Opinion And Analysis

മോദി, പിണറായി, രാഹുൽ.. ഒരാളെ ആരാധിക്കാൻ രണ്ടുപേരെ വെറുക്കണോ? ഈ ‘ഗ്രൂപ്പിസം’ അത്ര നന്നല്ല!

കഴിഞ്ഞമാസം ഈ ദിവസങ്ങളിൽ ഫോൺ വിളിക്കുമ്പോഴെല്ലാം സ്വാതന്ത്ര്യദിനം പ്രമാണിച്ച് ‘ഹർ ഘർ തിരങ്ക’ എന്നു കേട്ടുകേട്ട് മറ്റൊരു തിരങ്കയുടെ കാര്യം ഓർമ വന്നു. ഒരുവശത്ത്, അതുവരെ കേട്ടുകേൾവിയില്ലാത്ത ഒരുപാടു സാമൂഹികവിഷയങ്ങളിൽ ഉറച്ച അഭിപ്രായങ്ങളുള്ളപ്പോഴും, നമ്മുടെ പുതിയ തലമുറ സജീവരാഷ്ട്രീയത്തോടു വിമുഖത കാണിക്കുന്നു. (അവരുടെ മുൻതലമുറ ക്യാംപസ് രാഷ്ട്രീയം നിരോധിച്ചതുൾപ്പെടെയുള്ള കാരണങ്ങളാകാം ഇതിനു പിന്നിലെന്നു പിൽക്കാലത്തു കണ്ടെത്തിക്കൂടായ്കയില്ല). നാളെ അവരെ ആരു ഭരിക്കുമെന്ന വലിയ ചോദ്യവും ഈ വിമുഖതയ്ക്കു പിന്നിൽനിന്നു മുഖം കാണിക്കുന്നുണ്ട്. അതവിടെ നിൽക്കട്ടെ. കാരണം, അതിനെക്കാൾ ഭീതിദവും ദയനീയവുമായി കാണപ്പെടുന്നു ഇതെഴുതുന്ന ആളുൾപ്പെടെയുള്ള തലമുറ ചെന്നുപെട്ടിരിക്കുന്ന ഹർ ഫോൺ തിരങ്ക. ഈ അമ്മാവൻ തലമുറയുടെ ഉള്ളിലിരിപ്പുകൾ ഏറ്റവും സത്യസന്ധമായി പ്രതിഫലിപ്പിക്കുന്ന മാധ്യമമായിത്തീർന്നിരിക്കുന്ന വാട്‌സാപ് ഗ്രൂപ്പുകളിലാണ് ഈ തിരങ്ക മുന്നിൽപെടുന്നത്. മറ്റൊരു വിഷയത്തിലേക്കും ശ്രദ്ധ തിരിക്കാതെ പിണറായി വിജയൻ, നരേന്ദ്ര മോദി, രാഹുൽ ഗാന്ധി എന്നിവരിൽ ആരെയെങ്കിലും ഒരാളെ അമിതമായി ആരാധിക്കുകയോ വെറുക്കുകയോ ചെയ്യുന്ന മൂന്നു വിഭാഗമായി ചേരിതിരിഞ്ഞാണ് (പിന്നോട്ടു മാത്രം കൊണ്ടുപോകുന്ന) ഫോർവേഡിങ് എന്ന നിത്യവൃത്തിയിൽ ഇങ്ങനെ കുറെയധികം പേർ അഭിരമിക്കുന്നത്. ഇതിൽ ഒരാളെ ആരാധിക്കുന്നു എന്നാലർഥം മറ്റു രണ്ടുപേരെയും വെറുക്കുന്നു
മധ്യവയസ്സുകാരുടെ തൊഴിൽ ഇല്ലാതാക്കുമോ എഐ: പ്രതിസന്ധിയായി ‘ബ്ലാക് ബോക്സ്’; നൈനയെ എങ്ങനെ വിശ്വസിക്കും!

ഈയിടെ ഒരു അനൗൺസ്മെന്റ് സമൂഹമാധ്യമങ്ങളിൽ പ്രത്യക്ഷപ്പെട്ടു: ലോകത്തെ ആദ്യ ആർട്ടിഫിഷ്യൽ ഇന്റലിജൻസ് സൗന്ദര്യമത്സരത്തിന് എൻട്രികൾ ക്ഷണിക്കുന്നു. 2000 യുഎസ് ഡോളർ സമ്മാനം. എഐ നിർമിത ചിത്രങ്ങളായിരുന്നു മത്സരാർഥികൾ. മൊറോക്കോയിൽനിന്നുള്ള കെൻസ ലയ്‌ലി എന്ന എഐ സൃഷ്ടിയാണ് സമ്മാനം നേടിയത്. ഈ മത്സരത്തിന്റെ ജഡ്ജിങ് പാനലിനുമുണ്ടായിരുന്നു പ്രത്യേകത. രണ്ടു വിധികർത്താക്കൾ മനുഷ്യരായിരുന്നില്ല; എഐ നിർമിത വെർച്വൽ മനുഷ്യരൂപങ്ങളായിരുന്നു. എയ്താന ലോപസ്, എമിലി പെലഗ്രിനി എന്നിവരായിരുന്നു ഇവർ. ജനറേറ്റീവ് എഐയുടെ ചിത്രനിർമാണ സംവിധാനങ്ങൾ ഉപയോഗിച്ചു നിർമിക്കപ്പെട്ടവ. ഇൻസ്റ്റഗ്രാമിൽ മൂന്നു ലക്ഷത്തിലേറെ ഫോളോവേഴ്സുള്ള എയ്താനയ്ക്കു മാസം 9 ലക്ഷം രൂപയാണ് വരുമാനം. ഇത് എയ്താനയുടെ
മോദിയുടെ മൂന്നാം വരവിൽ മുന്നേറി, പിന്നെ കിതച്ചു: 2979 രൂപയിൽ നിന്ന് 1800ലേക്ക്, സ്ഥാനം 4; കൊച്ചിൻ ഷിപ്‍യാഡ് ഓഹരിക്ക് എന്തുപറ്റി?

ഒരു വർഷം മുൻപ് വെറും 435 രൂപയായിരുന്ന കൊച്ചിൻ ഷിപ്‍യാഡിന്റെ ഓഹരി വില, 2024 ജൂലൈ 8ന് സർവകാല റെക്കോർഡായ 2979.45 രൂപയിൽ എത്തിയിരുന്നു. ഇപ്പോൾ വ്യാപാരം പുരോഗമിക്കുന്നത് 1800 രൂപ നിലവാരത്തിൽ. ഒരു വർഷം മുൻപ് 11,000 കോടി രൂപയ്ക്കടുത്തായിരുന്ന വിപണിമൂല്യം (മാർക്കറ്റ് കാപ്പിറ്റലൈസേഷൻ) ജൂലൈ എട്ടിന് കുതിച്ചുകയറിയത് 78,350 കോടി രൂപയിലേക്കും. ഓഹരി വിപണിയിൽ ലിസ്റ്റ് ചെയ്ത കേരളം ആസ്ഥാനമായ ഏറ്റവും വലിയ കമ്പനിയെന്ന നേട്ടമാണ് അന്ന് മുത്തൂറ്റ് ഫിനാൻസിനെ പിന്തള്ളി കൊച്ചി കപ്പൽശാല സ്വന്തമാക്കിയത്. പക്ഷേ, നിലവിൽ വിപണിമൂല്യമുള്ളതാകട്ടെ 48,000 കോടി രൂപ നിലവാരത്തിൽ. സ്ഥാനം കല്യാൺ ജ്വല്ലേഴ്സിനും ഫാക്ടിനും പിന്നിലായി നാലാമതും. കഴിഞ്ഞ 5 വർഷത്തിനിടെ 900 ശതമാനത്തിന് മുകളിലും ഒരുവർഷത്തിനിടെ 200 ശതമാനത്തിന് മുകളിലും നേട്ടം (റിട്ടേൺ) നിക്ഷേപകർക്ക് സമ്മാനിച്ച കൊച്ചിൻ ഷിപ്‍യാഡ് ഓഹരികൾക്ക് ഇപ്പോൾ എന്തുപറ്റി? കഴിഞ്ഞ ഒരുമാസത്തിനിടെ ഓഹരി വില താഴേക്കുപോയത് 22 ശതമാനമാണ്. ഈ മിനിരത്ന കമ്പനിയുടെ ഓഹരി വിലയിലെ ഇടിവ് താൽകാലികമാണോ? അതോ, കാത്തിരിക്കുന്നത് കൂടുതൽ ഇടിവോ?
മനുഷ്യൻ വളർത്തുന്ന ഓമനക്കടുവ; വരാനിരിക്കുന്നത് ആശങ്കയുടെ മാറ്റങ്ങൾ; വിനയാകുമോ ഈ ‘ബുദ്ധി’?

ഇപ്പോൾ 76 വയസ്സ് കടന്നിട്ടുണ്ട് ജെഫ്രി ഹിന്റന്. ബ്രിട്ടിഷ്–കനേഡിയൻ കംപ്യൂട്ടർ ശാസ്ത്രജ്ഞനും ടൊറന്റോ സർവകലാശാലയിലെ പ്രഫസറുമാണ്. എന്നാൽ, ഹിന്റൻ വിശേഷിപ്പിക്കപ്പെടുന്നതു മറ്റൊരു പേരിലാണ്: നിർമിതബുദ്ധി അഥവാ ആർട്ടിഫിഷ്യൽ ഇന്റലിജൻസിന്റെ (എഐ) തലതൊട്ടപ്പൻ. എഐ ഗവേഷണത്തിൽ ശ്രദ്ധേയ സംഭാവനകൾ അദ്ദേഹം നൽകിയിട്ടുണ്ട്. ആരെങ്കിലും എഐയെ തള്ളിപ്പറയുന്നത് അദ്ദേഹത്തിന് ഇഷ്ടമല്ലായിരുന്നു. എന്നാൽ, ഒരു ഘട്ടത്തിൽ ഹിന്റനുതന്നെ അതു ചെയ്യേണ്ടിവന്നു. ഹിന്റൻ 2012ൽ രണ്ടു ഗവേഷക വിദ്യാർഥികൾക്കൊപ്പം ചെയ്ത ‘കംപ്യൂട്ടർ വിഷൻ പ്രോജക്ട്’ എഐ രംഗത്തെ സുപ്രധാന ചുവടുവയ്പായി. ഈ വിദ്യാർഥികളിലൊരാളായ ഇല്യ സുറ്റ്സ്കിവറാണ് ഇലോൺ മസ്ക്, സാം ഓൾട്ട്മാൻ തുടങ്ങിയവർക്കൊപ്പം 2015ൽ ഓപ്പൺഎഐ എന്ന കമ്പനി ആരംഭിച്ചത്. ചാറ്റ്ജിപിടിയുടെ സ്രഷ്ടാക്കളാണ് ഓപ്പൺഎഐ. എഐ ഡീപ് ലേണിങ് മേഖലയിലെ ഗവേഷണത്തിനു കംപ്യൂട്ടിങ് മേഖലയിലെ 'നൊബേൽ സമ്മാന'മെന്ന് അറിയപ്പെടുന്ന ട്യൂറിങ് പുരസ്കാരം ഹിന്റനു ലഭിച്ചിട്ടുണ്ട്. ലോകത്തിലെ ഏറ്റവും കൃത്യതയാർന്ന ഇമേജ് റെക്കഗ്‌നീഷൻ സംവിധാനമാണ് ഹിന്റനും സംഘവും 2012ൽ വികസിപ്പിച്ചത്. ഡിഎൻ എസ്– റിസർച് എന്ന പേരിൽ അവർ തുടങ്ങിയ കമ്പനി വാങ്ങാൻ ടെക് ലോകത്ത് കിടമത്സരം നടന്നു; ഒടുവിൽ ഗൂഗിൾ അതു നേടി. പ്രഫസർ ജോലിക്കൊപ്പം 2013ൽ ഗൂഗിളിന്റെ എഐ വിഭാഗം ഗൂഗിൾ ബ്രെയ്നിൽകൂടി പ്രവർത്തിക്കാൻ തുടങ്ങിയ ഹിന്റൻ 10 വർഷത്തിനുശേഷം പ്രഖ്യാപിച്ചു: ‘ഞാൻ ഗൂഗിൾ വിടുന്നു’.
രാഹുൽ മാറി; ഇനി പാർട്ടി – വായിക്കാം ‘ഇന്ത്യാ ഫയല്‍’

കോൺഗ്രസിലെ സ്തുതിഗായക സംഘമല്ല, സ്മൃതി ഇറാനിയാണ് പ്രതിപക്ഷ നേതാവ് രാഹുൽ ഗാന്ധിയെക്കുറിച്ചു നല്ല കാര്യങ്ങൾ പറയുന്നത്. രാഹുൽ വിജയം രുചിച്ചിരിക്കുന്നു, വ്യത്യസ്ത ശൈലിയിലുള്ള രാഷ്ട്രീയമാണ് രാഹുലിന്റേത്, ജാതിയെക്കുറിച്ചു പറയുന്നതും ടീ ഷർട്ട് ധരിച്ച് പാർലമെന്റിൽ എത്തുന്നതും ചെറുപ്പക്കാർക്ക് എന്തു സന്ദേശം നൽകുന്നുവെന്ന് അദ്ദേഹത്തിനറിയാം എന്നൊക്കെയാണ് സ്മൃതിവചനങ്ങൾ. ഇങ്ങനെ പറഞ്ഞിട്ട്, എല്ലാം രാഹുലിന്റെ തന്ത്രമാണെന്നൊക്കെ ആർക്കും നോവാത്ത ചില വിമർശനങ്ങൾ മേമ്പൊടിയായി സ്മൃതി ചേർക്കുന്നത് താനിപ്പോഴും ബിജെപിയിലാണല്ലോയെന്നു പെട്ടെന്ന് ഓർത്തിട്ടാവാം. 2019ൽ അമേഠിയിൽ രാഹുലിനെ 55,120 വോട്ടിനു തോൽപിച്ച അതേ മണ്ഡലത്തിൽ തനിക്ക് ഇത്തവണയുണ്ടായ പരാജയം മാത്രമാണ് സ്മൃതിയെക്കൊണ്ടു രാഹുലിനെക്കുറിച്ചു
ADVERTISEMENT

Skip ads. Subscribe now.
‘ഇനി ആർഎസ്എസിനെയും സിപിഎം ന്യായീകരിക്കണോ’; നടപടി നീളുന്നത് എന്തിനെന്ന് സിപിഐ; എന്നിട്ടും മുഖ്യമന്ത്രിക്ക് മൗനം

ആർഎസ്എസുമായി ചർച്ച നടത്തിയ വിശ്വസ്ത പൊലീസ് ഉദ്യോഗസ്ഥനെ കൈവിടണമെന്ന സമ്മർദം മുറുകുമ്പോഴും അന്വേഷണ റിപ്പോർട്ട് വരട്ടെ എന്ന നിലപാടിൽ മുഖ്യമന്ത്രി. എന്നാൽ ഇക്കാര്യത്തിൽ പാർട്ടി നേതൃത്വത്തിന് ഭിന്നാഭിപ്രായമാണുള്ളത്. പുതിയ വെളിപ്പെടുത്തലുകൾ ഉണ്ടാക്കിയിട്ടുള്ള വലിയ രാഷ്ടീയ പ്രതിസന്ധിയെക്കുറിച്ചും പാർട്ടി നേതൃത്വത്തിന് ആശങ്കയുണ്ട്. എം.ആർ.അജിത്കുമാറിനെതിരെ പി.വി.അൻവർ ഉന്നയിച്ച ആരോപണങ്ങൾ പരിശോധിച്ച കഴിഞ്ഞ സിപിഎം സംസ്ഥാന സെക്രട്ടേറിയറ്റ് യോഗം ഡിജിപിയുടെ റിപ്പോർട്ടിന്മേൽ തീരുമാനമെടുക്കാം എന്ന മുഖ്യമന്ത്രിയുടെ നിർദേശമാണ് അംഗീകരിച്ചത്. ആർഎസ്എസ് ജനറൽ സെക്രട്ടറിയുമായി അജിത്കുമാർ നടത്തിയ കൂടിക്കാഴ്ചയെക്കുറിച്ച് പ്രതിപക്ഷ നേതാവ് വി.ഡി.സതീശൻ പുറത്തുവിട്ട വിവരങ്ങളും യോഗത്തിന് മുൻപിലുണ്ടായി. അതും ഡിജിപി അന്വേഷിക്കുമെന്ന ധാരണയിൽ യോഗം പിരിഞ്ഞു. അജിത്തിന്റെ കൂടിക്കാഴ്ചകൾ സംബന്ധിച്ചു കൂടുതൽ കാര്യങ്ങൾ പുറത്തുവരികയും സ്പെഷൽ ബ്രാഞ്ച് ആ വിവരം സർക്കാരിനെ അറിയിച്ചെന്നു വ്യക്തമാകുകയും ചെയ്തതോടെ എൽഡിഎഫ് പ്രതിരോധത്തിലായി. അജിത്തിനെ നീക്കിയേ തീരൂവെന്ന നിലപാട്
വിഡിയോ കോളില്‍ നഗ്നസ്ത്രീ, സിബിഐയും പിന്നാലെ! ഓൺലൈൻ തട്ടിപ്പിൽ പെട്ടാൽ ആദ്യം എന്തു ചെയ്യണം? എസ്‌പി പറയുന്നു

ഫോണിലൂടെ ഒരു വിഡിയോ കോൾ വരുന്നു. ‘ആരാണ് ഈ നേരത്ത് വിഡിയോ കോൾ വിളിക്കാൻ’ എന്ന ആത്മഗതത്തോടെ ഒരാൾ കോളെടുക്കുന്നു. സൂക്ഷിച്ചു നോക്കുമ്പോൾ തൊട്ടപ്പുറത്ത് ഒരു സ്ത്രീയുടെ നഗ്നശരീരം. കണ്ണടച്ചു തുറക്കുന്ന നേരംകൊണ്ട് കോൾ കട്ട് ചെയ്തു. പക്ഷേ, അത്രയും സമയം മതിയായിരുന്നു തട്ടിപ്പുകാർക്ക്. കയ്യിലെ കാശെല്ലാം കാലിയാക്കുന്ന തട്ടിപ്പുകാരുടെ വലയിലേക്ക് അയാൾ വീണു കഴിഞ്ഞു. പിന്നാലെയെത്തുന്നത് ബ്ലാക്ക്‌മെയിൽ കോളാണ്. നഗ്നശരീരത്തിനൊപ്പം കോൾ സ്വീകരിച്ചയാളുടെ ചിത്രം വച്ചുള്ള സ്ക്രീൻഷോട്ട് കൂടി വരുന്നതോടെ തട്ടിപ്പുവല മുറുകിക്കഴിഞ്ഞു. ഇത്തരമൊരു ഘട്ടത്തിൽ നാം എന്തു ചെയ്യണം? അപ്പോൾത്തന്നെ അവര്‍ ആവശ്യപ്പെട്ട പണം നൽകുകയാണോ വേണ്ടത് അതോ, സൈബർ സെല്ലിനെ അറിയിക്കണോ? സൈബർ സെല്ലിനെ അറിയിക്കാനുള്ള വഴിയെന്താണ്? ഡിജിറ്റൽ മേഖലയിൽ അതിവേഗം മുന്നേറിക്കൊണ്ടിരിക്കുന്ന കേരളത്തിൽ സൈബർ സുരക്ഷാ ഭീഷണികളും അതുമായി ബന്ധപ്പെട്ട കുറ്റകൃത്യങ്ങളും വ്യാപകമാകുമ്പോൾ ഇത്തരത്തിലുള്ള ചോദ്യങ്ങളേറെയാണ്. രാജ്യത്തിന്റെ സമ്പദ്‌വ്യവസ്ഥയ്ക്കും കാര്യമായ ഭീഷണി ഉയർത്തുകയാണ് സൈബർ തട്ടിപ്പുകൾ. സാധാരണക്കാരും വിവിധ കച്ചവട സ്ഥാപനങ്ങളും ഉൾപ്പെടെ സാമ്പത്തിക ഇടപാടുകൾക്കും ആശയവിനിമയത്തിനും ഉപയോഗിക്കുന്ന ഡിജിറ്റൽ പ്ലാറ്റ്‌ഫോമുകളാണ് തട്ടിപ്പുകാർ മുതലെടുക്കുന്നത്. ഇത്തരം തട്ടിപ്പുകളുടെ വർധനവിനുള്ള പ്രധാന കാരണം മൊബൈൽ ബാങ്കിങ്ങിന്റെയും ഡിജിറ്റൽ പേയ്‌മെന്റ് ആപ്ലിക്കേഷനുകളുടെയും വ്യാപകമായ ഉപയോഗമാണെന്നും പറയാം. ഇതിനൊപ്പം വായ്പ ആപ്, ഓൺലൈൻ ലോട്ടറി, ഓൺലൈൻ ഗിഫ്റ്റ്, നഗ്ന വിഡിയോ കോൾ, കസ്റ്റമർകെയർ തട്ടിപ്പുകൾ തുടങ്ങി ഒട്ടെറെ കെണികളൊരുക്കിയാണ് തട്ടിപ്പുകാർ വിലസുന്നത്. ഡിജിറ്റൽ സുരക്ഷാ നടപടികളെക്കുറിച്ചുള്ള
വയനാടിനു മേൽ പ്രതിസന്ധിയുടെ നിഴൽ;‌ ആധിപത്യത്തിൽ വന്യമൃഗങ്ങൾ; വേണം കൈത്താങ്ങ്

