധ്യായം തുടങ്ങുന്നു. പുതിയ പരിശീലകന്റെ കൈ പിടിച്ച്, പുതിയ താരങ്ങളുടെ കരുത്തിൽ പുതിയ കുതിപ്പിലേക്കു കാലെടുത്തു വയ്ക്കാൻ ഇതിനെക്കാൾ നല്ലൊരു ദിവസവും സ്ഥലവും വേറെയില്ല.
കൊച്ചി ∙ തിരുവോണ ദിനത്തിൽ ഐഎസ്എൽ 11–ാം സീസണിലെ ആദ്യ മത്സരത്തിൽ പഞ്ചാബ് എഫ്‍സിയോട് തോറ്റ കേരള ബ്ലാസ്റ്റേഴ്സിന്‘കണ്ണീരോണം’. അടിയും തിരിച്ചടിയുമായി തീർത്തും നാടകീയമായി മാറിയ മത്സരത്തിൽ ഒന്നിനെതിരെ രണ്ടു ഗോളുകൾക്കാണ് പഞ്ചാബ് എഫ്സി കേരള ബ്ലാസ്റ്റേഴ്സിനെ തോൽപ്പിച്ചത്. ഗോൾരഹിതമായിരുന്ന ആദ്യ പകുതിക്കു ശേഷം രണ്ടാം പകുതിയിലാണ് മത്സരത്തിലെ മൂന്നു ഗോളുകളും പിറന്നത്. മത്സരത്തിന്റെ അവസാന നിമിഷങ്ങളിൽ ഇരു ടീമുകളിലെയും താരങ്ങൾ തമ്മിൽ പലതവണ കയ്യാങ്കളിയുണ്ടായി.
ലണ്ടൻ∙ പ്രമുഖ ടീമുകളെല്ലാം ജയിച്ചു കയറിയ ദിനം ഇംഗ്ലിഷ് പ്രിമിയർ ലീഗിൽ കരുത്തരായ ലിവർപൂളിന് സ്വന്തം തട്ടകമായ ആൻഫീൽഡിൽ തോൽവി. ഈ സീസണിൽ തോൽവിയറിയാതെ കുതിക്കുന്ന നോട്ടിങ്ങം ഫോറസ്റ്റാണ് ലിവർപൂളിനെ വീഴ്ത്തിയത്. ഏകപക്ഷീയമായ ഒരു ഗോളിനാണ് നോട്ടിങ്ങാമിന്റെ വിജയം. പകരക്കാരനായി എത്തിയ കല്ലം ഹഡ്സൻ ഒഡോയിയാണ്
ഭുവനേശ്വർ∙ ഇന്ത്യൻ സൂപ്പർ ലീഗ് (ഐഎസ്എൽ) 11–ാം സീസണിൽ ആദ്യ ജയം ചെന്നൈയിൻ എഫ്സിക്ക്. ഒഡീഷ എഫ്സിയെ രണ്ടിനെതിരെ മൂന്നു ഗോളുകൾക്കാണ് ചെന്നൈയിൻ തോൽപ്പിച്ചത്. ഇന്നു നടന്ന രണ്ടാം മത്സരത്തിൽ ബെംഗളൂരു എഫ്സി ഏകപക്ഷീയമായ ഒരു ഗോളിന് ഈസ്റ്റ് ബംഗാളിനെയും തോൽപ്പിച്ചു. 25–ാം മിനിറ്റിൽ വിനീത് വെങ്കടേഷ് നേടിയ ഗോളിലാണ് ബെംഗളൂരുവിന്റെ വിജയം.
‘നിങ്ങൾ ഒരു ഫുട്ബോൾ ക്ലബ്ബിനെ ഇഷ്ടപ്പെടുന്നതു വിജയങ്ങളും കിരീടങ്ങളും കൊണ്ടുമാത്രമല്ല, നിങ്ങളെത്തന്നെ അതിൽ കാണുന്നതു കൊണ്ടാണ്’ – ഡെനിസ് ബെർഗ്കാംപിന്റേതാണ് ഈ വാക്കുകൾ. ഡച്ച് ഫുട്ബോളറുടെ ആ വാക്കുകളുമായി ഏറ്റവും ചേർന്നുനിൽക്കുന്നൊരു ക്ലബ്ബാണു കേരള ബ്ലാസ്റ്റേഴ്സ്. ഇന്ത്യൻ സൂപ്പർ ലീഗ് ടീമുകളിലെ കിരീടക്കൂട്ടത്തിൽ ഒറ്റയാനാണ് ഇപ്പോൾ ബ്ലാസ്റ്റേഴ്സ്. പക്ഷേ, മഞ്ഞയിൽ നീലവർണത്തിന്റെ വരകൾ തുടിച്ചുനിൽക്കുന്ന ബ്ലാസ്റ്റേഴ്സിന്റെ പുതിയ കുപ്പായത്തിൽ സ്വന്തം ഹൃദയമിടിപ്പ് തിരിച്ചറിയുന്ന ആരാധകലക്ഷങ്ങളുടേതാണീ ക്ലബ്. അതു തിരിച്ചറിഞ്ഞിട്ടാണു കിരീടമെന്ന ഒരേയൊരു ലക്ഷ്യം മുൻനിർത്തി ഈ സീസണിലേക്കായി ബ്ലാസ്റ്റേഴ്സ് നടത്തിയ അഴിച്ചുപണികൾ.