വയനാടൻ ചുരം കയറി വരുന്നവരെ സ്വാഗതം ചെയ്യുന്ന ലക്കിടിയിലെ ആ വലിയ കമാനത്തിലൂടെ ഇപ്പോൾ സഞ്ചാരികൾ അധികമെത്തുന്നില്ല. കൽപറ്റയ്ക്കടുത്തുള്ള ഒരു റിസോർട്ടിൽ മാത്രം കഴിഞ്ഞമാസം 45 ലക്ഷം രൂപയുടെ ബുക്കിങ്ങാണ് റദ്ദാക്കേണ്ടിവന്നത്. സ്വാതന്ത്ര്യദിനത്തോടനുബന്ധിച്ചുള്ള അവധിദിവസങ്ങളിൽ സഞ്ചാരികളെ പ്രതീക്ഷിച്ചിരുന്ന ടൂറിസം മേഖലയിൽ ഉരുൾപൊട്ടൽ ദുരന്തമുണ്ടാക്കിയത് ഇരട്ടി ആഘാതം. പ്രളയവും കോവിഡുമുണ്ടാക്കിയ പ്രതിസന്ധി മറികടന്ന് പതിയെ പച്ചപിടിച്ചു വന്നപ്പോഴേക്കും വന്യജീവിശല്യം വെല്ലുവിളിയായി. നാട്ടിൽ കടുവയോ ആനയോ ഇറങ്ങുമ്പോഴെല്ലാം ടൂറിസം കേന്ദ്രങ്ങൾക്കു പൂട്ടുവീഴുമെന്ന സ്ഥിതി. അതിതീവ്രമഴയും മറ്റു പ്രകൃതിക്ഷോഭങ്ങളുമുണ്ടാക്കുന്ന തിരിച്ചടി വേറെ. ടൂറിസം വ്യവസായം പഴയ നിലയിലാക്കാൻ മറ്റു സംസ്ഥാനങ്ങൾ കേന്ദ്രീകരിച്ചു പ്രചാരണം നടത്തുമെന്ന സർക്കാർ തീരുമാനം നടപ്പാക്കാൻ ഇനിയും വൈകരുത്.
സതീശനിട്ട ‘ബോംബിന്’ ലക്ഷ്യം രണ്ട്; സിപിഎമ്മിനെ കൈ വിടാൻ പുകഞ്ഞ് സിപിഐ? കേരള കോൺഗ്രസും വൈകില്ല

ആർഎസ്എസ്, ബിജെപി ബന്ധമാരോപിച്ചു സിപിഎമ്മിനെ കടന്നാക്രമിക്കുക വഴി ഉന്നമിടുന്ന രാഷ്ട്രീയ നേട്ടത്തിനപ്പുറം കോൺഗ്രസും യുഡിഎഫും പാലമിടുന്നത് എൽഡിഎഫിലെ പ്രമുഖ ഘടകകക്ഷികളിലേക്ക്. സിപിഎമ്മിനെ എൽഡിഎഫിൽ ഒറ്റപ്പെടുത്തി സിപിഐ, കേരള കോൺഗ്രസ്(എം) പാർട്ടികളെ ഭാവിയിൽ ഒപ്പം നിർത്താനുള്ള രാഷ്ട്രീയാന്തരീക്ഷം രൂപപ്പെടുത്തുന്നതും യുഡിഎഫ് ലക്ഷ്യമിടുന്നു. സിപിഎമ്മുമായുള്ള കൂട്ടുകെട്ട് ഉപേക്ഷിക്കാൻ സിപിഐയും കേരള കോൺഗ്രസും(എം) നിർബന്ധിതരാകുന്ന തരത്തിലേക്കു വിഷയം വളരുമെന്നാണു യുഡിഎഫിന്റെ കണക്കുകൂട്ടൽ. അത്തരമൊരു സാഹചര്യമുണ്ടായാൽ
GLOBAL CANVAS

കടലിൽ കുവൈത്തിലേതു പോലെ ഭീമൻ എണ്ണഖനി: അദൃശ്യ ‘ഡാഷ് ലൈൻ’ വരച്ച് ചൈന; അന്ന് ഇന്ത്യയോടും അതേ ‘ചതി’

രാജ്യാന്തര സംഭവവികാസങ്ങള്‍ ശ്രദ്ധിക്കുന്ന എല്ലാ നിരീക്ഷകരുടെയും ശ്രദ്ധ യുദ്ധം നടക്കുന്ന ഗാസയിലും, ഒരു പ്രത്യാക്രമണത്തിന്‌ തയാറെടുക്കുന്നു എന്ന്‌ പറയപ്പെടുന്ന ഇറാനിലും, യുക്രെയ്ൻ പുതിയ പോര്‍മുഖം തുറന്ന കർക്സിലും കേന്ദ്രീകരിച്ചിരുന്ന സമയത്ത് അധികമാരും കാണാതെ പോയ ഒരു നാടകം തെക്കന്‍ ചൈന സമുദ്രത്തില്‍ 2024 ഓഗസ്റ്റ്‌ മാസത്തില്‍ അരങ്ങേറി. സബീന ഷോള്‍ എന്ന പേരില്‍ അറിയപ്പെടുന്ന, മനുഷ്യവാസമില്ലാത്ത 14 മൈല്‍ വിസ്തീര്‍ണമുള്ള മണല്‍ത്തിട്ടയുടെ സമീപത്തു വച്ച്‌ ചൈനയുടെയും ഫിലിപ്പീൻസിന്റെയും കോസ്റ്റ്‌ ഗാര്‍ഡ് സേനകൾ തമ്മില്‍ ചെറിയ ഒരു ഏറ്റുമുട്ടല്‍ നടന്നു. തങ്ങളുടെ കോസ്റ്റ്‌ ഗാര്‍ഡിന്റെ കപ്പലുകളില്‍ ഫിലിപ്പീന്‍സ്‌ സേന പ്രകോപനമില്ലാതെ വന്ന് ഇടിച്ചു എന്നാണ് ചൈന ആരോപിച്ചത്. എന്നാല്‍ സബീന ഷോളിലേക്ക്‌ പോകുന്ന തങ്ങളുടെ ബോട്ടുകളെ ചൈനയുടെ കോസ്റ്റ്‌ ഗാര്‍ഡ്‌ അപകടകരമായ യുദ്ധമുറകള്‍ കാട്ടി കേടു വരുത്തി എന്നാണ്‌ ഫിലിപ്പീൻസ് പ്രതികരിച്ചത്‌. ഇതിനു ശേഷം പല പ്രാവശ്യം ഇരു രാജ്യങ്ങളുടെയും കോസ്റ്റ്‌ ഗാര്‍ഡ്‌ സേനകള്‍ തമ്മില്‍ ഈ പ്രദേശത്തു നേര്‍ക്കുനേര്‍ വരികയും യാനങ്ങള്‍ തമ്മില്‍ കൂട്ടിയിടിക്കുകയും ചെയ്തു. ഒരു തവണ നാവികര്‍ തമ്മില്‍ ചെറിയതോതില്‍ ഏറ്റുമുട്ടല്‍ ഉണ്ടാവുകയും ഒരു ഫിലിപ്പീന്‍സ്‌ നാവികന് തള്ളവിരല്‍ നഷ്ടപ്പെടുകയും ചെയ്തു. ഇതില്‍ പ്രകോപിതനായ ഫിലിപ്പീന്‍സ്‌ പ്രസിഡന്റ്‌ ‘ഒരു ഫിലിപ്പിനോ പൗരന്റെ ജീവന്‍ നഷ്ടപ്പെട്ടാല്‍ അത്‌ യുദ്ധത്തിന്‌
‌വിപണിയിലും ‘ആങ്‌സൈറ്റി ഡിസോഡർ’; ചോർന്നത് 5 ലക്ഷം കോടി രൂപ;‌ ആശങ്കയുണ്ട്, ഈയാഴ്ച കരുതൽ മുഖ്യം

അവ്യക്തത മൂലമുള്ള ആശങ്ക. ‘ആങ്‌സൈറ്റി ഡിസോഡർ’ എന്നു മനഃശാസ്ത്രത്തിന്റെ ഭാഷയിൽ വിശേഷിപ്പിക്കാവുന്ന ഈ രോഗാവസ്‌ഥയാണോ ഏറ്റവും ഒടുവിലെ വ്യാപാരദിനത്തിൽ ഓഹരി വിപണിയിലാകെ വ്യാപിച്ചതെന്നു സംശയിക്കണം. കാരണം എന്തായാലും വ്യാപാരത്തിന്റെ ഓരോ സെക്കൻഡിലും നിക്ഷേപകരുടെ ആസ്‌തിമൂല്യത്തിൽനിന്നു ചോർന്നുപോയത് 25 കോടിയോളം രൂപയാണ്; ആകെ ഏകദേശം 5 ലക്ഷം കോടി രൂപ! യുഎസിലെ തൊഴിൽ ലഭ്യതയുമായി ബന്ധപ്പെട്ട കണക്കുകളെപ്പറ്റിയുള്ള അവ്യക്‌തതയുടെ അസ്വസ്‌ഥതയാണു വിപണിയിലാകെ വ്യാപിച്ചതെന്നു കരുതുന്നവരുണ്ട്. ഫെഡറൽ റിസർവ് അടുത്ത ആഴ്ച പ്രഖ്യാപിക്കുന്ന പലിശ നയം പ്രസ്‌തുത കണക്കുകളെക്കൂടി ആശ്രയിച്ചായിരിക്കുമല്ലോ എന്നതിനാൽ വിപണിയുടെ ആശങ്ക സ്വാഭാവികം. പക്ഷേ, അത് അപകടകരമായ നിലയിലേക്ക്...
‘ആർഎസ്എസ് ബന്ധവും ഡിജിപി അന്വേഷിക്കും; നടപടി വരും; ജയരാജൻ പിണങ്ങി നിൽക്കരുത്’

രാഷ്ട്രീയ ജീവിതത്തിലെ ഏറ്റവും നിർണായകവും പ്രധാനപ്പെട്ടതുമായ പദവിയിലേക്ക് ടി.പി.രാമകൃഷ്ണനെ സിപിഎം നിയോഗിച്ചിരിക്കുകയാണ്. ഒന്നാം പിണറായി സർക്കാരിൽ എക്സൈസ്–തൊഴിൽ വകുപ്പുകളുടെ മന്ത്രിയായിരുന്ന ഈ സിപിഎം സംസ്ഥാന സെക്രട്ടേറിയറ്റ് അംഗം സംശുദ്ധമായ പൊതു ജീവിതം കാത്തുസൂക്ഷിക്കുന്ന നേതാവായാണ് അറിയപ്പെടുന്നത്. വിവാദങ്ങളിലോ തർക്കങ്ങളിലോ കക്ഷി ചേരുന്ന രീതി ടി.പിക്ക് ഇല്ല. എന്നാൽ പൊടുന്നനെ രാഷ്ട്രീയ വിവാദങ്ങളുടെ നടുവിലേക്ക് പുതിയ കൺവീനർ എത്തിപ്പെട്ടിരിക്കുന്നു. ഇ.പി.ജയരാജനെ കൺവീനർ സ്ഥാനത്ത് നിന്നു പുറത്താക്കി പകരം ടിപിയെ നിയോഗിച്ചതു തന്നെ വലിയ ചലനങ്ങൾ സൃഷ്ടിച്ചു. ഭരണപക്ഷത്തു നിന്നു തന്നെ ഭരണപക്ഷത്തിനു നേരെ ആക്ഷേപങ്ങളുടെ ഒഴുക്ക് തൊട്ടു പിന്നാലെ ഉണ്ടായി. വിവാദങ്ങളെക്കുറിച്ചെല്ലാം മലയാള മനോരമ തിരുവനന്തപുരം ചീഫ് ഓഫ് ബ്യൂറോ സുജിത് നായരുമായി ‘ക്രോസ്ഫയർ’ അഭിമുഖ പരമ്പരയിൽ ടി.പി.രാമകൃഷ്ണൻ സംസാരിക്കുന്നു. പുതിയ എൽഡിഎഫ് കൺവീനർക്കു പറയാനുള്ളത് കേൾക്കാം.
അജിത്കുമാറിന്റെ കൂടിക്കാഴ്ച മുഖ്യമന്ത്രി അറിഞ്ഞില്ലേ? ‘ബിജെപി വിരുദ്ധത’ പുറത്ത് മാത്രം; ഉത്തരം മുട്ടി സിപിഎം

പാർട്ടി സമ്മേളനങ്ങളിൽ പങ്കെടുക്കുന്ന നേതാക്കൾ നടത്തുന്ന പ്രസംഗത്തിൽ പ്രതിപാദിക്കേണ്ട വിഷയങ്ങളെക്കുറിച്ചു സിപിഎം സംസ്ഥാന കമ്മിറ്റി കൈമാറിയ രേഖയിൽ ഇങ്ങനെ നിഷ്കർഷിക്കുന്നു: ‘ഹിന്ദുത്വ രാഷ്ട്രീയത്തിനെതിരെ ജനങ്ങളെ സംഘടിപ്പിക്കണം. ബിജെപിയെ ഒറ്റപ്പെടുത്തി മതനിരപേക്ഷ സർക്കാരിനെ അധികാരത്തിലെത്തിക്കാനുള്ള
മന്ത്രി പറഞ്ഞിട്ടും കമ്മിഷണർ വഴങ്ങിയില്ല; നിയന്ത്രിക്കാതെ എഡിജിപിയും; പൂരം കലങ്ങിയതോ കലക്കിയതോ?

ഇക്കൊല്ലം പൂരം കലങ്ങാനിടയാക്കും വിധം കടുത്ത പൊലീസ് നടപടികളുണ്ടായതു യാദൃച്ഛികമല്ലെന്ന വാദത്തിനു ശക്തിയേറുന്നു. കമ്മിഷണറായിരുന്ന അങ്കിത് അശോകനാണു പഴി കേട്ടതെങ്കിലും കമ്മിഷണറെ നിയന്ത്രിക്കാൻ അധികാരമുള്ള എഡിജിപി അജിത്കുമാറും ഡിഐജി ഡിഐജി അജിതാ ബീഗവും ചെറുവിരലനക്കാതിരുന്നത് എന്തെന്ന ചോദ്യമാണ് ഉയരുന്നത്. ഇരുവരും മുഴുവൻ സമയവും നഗരത്തിലുണ്ടായിരുന്നു. ഇവരിലൊരാൾ പൂരനാളിൽ പൊലീസിന്റെ കൺട്രോൾ റൂമിലെത്തുകയും ചെയ്തിരുന്നു. എന്നാൽ, ചടങ്ങുകൾ അലങ്കോലപ്പെടുകയും പൂരം നിർത്തിവയ്ക്കേണ്ടിവരികയും ചെയ്തപ്പോൾ ഇവർ പ്രശ്നപരിഹാരത്തിനു മുൻകൈ എടുക്കാതിരുന്നതു ദുരൂഹം. മന്ത്രിയടക്കമുള്ളവരെത്തി ചർച്ച നടത്തിയിട്ടും കമ്മിഷണറെ നിയന്ത്രിക്കാൻ കഴിഞ്ഞില്ലെന്നത്
ഉണ്ടയില്ലാവെടികളുടെ നായകൻ! 100 കുട്ടികളുടെ ‘പിതാവ്’; പെൺമക്കളെ വഴിതെറ്റിച്ച അമ്മ; ഇന്ത്യയ്ക്കും മുന്നറിയിപ്പ്

വായനക്കാരുടെ മുന്നിൽ വ്യക്തമായ ഉത്തരം ലഭിക്കാതെ തുടർന്ന ചില സംശയങ്ങൾ. അവയ്ക്കുള്ള കൃത്യവും വ്യക്തവുമായ മറുപടികളുമായി മനോരമ ഓൺലൈൻ പ്രീമിയം. പോയ വാരം മനോരമ ഓൺലൈൻ പ്രീമിയം വിഭാഗത്തിൽ ഏറ്റവും കൂടുതൽ വായനക്കാർ എത്തിയത് ഈ സംശങ്ങൾക്കുള്ള ഉത്തരം തേടി. മുഖ്യമന്ത്രിയെയും ഭരണത്തെയും വരെ പ്രതിക്കൂട്ടിലാക്കുന്ന അൻവറിനു പിന്നിലാരാണ്? ‘വൈശാലി’ എന്ന സിനിമയുടെ ക്ലൈമാക്സ് രംഗത്തിന്റെ ചിത്രീകരണത്തിനിടെ എംടിയേയും ഭരതനേയും ഒരുപോലെ രോമാഞ്ചം കൊള്ളിച്ച അദ്ഭുതം എന്താണ്? പോളിയോ വൈറസ് പുതിയ രൂപത്തിൽ തിരികെ വരികയാണോ? സുഡാനിലെ ആഭ്യന്തര യുദ്ധത്തിന് പിന്തുണ നൽകുന്നതിലൂടെ യുഎഇ ഉൾപ്പെടെയുള്ള അയൽ രാജ്യങ്ങൾ ലക്ഷ്യമിടുന്നത് എന്താണ്? ടെലഗ്രാം മെസഞ്ചർ ആപിന്റെ സ്ഥാപകനായ പാവെലിനെ എന്തിനാണ് ഫ്രാൻസ് അറസ്റ്റ് ചെയ്തത്? പ്രണബ് മുഖർജി രാഷ്ട്രപതിയായിരുന്നപ്പോൾ അദ്ദേഹത്തിന്റെ മുന്നിലെത്തിയ ആ സഹോദരിമാരുടെ ദയാഹർജി അദ്ദേഹം നിഷ്കരുണം തള്ളിക്കളഞ്ഞത് എന്തുകൊണ്ടാണ്? ഈ ‘ടോപ് 6’ സംശയങ്ങൾക്കുള്ള ഉത്തരങ്ങൾ
‘ഒരു പ്രദേശത്തെ തവളകൾ മുഴുവൻ പെട്ടെന്ന് അപ്രത്യക്ഷമായി! അപകട സൂചനയാണത്’

തവളകളുടെ പരിണാമത്തെക്കുറിച്ചു പഠിക്കുന്നതു ജന്തുവിജ്ഞാനീയ പഠനശാഖയ്ക്കു വഴിത്തിരിവാകുമെന്നും കൂടുതൽ പഠനങ്ങൾ ഈ മേഖലയിൽ ആവശ്യമാണെന്നും പറയുകയാണ് ഫ്രോഗ്‌മാൻ ഓഫ് ഇന്ത്യ എന്നറിയപ്പെടുന്ന ഡോ.എസ്.ഡി.ബിജു (സത്യഭാമ ദാസ് ബിജു). കേരള വന ഗവേഷണ സ്ഥാപനത്തിലെത്തിയതായിരുന്നു യുഎസിലെ ഹാർവഡ് യൂണിവേഴ്സിറ്റി ഓർഗാനിക് ആൻഡ് ഇവല്യൂഷനറി ബയോളജി വിഭാഗത്തിൽ അസോഷ്യേറ്റായ അദ്ദേഹം. ജീവികളെ പ്രത്യേകമായി സംരക്ഷിക്കുന്ന നയത്തിനുപകരം ആവാസവ്യവസ്ഥയെ മൊത്തമായി പരിഗണിക്കുന്ന രീതി വന്നാലേ പശ്ചിമഘട്ടത്തിലെയും മറ്റും ജൈവവൈവിധ്യം സംരക്ഷിക്കപ്പെടുകയുള്ളൂ. നമ്മുടെ രാജ്യത്തിലെ ജൈവവൈവിധ്യത്തെക്കുറിച്ചു മനസ്സിലാക്കാൻ ഇനിയും ഏറെ പഠിക്കേണ്ടതുണ്ടെന്നും അദ്ദേഹം പറഞ്ഞു. തവളകൾക്കു കടൽ നീന്തിക്കടക്കാൻ സാധ്യമല്ലാതിരുന്നിട്ടും വ്യത്യസ്ത ഭൂഖണ്ഡങ്ങളിൽ ഒരേ ഇനം തവളകളെ കണ്ടെത്തിയിട്ടുണ്ട്. ശ്രീലങ്കയിൽ കണ്ടെത്തിയ ചില ഇനങ്ങൾ ഇന്ത്യയിലുമുണ്ട്. ഇത്തരം കണ്ടെത്തലുകൾ പ്രധാനമാണ്. ഡോ. എസ്.ഡി. ബിജു സംസാരിക്കുന്നു...
കടലിലേക്ക് 100 കി.മീ. പൈപ്പിലൂടെ ലവണ അവശിഷ്ടം; ‘വാറ്റിയെടുത്താൽ’ വിലയേറിയ ധാതുക്കളും, ശുദ്ധജലവും; സാധ്യമാകുമോ?

വെള്ളം വെള്ളം സർവത്ര, തുള്ളി കുടിക്കാനില്ലത്രേ: സാമുവൽ കോൾറിഡ്ജിന്റെ അർഥഗർഭമായ വരികളാണിത്. ജലസമൃദ്ധമായ ഒരു ഗ്രഹത്തിൽ കുടിക്കാൻ ആവശ്യത്തിനു ശുദ്ധജലമില്ല; എന്തൊരു ദുരവസ്ഥയാണിത്...! ലോകത്ത് 440 കോടിയിലധികം ജനങ്ങൾക്കു കുടിക്കാൻ ശുദ്ധമായ വെള്ളം കിട്ടുന്നില്ലെന്നാണ് ഓഗസ്റ്റ് 16നു പ്രസിദ്ധീകരിച്ച ‘സയൻസ്’ ജേണലിൽ സൂറിക്കിലെ സ്വിസ് ഫെഡറൽ ഇൻസ്റ്റിറ്റ്യൂട്ട് ഓഫ് അക്വാറ്റിക് സയൻസ് ആൻഡ് ടെക്‌നോളജിയിലെ ഡോ.എസ്തർ ഗ്രീൻവുഡും ഏഴു ഗവേഷകരും ചേർന്നെഴുതിയ ലേഖനത്തിൽ വിവരിക്കുന്നത്. ഇതുവരെ കരുതിയിരുന്നതിന്റെ ഇരട്ടിയാണ് ഈ കണക്ക്‌. ഭൂതലത്തിന്റെ മുക്കാൽഭാഗവും കടലാണ്. 2% തണുത്തുറഞ്ഞ ഹിമക്കട്ടകളും. കുടിക്കാൻ കൊള്ളാവുന്നതായി ഭൂമിയിലുള്ള വെള്ളം ഒരു ശതമാനത്തിൽ കുറവാണ്. കുടിക്കാൻ കൊള്ളാത്ത ഉപ്പുവെള്ളമാണു കടലിലുള്ളത്. ഒരു ലീറ്റർ കടൽവെള്ളം വാറ്റിയാൽ 35 ഗ്രാം ഉപ്പുകിട്ടും. കടൽവെള്ളത്തിൽനിന്ന് ഉപ്പും ശുദ്ധജലവും വേർതിരിച്ചെടുക്കാൻ പല പണികളും മനുഷ്യൻ പയറ്റിയിട്ടുണ്ട്. അതിനു പക്ഷേ...
സമചിത്തത പാലിക്കാം - ബി.എസ്.വാരിയർ എഴുതുന്നു

സ്ഥലജലഭ്രമം എന്ന പദം മഹാഭാരതകഥയിലൂടെ പ്രസിദ്ധി നേടി. പാണ്ഡവർക്ക് അവകാശപ്പെട്ടതു ഖാണ്ഡവപ്രസ്ഥമെന്ന തരിശുഭൂമി മാത്രമെന്നു കൗശലത്തോടെ പറഞ്ഞ്, ധൃതരാഷ്ട്രരും കൗരവരും ചേർന്ന് അവരെ ചതിച്ചു. പക്ഷേ കഠിനപ്രയത്നംവഴി യുധിഷ്ഠിരനും സഹോദരന്മാരും അതിനെ ഐശ്വര്യപൂർണമായ ഇന്ദ്രപ്രസ്ഥമാക്കി. മയൻ എന്ന അസുരശില്പി അതിമനോഹരമായ സൗധങ്ങൾ പണിഞ്ഞുകൊടുത്തു. സമൃദ്ധിയുടെ കൊടുമുടിയിലെത്തിയ അവർ നിരവധി രാജാക്കന്മാരെ ക്ഷണിച്ച് ആഘോഷത്തോടെ രാജസൂയം നടത്തി. അവിടെയെത്തിയ ദുര്യോധനൻ ഇതെല്ലാം കണ്ടു കണ്ണുമഞ്ഞളിച്ച്, അസൂയയുടെ കൊടുംതീയിൽപ്പെട്ടു. സ്ഫടികത്തെ വെല്ലുന്ന തിളക്കമുള്ള രാജമന്ദിരത്തിൽ വെള്ളമില്ലാത്തിടത്തു വെള്ളമുണ്ടെന്നു തോന്നി, വസ്ത്രമുയർത്തിനടന്നു. വെറും തറയെന്നു കരുതി കുളത്തിലേക്കു കാൽവഴുതി മറിഞ്ഞുവീണ് പരിഹാസ്യനായി. ഭീമസേനൻ കൈയടിച്ചു പൊട്ടിച്ചിരിച്ചു. മുകൾ നിലയിൽനിന്ന ദ്രൗപദി ‘അന്ധന്റെ മകൻ അന്ധൻ’ എന്നു പരിഹസിച്ച് ആർത്തുവിളിച്ചു വൈരത്തിന്റെ കടുത്ത മാനസികാവസ്ഥ മൂലം ദുര്യോധനനു
PRATHIVADHAM

‘എന്നെ രാക്ഷസനല്ലാതെ മനുഷ്യനായി കണ്ട ഏക വ്യക്തി’: സ്റ്റാലിനെ ‘വീഴ്ത്തിയ’ ഇന്ത്യൻ അംബാസഡർ

ഇന്ത്യയുടെ ആദ്യത്തെ ഉപരാഷ്ട്രപതിയും രണ്ടാമത്തെ രാഷ്ട്രപതിയുമായ ഡോ. സർവേപ്പള്ളി രാധാകൃഷ്ണന്റെ 136–ാം ജന്മദിനമായിരുന്നു സെപ്റ്റംബർ 5ന്. പക്ഷേ, ആ ദിവസം ‘അധ്യാപകദിനത്തിന്റെ അനുഷ്ഠാന’ങ്ങളിലേക്കു ചുരുങ്ങുമ്പോൾ, ‘ദാർശനികനും പ്രതിഭാശാലിയുമായ അധ്യാപകൻ’ എന്ന കള്ളിയിലേക്കു മാത്രം ഒതുങ്ങിപ്പോവുകയാണ് ഡോ. രാധാകൃഷ്ണനും. സ്വതന്ത്രഇന്ത്യ കണ്ട ഏറ്റവും മികച്ച നയതന്ത്രജ്ഞരിൽ ഒരാളായിരുന്നു രാധാകൃഷ്ണനെന്നും ഇന്ത്യൻ അംബാസഡറായി സോവിയറ്റ് യൂണിയനിൽ ചെലവഴിച്ച കാലത്ത് ജോസഫ് സ്റ്റാലിൻ ഉൾപ്പെടെയുള്ള നേതാക്കളിൽ അദ്ദേഹം അനുപമമായ സ്വാധീനം ചെലുത്തിയിരുന്നു എന്നും അധികമാർക്കും അറിയില്ല. ഇന്ത്യയും സോവിയറ്റ് യൂണിയനും പരസ്പരം സംശയിക്കുന്ന കാലത്താണ് രാധാകൃഷ്ണനെ നെഹ്റു മോസ്കോയിലേക്ക് അയച്ചത്. ഇന്ത്യൻ കമ്യൂണിസ്റ്റ് പാർട്ടി സായുധവിപ്ലവത്തിന് ആഹ്വാനം ചെയ്തതിനു പിന്നിൽ സോവിയറ്റ് യൂണിയനാണെന്ന് ഇന്ത്യ വിശ്വസിച്ചപ്പോൾ, സാമ്രാജ്യത്വശക്തികളുടെ കയ്യിലെ കളിപ്പാവ മാത്രമായ ഇന്ത്യയ്ക്കു യഥാർഥസ്വാതന്ത്ര്യം ലഭിച്ചിട്ടില്ല എന്നായിരുന്നു സോവിയറ്റ് യൂണിയൻ കരുതിയത്. പക്ഷേ, ഇന്ത്യയിൽനിന്ന് അധികം ദൂരെയല്ലാത്ത ഒരു വൻശക്തിയെ ശത്രുസ്ഥാനത്തു നിർത്തുന്നതിൽ നെഹ്റു ആശങ്കാകുലനായിരുന്നു. അതുകൊണ്ടുതന്നെ ആദ്യത്തെ അംബാസഡറായി നെഹ്റു നിയമിച്ചതു സ്വന്തം സഹോദരി വിജയലക്ഷ്മി പണ്ഡിറ്റിനെയാണ്. പക്ഷേ, വരേണ്യതയും ധാർഷ്ട്യവും അലങ്കാരങ്ങൾപോലെ കൊണ്ടുനടക്കാറുള്ള വിജയലക്ഷ്മിക്കു കമ്യൂണിസ്റ്റ് റഷ്യയുടെ ‘ലാളിത്യവും പിശുക്കും റേഷനും’ ഒട്ടും ഉൾക്കൊള്ളാൻ കഴിഞ്ഞില്ല. ഈ സാഹചര്യത്തിലാണ്
മമതയെ ഭീതിയിലാഴ്ത്തി നന്ദിഗ്രാം മോഡൽ സമരം; വിശ്വസിച്ചിരുന്നവരും കൈവിടുന്നു; പരാജയപ്പെടുമോ ദീദി?

ജനകീയ പ്രക്ഷോഭങ്ങളെക്കുറിച്ചു പുസ്തകമെഴുതിയ ബംഗാൾ മുഖ്യമന്ത്രി മമത ബാനർജി തന്റെ രാഷ്ട്രീയ ജീവിതത്തിലെ ഏറ്റവും വലിയ ജനകീയ പ്രക്ഷോഭങ്ങളിലൊന്നിൽ പ്രതിരോധത്തിലാണ്. ആർ.ജി. കർ മെഡിക്കൽ കോളജിലെ പിജി വിദ്യാർഥിനി പീഡനത്തിനിരയായി കൊല്ലപ്പെട്ട സംഭവത്തെത്തുടർന്നു കൊൽക്കത്തയിൽ ആരംഭിച്ച പ്രതിഷേധങ്ങളിൽ വിയർക്കുകയാണ് ദീദി. നിയമസഭയുടെ പ്രത്യേക സമ്മേളനം വിളിച്ചുചേർത്ത് ബലാത്സംഗത്തിനു വധശിക്ഷ നൽകാനുള്ള അപരാജിത ബിൽ പാസാക്കിയതു പ്രതിഷേധം തണുപ്പിക്കാനാണ്. പക്ഷേ, കഴിഞ്ഞദിവസവും കൊൽക്കത്ത നഗരം ‘രാത്രിയെ വീണ്ടെടുക്കുക’ എന്ന മുദ്രാവാക്യമുയർത്തി തെരുവിലിറങ്ങി. 2011ൽ അധികാരത്തിലേറിയ മമതയ്ക്ക് ഇത് ഏറ്റവും വലിയ പരീക്ഷണഘട്ടം. ന്യൂനപക്ഷങ്ങളും സ്ത്രീകളുമായിരുന്നു മമതയുടെ കരുത്ത്. ലക്ഷ്മി ഭണ്ഡാർ, കന്യാശ്രീ തുടങ്ങിയ പദ്ധതികളിലൂടെ സ്ത്രീവോട്ടർമാരുടെ പിന്തുണ നേടി. പക്ഷേ, അവരിൽ ഒരു വിഭാഗം മമതയ്ക്കെതിരെ തിരിഞ്ഞിരിക്കുന്നു. തങ്ങൾക്കു സുരക്ഷയൊരുക്കാൻ ദീദിക്കു കഴിയുന്നില്ലെന്ന് അവർ കരുതുന്നു. സർക്കാരിന്റെ കെടുകാര്യസ്ഥതയും അഴിമതിയുമാണ് പിജി മെഡിക്കൽ വിദ്യാർഥിനിയെ പീഡിപ്പിച്ചു കൊലപ്പെടുത്തുന്ന സാഹചര്യമുണ്ടാക്കിയതെന്നും ആരോപിക്കുന്നു. കൊലപാതകവിവരം അറിഞ്ഞ ശേഷം ആശുപത്രി അധികൃതരും പൊലീസും
‘നീയെന്റെ എതിർചേരിയിലാണോ എന്ന് സംശയിച്ചു’: വിവരത്തിലും‌ സ്വർണത്തിലും ചോർച്ച; സ്വർണം പോലീസിന്റെ കയ്യിലെത്തിയാൽ അളവും കുറയും

അമ്മയും മകനും തമ്മിലൊരു സ്വകാര്യ സംഭാഷണം. അമ്മ ഉന്നത പൊലീസ് ഉദ്യോഗസ്ഥനായ മകനോടു വീട്ടിൽവച്ചു പറഞ്ഞകാര്യം മൂന്നാമതൊരാൾ അറിയുന്നു. അമ്മയും താനും തമ്മിലുള്ള സംഭാഷണം അതേപടി മൂന്നാമൻ പറയുന്നതുകേട്ട ഉദ്യോഗസ്ഥൻ ഞെട്ടിത്തരിച്ചു. ഇയാളിത് എങ്ങനെയറിഞ്ഞു? അന്വേഷണം എത്തിയത് ഉന്നത ഉദ്യോഗസ്ഥന്റെ വീട്ടിൽ ആ സമയത്തുണ്ടായിരുന്ന പൊലീസ് സേനാംഗത്തിലേക്ക്. പൊലീസിലെ തൊഴുത്തിൽക്കുത്തും ചേരിപ്പോരും അറിയുന്നവർക്ക് ഇതിൽ അദ്ഭുതമൊന്നുമില്ല. സംഭാഷണങ്ങൾ ചോർന്നുപോകുന്നുണ്ട്, വിവരങ്ങളും. ഉന്നത ഉദ്യോഗസ്ഥരുടെ വീട്ടുകാര്യമായാലും ഔദ്യോഗികചർച്ച ആയാലും. ആഭ്യന്തരവകുപ്പിന്റെയും സർക്കാരിന്റെയും മുഖംകെടുത്തുന്ന ഏറ്റവും പുതിയ ആരോപണങ്ങളുടെ സത്യാവസ്ഥ അറിയാൻ അന്വേഷണം കഴിയുന്നതുവരെ കാത്തിരിക്കണം. ഇത്രയും ആരോപണങ്ങൾ പുറത്തുവരാനുള്ള കാരണം പൊലീസ് സേനയിലെ പടലപിണക്കങ്ങളും അസംതൃപ്തിയുംതന്നെ. പരസ്പരവിശ്വാസമില്ലാതായി എന്നതും എടുത്തുപറയണം. സേനയിൽ ‘സ്വന്തം ഗ്രൂപ്പ്’ വളർത്തിക്കൊണ്ടുവരാനുള്ള ചില ഉദ്യോഗസ്ഥരുടെ വഴിവിട്ട കളികളും ഒരു കാരണമാണ്. ആരോപണവിധേയനായ എസ്പിയുടെ കാലത്ത് മലപ്പുറത്തൊരു സംഭവമുണ്ടായി. ജില്ലാ ആസ്ഥാനത്തു പ്രവർത്തിച്ചിരുന്ന പൊലീസുകാരനെ പെട്ടെന്നൊരു ദിവസം സ്ഥലംമാറ്റി. ദീർഘകാലം ഒരേ സ്ഥലത്താണു ജോലി എന്നതായിരുന്നു കാരണം. സംസ്ഥാനതലത്തിലെ ഉയർന്ന രണ്ടുദ്യോഗസ്ഥർ തമ്മിലുള്ള കിടമത്സരത്തിന്റെ ഭാഗമായിരുന്നു സ്ഥലംമാറ്റമെന്നു പിന്നീടു പൊലീസുകാർക്കു ബോധ്യമായി. സ്ഥലം മാറ്റിയ ഉന്നതൻതന്നെ പിന്നീടു തുറന്നുപറഞ്ഞു: ‘‘നീയെന്റെ എതിർചേരിയിലാണോയെന്ന സംശയത്തിലായിരുന്നു.’’ പൊലീസുകാരൻ മനംമടുത്ത് സ്വയംവിരമിക്കലിന് അപേക്ഷ നൽകി. അതോടെ, വിജിലൻസ് കേസും വീട്ടിൽ റെയ്ഡും സസ്പെൻഷനുമായി. കേസിലൊന്നും കാര്യമില്ലെന്നു കോടതി കണ്ടെത്തിയതോടെ സസ്പെൻഷൻ പിൻവലിച്ചു. ഇപ്പോഴത്തെ വെളിപ്പെടുത്തലുകൾക്കു കാരണം
KERALA MAIL

പാർട്ടി എതിർത്തിട്ടും തീരുമാനമെടുത്ത പിണറായിക്ക് തെറ്റി? നേതാക്കളെ കൂട്ടത്തോടെ ‘ഒഴിവാക്കുന്നതും’ താങ്ങുമോ സിപിഎം?

നിയമസഭാ കക്ഷി നേതാവും പാർട്ടി സെക്രട്ടറിയും കഴിഞ്ഞാൽ സിപിഎമ്മിൽ ഏറ്റവും പ്രധാനപദവിയാണ് എൽഡിഎഫ് കൺവീനറുടേത്. പൊളിറ്റ്ബ്യൂറോ അംഗമായിരിക്കെ വി.എസ്.അച്യുതാനന്ദൻ ഇടക്കാലത്തു കൺവീനറായത് ആ പ്രാധാന്യം കണക്കിലെടുത്താണ്. 2022 ഏപ്രിലിലാണ് ഇ.പി.ജയരാജനെ ഇടതുമുന്നണി കൺവീനറായി നിയോഗിച്ചത്. ആ തീരുമാനം തെറ്റിപ്പോയെന്നു പരസ്യമായി സമ്മതിക്കുകയാണ് അദ്ദേഹത്തെ നീക്കിയതു വഴി സിപിഎം ചെയ്തത്. പാർട്ടി ചേരിതിരിവിൽ ഒരു വിഭാഗത്തിനൊപ്പം നിന്നതിനെത്തുടർന്നുള്ള അച്ചടക്ക നടപടികളുടെ പേരിൽ പി.വി.കുഞ്ഞിക്കണ്ണനെയും എം.എം.ലോറൻസിനെയും കൺവീനർ സ്ഥാനത്തുനിന്നു മുൻപ് ഒഴിവാക്കിയിട്ടുണ്ട്. പദവി അവർ ദുരുപയോഗപ്പെടുത്തിയതിന്റെ പേരിലായിരുന്നില്ല ആ മാറ്റം. സ്വന്തം കടമ നിർവഹിച്ചില്ലെന്നു മാത്രമല്ല; എതിരാളികൾക്ക് ആയുധം കൊടുക്കുകകൂടി ചെയ്തെന്ന പേരിലാണ് പക്ഷേ, ജയരാജനെ പുറന്തള്ളിയത്. സിപിഎമ്മിന്റെയും സർക്കാരിന്റെയും ചില പ്രധാന തീരുമാനങ്ങളും നിയമനങ്ങളും
‘കള്ളക്കടത്ത് പൊലീസ് വണ്ടിയിൽ; ഒരു കിലോ ‘പൊട്ടിച്ചാൽ’ ലാഭം 60 ലക്ഷം വരെ’; പിടിച്ച സ്വർണം എവിടെപ്പോകുന്നു?

298 കിലോഗ്രാം!. കോഴിക്കോട് വിമാനത്താവളത്തിൽനിന്നു കഴിഞ്ഞവർഷം കസ്റ്റംസും പൊലീസും ചേർന്നു പിടികൂടിയ സ്വർണത്തിന്റെ അളവാണിത്. കസ്റ്റംസ് 270 കിലോയും പൊലീസ് 28 കിലോയും. മൂല്യം 200 കോടി രൂപയ്ക്കടുത്തു വരും. കോടികൾ മറിയുന്ന സ്വർണക്കടത്തു മേഖലയിൽ നടക്കുന്നത് അധോലോകത്തെ വെല്ലുന്ന ഇടപാടുകൾ. വിദേശത്തും സ്വദേശത്തുമുള്ള കടത്തുകാരും കാരിയർമാരും പൊട്ടിക്കൽ (കടത്തിക്കൊണ്ടുവരുന്നവരെ കവർച്ച ചെയ്യുന്ന പരിപാടി) സംഘവും അവർ തമ്മിലുള്ള കുടിപ്പകയുമെല്ലാം നിറഞ്ഞ ഈ അധോലോകത്തിൽ ഒരു കണ്ണിയായി പൊലീസുമുണ്ടെന്ന ഞെട്ടിക്കുന്ന വെളിപ്പെടുത്തലാണ് പുറത്തുവന്നത്. പൊലീസിനെതിരെ ഉയരുന്ന ആരോപണങ്ങളെല്ലാം പൂർണമായി വിശ്വസിക്കാനാവില്ല. എങ്കിലും, കാക്കിക്കുമേൽ തെറിച്ച ആരോപണത്തിന്റെ ചെളി കഴുകിക്കളയേണ്ടത് ആഭ്യന്തരവകുപ്പു തന്നെയാണ്. കേരളത്തിൽ കോഴിക്കോട് വിമാനത്താവളത്തിൽ മാത്രമാണ് സ്വർണക്കടത്തു പിടിക്കാൻ പൊലീസിനു പ്രത്യേക സംവിധാനമുള്ളത്. സംസ്ഥാനത്ത് ഏറ്റവും കൂടുതൽ സ്വർണക്കടത്തു നടക്കുന്ന വിമാനത്താവളമെന്നതാണു കാരണം. എസ്.സുജിത്ദാസ് മലപ്പുറം ജില്ലാ പൊലീസ് മേധാവിയായിരിക്കെ 2021ൽ ഹെൽപ് ഡെസ്ക്കെന്ന പേരിൽ ഇതു തുടങ്ങാൻ പെട്ടെന്നൊരു കാരണമുണ്ടായി. കണ്ണൂരിലെ സിപിഎം പാർട്ടി
ലോകത്തെ ഏറ്റവും വിനാശകാരി യുദ്ധം; മരണം കാത്ത് 25 ലക്ഷം പേർ; വിശന്ന് പുല്ലു തിന്ന് ജനം; രാജ്യം ഇല്ലാതാകും?