പയ്യനാട് (മഞ്ചേരി) ∙ സൂപ്പർ ലീഗ് കേരളയിലെ ‘മലബാർ ഡെർബി’യിൽ ആതിഥേയരായ മലപ്പുറം എഫ്സിയെ മൂന്നടിയിൽ തകർത്ത് കാലിക്കറ്റ് എഫ്സിയ്ക്ക് ആദ്യ വിജയം. കാലിക്കറ്റിന്റെ ഗനി അഹമ്മദ് നിഗം ഇരട്ടഗോളുകളും (22–ാം മിനിറ്റ്, 90+7 മിനിറ്റ്), കെർവെൻസ് ബെൽഫോർട്ട് ഒരു ഗോളും നേടി(62-ാം മിനിറ്റ്). സൂപ്പർ ലീഗ് കേരള ഫുട്ബോളിലെ അഞ്ചാം മത്സരത്തിലാണ് മലപ്പുറത്തെ എതിരില്ലാത്ത 3 ഗോളുകൾക്ക് കാലിക്കറ്റ് പരാജയപ്പെടുത്തിയത്.
മോഹൻ ബഗാൻ ഫുട്ബോൾ ക്ലബ്ബുമായുള്ള കരാർ തെറ്റിച്ച് ഈസ്റ്റ് ബംഗാളിലേക്കു മാറിയതിന് ഇന്ത്യൻ ഫുട്ബോൾ താരം അൻവർ അലിക്ക് അഖിലേന്ത്യാ ഫുട്ബോൾ ഫെഡറേഷൻ (എഐഎഫ്എഫ്) ഏർപ്പെടുത്തിയ വിലക്ക് പിൻവലിച്ചു.
കൊച്ചി ∙ ക്ലാസ് മുറി വിട്ടിറങ്ങിയ കുട്ടിയെപ്പോലെ അഡ്രിയൻ ലൂണ! ജെൽ പുരട്ടിയൊതുക്കിയ മുടി, ക്ലീൻ ഷേവ് ചെയ്ത മുഖത്തിനു കൂടുതൽ ചെറുപ്പം. ടീം മീറ്റിങ്ങിനു ശേഷമുള്ള ഇടവേളയിലായിരുന്നു കൂടിക്കാഴ്ച. കരം കവർന്ന് ആശംസകൾ നേർന്നപ്പോൾ ആ മുഖം വികസിച്ചു: ഓ! എന്റെ കുഞ്ഞിനു വേണ്ടിയല്ലേ! നന്ദി. കുടുംബം കൊച്ചിയിലേക്കു വരും, അടുത്ത ജനുവരിയിൽ’’– കേരള ബ്ലാസ്റ്റേഴ്സ് താരനിരയിൽ പ്രകടനം കൊണ്ട് എക്കാലത്തെയും സൂപ്പർ താരമാണു യുറഗ്വായിലെ ടാക്വറെംബോയിൽ ജനിച്ച ലൂണ. കളത്തിൽ ബ്ലാസ്റ്റേഴ്സിന്റെ സൂര്യനെങ്കിലും പേരിന്റെ അർഥം കൊണ്ടു സൗമ്യചന്ദ്രിക!
ലിസ്ബൺ ∙ ബില്യൻ ആരാധകരുമായി സമൂഹമാധ്യമങ്ങളിലെ ക്രിസ്റ്റ്യാനോ റൊണാൾഡോ ‘സാമ്രാജ്യം’ പുതിയ ചരിത്രം കുറിച്ചു. എല്ലാ സമൂഹമാധ്യമ അക്കൗണ്ടുകളിലുമായി 100 കോടി ഫോളോവേഴ്സിനെ സ്വന്തമാക്കുന്ന ആദ്യ വ്യക്തിയെന്ന നേട്ടമാണ് സൂപ്പർ‌താരത്തിനു സ്വന്തമായത്.
കോഴിക്കോട് ∙ സൂപ്പർ ലീഗ് കേരള ഫുട്ബോളിൽ കോഴിക്കോട്ടെ രണ്ടാം മത്സരവും സമനില. ഇന്നലെ നടന്ന മത്സരത്തിൽ കണ്ണൂർ വോറിയേഴ്സും ഫോഴ്സ കൊച്ചിയും 1–1ന് സമനിലയിൽ പിരിഞ്ഞു. കോർപറേഷൻ സ്റ്റേഡിയത്തിൽ കഴിഞ്ഞ ദിവസം നടന്ന കാലിക്കറ്റ് –തിരുവനന്തപുരം മത്സരവും സമനിലയായിരുന്നു (1–1).