ഓരോ രണ്ടു മണിക്കൂറിലും ഒരു കുട്ടി പട്ടിണിയോ രോഗമോ കാരണം മരിക്കുന്നു. സുഡാനിലെ അൽ - ഫാഷിർ നഗരത്തിന്റെ പ്രാന്തപ്രദേശത്തുള്ള സാംസാം അഭയാർഥി ക്യാംപിലാണ് ലോകമനസ്സാക്ഷിയെ ഞെട്ടിക്കുന്ന ഈ ദയനീയാവസ്ഥ. ഐക്യരാഷ്ട്ര സംഘടന സമ്പൂർണ ക്ഷാമം പ്രഖ്യാപിച്ചിട്ടുള്ള ഒരു ക്യാംപാണ് ഇത്. 500 ദിവസമായി ആഭ്യന്തര യുദ്ധം നടക്കുന്ന സുഡാനിലെ ദുരവസ്ഥയുടെ നേർചിത്രമാണ് സാംസാം അഭയാർഥി ക്യാംപിലേത്. 2023 ഏപ്രിലിൽ ആരംഭിച്ച ആഭ്യന്തര യുദ്ധത്തിൽ ഇതുവരെ 1.5 ലക്ഷം പേർ കൊല്ലപ്പെട്ടതായാണു കണക്ക്. 245 ഗ്രാമങ്ങളും പട്ടണങ്ങളും അഗ്നിക്കിരയായി. തലസ്ഥാനമായ ഖാർത്തൂമിന്റെ ഭൂരിഭാഗവും തകർന്നു. സുഡാൻ സായുധ സേനയും (എസ്എഎഫ്) അർധസൈനിക വിഭാഗമായ റാപിഡ് സപ്പോർട്ട് ഫോഴ്സസും (ആർഎസ്എഫ്) തമ്മിലാണ് പ്രധാന പോരാട്ടം. ബ്രിട്ടന്റെയും ഈജിപ്തിന്റെയും സംയുക്ത ആധിപത്യത്തിൽനിന്ന് 1956ൽ സ്വാതന്ത്ര്യം ലഭിച്ച ശേഷം സുഡാനിൽ വിവിധ തരത്തിലുള്ള ആഭ്യന്തര കലാപങ്ങളുണ്ടായിരുന്നു. 2011ൽ
‘പാര്‍ട്ടി പ്രസിഡന്റ് നിഷേധിച്ച കാര്യത്തെക്കുറിച്ച് ഞാനെന്തു പറയാൻ’: പവാറിനെ കാണാൻ തോമസ് കെ. തോമസ്

രണ്ടര വർഷത്തിലേറെ നീണ്ട തന്റെ മന്ത്രിസ്ഥാനത്തിന് അവകാശം ഉന്നയിച്ച് എൻസിപിക്കുള്ളിൽനിന്നു കുട്ടനാട് എംഎൽഎ തോമസ് കെ.തോമസ് മുന്നോട്ടുവരുമ്പോൾ വനം മന്ത്രി എ.കെ.ശശീന്ദ്രനു പറയാൻ ഒന്നേയുള്ളൂ – ‘പാർട്ടി പ്രസിഡന്റ് തന്നെ നിഷേധിച്ച ഒരു കാര്യത്തെക്കുറിച്ചു ഞാനെന്തു പറയാൻ. മന്ത്രിസ്ഥാനം കിട്ടാൻ വേണ്ടിയോ അതു നിലനിർത്താൻ വേണ്ടിയോ ഞാൻ ഇന്നേവരെ ആരെയും കണ്ടിട്ടില്ല. ദേശീയ പ്രസിഡന്റിനെ കണ്ടിട്ടുതന്നെ ഒന്നര വർഷത്തിലേറെയായി. സ്ഥാനമാറ്റം എന്നോട് ആരും ചർച്ച ചെയ്തിട്ടുമില്ല’ – ശശീന്ദ്രൻ നയം വ്യക്തമാക്കി..
INDIA FILE

പ്രശാന്തിന്റെ പാർട്ടി തന്ത്രം– വായിക്കാം ‘ഇന്ത്യാ ഫയൽ’

രാഷ്ട്രീയപ്പാർട്ടികളുടെയും നേതാക്കളുടെയും എണ്ണത്തിലും ഇന്ത്യയൊരു മഹാരാജ്യമാണ്. തിരഞ്ഞെടുപ്പു കമ്മിഷന്റെ കണക്കിൽ രാജ്യത്തു രണ്ടായിരത്തഞ്ഞൂറിലേറെ പാർ‍ട്ടികൾക്കു റജിസ്ട്രേഷനുണ്ട്. കഴിഞ്ഞ ലോക്സഭാ തിരഞ്ഞെടുപ്പിൽ 744 പാർട്ടികൾ മത്സരിച്ചു. മേൽപറഞ്ഞ കണക്ക് അറിയാവുന്നതുകൊണ്ടാവണം, ഒരു ലക്ഷം ചെറുപ്പക്കാരെ രാഷ്ട്രീയത്തിലേക്കു കൊണ്ടുവന്ന് ജനപ്രതിനിധികളാക്കാനുള്ള പദ്ധതി കഴിഞ്ഞ ഓഗസ്റ്റ് 15നു പ്രഖ്യാപിച്ചപ്പോൾ പ്രധാനമന്ത്രി നരേന്ദ്ര മോദി പറഞ്ഞത് അവർക്ക് ഇഷ്ടമുള്ള പാർ‍ട്ടിയിൽ ചേരാമെന്നാണ്. ബിജെപി ഇന്നലെ തുടങ്ങിയ അംഗത്വ വിതരണ യജ്ഞവുമായി ഇതിനെ കൂട്ടിവായിക്കേണ്ടതില്ല; ചെറുപ്പക്കാർ രാഷ്ട്രീയത്തിലേക്കു വന്ന് പുതിയ പാർട്ടി തുടങ്ങുകയെന്നു പ്രധാനമന്ത്രി പറഞ്ഞില്ല എന്നതാണ് പ്രധാനം. എന്നാൽ, 2012ൽ ഗുജറാത്തിലും 2013–14ൽ ഇന്ത്യയിലും തിരഞ്ഞെടുപ്പു പ്രചാരണത്തിനായി ‘മോദി ബ്രാൻഡ്’ വികസിപ്പിക്കുന്നതിൽ മുഖ്യ പങ്കുവഹിച്ച പ്രശാന്ത് കിഷോർ പുതിയ പാർട്ടി പ്രഖ്യാപിച്ചിരിക്കുകയാണ്. അടുത്തമാസം രണ്ടിന് അദ്ദേഹത്തിന്റെ ‘ജൻ സുരാജ്’ പാർട്ടി സ്ഥാപിതമാകും. ഇപ്പോഴുള്ള പാർട്ടികളെ അടുത്തു പഠിച്ചതിൽനിന്നാണ് ഒന്നിനുകൂടി ഇടമുണ്ട് എന്ന ബോധ്യത്തിലേക്കു പ്രശാന്ത് എത്തിയതെന്നു കരുതാം. തിരഞ്ഞെടുപ്പുകാലത്ത് പാർട്ടികൾക്ക് ഉപയോഗിക്കാനുള്ള തന്ത്രങ്ങൾ നിർമിക്കുന്ന
കു‍ർസ്ക് ആണവ നിലയം ലക്ഷ്യമിട്ട് യുക്രെയ്നിന്റെ ചൂതാട്ടം; സംഭവിക്കുമോ ചെർണോബിലിനേക്കാൾ വലിയ ദുരന്തം!

യുക്രെയ്ൻ യുദ്ധത്തിൽ റഷ്യൻ പ്രസിഡന്റ് വ്ലാഡിമിർ പുട്ടിൻ വരച്ച അവസാന ചുവപ്പുവരയും യുക്രെയ്നും നാറ്റോ സഖ്യകക്ഷികളും മറികടന്നതോടെ യൂറോപ്പിൽ ആശങ്കയുടെ വേലിയേറ്റം. 2024 ഓഗസ്റ്റ് ആറിന് റഷ്യയിലെ കുർസ്ക് പ്രവശ്യ ആക്രമിച്ചു 1300ൽ അധികം ചതുരശ്രകിലോമീറ്റർ ഭൂമി പിടിച്ചെടുക്കുകയും അതിർത്തിയിൽ നിന്നു 35 കിലോമീറ്റർ ഉള്ളിലേക്ക് കടന്നുകയറുകയും ചെയ്ത യുക്രെയ്ൻ സേന റഷ്യയ്ക്ക് ഏൽപ്പിച്ചത് കനത്ത ആഘാതം. 2022ൽ തുടങ്ങിയ റഷ്യ – യുക്രെയ്ൻ യുദ്ധത്തിനിടെ പലതവണ റഷ്യയ്ക്കു നേരെ, റഷ്യൻ വിമതരെ ഉപയോഗിച്ചു യുക്രെയ്ൻ ആക്രമണം നടത്തിയിട്ടുണ്ടെങ്കിലും യുക്രെയ്ൻ സേന നേരിട്ട് റഷ്യൻ മണ്ണിൽ ആക്രമണം നടത്തുന്നതും അതിന്റെ ഉത്തരവാദിത്തം ഏറ്റെടുക്കുന്നതും ഇതാദ്യം. കുർസ്ക് മേഖലയിലേക്കുള്ള യുക്രെയ്നിന്റെ കടന്നുകയറ്റത്തെ തന്ത്രപരമായ നേട്ടമായി പ്രസിഡന്റ് വൊളോഡിമിർ സെലെൻസ്കി വിശേഷിപ്പിക്കുമ്പോൾ ആത്മഹത്യാപരമായ നീക്കമായാണു പല സൈനിക വിദഗ്ധരും വിലയിരുത്തുന്നത്. കുർസ്ക് മേഖല പിടിച്ചെടുക്കുന്നതിലൂടെ യുക്രെയ്ൻ ലക്ഷ്യമിടുന്നതെന്താണ്? റഷ്യൻ പ്രതിരോധത്തെ തകർത്ത് മിന്നൽ വിജയം നേടാൻ യുക്രെയ്നിനു സാധിച്ചതെങ്ങനെയാണ്? കുർസ്ക് പ്രവശ്യയിലെ യുദ്ധം എങ്ങനെയാണ് യുക്രെയ്നിന്റെ വിധി നിർണയിക്കുക? ഇന്ത്യൻ പ്രധാനമന്ത്രി നരേന്ദ്രമോദി
GLOBAL CANVAS

‘ഹോള്‍ഡമോര്‍’ എന്ന മരണ താണ്ഡവം: ‘മോദിയെ കണ്ടതിനു പിന്നാലെ അത് പറഞ്ഞത് അഹന്ത’: ആണവായുധം പ്രയോഗിക്കുമോ പുട്ടിൻ?

ലോക നേതാക്കളുടെ പന്തിയില്‍ വസ്ത്രധാരണംകൊണ്ട്‌ മാത്രം വേറിട്ടു നില്‍ക്കുന്നൊരു രാഷ്ട്ര തലവനാണ്‌ യുക്രെയ്ൻ പ്രസിഡന്റ്‌ വൊളോഡിമിർ സെലെന്‍സ്കി. പുരുഷന്മാരായ രാഷ്ട്ര നേതാക്കള്‍ ഒന്നുകില്‍ കോട്ടും ടൈയുമോ അല്ലെങ്കില്‍ തങ്ങളുടെ രാജ്യത്തിന്റെ പ്രത്യേക വേഷമോ ധരിക്കുമ്പോള്‍ സെലെന്‍സ്കി ഒരു തവിട്ട്‌, പച്ച നിറമുള്ള ഷർട്ടിനൊപ്പമോ ടീഷർട്ടിനൊപ്പമോ കാര്‍ഗോ പാന്റ് ധരിച്ചാണ്‌ പൊതു വേദികളിലും രാജ്യാന്തര സമ്മേളനങ്ങളിലും പങ്കെടുക്കാറുള്ളത്‌. ഒരു തഴക്കം ചെന്ന രാഷ്ട്രീയക്കാരനല്ല 46 വയസ്സുള്ള സെലെന്‍സ്കി. നിയമ ബിരുദം നേടിയതിനു ശേഷം ടെലിവിഷനില്‍ തമാശയില്‍ ഊന്നിയുള്ള പരിപാടികള്‍ നടത്തുകയും ഹാസ്യ ചിത്രങ്ങള്‍ നിർമിക്കുകയും ചെയ്ത് ഉപജീവനം കഴിച്ചിരുന്ന സെലെന്‍സ്കി 2018ൽ മാത്രമാണ്‌ യുക്രെയ്ൻ രാഷ്ട്രീയത്തിലേയ്ക്കു കാലെടുത്തു വയ്ക്കുന്നത്‌. ‘സെര്‍വന്റ്‌ ഓഫ്‌ ദ് പീപ്പിള്‍’ (ജനങ്ങളുടെ സേവകര്‍) എന്ന പേരില്‍ സെലെൻസ്കി 2018 മാര്‍ച്ചില്‍ രാഷ്ട്രീയ പാർട്ടി ആരംഭിച്ചു. അതേ പാര്‍ട്ടിയുടെ സ്ഥാനാർഥിയായി 2019ലെ പ്രസിഡന്റ്‌ തിരഞ്ഞെടുപ്പിൽ ആദ്യ മത്സരം. രാജ്യത്ത്‌ നിലനിന്നിരുന്ന വ്യവസ്ഥിതിക്കും അഴിമതിക്കും എതിരെ ശബ്ദമുയര്‍ത്തി സെലെന്‍സ്കി വളരെ വേഗം ജനങ്ങള്‍ക്കിടയില്‍ ഓളം സൃഷ്ടിക്കുകയായിരുന്നു. നിലവിലെ പ്രസിഡന്റ്‌ ആയിരുന്ന പോറോ പൊറോഷെങ്കോയെ രാഷ്ട്രീയത്തില്‍ ആദ്യ ചുവട് വയ്ക്കുന്ന സെലെന്‍സ്കി വിജയകരമായി നേരിട്ടു എന്ന്‌ മാത്രമല്ല തിരഞ്ഞെടുപ്പില്‍ മലര്‍ത്തിയടിക്കുകയും ചെയ്തു. ആകെ പോള്‍ ചെയ്ത വോട്ടുകളില്‍ 73 ശതമാനത്തില്‍ കൂടുതല്‍ നേടി ഐതിഹാസിക വിജയത്തോടെ 2019 മേയ്‌ മാസത്തില്‍ പ്രസിഡന്റ് ആയി സ്ഥാനമേറ്റു.
കർക്കശക്കാരൻ പക്ഷേ, പിണറായിക്ക് സ്വന്തം വകുപ്പിലെ കാര്യങ്ങൾ പോലും അറിയില്ലേ?

എഡിജിപി എം.ആർ.അജിത്കുമാറിനും മുഖ്യമന്ത്രിയുടെ പൊളിറ്റിക്കൽ സെക്രട്ടറി പി.ശശിക്കുമെതിരെ പി.വി.അൻവർ എംഎൽഎ ഉന്നയിച്ച രൂക്ഷ ആരോപണങ്ങൾ വിരൽചൂണ്ടുന്നത് മുഖ്യമന്ത്രിയുടെ കീഴിലുള്ള ആഭ്യന്തര വകുപ്പിന്റെ കെടുകാര്യസ്ഥതയിലേക്ക്. ആഭ്യന്തര വകുപ്പ് ബാഹ്യശക്തികളുടെ നിയന്ത്രണത്തിലാണെന്ന പ്രതിപക്ഷ ആരോപണം ശരിവയ്ക്കും വിധമുള്ള ആക്ഷേപം ഭരണപക്ഷ എംഎൽഎ തന്നെ ഉന്നയിച്ചത് സർക്കാരിനെയും മുഖ്യമന്ത്രിയെയും വെട്ടിലാക്കി. മന്ത്രിമാരുടെ ഫോൺ പൊലീസ് ചോർത്തുന്നു, പൊലീസിന്റെ അറിവോടെ സ്വർണം പൊട്ടിക്കുന്നു, അജിത്കുമാർ കൊലപാതകം ആസൂത്രണം ചെയ്യുന്നു എന്നിവയടക്കമുള്ള ആരോപണങ്ങളിലൂടെ അൻവർ ലക്ഷ്യമിട്ടത് പൊലീസ് ഉദ്യോഗസ്ഥരെയാണെങ്കിലും
വാക്കിന്റെ വില - ബി.എസ്. വാരിയർ എഴുതുന്നു

രാമായണകഥയിൽ വലിയ പ്രതിസന്ധിയുണ്ടാകുന്ന സന്ദർഭമുണ്ട്. അപഹരിച്ചുകൊണ്ടുപോയ സീതയെ കണ്ടെത്താൻ സുഗ്രീവൻ വാനരന്മാരെ നിയോഗിച്ചു. നൂറു യോജന കടൽ ചാടിക്കടന്ന് ലങ്കയിലെത്തണം. ഇതിനാർക്കാണു കഴിവ്? പല വാനരന്മാരും പത്തു യോജനയും ഇരുപതു യോജനയും മറ്റും ചാടാമെന്നു പറഞ്ഞു. അംഗദന് അങ്ങോട്ടു നൂറു യോജന ചാടാമെങ്കിലും തിരികെച്ചാടാൻ വയ്യ. വാർദ്ധക്യംകാരണം ജാംബവാനു വയ്യാതായി. സീതയെ കണ്ടെത്തിയില്ലെങ്കിൽ ഉഗ്രപ്രതാപിയായ സുഗ്രീവൻ തങ്ങളുടെ കഥ കഴിക്കുമെന്ന ഭയം എല്ലാവർക്കുമുണ്ട്. ആ സന്ദർഭത്തിൽ ജാംബവാൻ നിർണായകപങ്കു വഹിച്ചത് വാക്കുകളുടെ ബുദ്ധിപൂർവമായ പ്രയോഗം കൊണ്ട്. കടൽ ചാടിക്കടക്കാൻ ഹനുമാനു കഴിയുമെന്ന് ആ വൃദ്ധനറിയാം. ശങ്കിച്ചിരിക്കാതെ ചാടാൻ തയാറാകണമെന്നു ഹനുമാനോടു പറഞ്ഞു. വെറുതേ പറയുകയല്ല, മാതാപിതാക്കളുടെയും ജന്മത്തിന്റെയും മഹിമ ഹനുമാനെ ഓർമ്മിപ്പിച്ച് പ്രോത്സാഹിപ്പിച്ചു. പഴയ ശാപം മൂലം സ്വന്തം ബലം തിരിച്ചറിയാൻ കഴിയാത്ത ഹനുമാനെ ആ ബലം ചൂണ്ടിക്കാട്ടി ബോധ്യപ്പെടുത്തി.
‘കമ്യൂണിസ്റ്റുകാർ എന്നും കീറപ്പായയിൽ കിടക്കണോ?’ വിശ്വസ്തനെ കൈവിട്ട് പിണറായി; സിപിഎമ്മിൽ ഇനി ഗോവിന്ദൻ പക്ഷം!

വർഷങ്ങൾക്കു മുൻപാണ് തൃശൂരിൽ ഡിവൈഎഫ്ഐ നടത്തിയ പ്രകൃതി സംരക്ഷണ പരിപാടിയിൽ ജനപങ്കാളിത്തം കുറഞ്ഞു. വേദിയിലെ കസേര എടുത്തു മാറ്റുന്നതിനു മുൻപ് യുവജന സംഘടനാ നേതാക്കളെ തേടി ഇ.പി. ജയരാജന്റെ ഫോൺ വിളിയെത്തി. ചോദ്യം ഒന്നു മാത്രം. എന്തുകൊണ്ടാണ് പങ്കാളിത്തം കുറഞ്ഞത്? ടെലിഫോൺ ശാസന കഴിഞ്ഞു, ഇപി ഇത്രയും കൂടി പറഞ്ഞു. ‘ആളെക്കൂട്ടാൻ നിങ്ങൾക്കു പറ്റില്ലെങ്കിൽ പറഞ്ഞാൽ മതി. നിങ്ങളുടെ പരിപാടി ഞാൻ നടത്തിത്തരാം’. യുവജന സംഘടനാ നേതാക്കൾക്കു കാര്യം മനസ്സിലായി. അടുത്ത പരിപാടി വൻ വിജയവും. ഇപി എന്ന് പാർട്ടി വൃത്തങ്ങളിൽ വിളിക്കപ്പെടുന്ന ജയരാജൻ വെറുതേ പറഞ്ഞതല്ല. ഡിവൈഎഫ്ഐയുടെ അഖിലേന്ത്യാ പ്രസിഡന്റായിരുന്നു ഇപി. തൃശൂർ ജില്ലാ സെക്രട്ടറിയായും പ്രവർത്തിച്ചിട്ടുണ്ട്. വിഭാഗീയതയെത്തുടർന്ന് തൃശൂർ, ആലപ്പുഴ ജില്ലാ കമ്മിറ്റികൾ പിരിച്ചുവിട്ടപ്പോൾ ഇപിക്ക് തൃശൂരിലും എം.എ. ബേബിക്ക് ആലപ്പുഴയിലുമായിരുന്നു ചുമതല. പാർട്ടിയിലും മുന്നണിയിലും എന്നും പ്രശ്ന പരിഹാരകൻ അല്ലെങ്കിൽ ‘ട്രബിൾ ഷൂട്ടർ’ എന്ന നിലയിലും ചർച്ചകൾക്കു നേതൃത്വം നൽകുന്ന ‘മീഡിയേറ്റർ’ എന്ന നിലയിലും കാലങ്ങളോളം
ബോംബ് വച്ചവർ യൂറോപ്പിലും; കെണിയൊരുക്കിയത് മദ്യരാജാവ്? അച്ഛന്റെ കാശ് കളഞ്ഞു; സർക്കാരിലേക്ക് 500 കോടി!