കൊച്ചി ∙ ഒളിംപിക് മെഡൽ തിളക്കത്തിന്റെ തിരക്കൊഴിയും മുൻപേ കളം മാറിയൊരു ദൗത്യത്തിലാണു പി.ആർ.ശ്രീജേഷ്. ഹോക്കിയിൽനിന്നു ഫുട്ബോളിന്റെ കുമ്മായവരയ്ക്കുള്ളിലേക്കു കടന്ന ആ ദൗത്യത്തിൽ ശ്രീജേഷിനൊരു കൂട്ടുമുണ്ട്. ഫുട്ബോൾ തന്നെ ജീവവായുവാക്കിയ ഐ.എം.വിജയൻ. ഇന്ത്യൻ സൂപ്പർ ലീഗ് 11–ാം വയസ്സിലേക്കു ചുവടുവയ്ക്കുമ്പോൾ കേരളത്തിന്റെ കാൽപന്തു പ്രണയം അവതരിപ്പിക്കാനായി സംഘാടകർതന്നെ കണ്ടെത്തിയതാണീ താരജോടിയെ.
കൊൽക്കത്ത ∙ തോൽക്കാൻ ഇഷ്ടമില്ലാത്തവരാണ് തങ്ങളെന്നു മുംബൈ സിറ്റി എഫ്സി ഒരിക്കൽക്കൂടി തെളിയിച്ചു. ഐഎസ്എൽ ഫുട്ബോൾ ഉദ്ഘാടന മത്സരത്തിൽ, ആതിഥേയരായ മോഹൻ ബഗാനെതിരെ 2 ഗോളിനു പിന്നിൽനിന്ന ശേഷം 2 ഗോൾ തിരിച്ചടിച്ച് മുംബൈ സിറ്റി എഫ്സി സമനില പിടിച്ചു. കഴിഞ്ഞ സീസണിലെ ഫൈനലിസ്റ്റുകളായിരുന്ന ബഗാനും മുംബൈയും തമ്മിൽ സോൾട്ട് ലേക്ക് സ്റ്റേഡിയത്തിൽ നടന്ന മത്സരത്തിന്റെ രണ്ടാം പകുതിയിൽ മഴ തകർത്തു പെയ്തെങ്കിലും ആവേശത്തിന്റെ കനൽ ജ്വലിച്ചു തന്നെ നിന്നു.
കൊൽക്കത്ത ∙ ഇന്ത്യൻ സൂപ്പർ ലീഗ് ഫുട്ബോളിൽ (ഐഎസ്എൽ) ഈ സീസൺ മുതൽ എല്ലാ ക്ലബ്ബുകൾക്കും ഇന്ത്യൻ സഹപരിശീലകൻ, കൺകഷൻ സബ്സ്റ്റിറ്റ്യൂട്ട്, തെറ്റായ റെഡ് കാർഡുകൾക്ക് അപ്പീൽ നൽകാൻ സംവിധാനം തുടങ്ങിയ നിയമപരിഷ്കാരങ്ങൾ നടപ്പിലാക്കും.
കൊച്ചി ∙ ഇന്ത്യൻ സൂപ്പർ ലീഗ് ഫുട്ബോൾ 11 –ാം സീസണ് ഇന്നു കൊൽക്കത്തയിൽ കിക്കോഫ്. സോൾട്ട് ലേക്ക് സ്റ്റേഡിയത്തിൽ വൈകിട്ട് 7.30നു നടക്കുന്ന ആദ്യ മത്സരത്തിൽ കഴിഞ്ഞ തവണത്തെ ഫൈനലിസ്റ്റുകളായ മോഹൻ ബഗാനും മുംബൈ സിറ്റി എഫ്സിയും തമ്മിലേറ്റുമുട്ടും.
കൊച്ചി ∙ സോറീട്ടോ! ടീം മീറ്റിങ്ങായതിനാലാണ് അൽപം വരാൻ വൈകിയതെന്നു കെ.പി.രാഹുൽ പറഞ്ഞതു ക്ഷമാപണ സ്വരത്തിൽ. കേരള ബ്ലാസ്റ്റേഴ്സിന്റെ ‘പോസ്റ്റർ ബോയ്’ ആണു തൃശൂർ മണ്ണുത്തി സ്വദേശി രാഹുൽ. അണ്ടർ 17 ഫിഫ ലോകകപ്പിൽ ഇന്ത്യയ്ക്കായി കളിച്ച രാഹുൽ ഇന്ത്യൻ സീനിയർ ടീമിലും പതിവു മുഖം. 24 വയസ്സേയുള്ളൂവെങ്കിലും ആറു വർഷമായി ടീമിലുള്ള രാഹുലാണു സൂപ്പർ സീനിയർ!
Results 1-100 of 6604