ഹേമ കമ്മിറ്റി റിപ്പോർട്ടിനും തമിഴ് താരം സുമൻ തൽവാറിനും തമ്മിൽ എന്ത് ബന്ധം? യുഎസ് പ്രസിഡന്റ് തിരഞ്ഞെടുപ്പിൽ ദിശതെറ്റി അലയുന്ന ഡോണൾഡ് ട്രംപിന്റെ പക്കൽ അവശേഷിക്കുന്ന തുറുപ്പുചീട്ടുകൾ എന്തെല്ലാം? അതിഥിയായ വന്ന ഒരു നേതാവിനെ കൃത്യമായ ആസൂത്രണത്തോടെ മൊസാദ് വധിച്ചത് എങ്ങനെ? പിണറായി സർക്കാരിന്റെ സാലറി ചാലഞ്ച് ജീവനക്കാരെ ബാധിക്കുന്നത് എങ്ങനെയെല്ലാം? പോയവാരം മനോരമ ഓൺലൈൻ പ്രീമിയം ചർച്ചയ്ക്കുവച്ച വിഷയങ്ങളിൽ ‘ടോപ്’ പൊസിഷനുകൾ സ്വന്തമാക്കിയ വാർത്തകൾ വിശദമായി വായിക്കാം
ഇത് കഴിച്ചാൽ അമിതവണ്ണവും കൊളസ്ട്രോളും പടി കടക്കും; തയാറാക്കാൻ നിമിഷങ്ങൾ മാത്രം

‘സാലഡെ’ എന്ന ഫ്രഞ്ച് പദത്തിൽനിന്നാണ് ‘സാലഡ്’ എന്ന പേര് വന്നതെന്നു കരുതുന്നു. പാചകം ചെയ്യാത്ത ആഹാരങ്ങളിൽ പ്രധാനമാണ് സാലഡ്. പോഷകസമ്പുഷ്ടവും ആരോഗ്യദായകവുമായ ഭക്ഷണമാണ് സാലഡ്. പച്ചക്കറികൾ, ധാന്യങ്ങൾ, പഴവർഗങ്ങൾ, ഇലകൾ, മുളപ്പിച്ച പയറുവർഗങ്ങൾ, തേൻ, പാൽ, പാലുൽപന്നങ്ങൾ എന്നിവകൊണ്ടെല്ലാം സാലഡുകൾ തയാറാക്കാം. ആരോഗ്യഭക്ഷണം എന്ന നിലയിൽ സമീപകാലത്ത് സാലഡിനോട് ആളുകൾക്കു താൽപര്യം വർധിച്ചിട്ടുണ്ട്. പുതുതലമുറയിലുള്ളവരും വിദേശ മലയാളികളുമാണ് സാലഡിനോടു കൂടുതൽ ഇഷ്ടം കാണിക്കുന്നത്. മുഖ്യഭക്ഷണത്തിനു മുൻപുള്ള ലഘുഭക്ഷണമായും ഭക്ഷണത്തോടൊപ്പവും ഭക്ഷണശേഷവുമെല്ലാം സാലഡ് കഴിക്കാം. ഇന്നു ചിലര്‍ ഒരു നേരത്തെ ആഹാരമായിത്തന്നെ സാലഡ് കഴിക്കുന്നു. സാലഡുകൾക്ക് ഭക്ഷണമൂല്യം മാത്രമല്ല, ഔഷധമൂല്യവുമുണ്ട്. പ്രതിരോധശക്തി െകെവരിക്കാനും പ്രമേഹം, പ്രമേഹാനുബന്ധരോഗങ്ങൾ, അമിതവണ്ണം, അമിത കൊളസ്ട്രോൾ, അധിക രക്തസമ്മർദം തുടങ്ങിയ ജീവിതശൈലീ രോഗങ്ങളെ പ്രതിരോധിക്കാനും സാലഡ് ഉപകരിക്കും
SCIENCE BLOCK

പാറയ്ക്കുള്ളിൽ ജീവന്റെ അദ്ഭുതം: ഡോ. സുരേഷ് സി. പിള്ള എഴുതുന്നു: ‘അവർ’ ഇല്ലായിരുന്നെങ്കിൽ ഈ ജീവിതമില്ല

ഭൂമിയിൽ എങ്ങനെ ജീവൻ ഉടലെടുത്തു എന്നതിനു കൃത്യമായ ഉത്തരംനൽകാൻ ശാസ്ത്രലോകത്തിന് ഇനിയും കഴിഞ്ഞിട്ടില്ല. പ്രപഞ്ചത്തിൽ നാം ഒറ്റയ്ക്കാണോ എന്നതും ശാസ്ത്രജ്ഞരെ ഗൗരവമായി ചിന്തിപ്പിക്കുന്നു. ഭൂമിയിൽ ജീവനുണ്ടാകാൻ കാരണമായ രാസപ്രവർത്തനങ്ങളെ ഉദ്ദീപിപ്പിച്ച ജലം, രാസവസ്തുക്കൾ, അനുകൂലമായ താപനില എന്നിവ ഏതാണ് എന്നതൊക്കെ ശാസ്ത്രലോകത്തെ കുഴക്കുന്ന ചോദ്യങ്ങളാണ്. ഭൂമിക്ക് ഏകദേശം 450 കോടി വർഷം പഴക്കമുണ്ട്. 430 കോടി വർഷംമുൻപു ഭൂമിയിൽ ജീവൻ രൂപംകൊള്ളാൻ അനുയോജ്യമായ സാഹചര്യങ്ങൾ ഉരുത്തിരിഞ്ഞെന്നു ശാസ്ത്രജ്ഞർ കരുതുന്നു. ഭൂമിയിൽ ജീവനുണ്ടാകാനും അതു നിലനിൽക്കാനുമുള്ള പ്രധാനകാരണം സൂര്യനിൽനിന്നുള്ള ഊർജലഭ്യത, വെള്ളം, ജീവൻ നിലനിർത്താൻ ഭൂമിയിലുള്ള രാസസംയുക്തങ്ങൾ എന്നിവയാണ്. എന്നാണു ഭൂമിയിൽ ജീവൻ ഉദ്ഭവിച്ചത് എന്നതിനെച്ചൊല്ലി ശാസ്ത്രജ്ഞരുടെ ഇടയിൽ തർക്കമുണ്ട്. എന്നാൽ
ആ പ്രചാരണം തെറ്റ്; ഭൂചലനവും വില്ലനാകാം: മുല്ലപ്പെരിയാറിൽ കേരളത്തിന് ഇനി ഒറ്റ വഴി!

മുല്ലപ്പെരിയാർ ഇന്നു പൊട്ടുമോ നാളെ പൊട്ടുമോ അല്ലെങ്കിൽ എത്രനാൾ നിലനിൽക്കും എന്നൊക്കെ ചോദിച്ചാൽ അതിനു കൃത്യമായ ഉത്തരം പറയാനുള്ള സാങ്കേതിക വിദ്യയൊന്നുമില്ല. ഓരോ പ്രകൃതിദുരന്തം സംഭവിക്കുമ്പോഴും മുല്ലപ്പെരിയാറിനെക്കുറിച്ചുള്ള ചർച്ചകളും സജീവമാകും. കർണാടകയിലെ തുംഗഭദ്ര അണക്കെട്ടിലെ അപകടത്തെത്തുടർന്നാണ് മുല്ലപ്പെരിയാർ ചർച്ചകളിൽ നിറഞ്ഞത്. ഡാമുകൾക്ക് ഇത്ര വർഷമേ ആയുസ്സുള്ളൂ എന്ന് ആർക്കും വിധിയെഴുതാൻ കഴിയില്ല. സാധാരണ 60– 70 വർഷമൊക്കെ ആകുമ്പോൾ ഡാമുകൾ ഡികമ്മിഷൻ ചെയ്യാറുണ്ട്. എന്നാൽ, 129 വർഷമായിട്ടും മുല്ലപ്പെരിയാറിന്റെ കാര്യത്തിൽ അതു സംഭവിച്ചില്ല. 1895ൽ ബ്രിട്ടിഷുകാരുടെ കാലത്തു നിർമിച്ച ഡാമിൽ ഇപ്പോഴും ജലം സംഭരിക്കുന്നു. സുപ്രീം കോടതിയുടെ പരിഗണനയിൽ വരെ വിഷയം എത്തിയെങ്കിലും കേരളത്തിന് ആശ്വാസകരമായ വിധി ഉണ്ടായിട്ടുമില്ല. രാജ്യത്തിനു സ്വാതന്ത്ര്യം ലഭിച്ചതോടെ തന്നെ ബ്രിട്ടിഷുകാരും നാട്ടുരാജാക്കൻമാരും തമ്മിലുള്ള കരാറുകൾ റദ്ദായതാണ്. എന്നാൽ, 1970ൽ വൈദ്യുതി ഉൽപാദിപ്പിക്കാനുള്ള സപ്ലിമെന്ററി പവർ എഗ്രിമെന്റ് തമിഴ്നാട് മുൻപോട്ടു വയ്ക്കുകയും കേരളം കരാറിൽ ഒപ്പുവയ്ക്കുകയും ചെയ്തു. 1969ൽ അന്നത്തെ രണ്ടു മുഖ്യമന്ത്രിമാർ എടുത്ത തീരുമാനപ്രകാരമാണ് ഈ കരാറിൽ ഒപ്പിട്ടത്. മുല്ലപ്പെരിയാർ അണക്കെട്ടിലെ ജലനിരപ്പ് 136 അടിയിൽനിന്ന് 142 അടിയായി ഉയർത്താനും ശേഷിക്കുന്ന ബലപ്പെടുത്തൽ നടപടികൾ നടത്താനും 2006ൽ തമിഴ്നാട് സർക്കാരിനു സുപ്രീം കോടതി അനുമതി നൽകി. മുല്ലപ്പെരിയാർ ഡാം വർഷങ്ങൾക്കു മുൻപു സുർക്കിയും ചുണ്ണാമ്പും ഉപയോഗിച്ചുണ്ടാക്കിയ നിർമിതിയാണ്. 1960ൽ തന്നെ അതിനു ചോർച്ചയുണ്ടായതായി പറയപ്പെടുന്നു. അതിന്റെയർഥം ആ കാലത്തുതന്നെ അതിന്റെ ആരോഗ്യപൂർണമായ ആയുസ്സ് കഴിഞ്ഞു എന്നതാണ്.
PEN DRIVE

‘പുറത്തുവന്നത് മഞ്ഞുമലയുടെ തുമ്പ് മാത്രം; ആ ചോദ്യം രാഷ്ട്രീയത്തിലെ സ്ത്രീകളോടും ചോദിക്കേണ്ടേ?’

ജസ്റ്റിസ് േഹമ കമ്മിറ്റി മലയാള സിനിമാ വ്യവസായത്തിൽ കണ്ടെത്തിയ സ്ത്രീവിരുദ്ധ നിലപാടുകളും നടപടികളും സിനിമയുടെ മാത്രം പ്രത്യേകതയാണെന്നും അവിടെ മാത്രം നടക്കുന്ന അപഭ്രംശങ്ങളാണെന്നുമുള്ള നിലയിൽ നോക്കിക്കാണപ്പെടുന്നുണ്ട് എന്നു തോന്നുന്നു. മലയാളിസമൂഹത്തിന്റെ ഒരു മൂലയിൽ നടന്ന അപൂർവമായ അനീതിയെന്നപോലെയാണ് അതു ചർ‍ച്ച ചെയ്യപ്പെടുന്നത്. ആ നിലപാട് ആത്മവഞ്ചനയാണ്. ഉറച്ച മനുഷ്യാവകാശ ബോധത്തോടെയും കേരളത്തിലെ സ്ത്രീകളുടെ അവസ്ഥയെ ആഴത്തിൽ മനസ്സിലാക്കിക്കൊണ്ടും ഹേമ കമ്മിറ്റി തയാറാക്കിയ പഠനം കേരളത്തിലെ പുരുഷ മാടമ്പിത്ത മുഖ്യധാരയുടെ എല്ലാ രംഗങ്ങളിലും സ്ത്രീകൾ നേരിടുന്ന ദുരനുഭവങ്ങളുടെ പരിഛേദമാണ്. കേരളത്തിലെ പുരുഷ സർവാധിപത്യം എന്ന മഞ്ഞുമലയുടെ ഒരു തുമ്പു മാത്രമാണ് സിനിമാരംഗത്തു സ്ത്രീകൾക്കു സംഭവിച്ചവ. മറ്റു മേഖലകളെപ്പറ്റിയുള്ള അന്വേഷണം നടന്നിട്ടില്ല. സ്ത്രീ അന്തസ്സിന്റെ പേരിൽ സിനിമയിലെ ഒരുപിടി കലാകാരികൾ സംഘടിച്ചതുപോലെ മറ്റു രംഗങ്ങളിൽ സംഘടിച്ചിട്ടില്ല. എണ്ണമില്ലാത്ത സംഘടനകളുള്ള ഒരു സമൂഹത്തിൽ സ്ത്രീകൾക്കായി രാഷ്ട്രീയപ്പാർട്ടികളുടെ അലങ്കാരങ്ങൾക്കു പുറത്തു സംഘടനകളില്ലെന്നത് അദ്ഭുതകരമാണ്. നാം കണക്കിലെടുക്കേണ്ട മറ്റൊരു വാസ്തവമുണ്ട്. സിനിമാ വ്യവസായത്തിന്റെ അസൂയപ്പെടുത്തുന്ന താരപരിവേഷവും മലയാളികളുടെ അതിനോടുള്ള കാപട്യം നിറഞ്ഞ സ്നേഹിക്കൽ – വെറുക്കൽ – പുച്ഛിക്കൽ ബന്ധവും അതിലുമേറെ അതിലേക്ക് ഇന്നു വന്നുചേർന്നിരിക്കുന്ന ലൈംഗികാരോപണങ്ങളുടെ ത്രസിപ്പിക്കലും ഒന്നുചേർന്നാണ് ഹേമ കമ്മിറ്റി റിപ്പോർട്ടിനെ വ്യാപകമായി ചർച്ചാവിഷയമാക്കിയിരിക്കുന്നത്. ഞാൻ അദ്ഭുതപ്പെടുകയായിരുന്നു: സ്ത്രീകൾ പ്രവർത്തിക്കുന്ന മറ്റേതെങ്കിലും മേഖലയെപ്പറ്റി ഇങ്ങനെയൊരു അന്വേഷണ റിപ്പോർട്ട് ഉണ്ടായിട്ടുണ്ടോ, അതു സാധ്യമാണോ?
നടന്മാർ ജയിലിലാകും, ജാമ്യവും കിട്ടില്ല: കുറ്റം തെളിഞ്ഞാൽ ‘ഒരാൾക്ക്’ ജീവപര്യന്തം വരെ സാധ്യത; ഏതാണ് ആ വകുപ്പുകൾ?

സിദ്ദിഖ്, മുകേഷ്, ജയസൂര്യ, ഇടവേള ബാബു, രഞ്ജിത്... ഹേമ കമ്മിറ്റി റിപ്പോർട്ട് പുറത്തുവന്നതിനു പിന്നാലെ കൂടുതൽ നടന്മാർക്കെതിരെ ആരോപണക്കുരുക്കുകൾ മുറുകുകയാണ്. ബലാത്സംഗം ഉൾപ്പെടെയുള്ള വകുപ്പുകളിൽ കോടതി നടപടികൾ കടുക്കുമെന്ന് ഉറപ്പായതോടെ പലരും മുൻകൂർ ജാമ്യത്തിനായി കോടതിയെ സമീപിക്കുകയും ചെയ്തു. വർഷങ്ങൾ പഴക്കമുള്ള കേസുകളാണെങ്കിലും പ്രാഥമിക അന്വേഷണം നടത്തി എഫ്ഐആർ ഇടാമെന്നും കൂടുതൽ നടപടികളിലേക്കു നീങ്ങാമെന്നുമാണ് സുപ്രീം കോടതി സുപ്രധാനമായ ലളിത കുമാരി കേസിലടക്കം നൽകിയ നിർദേശം. കേസുകളിലൂടെ കടന്നുപോകുമ്പോൾ മിക്കവർക്കുമെതിരെ ചുമത്തിയ വകുപ്പുകളിൽ സമാനതകൾ കാണാം. സെക്‌ഷൻ 376, 354, 509, 452 തുടങ്ങിയ വകുപ്പുകളാണ് അത്. എന്തൊക്കെയാണ് ഈ വകുപ്പുകൾ? ഇതിൽ ഏതൊക്കെ വകുപ്പിൽ ജാമ്യം കിട്ടും? എത്ര വർഷം വരെയാണ് ശിക്ഷ? മുൻകൂർ ജാമ്യത്തിന് നടന്മാരിൽ പലരും അപേക്ഷിച്ചിട്ടുണ്ട്. ഏതൊക്കെ വകുപ്പുകളിൽ അത് സാധ്യമാകും?
‘5 ദിവസത്തെ ശമ്പളം പിടിച്ചാൽ സർക്കാരിലേക്ക് 500 കോടി; ഇത്രയും തുക വയനാടിന് വേണോ? ഓണക്കാലത്ത് ജീവനക്കാരെ പിഴിയുന്നോ?’

പേരുപോലെത്തന്നെ സാലറി ചാലഞ്ച് വീണ്ടും സര്‍ക്കാരിന് ഒരു ചാലഞ്ചായി മാറുകയാണ്. വയനാട്ടിലുണ്ടായ ഉരുൾപൊട്ടലിന്റെ പശ്ചാത്തലത്തിലാണ് പുനരധിവാസ പ്രവർത്തനങ്ങൾക്കായി ജീവനക്കാരുടെ ശമ്പളത്തിന്റെ ഒരു ഭാഗം സ്വീകരിക്കാൻ സർക്കാർ തീരുമാനിച്ചത്. എന്നാൽ ആദ്യം അനുകൂലിച്ചവർ പോലും സർക്കാർ ഉത്തരവ് പുറത്തുവന്നതിന് പിന്നാലെ സാലറി ചാലഞ്ചില്‍നിന്ന് വിട്ടുനിൽക്കുന്ന കാഴ്ചയാണുള്ളത്. സംഘടനകളുമായി സർക്കാർ നടത്തിയ ചർച്ചയിൽ നൽകിയ പല ഉറപ്പും പാലിക്കപ്പെട്ടില്ലെന്നു പറയുന്നു സംസ്ഥാനത്തെ സർക്കാർ ജീവനക്കാരുടെ സംഘടനയായ കേരള എൻജിഒ അസോസിയേഷൻ സംസ്ഥാന ജനറൽ സെക്രട്ടറി എ.എം. ജാഫർ ഖാൻ. സാലറി ചാലഞ്ചുമായി ബന്ധപ്പെട്ട് എന്തെല്ലാം ഉറപ്പാണ് മുഖ്യമന്ത്രി നൽകിയിരുന്നത്? അവയിൽ എന്തെല്ലാമാണ് പാലിക്കപ്പെടാതെ പോയത്? ഓണക്കാലത്ത് സാലറി ചാലഞ്ച് നടത്തുമ്പോൾ അത് ജീവനക്കാർക്ക് തിരിച്ചടിയാകുന്നത് എങ്ങനെയാണ്? പ്രളയകാലവുമായി താരതമ്യം ചെയ്യാനാകുമോ ഈ സാലറി ചാലഞ്ചിനെ? എ.എം. ജാഫർ ഖാൻ വിശദമാക്കുകയാണ് മനോരമ ഓൺലൈൻ പ്രീമിയം ‘ഇഷ്യു ഒപിനിയനി’ൽ.
TATTOO TIMES

ഒന്നാം സ്ഥാനത്ത് ഒന്നുകൂടി; ആൺ–പെൺ തുല്യതയിലേക്കും ‘കേരളാ മോഡൽ’; പ്രതീക്ഷ നൽകി പുതുതലമുറ

കേരളത്തെപ്പറ്റി പറയേണ്ടിവരുമ്പോൾ ‘സാച്ചര കേരളം’ എന്നു മാത്രം പരിഹസിച്ചു പറയുന്ന ഒരു കൂട്ടരുണ്ട്. അതു കേട്ടാൽതോന്നും സാക്ഷരത എന്തോ മോശം പരിപാടിയാണെന്ന്. മറ്റൊരു കൂട്ടർ ഖേരളം എന്നേ എഴുതൂ. വിദ്യാഭ്യാസം, ആരോഗ്യം, ലിംഗനീതി തുടങ്ങിയ മേഖലകളിൽ കേരളം നടത്തിയ തനതു മുന്നേറ്റങ്ങളെ ഉയർത്തിക്കാട്ടുന്ന കേരളാ മോഡൽ എന്ന പ്രയോഗമാണ് അവരുടെ ഉറക്കം കെടുത്തുന്ന പ്രധാന സംഗതി. കേരളം പണ്ടേ പോക്കാണ്, ലോട്ടറിയും മദ്യവുമാണ് നമ്മുടെ പ്രധാന വരുമാനമാർഗങ്ങൾ, ഗൾഫ് കേരളാ മോഡലാണ് കേരളാ മോഡൽ, ബിസിനസുകാർക്കൊന്നും ഇവിടെ രക്ഷയില്ല, ആത്മഹത്യ, കാൻസർ, ലഹരിഉപയോഗം, മാനസികരോഗം എന്നിവയുടെയെല്ലാം തലസ്ഥാനമാണ് കേരളം എന്നൊക്കെയാണ് അവരുടെ വിമർശനങ്ങൾ. സമൂഹമാധ്യമങ്ങൾ വ്യാപകമായതോടെ അവയിലൂടെ പരമ്പരാഗത മാധ്യമപ്രവർത്തകരെ ഭർത്സിക്കുന്നതും ഇവരുടെ വിനോദമാണ്. ഇവർക്ക് ഇപ്പോൾ വീണുകിട്ടിയിരിക്കുന്ന മറ്റൊരു വിഷയമാണ് സിനിമാരംഗത്തുനിന്ന് ഉയരുന്ന ലൈംഗിക ആരോപണങ്ങൾ. വികസനത്തിന്റെ പല സൂചികകളിലും ഇന്ത്യയിലെ മറ്റിടങ്ങളെ അപേക്ഷിച്ചു കേരളം മുന്നിലാണെന്നതുപോലെതന്നെ അർബുദത്തിലും ആത്മഹത്യയിലും ലഹരിയിലുമെല്ലാം ഒന്നാം സ്ഥാനം ‘കിട്ടിയിട്ടുണ്ടെങ്കിൽ’ അതു നമ്മുടെ ശക്തമായ റിപ്പോർട്ടിങ് സംവിധാനങ്ങൾ കാരണം സംഭവിച്ചിട്ടുള്ളവയാണ്. ലാബ് റിപ്പോർട്ടുകൾ, സർവേ റിപ്പോർട്ടുകൾ, മാധ്യമ റിപ്പോർട്ടുകൾ എന്നിവയെല്ലാം ചേർന്നതാണ് ഈ സംവിധാനം. രാജ്യത്തെ മറ്റിടങ്ങളിൽ പോയിട്ടുള്ളവർക്കറിയാം, അവിടങ്ങളിലെ ഇത്തരം റിപ്പോർട്ടിങ് സംവിധാനങ്ങളുടെ അഭാവം അല്ലെങ്കിൽ അപര്യാപ്തത. പൊലീസ്‌രാജ്, അഴിമതി, വർഗീയത എന്നിവയുടെ കാര്യത്തിലും കേരളം എത്രയോ ഭേദം. സത്യത്തിൽ സിനിമാരംഗത്തുനിന്ന് ഇപ്പോഴുയരുന്ന ലൈംഗികാരോപണങ്ങൾ
ദുരിതം ‘കാണാനെത്തിയവർ’ മലയിറങ്ങി: ഇനി വേണം വയനാടിന് കൈത്താങ്ങ്: സംസ്ഥാനവും കേന്ദ്രവും എന്തു ചെയ്യണം?

വയനാട്ടിൽ മഴയും ഉരുൾപൊട്ടലും മൂലമുണ്ടായ ദുരന്തം ഹൃദയഭേദകമായിരുന്നു. അതിനോടുള്ള സമാനതകളില്ലാത്ത ജനകീയ പ്രതികരണമാകട്ടെ, ഹൃദയംതൊടുന്നതായിരുന്നു. ദുരിതാശ്വാസമെത്തിക്കുന്നതിൽ അനുകരണീയമായ മറ്റൊരു ജനപങ്കാളിത്ത മാതൃകകൂടി കേരളം സൃഷ്ടിച്ചു. മുണ്ടക്കൈ, ചൂരൽമല ദേശങ്ങളെ നാം ചേർത്തുപിടിച്ചു, മറ്റൊരു സംസ്ഥാനവും ചെയ്യാത്ത രീതിയിൽ!. ദുരന്തം കണ്ടറിയാനെത്തിയവരും ദുരന്തഭൂമിയിൽ ‘കാണപ്പെടാൻ’ ആഗ്രഹിച്ചവരും മലയിറങ്ങി. ക്യാമറകളും യുട്യൂബർമാരും തിരിച്ചുപോയി. അവിടത്തെ ജനങ്ങളുടെ അതിജീവനപ്പോരാട്ടം തുടങ്ങിയിട്ടേയുള്ളൂ. ദുരന്തനിവാരണ നിഘണ്ടുവിൽ ‘ബിൽഡ്ബാക്ക് ബെറ്റർ’ (മികവുറ്റ പുനർനിർമാണം) എന്ന പ്രയോഗത്തിനു പ്രാധാന്യമേറെയാണ്. ഭാവിയിലെ അപായസാധ്യതകളെക്കൂടിക്കണ്ട്, അതിനെ ചെറുക്കാനാകുംവിധം ദുരന്തഭൂമികളിൽ പുനർനിർമാണം നടത്തണമെന്നാണ് ഇതുകൊണ്ട് ഉദ്ദേശിക്കുന്നത്. അതിനെ വെറും എൻജിനീയറിങ്ങായി കാണാതെ വിശാലതലത്തിൽ മനസ്സിലാക്കണം. സ്ഥലം തിരഞ്ഞെടുക്കുന്നതു തൊട്ടു വീടുകളുടെ രൂപകൽപനയും ആവാസപരിസരത്തിന്റെ ക്രമീകരണവും അടിസ്ഥാനസൗകര്യങ്ങളുടെ ഗുണനിലവാരവും പാരിസ്ഥിതിക സുസ്ഥിരതയും വരെയുള്ള കാര്യങ്ങളിൽ പുതുമയുള്ള ചിന്തകളുണ്ടാകണം. ഈ വൈദഗ്ധ്യം സർക്കാർ
INDIA FILE

പാലക്കാട്ട് ചരട് മുറുക്കുമോ ആർഎസ്എസ്?– വായിക്കാം ‘ഇന്ത്യാ ഫയൽ’

പൗലോ കൊയ്‌ലോയുടെ ‘ഒഴുകുന്ന പുഴപോലെ’ എന്ന പുസ്തകത്തിലെ ഒരു കഥ ഏതാണ്ടിങ്ങനെയാണ്: ഒരാളുടെ പ്രാതലിനിടെ, വെണ്ണ പുരട്ടിയ റൊട്ടിക്കഷണം വഴുതി തറയിൽ വീണു. വെണ്ണയുള്ള ഭാഗം മുകളിലായാണ് റൊട്ടിയുടെ കിടപ്പെന്നത് അയാളെ അദ്ഭുതപ്പെടുത്തി. കാരണം, വെണ്ണപുരണ്ട റൊട്ടി താഴെ വീണാൽ, വെണ്ണയുള്ള വശമാവും തറയിൽ തൊടുക. അയാൾ വിശുദ്ധനെന്നും റൊട്ടിയുടെ കിടപ്പ് ദൈവത്തിന്റെ അടയാളമാണെന്നും സുഹൃത്തുക്കളിലൊരാൾ പറഞ്ഞു. എന്തായാലും, സംഭവം ഗ്രാമത്തിൽ ചർച്ചയായി. എന്തുകൊണ്ട് വെണ്ണവശം മുകളിലായെന്നതിനു വിശ്വസനീയമായ ഉത്തരം ആർക്കുമില്ല. ഒടുവിലവർ ഗ്രാമത്തിലെ ഗുരുവിൽനിന്ന് ഉത്തരം തേടി. ഗുരു ഒരു രാത്രിയുടെ പ്രാർഥനയും ധ്യാനവും കഴിഞ്ഞ് ഉത്തരം പറഞ്ഞു: കാര്യം ലളിതമാണ്. റൊട്ടി വീഴേണ്ട രീതിയിൽത്തന്നെയാണ് വീണത്, തെറ്റായ വശത്താണ് വെണ്ണ പുരട്ടിയിരുന്നത്! ഈ കഥ എടുത്തുപറഞ്ഞാണ് 2005ൽ താൻ ബിജെപി അധ്യക്ഷസ്ഥാനത്തുനിന്ന് ഒഴിവാക്കപ്പെട്ടതിന്റെ പശ്ചാത്തലം ആത്മകഥയിൽ എൽ.കെ.അഡ്വാനി വിശദീകരിക്കുന്നത്. ആ വർഷം മേയ്– ജൂണിൽ അഡ്വാനി പാക്കിസ്ഥാനിലേക്കു നടത്തിയ യാത്രയിൽ മുഹമ്മദ് അലി ജിന്നയുടെ ശവകുടീരം സന്ദർശിച്ചതും ജിന്നയെക്കുറിച്ചു പറഞ്ഞ കാര്യങ്ങളിൽ ചിലതും ബിജെപിയിൽ വിവാദമാവുകയും ഒടുവിൽ അധ്യക്ഷപദവിയിൽനിന്നുള്ള രാജിയിലേക്ക് എത്തുകയുമായിരുന്നു. ‘സമാധാനത്തിന്റെ ദൂതനായി, രണ്ടു രാജ്യങ്ങളും തമ്മിലുള്ള ബന്ധം നന്നാക്കാൻ
‘ആ റിപ്പോർട്ടിൽ മായാമഷി കൊണ്ട് എഴുതിയ ചില ദുരനുഭവങ്ങളുണ്ട്: ലൈംഗിക അതിക്രമത്തിന് ട്രൈബ്യൂണൽ മതിയോ പരിഹാരം?’

മലയാള സിനിമാ മേഖലയിലെ ലൈംഗിക അതിക്രമങ്ങളെപ്പറ്റിയുള്ള ജസ്റ്റിസ് ഹേമ കമ്മിറ്റി റിപ്പോർട്ടിൽ രണ്ടുതരം മൗനങ്ങളാണുള്ളത്. ഒന്നാമത്തേത് അതിജീവിതമാരുടെ മൗനമാണ്. തൊഴിൽമേഖലയിലെ പ്രതികാരനടപടി മുതൽ ജീവനുനേരെയുള്ള ഭീഷണി വരെ നേരിട്ട് വലിയ ഭയം അനുഭവിക്കുന്ന അതിജീവിതമാരുടെ മൊഴിയെടുക്കുകയെന്നത് എത്ര വലിയ വെല്ലുവിളിയായി മാറിയെന്ന കാര്യം കമ്മിറ്റി രേഖപ്പെടുത്തിയിട്ടുണ്ട്. പരാതിപരിഹാര ആഭ്യന്തര സമിതികൾ (ഐസിസി) രൂപീകരിക്കുന്നതിനെതിരെപ്പോലും കമ്മിറ്റി നിലപാടെടുത്തത് തുറന്നുപറച്ചിലുകളുടെ ഗുരുതര പ്രത്യാഘാതം കണക്കിലെടുത്താണ്. ഉള്ളൊഴുക്കുകളും രഹസ്യങ്ങളുമെല്ലാം അറിയാവുന്ന പ്രബലർ ഐസിസിയി‍ൽത്തന്നെ ഉണ്ടാകാമെന്നാണ് ആശങ്ക. വെളിപ്പെടുത്തൽ ആരുടേതെന്ന വിവരം രഹസ്യമായി തുടരുമെന്ന് ഒരുറപ്പുമില്ല. കമ്മിറ്റിയോടു സംസാരിച്ചവരുടെ മൊഴികളെല്ലാം രേഖപ്പെടുത്തിയെങ്കിലും
ആ രണ്ട് നടന്മാർ സർക്കാരിന്റെ സ്ഥിരം തലവേദന; 2019ലെ എ–7, എ–8 പരാതികൾ മുഖ്യമന്ത്രി കണ്ടില്ലേ?

5 വർഷത്തോളം കയ്യിൽ വച്ചശേഷം പുറത്തുവിട്ട ഹേമ കമ്മിറ്റി റിപ്പോർട്ടിന്റെ ഉള്ളടക്കം ബാധിച്ചില്ലെങ്കിലും റിപ്പോർട്ട് പുറത്തുവന്നശേഷമുള്ള വിവാദം ‘അമ്മ’യ്ക്കൊപ്പം സർക്കാരിനെയും ഉലയ്ക്കുകയാണ്. ചലച്ചിത്ര അക്കാദമി ചെയർമാൻ സ്ഥാനത്തുനിന്നുള്ള രഞ്ജിത്തിന്റെ രാജിയും മന്ത്രി സജി ചെറിയാന്റെ രാജിക്കായുള്ള ആവശ്യവും മുകേഷ് എംഎൽഎക്കെതിരെ ഉയർന്ന ആരോപണവും അപ്രതീക്ഷിത പ്രഹരമായി. കമ്മിറ്റി റിപ്പോർട്ടിൽ ചൂണ്ടിക്കാട്ടിയ പ്രശ്നങ്ങളെ ലഘൂകരിച്ച സർക്കാർ, കേസെടുക്കാതെ കോൺക്ലേവ് നടത്തി പ്രശ്നപരിഹാരമുണ്ടാക്കാമെന്നാണു കരുതിയത്. എന്നാൽ, കമ്മിറ്റി റിപ്പോർട്ടിനു പുറത്തുണ്ടായ ആരോപണങ്ങൾ പരാതികളായി പൊലീസിനു മുന്നിലെത്തിയതോടെ കേസെടുക്കാതെ തരമില്ല. ലൈംഗികാരോപണത്തിൽ എംഎൽഎക്കെതിരെകൂടി അന്വേഷണം വരുന്ന സാഹചര്യം രാഷ്ട്രീയമായി ഇടതുമുന്നണിക്കും ബുദ്ധിമുട്ടുണ്ടാക്കും. മുന്നണിയിലെ 2 ചലച്ചിത്രതാരങ്ങളുടെയും വ്യക്തിജീവിതവും
മഞ്ജു, രാജീവ് അന്നേ പിന്മാറി: നയം രൂപീകരിക്കാൻ മുകേഷ് വേണ്ട? രഞ്ജിത്തിന് പകരം ആര്?

ഹേമ കമ്മിറ്റി റിപ്പോർട്ടിനെത്തുടർന്നു മുകേഷിനെതിരെ ലൈംഗികാതിക്രമ ആരോപണം ഉയർന്ന പശ്ചാത്തലത്തിൽ ധർമസങ്കടത്തിലായത് സർക്കാർ. രാജ്യാന്തര ചലച്ചിത്ര മേള ഉൾപ്പെടെ അടുത്തിരിക്കെ അക്കാദമി ചെയർമാൻതന്നെ രാജിവച്ചത് സാംസ്‌കാരിക വകുപ്പിനും തലവേദനയായി. സിനിമാനയം രൂപീകരിക്കുന്നതിനുള്ള സമിതിയിൽനിന്നു നടനും എംഎൽഎയുമായ മുകേഷിനെ ഒഴിവാക്കിയേക്കുമെന്നാണ് റിപ്പോർട്ട്. ഹേമ കമ്മിറ്റി നിർദേശിച്ചിട്ടുള്ള സമഗ്ര സിനിമാനയം രൂപപ്പെടുത്താനുള്ള സമിതിയിലാണു മുകേഷിനെ ഉൾപ്പെടുത്തിയിരുന്നത്. ഷാജി എൻ.കരുൺ അധ്യക്ഷനും സാംസ്കാരിക വകുപ്പ് സെക്രട്ടറി, ചലച്ചിത്ര അക്കാദമി സെക്രട്ടറി, അഭിനേതാക്കളായ മുകേഷ്, മഞ്ജു വാരിയർ, പത്മപ്രിയ, നിഖില വിമൽ, സംവിധായകരായ രാജീവ് രവി, ബി.ഉണ്ണിക്കൃഷ്ണൻ, നിർമാതാവ് സന്തോഷ് കുരുവിള എന്നിവർ അംഗങ്ങളുമായ പത്തംഗ സമിതിയാണു രൂപീകരിച്ചിരുന്നത് വ്യക്തിപരമായ
പീഡിപ്പിച്ച ശേഷം അവളെ കത്തിച്ചു; ഓരോ അരമണിക്കൂറിലും ‘കൊല’; അരുണയ്ക്കു ശേഷവും ഒന്നും മാറിയില്ല

‘ഒരു രാജ്യത്തിന്റെ അവസ്ഥ മനസ്സിലാക്കാന്‍ അവിടുത്തെ സ്ത്രീകളുടെ സ്ഥിതി പരിശോധിച്ചാല്‍ മതി’ എന്നു ജവാഹർലാൽ നെഹ്റു പറഞ്ഞുവച്ച വാക്കുകൾ തലകുനിച്ചു തന്നെ രാജ്യം അംഗീകരിക്കേണ്ടി വരും. അത്രത്തോളം പരിതാപകരമായിരിക്കുന്നു രാജ്യത്തെ സ്ത്രീസുരക്ഷ. ഒരുപക്ഷേ ഇന്ത്യയിൽ ജീവിക്കുന്ന സ്ത്രീകളിൽ ഭൂരിഭാഗത്തിന്റെയും സ്വപ്നങ്ങളിലൊന്നായിരിക്കും, ഭയമില്ലാതെ, ഏതു സമയത്തു വേണമെങ്കിലും പൊതുനിരത്തുകളിൽ ഇറങ്ങി സുരക്ഷിതബോധത്തോടെ നടക്കുകയെന്നത്. പൊതുനിരത്തിൽ മാത്രമല്ല, വീടുകളുടെയോ തൊഴിലിടത്തിന്റെയോ അകത്തളങ്ങളിൽ പോലും സ്ത്രീകൾ സുരക്ഷിതയല്ല എന്നതാണ് ഇപ്പോഴത്തെ ഞെട്ടിക്കുന്ന യാഥാർഥ്യം. ‘സന്തോഷങ്ങളുടെ നഗരം’ എന്ന് ഇതുവരെ വിളിക്കപ്പെട്ടിരുന്ന കൊൽക്കത്തയിലും അത് സംഭവിച്ചുകഴിഞ്ഞു. പ്രതിരോധത്തിൽ പരാജയപ്പെട്ട് പീഡനത്തിനിരയായി അതിക്രൂരമായി കൊല ചെയ്യപ്പെട്ട പിജി ഡോക്ടറുടെ ചോര പുരണ്ട നഗരമെന്ന മായാത്ത കറ ആ നഗരത്തെ ഇപ്പോൾ കളങ്കമുള്ളതാക്കിയിരിക്കുന്നു. സഹപ്രവർത്തകർക്കൊപ്പം ഭക്ഷണം കഴിച്ച് കോളജിലെ സെമിനാർ ഹാളിലേക്കു വിശ്രമിക്കാനായി പോയ യുവ ഡോക്ടറെ ജീവന്റെ തുടിപ്പോടെ പിന്നീടാരും കണ്ടിട്ടില്ല, അവളുടെ നിലവിളികൾ ആരും കേട്ടിട്ടില്ല. ലൈംഗിക വൈകൃതത്തിനിരയായി, സമാനതകളില്ലാത്ത പീഡനങ്ങൾ നേരിട്ട്, ചേതനയറ്റ്, അർധനഗ്നയായാണ് തൊട്ടടുത്ത ദിവസം ആ പെണ്ണുടൽ കണ്ടെത്തിയത്. ഇന്ത്യയിൽ പീഡനത്തിനിരയായി കൊല്ലപ്പെടുന്ന ആദ്യ സ്ത്രീയല്ല കൊൽക്കത്തയിലെ യുവഡോക്ടർ. അവസാനത്തേതും ആയിരിക്കില്ല എന്ന
പവൽ പറഞ്ഞു: പലിശ കുറയും, വിപണിയിൽ ആഘോഷം: ഇന്ത്യൻ സമ്പദ്‌വ്യവസ്ഥയും ഭദ്രം; ഒഴുകുമോ ഡോളർ?

‘ടൈം ഹാസ് കം’: ഈ മൂന്നു വാക്കുകളിലൂടെ യുഎസിലെ കേന്ദ്ര ബാങ്ക് ചെയർമാൻ ജെറോം പവൽ പറയാതെ പറഞ്ഞതു വ്യക്തം. സമയം എത്തിയിരിക്കുന്നതു പലിശ നിരക്കുകളുടെ പടിയിറക്കത്തിനാണെന്നും ഫെഡറൽ റിസർവിന്റെ അടുത്ത യോഗത്തിൽത്തന്നെ അതു പ്രതീക്ഷിക്കാമെന്നുമുള്ള വ്യക്തമായ സന്ദേശം. യുഎസ് സംസ്ഥാനമായ വയോമിങ്ങിൽ ലോകത്തെ വിവിധ കേന്ദ്ര ബാങ്കുകളുടെ മേധാവികളും സാമ്പത്തിക ശാസ്ത്രജ്ഞരും ഒത്തുചേർന്ന ജാക്സൺ ഹോൾ വാർഷിക സിംപോസിയത്തിലായിരുന്നു പവലിന്റെ പ്രഖ്യാപനം. ‘ലോകത്തെ ഏറ്റവും തനതായ സാമ്പത്തിക കൂട്ടായ്മ’ എന്നു ‘ന്യൂയോർക്ക് ടൈംസ്’ വിശേഷിപ്പിച്ചിട്ടുള്ള സമ്മേളനത്തിൽ പവൽ എന്താണു പ്രഖ്യാപിക്കുക എന്നറിയാൻ കാതുകൂർപ്പിച്ചിരുന്ന
‘വളകളിലും കയ്യിലും തൊട്ടു, മുടിയിൽ തലോടി: ബാഡ് ടച്ച്‌ എന്താണെന്ന് അറിയാം: ഇത് വ്യക്തിവൈരാഗ്യമല്ല’

പറയാനുള്ളതു പറഞ്ഞുകഴിഞ്ഞതായും സംവിധായകൻ രഞ്ജിത്തിനെതിരേ കേസ് നൽകാനില്ലെന്നും ബംഗാളി ചലച്ചിത്രനടി ശ്രീലേഖ മിത്ര. ‘പാലേരി മാണിക്യം’ സിനിമയിൽ അഭിനയിക്കാൻ വിളിച്ചുവരുത്തിയ തന്നോടു രഞ്ജിത് മോശമായാണു പെരുമാറിയത്. എന്നാൽ ലൈംഗികമായി ആക്രമിച്ചിട്ടില്ലെന്നും അവർ ആവർത്തിച്ചു. ആരോപണങ്ങൾക്കെതിരെ നിയമനടപടി സ്വീകരിക്കുമെന്ന് രഞ്ജിത് പറയുന്ന സാഹചര്യത്തില്‍ എന്താണ് ശ്രീലേഖയ്ക്ക് മറുപടി പറയാനുള്ളത്? കേസുമായി മുന്നോട്ടു പോകുമോ? സിപിഎമ്മിനെതിരെയും സർക്കാരിനെതിരെയും ഗൂഢാലോചന നടന്നുവെന്ന് രഞ്ജിത് പറയുമ്പോൾ എന്താണ് ശ്രീലേഖയുടെ മറുപടി? മനോരമ ഓൺലൈൻ പ്രീമിയത്തിൽ സംസാരിക്കുകയാണ് ശ്രീലേഖ മിത്ര.
‘സഹകരിക്കുന്ന നടിമാരുടെ പേര് പറഞ്ഞു: എന്റെ മുന്നിൽ കാട്ടിയതിന്റെ ഷോക്ക് മാറിയിട്ടില്ല: കയ്യും കാലും വെട്ടുമെന്ന് ഭീഷണി’

താരസംഘടനയായ ‘അമ്മ’യുടെ തലപ്പത്തുനിന്ന് ജനറൽ സെക്രട്ടറി സിദ്ദിഖിന് രാജിവയ്ക്കേണ്ടി വന്നത് നടി രേവതി സമ്പത്തിന്റെ പീഡനാരോപണത്തെ തുടർന്നായിരുന്നു. 506 അംഗങ്ങളുള്ള സംഘടനയ്ക്ക് കടുത്ത ക്ഷീണമായി സംഭവം. നീതി ലഭിക്കുമെന്ന് ഉറപ്പു നൽകണമെന്നും സിദ്ദിഖിനെ സിനിമയിൽനിന്നു വിലക്കണമെന്നുമാണ് രേവതി സമ്പത്ത് ഇതുമായി ബന്ധപ്പെട്ടു നിലപാട് വ്യക്തമാക്കിയത്. സിനിമ മോഹിച്ചെത്തിയ തന്നെപ്പോലെയുള്ള പലരുടെയും സ്വപ്നങ്ങളിൽ ചവിട്ടിയാണു സിദ്ദിഖിന്റെ താരപദവിയെന്നും അവർ പറയുന്നു. തെളിവുകൾ കയ്യിലുണ്ടെന്നും നീതി ലഭിക്കണമെന്ന നിലപാടിൽ നിന്ന് പിന്നോട്ടില്ലെന്നുമാണ് രേവതിയുടെ നിലപാട്. തന്നെ കെണിയിൽ പെടുത്തിയതാണെന്നും അവര്‍ പറയുന്നു. യഥാർഥത്തിൽ എന്താണ് അന്ന് സംഭവിച്ചത്? പൊലീസിലും വനിതാ കമ്മിഷനിലും പരാതിപ്പെട്ടപ്പോൾ എന്തായിരുന്നു അവരുടെ നിലപാട്? നിയമപരമായി മുന്നോട്ടു പോകുമോ? മനോരമ ഓൺലൈൻ പ്രീമിയത്തിൽ സംസാരിക്കുകയാണ് രേവതി സമ്പത്ത്.
GLOBAL CANVAS

അച്ഛന്റെ കാശ് കളഞ്ഞ ട്രംപ്; 10 ദിവസത്തിൽ 16 വോട്ടും പോയി? ഭീതിയിൽ നിന്നോ വാൻസിന്റെ ലൈംഗിക പരാമർശം?

ലോകമെമ്പാടുമുള്ള നിരീക്ഷകര്‍ അദ്ഭുതത്തോടെ മാത്രം നോക്കി കാണുന്ന രാഷ്ട്രീയ പ്രതിഭാസമാണ്‌ അമേരിക്കയുടെ മുന്‍ പ്രസിഡന്റായ ഡോണള്‍ഡ്‌ ട്രംപ്‌. ന്യൂയോര്‍ക്കിലെ സാമ്പത്തികമായി മെച്ചപ്പെട്ട കുടുംബത്തില്‍ ജനിച്ച ട്രംപ്‌ തുടക്കം കുറിച്ചത്‌ പിതാവിന്റെ കെട്ടിട നിര്‍മാണ- ഭൂമി വികസന കമ്പനിയില്‍ നിന്നാണ്‌. ചെറുപ്പം മുതല്‍ തന്നെ വിവാദം സൃഷ്ടിച്ച പല പദ്ധതികളും തന്റെ കമ്പനി വഴി ട്രംപ് നടപ്പിലാക്കി. എന്നാല്‍ ഇവയില്‍ പലതും ഭീമമായ സാമ്പത്തിക ബാധ്യത വരുത്തിവയ്ക്കുകയും സ്ഥാപനം പാപ്പരത്തത്തിന്റെ വക്കിലെത്തുകയും ചെയ്തു. എന്നാല്‍ ഇതിലൊന്നും ട്രംപ്‌ കൂസിയില്ല. തന്റെ മിടുക്കും കഴിവും ലോകത്തെ അറിയിക്കണമെന്ന നിര്‍ബന്ധമുള്ള ട്രംപ്‌
വോട്ടുപിടിക്കാൻ അമിത് ഷായുടെ ‘ഗുജറാത്ത് മോഡൽ’? സഹകരണത്തിൽ ബിജെപിക്ക് രാഷ്ട്രീയ മോഹം; ‘നയം’ ഭയന്ന് ഇടതും?

2021ൽ പുതിയ മന്ത്രാലയം രൂപീകരിച്ചപ്പോൾതന്നെ ഏതാണ്ട് വ്യക്തമായതാണ്. ഇത്തവണ അമിത് ഷായ്ക്ക് ആഭ്യന്തരത്തിനു പുറമേ സഹകരണ വകുപ്പിന്റെ ചുതലകൂടി ലഭിച്ചതോടെ സംശയം കൂടുതൽ ബലപ്പെട്ടു. പിന്നാലെ കേന്ദ്ര ബജറ്റിൽ പുതിയ സഹകരണ നയം സംബന്ധിച്ച് പ്രഖ്യാപനംകൂടി വന്നതോടെ കാര്യങ്ങൾ കൂടുതൽ വ്യക്തമാകുകയാണ്. ഗുജറാത്തിൽ പരീക്ഷിച്ചു വിജയിച്ച സഹകരണ മാതൃക രാജ്യമാകെ വ്യാപിപ്പിക്കാനാണ് ബിജെപിയുടെ നീക്കം. അതിന് പാർട്ടി ഒരുങ്ങുമ്പോൾ രാഷ്ട്രീയ ലക്ഷ്യങ്ങളും ഉറപ്പ്.
ഉമ്മൻ ചാണ്ടിക്കെതിരെ കത്ത് മതി! സിനിമയിലെ പീഡന റിപ്പോർട്ടിൽ അടയിരുന്ന് ‘സഹായം’; അടിമുടി പൊള്ളി സിപിഎമ്മും സര്‍ക്കാരും

ഹേമ കമ്മിറ്റി റിപ്പോർട്ടിൽ തുടർനടപടികൾക്ക് അറച്ചു നിൽക്കുന്നതിന്റെ പേരിൽ ഇടതുപക്ഷത്തുനിന്നു തന്നെ ഒറ്റപ്പെടുകയാണ് സർക്കാർ. അതിനായുള്ള ന്യായീകരണങ്ങൾ സർക്കാരിനു തന്നെ തിരിച്ചുകൊള്ളുന്നു. ജസ്റ്റിസ് ജി.ശിവരാജൻ കമ്മിഷന്റെ സോളർ റിപ്പോർട്ടിന്മേൽ ഉമ്മൻ ചാണ്ടിക്കെതിരെ കേസ് റജിസ്റ്റർ ചെയ്തെങ്കിലും ഹൈക്കോടതി തടഞ്ഞില്ലേയെന്നാണ് കേസെടുക്കാതിരിക്കാൻ കാരണമായി മന്ത്രി സജി ചെറിയാൻ ചൂണ്ടിക്കാട്ടിയത്. ഇത് ഓഗസ്റ്റ് 23ന് ചേർന്ന സിപിഎം സംസ്ഥാന സെക്രട്ടേറിയറ്റ് എത്തിച്ചേർന്ന വിലയിരുത്തലാണ്. അഡ്വക്കറ്റ് ജനറലിന്റെ നിയമോപദേശം കൂടി കണക്കിലെടുത്താണ് എന്തും കോടതി പറഞ്ഞാലേ ചെയ്യൂവെന്ന പ്രഖ്യാപനം സിപിഎം സെക്രട്ടറി എം.വി.ഗോവിന്ദൻ നടത്തിയത്. ഫലത്തിൽ, ഉമ്മൻ ചാണ്ടി
അമേരിക്കക്കാർ ഇനി ‘പോൺ’ കാണേണ്ട, ഗർഭച്ഛിദ്രം നടത്തേണ്ട; ആശങ്കയുയർത്തി പ്രോജക്ട് 2025? എന്താണിതെന്ന് ട്രംപും!

‘ഒരിക്കൽക്കൂടി ഡോണൾഡ് ട്രംപിനെ പ്രസിഡന്റായി തിരഞ്ഞെടുത്താൽ യുഎസിനു നേരിടേണ്ടി വരിക ഗുരുതരമായ പ്രത്യാഘാതങ്ങളായിരിക്കും..’ യുഎസ് പ്രസിഡന്റ് തിരഞ്ഞെടുപ്പ് ക്യാംപെയ്നുകളിലൊന്നിൽ ഡമോക്രാറ്റിക് സ്ഥാനാർഥി കമല ഹാരിസ് പറഞ്ഞതാണിത്. അതോടൊപ്പം ഒരുകാര്യം കൂടി പറഞ്ഞു. ‘രണ്ടാം ട്രംപ് ഭരണകൂടം എങ്ങനെയായിരിക്കുമെന്ന് നമുക്കെല്ലാം അറിയാം. അതെല്ലാം പ്രോജക്ട് 2025ൽ വിശദമായി റിപ്പബ്ലിക്കൻസ് തന്നെ പറഞ്ഞിട്ടുണ്ട്’. ഇതോടൊപ്പം തന്നെയായിരുന്നു ഡമോക്രാറ്റിക് നാഷനൽ കൺവൻഷനിൽ കൊളറാഡോയിൽനിന്നുള്ള കോൺഗ്രസ് പ്രതിനിധി ജേസൻ ക്രോ മറ്റൊരു കാര്യം പറഞ്ഞതും. ‘‘പ്രോജക്ട് 2025 നടപ്പാക്കിയാൽ അത് രാജ്യത്തെ ജനങ്ങളുടെയും സുരക്ഷയ്ക്ക് തുരങ്കം വയ്ക്കുന്നതിനു തുല്യമാകും. മാത്രവുമല്ല, രാജ്യാന്തരതലത്തില്‍ യുഎസിന്റെ സ്വാധീന ശക്തി കുറയും. ചൈനയും റഷ്യയും പോലുള്ള രാജ്യങ്ങൾ കൂടുതൽ ശക്തരാകും. യുഎസിന്റെ സഖ്യരാജ്യങ്ങളെപ്പോലും സ്വാധീനിക്കാൻ അവർക്കു സാധിക്കും. മുന്‍ സൈനികർക്ക് നൽകി വരുന്ന ആനുകൂല്യങ്ങളും ഇല്ലാതാക്കപ്പെടും’. ഇത്രയേറെ ചർച്ച ചെയ്യപ്പെടാൻ തക്കവിധം എന്താണ്
മുന്നിൽ ഒരു നടൻ; കയ്യിൽ ശതകോടികൾ; ലാഭം മാത്രമല്ല താരങ്ങളുടെ ലക്ഷ്യം; കണ്ടെത്തിയ കാരണം അറിയിച്ചു!

യുഎസിനും ജമ്മു കശ്മീരിനും ചേലക്കരയ്ക്കും തമ്മിൽ എന്ത് ബന്ധം എന്നു ചോദിച്ചാൽ, പോയ വാരം മനോരമ ഓൺലൈൻ പ്രീമിയം സന്ദർശിച്ച വായനക്കാർക്ക് അതിനുള്ള വ്യക്തമായ ഉത്തരം നിസംശയം പറയാൻ സാധിക്കും. അത്തരം അറിവുകൾക്ക് പുറമേ മലയാള സിനിമ മേഖലയെ ആകെ മുൾമുനയിൽ നിർത്തിയ ഹേമ കമ്മിറ്റി റിപ്പോർട്ടിന്റെ വിശദമായ വിശകലനങ്ങൾ, കളിക്കളത്തിൽ നിന്ന് പണവും മറ്റ് പല ‘ലക്ഷ്യങ്ങളും’ സ്വന്തമാക്കാൻ യാത്ര തുടങ്ങുന്ന മലയാളി താരങ്ങളുടെ വിവരങ്ങളും പോയ വാരം മനോരമ ഓൺലൈൻ പ്രീമിയത്തിലെ ‘ടോപ്’ പൊസിഷനുകൾ സ്വന്തമാക്കി. ‘മലയാള സിനിമയിൽ ഈ ‘മാഫിയ’ ഉള്ളയിടത്തോളം കാലം സിനിമാമേഖലയിലെ വനിതകളെ ലൈംഗിക പീഡനത്തിൽനിന്നോ ലൈംഗികാക്രമണത്തിൽനിന്നോ ലൈംഗികമായി ദുരുപയോഗം ചെയ്യുന്നതിൽനിന്നോ രക്ഷിക്കാനാകില്ല.’ ചലച്ചിത്ര മേഖലയിലെ പ്രശ്നങ്ങളെപ്പറ്റി പഠിച്ച
മലപ്പുറം ആസ്ഥാനമായ ‘വമ്പൻ’ ബാങ്ക്; 24,510 കോടി നിക്ഷേപം; തലയ്ക്കു മുകളിൽ ലയന ഭീഷണി; ഇടപെടുമോ ധനമന്ത്രി?

ഇന്ത്യയുടെ ബാങ്കിങ് ചരിത്രത്തിലെ ഒരു സുപ്രധാന ഏടാണ് ഗ്രാമീണ ബാങ്കുകളുടെ രൂപീകരണവും വ്യാപനവും. 1975 സെപ്റ്റംബർ 26ന് കേന്ദ്രസർക്കാർ പുറപ്പെടുവിച്ച ഓർഡിനൻസിന്റെയും 1976ലെ റീജനൽ റൂറൽ ബാങ്ക് (RRB) ആക്ടിന്റെയും അടിസ്ഥാനത്തിൽ രൂപീകരിക്കപ്പെട്ടതാണ് ഗ്രാമീണ ബാങ്കുകൾ. കേന്ദ്ര സർക്കാരിന്റെ ധനമന്ത്രാലയത്തിനും പ്രയോജക (sponsored) ബാങ്കുകൾക്കും ബന്ധപ്പെട്ട സംസ്ഥാന സർക്കാരുകൾക്കുമാണ് ഇവയുടെ ഉടമസ്ഥാവകാശം. ഗ്രാമീണ ബാങ്കുകളുടെ 50 ശതമാനം ഓഹരികൾ കേന്ദ്രസർക്കാരിന്റെയും 35 ശതമാനം ഓഹരികൾ പ്രായോജക ബാങ്കുകളുടെയും 15 ശതമാനം ഓഹരികൾ ബന്ധപ്പെട്ട സംസ്ഥാന സർക്കാരുകളുടേതുമാണ്. ചില ബാങ്കിങ് സംഘടനകൾ ഇപ്പോൾ ആവശ്യപ്പെടുന്നത് ഗ്രാമീണ ബാങ്കുകളെ ബന്ധപ്പെട്ട പ്രായോജക ബാങ്കുകളിൽ ലയിപ്പിക്കണമെന്നാണ്. ഗ്രാമീണ മേഖലയെ കാര്യമായി ബാധിക്കുന്ന പ്രശ്നങ്ങൾ പരിഹരിക്കാനായി രൂപീകരിച്ച ഗ്രാമീണ ബാങ്കുകളുടെ പ്രവർത്തനത്തെ തുരങ്കം വയ്ക്കുന്നതാണ് ഈ നീക്കമെന്ന വിമർശനം ഉയർന്നു കഴിഞ്ഞു. ഇത് പലരുടെയും തൊഴിൽ നഷ്ടത്തിലേക്കും വരുമാന നഷ്ടത്തിലേക്കും വരെ നയിക്കുമെന്ന ആശങ്കയും ഉയർന്നു കഴിഞ്ഞു. യഥാർഥത്തിൽ ലയനം ഗ്രാമീണ ബാങ്കുകളെ സഹായിക്കുമോ അതോ ദ്രോഹിക്കുമോ? എന്താണ് പരിഹാരം? വിശദമായി പരിശോധിക്കുകയാണിവിടെ.
വൃക്ക, നട്ടെല്ല്, പേശികൾ, കാഴ്ച... സുനിതയുടെ ആരോഗ്യവും ആശങ്കയിൽ? നാസയ്ക്കും ഇല്ല മറുപടി!

സുനിത വില്യംസ് എന്നു മടങ്ങിവരും? കമല ഹാരിസ് യുഎസ്‌ പ്രസിഡന്റാകുമോ എന്ന ചോദ്യംപോലെ ഇതും ലോകം മുഴുവൻ ചർച്ച ചെയ്യുന്നു. ഇരുവരും ഇന്ത്യൻ വംശജരാണെന്ന സാമ്യവുമുണ്ട്. ഭൂമിയിൽനിന്ന് 300 കിലോമീറ്ററിലേറെ ഉയരത്തിലുള്ള രാജ്യാന്തര ബഹിരാകാശ നിലയത്തിലാണ്‌ (ഐഎസ്എസ്‌ - ഇന്റർനാഷനൽ സ്പേസ് സ്റ്റേഷൻ) നാസയുടെ ബഹിരാകാശസഞ്ചാരിയായ സുനിത. ജൂൺ അഞ്ചിനു ബുച്ച് വിൽമോറുമൊത്തു യാത്ര പുറപ്പെട്ടതാണ്. ഭൂമിയിലേക്കുള്ള അവരുടെ മടക്കയാത്രയെപ്പറ്റിയാണ് ഇപ്പോൾ ആശങ്ക. ഐഎസ്‌എസിൽ ഇരുവരെയും എത്തിച്ചത് ബോയിങ് കമ്പനിയുടെ സ്റ്റാർലൈനർ എന്ന പേടകമാണ്. ഇതിന്റെ പ്രൊപ്പൽഷൻ (propulsion) സംവിധാനത്തിനുണ്ടായ തകരാറാണ് ഉത്കണ്ഠ ഉയർത്തുന്നത്. സഞ്ചാരികളെ സ്റ്റാർലൈനറിൽത്തന്നെ മടക്കിക്കൊണ്ടുവരാൻ സാധിക്കുമോയെന്ന ചോദ്യത്തിനു വ്യക്തമായ മറുപടി നൽകാൻ യുഎസ് ബഹിരാകാശ ഗവേഷണ സ്ഥാപനമായ നാസയ്ക്കും കഴിഞ്ഞിട്ടില്ല. ഇക്കാര്യത്തിൽ ഇന്നു തീരുമാനം എടുക്കുമെന്നാണു വിവരം. ഇന്ധനച്ചോർച്ചയുണ്ടായെന്നും നിയന്ത്രണസംവിധാനത്തിന്റെ ഭാഗമായ ചില ത്രസ്റ്ററുകൾ പ്രവർത്തനരഹിതമായെന്നും സംശയമുണ്ട്. ദിശ നിയന്ത്രിക്കുന്നതിനുള്ള ത്രസ്റ്ററുകളെല്ലാം പ്രവർത്തനക്ഷമമല്ലെങ്കിൽ പേടകത്തിന്റെ ഭൂമിയിലേക്കുള്ള തിരിച്ചുവരവ് സുഗമമാകുമോ എന്നാണു പേടി. വഴിതെറ്റി ബഹിരാകാശത്തെ വിദൂരതകളിലേക്കു പോകാം. ഭൗമാന്തരീക്ഷത്തിൽ കത്തിച്ചാമ്പലാകാം.
അടുക്കളയില്‍ അണുകൂട്ടായ്മ; മൈക്രോവേവ് അവ്ന്‍ മുതൽ ഡിഷ് വാഷർ വരെ സർവം സൂക്ഷ്മാണുമയം! എന്തു ചെയ്യും?

വീടിനകത്ത് ഏറ്റവും വൃത്തികുറഞ്ഞ സ്ഥലം ടോയ്‌ലറ്റോ മൈക്രോവേവ് അവ്നോ? സൂക്ഷ്മാണുക്കളുടെ സാന്നിധ്യത്തിൽ അവ്ൻ ഒട്ടും പിന്നിലല്ല എന്നതാണു യാഥാർഥ്യം. ‘സൂക്ഷ്‌മതരംഗത്തെ സൂക്ഷിക്കണം, സൂക്ഷ്മാണു എവിടെയും അള്ളിപ്പിടിച്ചിരിക്കും...!’ ഓഗസ്റ്റ് എട്ടിനു ‘നേച്ചർ’ പ്രസിദ്ധീകരിച്ച ശാസ്ത്രവാർത്തയിൽ ഡോ.അലിക്സ് സോളിമൺ സൂക്ഷ്മാണുക്കളുടെ വിചിത്രവസ്തുതയിലേക്കു വെളിച്ചം വീശി എഴുതിയതാണിത്. ജീവന്റെ കൊച്ചുതുടിപ്പാണു സൂക്ഷ്മാണു. ഓരോ മനുഷ്യകോശത്തിലും പത്തുവീതം സൂക്ഷ്മാണുക്കളുണ്ട്. ന്യൂയോർക്ക് സർവകലാശാലയിലെ ഡോ. മാർട്ടിൻ ബ്ലേഡറുടെ കണക്കിൽ 10 ലക്ഷം കോടി നരകോശങ്ങളുടെയും 100 ലക്ഷം കോടി സൂക്ഷ്മാണുക്കളുടെയും കൂട്ടായ്മയാണു ശരീരം. അതിൽ നല്ലതും ചീത്തയുമുണ്ട്. പ്രതികൂല സാഹചര്യങ്ങളെ മറികടന്നു വളരാനും പെരുകാനും കഴിവുള്ള സൂക്ഷ്മാണുക്കളെ കണ്ടെത്തിയിട്ടുണ്ട്. ഇന്ത്യൻ മഹാസമുദ്രത്തിന്റെ അടിത്തട്ടിലും ഹിമാലയ കൊടുമുടികളിലും
കപടവേഷം പല തരം - ബി.എസ്. വാരിയർ എഴുതുന്നു

തെല്ലു മാറ്റങ്ങളോടെയാണെങ്കിലും വിവിധഗ്രന്ഥങ്ങളിൽ വന്നിട്ടുള്ള വിവേകത്തിന്റെ മുന്നറിയിപ്പാണിത്. ശ്രീരാമൻ വിവേകശാലിയായിരുന്നെന്ന് എടുത്തുപറയേണ്ടതില്ല. സ്വർണമാൻ ഉണ്ടാകുക സാധ്യമല്ലെന്നു രാമനറിയാം. എന്നിട്ടും സ്വർണമാനിന്റെ കപടവേഷം പൂണ്ട് കൺമുന്നിലെത്തിയ മാരീചൻ, രാമനെ പ്രലോഭിപ്പിച്ചു. അമ്മാവൻ മാരീചനെ സ്വർണമാനിന്റെ വേഷത്തിലയച്ച രാവണൻ, സന്ന്യാസിയുെട കപടവേഷത്തിൽ ചെന്നു സീതയെ അപഹരിച്ചത് രാമായണത്തിലെ വൻവഴിത്തിരിവായി. കപടവേഷങ്ങൾ തിരിച്ചറിയണമെന്ന മുന്നറിയിപ്പ് ഈ കഥാഭാഗത്തിനുണ്ടല്ലോ. ഗൗതമമുനിയുടെ വിശ്വമോഹിനിയായ പത്നി അഹല്യയെക്കണ്ടു മോഹിച്ച ദേവേന്ദ്രൻ, ഗൗതമമുനിയുടെ തന്നെ രൂപം കൃത്രിമമായി സ്വീകരിച്ച് അത്യാചാരം ചെയ്തു. സത്യം പിന്നീടു തിരിച്ചറിഞ്ഞ മുനി കോപാകുലനായി ദേവേന്ദ്രനെ അതികഠിനമായി ശപിച്ചു. പൗരുഷം നഷ്ടപ്പെട്ടു പരിഹാസ്യനായി ദേവേന്ദ്രനു കഴിയേണ്ടിവന്നു.
വികസനമല്ല, കസേര മുഖ്യം! ‘പേടിച്ച’ കേന്ദ്രം കോടികൾ കൊടുത്തിട്ടും എല്ലാം ‘മുക്കി’ ബിഹാർ: കേരളത്തിന്റെ ഗതിയെന്താകും?

വെള്ളപ്പൊക്കത്തിൽ എല്ലാം നഷ്ടപ്പെട്ട് വീടുകളിലേക്ക് ഭിക്ഷയാചിക്കാൻ വന്നിരുന്ന ‘ബിഹാർ സ്വദേശി’കളെ ഓർമയില്ലേ? ഹിന്ദി മാത്രം അറിയുന്ന അവർ ആംഗ്യഭാഷയിൽ പണവും ഭക്ഷണവും വസ്ത്രവും യാചിക്കാനായി എത്ര ദൂരം സഞ്ചരിച്ചാണ് നമുക്കരികിൽ എത്തിയത്! കേന്ദ്ര ധനമന്ത്രി നിർമല സീതാരാമൻ അവതരിപ്പിച്ച കേന്ദ്ര ബജറ്റിൽ ബിഹാറിന് നൽകിയ ‘അമിത പ്രാധാന്യത്തിന്റെ’ പേരിൽ ഉയരുന്ന പുകിലുകളാണ് ഇപ്പോൾ ഈ സംഭവം ഓർമിക്കാൻ ഇടയാക്കിയത്. ബജറ്റിലെ പണം മുഴുവൻ ബിഹാറും ആന്ധ്ര പ്രദേശും പങ്കിട്ടെടുത്തെന്ന ആക്ഷേപം ഉയർത്തിയവരിൽ മുൻനിരയിൽത്തന്നെ മലയാളികളും ഉണ്ടായിരുന്നു. ബജറ്റിൽ മാത്രമല്ല, വിവിധ നികുതിയായി കേന്ദ്രം പിരിച്ചെടുക്കുന്ന ശതകോടികൾ സംസ്ഥാനങ്ങൾക്കായി വീതം വയ്ക്കുമ്പോഴും കാലാകാലങ്ങളായി ബിഹാറിന് ലഭിക്കുന്നത് വലിയ വിഹിതമാണ്. എന്നിരുന്നാലും അടിസ്ഥാന സൗകര്യങ്ങളുടെ കാര്യത്തിൽ സംസ്ഥാനങ്ങളുടെ പട്ടിക പരിശോധിച്ചാൽ ദശാബ്ദങ്ങളായി ബിഹാറിന്റെ സ്ഥാനം ഏറ്റവും ഒടുവിലാണ്. എത്ര പിന്തുണ ലഭിച്ചിട്ടും ബിഹാർ എന്തേ ഗംഭീരമായില്ലേ! മൂന്നാം മോദി സർക്കാരിന് കേവല ഭൂരിപക്ഷത്തിനായി 12 എംപിമാരുടെ കൈത്താങ്ങ് നൽകിയ ജെഡിയുവിനുള്ള പ്രത്യുപകാരമാണ് വമ്പൻ തുക എണ്ണിയെണ്ണി ബിഹാറിന് നൽകാൻ നിർമലയെ പ്രേരിപ്പിച്ചതെന്നാണ് പ്രധാന ആരോപണം. അതിനാലാണ് പ്രതിപക്ഷം ‘കുർസി ബച്ചാവോ ബജറ്റ്’ എന്ന പേരിട്ട് കേന്ദ്ര ബജറ്റിനെ പരിഹസിക്കുന്നത്. ആന്ധ്രയ്ക്ക് നൽകിയ തുക, തെലങ്കാന രൂപീകരണ സമയത്ത് പുതിയ തലസ്ഥാനം നിർമിക്കാനുള്ള സഹായ വാഗ്ദാനത്തിൽ ഉൾപെടുത്താമെങ്കിൽ ബിഹാറിന് നൽകിയ ഭാരിച്ച തുകയെ എങ്ങനെ ന്യായികരിക്കാനാവും എന്ന ചോദ്യം വിമർശകർ ഉയർത്തുന്നു. ചരിത്രം പഠിച്ചാൽ ബിഹാറിലെ മണ്ണിൽ സിംഹാസനമിട്ട് ഇന്നത്തെ ഇന്ത്യയേക്കാളും വലുപ്പമേറിയ രാജ്യം ഭരിച്ച ഒന്നിലധികം രാജവംശങ്ങളെ കാണാനാവും. എന്നാൽ ആ സമ്പന്നതയുടെ ഭൂതകാലത്തിന് തെളിവായി സമ്പന്നമായ ഒരു നഗരം പോലും ഇന്ന് ഈ സംസ്ഥാനത്തില്ല. ബിഹാർ എന്തുകൊണ്ടാണ് ഇന്ത്യയിലെ പാവപ്പെട്ടവരുടെ സംസ്ഥാനമായത്? പരാജയ കാരണങ്ങൾക്കൊപ്പം കഴിഞ്ഞ വർഷങ്ങളിൽ ബിഹാറിനുണ്ടായ മാറ്റങ്ങൾ പ്രതീക്ഷ നൽകുന്നതാണോ? പരിശോധിക്കാം, വിശദമായി.
ഡാർജിലിങ്ങിനെ വയനാടിന് മാതൃകയാക്കാം; ആ പാറകളും മരത്തടികളും അതിജീവനമാക്കാം

പ്രകൃതിദുരന്തങ്ങളെ നേരിടാൻ കാലാവസ്ഥാ നിരീക്ഷണകേന്ദ്രങ്ങളിൽനിന്നുള്ള മുന്നറിയിപ്പുകൾ മാത്രമല്ല, പ്രകൃതിയിലെ ചില മാറ്റങ്ങളും നാം കണക്കിലെടുക്കേണ്ടിയിരിക്കുന്നു. വീടിന്റെ വാതിലുകളും ജനാലകളും അടയ്ക്കാനാകാതെ വരിക, അടിത്തറയിലും ഭിത്തിയിലും തറയോടുകളിലും വിള്ളലുകൾ പ്രത്യക്ഷപ്പെടുക, പാറയിടുക്കുകൾക്കു മുകളിലൂടെയുള്ള ജലപ്രവാഹം പെട്ടെന്നു കുറയുകയോ പുതിയ ചാലുകൾ തീർത്ത് മാറിയൊഴുകുകയോ ചെയ്യുക എന്നിവയെല്ലാം ഉരുൾപൊട്ടൽ സാധ്യതയിലേക്കു വിരൽചൂണ്ടുന്ന ചില ലക്ഷണങ്ങളാണ്. പുഴയിലൂടെ ചെളി കലർന്ന വെള്ളം കുത്തിയൊഴുകുന്നതും ജാഗ്രത വേണമെന്ന മുന്നറിയിപ്പാണ്. വയനാടിനു പുറമേ ഇടുക്കി, പാലക്കാട്, പത്തനംതിട്ട, മലപ്പുറം ജില്ലകളും ഉരുൾപൊട്ടൽ സാധ്യതയേറിയവയാണെന്നാണ് കുഫോസിന്റെ (കേരള ഫിഷറീസ് ആൻഡ് ഓഷ്യൻ സ്റ്റഡീസ് യൂണിവേഴ്സിറ്റി) പഠനം. കൃത്യമായ മുന്നറിയിപ്പു സംവിധാനവും ശാസ്ത്രീയമായ ഭൂവിനിയോഗവും ദുരന്തവ്യാപ്തി കുറയ്ക്കാൻ അത്യാവശ്യമാണെന്നും പഠനം പറയുന്നു. ഉരുൾപൊട്ടിയതു കാട്ടിലാണെന്നതിനാൽ മുണ്ടക്കൈയിലെയും ചൂരൽമലയിലെയും കൃഷിരീതികളെ അടച്ചാക്ഷേപിക്കുന്നതിൽ കാര്യമില്ല. അതിതീവ്ര മഴയിൽ വലിയ മരങ്ങളും പാറക്കല്ലും അതിശക്തിയോടെ വെള്ളത്തോടൊപ്പം മലമുകളിൽനിന്ന് ഒലിച്ചെത്തിയാൽ ഏതു കൃഷിയാണെങ്കിലും നശിക്കും. ആദ്യത്തെ പൊട്ടലിൽ അണക്കെട്ടുപോലെ വെള്ളം കെട്ടിക്കിടന്നിടത്തുനിന്നു
PRATHIVADHAM

അവളെ ‘വേശ്യ’യാക്കി അപമാനിച്ചു; നാടൊന്നാകെ ഊരുവിലക്കി; ഹേമ കമ്മിറ്റിയും വിശാഖാക്കേസും ചർച്ചയാകുമ്പോൾ

ഭർത്താവിനെ മർദിച്ചു ബോധരഹിതനാക്കിയശേഷമാണ് ഗ്രാമത്തലവൻ അടക്കമുള്ള അഞ്ചംഗസംഘം അവരെ ലൈംഗികാക്രമണത്തിനു വിധേയമാക്കിയത്. ഒൻപതു മാസം മാത്രമെത്തിയ കുഞ്ഞിനെ വിവാഹം കഴിപ്പിക്കാനുള്ള മേൽജാതിക്കാരുടെ ഗൂഢാലോചന ഉത്തരവാദപ്പെട്ട സാമൂഹികപ്രവർത്തകയെന്ന നിലയിൽ ഔദ്യോഗികമായി റിപ്പോർട്ട് ചെയ്തതോടെയാണ് ഭാൻവരിദേവി ദേശവാസികളുടെ മുഖ്യശത്രുവായത്. ധീരയായ ഭാൻവരിദേവി നീതി തേടി പൊലീസിനെ സമീപിച്ചെങ്കിലും ഫലമുണ്ടായില്ല. ‘വേശ്യ’യെന്നു വിളിച്ചു നാടൊന്നാകെ അവരെ ഒറ്റപ്പെടുത്തുകയും അപമാനിക്കുകയും ചെയ്തു. തെളിവുകൾ നശിപ്പിക്കപ്പെട്ടു. സ്ഥലം എംഎൽഎ അടക്കമുള്ളവർ അവർക്കെതിരെ അന്വേഷണ ഏജൻസികൾക്കു മുന്നിൽ മൊഴികൊടുത്തു. പക്ഷേ, ഭാൻവരിദേവി പിന്തിരിഞ്ഞില്ല. ഹൈക്കോടതിയിൽനിന്നു നീതി ലഭിക്കാതെ വന്നപ്പോഴാണ്, സ്ത്രീകളുടെ അവകാശസംരക്ഷണത്തിനു പ്രവർത്തിക്കുന്ന ‘വിശാഖ’ എന്ന സംഘടനയുടെ സഹായത്തോടെ
കുഴിമാടങ്ങൾ കാണുമ്പോൾ അലമുറകൾ, ഈ ട്രോമ തലമുറകളോളം നീണ്ടുനിൽക്കും, അവരെ തനിച്ചാക്കരുത്, വേണം ശ്രദ്ധ

നിമിഷനേരം കൊണ്ടാണ് പ്രകൃതിയുടെ കലിയിൽ വയനാട്ടിലെ മനോഹരമായ ഒരു നാട് തുടച്ചുനീക്കപ്പെട്ടത്. തുടർന്നുള്ള മണിക്കൂറുകൾ ജീവൻരക്ഷിക്കാനുള്ള ശ്രമങ്ങളുടേതായിരുന്നു. ദിവസങ്ങൾ കഴിയുമ്പോൾ ആളും ആരവവും ഒഴിഞ്ഞ് മൂകമാണ് ഇവിടം. ഒരുമനസ്സോടെ ജീവിച്ചവരിൽ പലരും ഇപ്പോഴും കാണാമറയത്താണ്. ഉള്ളുനീറി കഴിയുകയാണ് അവരുടെ ഉറ്റവരും നാട്ടുകാരും. രക്ഷാപ്രവർത്തനത്തിന് ശേഷം ഭരണകൂടമടക്കം ഇപ്പോൾ ശ്രദ്ധ നൽകുന്നത് ദുരന്തത്തിൽ നിന്ന് രക്ഷപ്പെട്ടവരെ പുനധിവസിപ്പിക്കാനുള്ള പദ്ധതികളിലാണ്. സന്നദ്ധ സംഘടനകളും സജീവമായി കൂടെയുണ്ട്. എന്നാൽ എല്ലാം നഷ്ടപ്പെട്ടവരെ പുതിയൊരു ജീവിതത്തിലേക്ക് കൊണ്ടുവരാൻ ശ്രമിക്കുമ്പോഴും പലരുടേയും മാനസികനില അവതാളത്തിലാണെന്ന വസ്തുത കാണാതിരിക്കരുത്. വലിയ ദുരന്തം അതിജീവിച്ചവരുടെ മാനസികമായ ആരോഗ്യം വീണ്ടെടുക്കലും പ്രധാനമാണ്. ദുരന്തത്തിൽ നിന്ന് രക്ഷപ്പെട്ടവരിൽ മിക്കവർക്കും അവരുടെ പ്രിയപ്പെട്ടവരെ നഷ്ടപ്പെട്ടു, ഉപജീവനമാർഗങ്ങളും വീടുമെല്ലാം നഷ്ടമായി. ഇവർ കടുത്ത മാനസിക പിരിമുറുക്കത്തിലാവും കഴിയുന്നത്. മഴ, ഉരുൾപൊട്ടൽ, വെള്ളപ്പൊക്കം... കേരളത്തിൽ പ്രകൃതിദുരന്തങ്ങള്‍ പതിവാകുമ്പോൾ അതിന് ഇരയാകുന്നവർക്ക് മാനസിക പിന്തുണ നൽകാൻ നമുക്ക് സാധിക്കേണ്ടതുണ്ട്. ഇതിന് വേണ്ട സംവിധാനങ്ങൾ ലഭ്യമാക്കാറുണ്ടോ? അത്തരത്തിലൊരു സമീപനം സർക്കാർതലത്തിൽ ഉണ്ടായിട്ടുണ്ടോ? ദുരന്തബാധിതർക്ക് സൈക്കോളജിക്കൽ ഫസ്റ്റ് എയ്ഡ് നൽകുന്നതു മുതൽ തുടർച്ചയായ മാനസിക പിന്തുണ ഉറപ്പാക്കുന്നതിൽ വരെ നമുക്ക് എന്തെല്ലാം ചെയ്യാനാകും? വായിക്കാം പി.കെ. അലിയുമായുള്ള (ക്ലിനിക്കൽ സൈക്കോളജിസ്റ്റ് ആൻഡ് ഡോക്ടറൽ ഫെല്ലോ, ഇംഹാൻസ് കോഴിക്കോട്. ഡയറക്ടർ ഓഫ് മൈൻഡ് വീവേഴ്സ്) അഭിമുഖത്തിന്റെ രണ്ടാം ഭാഗം.
KERALA MAIL

ഇടത് അടിത്തറ ചോർത്തി ബിജെപി; ഇത് പാലക്കാടൻ മുന്നറിയിപ്പ്; ഒരുപോലെ പൊള്ളി സിപിഎമ്മും സിപിഐയും

പാലക്കാട്ടുനിന്നു തുടർച്ചയായി അപ്രിയവാർത്തകളാണ് ഇടതുപക്ഷത്തെ തേടിയെത്തുന്നത്. പാലക്കാടൻ തീക്കാറ്റുപോലെ അതു സിപിഎമ്മിനെയും സിപിഐയെയും പൊള്ളിക്കുന്നു. കേരളത്തിൽ ലോക്സഭയിലേക്കു മത്സരിച്ച സിപിഎമ്മിന്റെ ഏക പൊളിറ്റ്ബ്യൂറോ അംഗം മുക്കാൽ ലക്ഷം വോട്ടിന് അവിടെ പരാജയപ്പെട്ടു. തിരഞ്ഞെടുപ്പ്– സംഘടനാ രംഗങ്ങളിൽ പ്രശ്നങ്ങളുടെ കടലിലാണ് ഇടതുപാർട്ടികൾ എന്ന പ്രതീതിയാണ് ജില്ലയിൽ. സിപിഐയുടെ സംസ്ഥാന സമ്മേളനം ഒടുവിൽ പാലക്കാട്ടു നടന്നത് 2002ൽ ആണ്. സിപിഎമ്മിലെ വിഭാഗീയതയിലും ഘടകകക്ഷികളോടുള്ള വല്യേട്ടൻ സമീപനത്തിലുമുള്ള കടുത്ത വിമർശനമായിരുന്നു സംസ്ഥാന സെക്രട്ടറിയായിരുന്ന വെളിയം ഭാർഗവൻ അന്ന് അവതരിപ്പിച്ച റിപ്പോർട്ടിന്റെ കാതൽ. സിപിഎമ്മിനെ മഥിച്ച വിഭാഗീയതയുടെ പ്രഭവകേന്ദ്രവും പാലക്കാടായിരുന്നു. 1998ലെ പാലക്കാട് സംസ്ഥാന സമ്മേളനത്തിൽ അരങ്ങേറിയ വെട്ടിനിരത്തലിന്റെ പ്രത്യാഘാതങ്ങൾ അവരെ വേട്ടയാടി
ടണലുകൾ നിറഞ്ഞ ഹമാസിന്റെ ‘ഓക്സിജൻ’; ബ്ലിങ്കന് വഴങ്ങാതെ നെതന്യാഹു: നിർണായകം ഹമാസ് നിലപാട്

ഗാസയിലെ വെടിനിർത്തൽ കരാർ സംബന്ധിച്ച് ഇസ്രയേലിന്റെ നിർദേശം അമേരിക്ക അംഗീകരിച്ചത് മധ്യപൂർവേഷ്യയിലെ സമാധാന ശ്രമങ്ങളെ എങ്ങനെ ബാധിക്കും ? സമാധാന പുനഃസ്ഥാപനത്തിനായി യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കൻ നടത്തുന്ന ശ്രമങ്ങളെ ലോകം പ്രതീക്ഷയോടെ കാണുമ്പോഴാണ് ചർച്ചകളിൽ വഴിത്തിരിവായ സംഭവങ്ങളെന്നു പറയാം. ഈജിപ്ത് – ഗാസ അതിർത്തിയിലെ ഫിലാഡൽഫി ഇടനാഴിയുടെ നിയന്ത്രണം വേണമെന്ന ഇസ്രയേലിന്റെ ആവശ്യം അമേരിക്ക അംഗീകരിച്ചതാണ് ഇതിൽ പ്രധാനം. തുടർന്ന്, തീരുമാനം എടുക്കാൻ ഹമാസിനോട് ആവശ്യപ്പെട്ട് ആന്റണി ബ്ലിങ്കൻ മധ്യപൂർവേഷ്യയിലെ തന്റെ ഒൻപതാമത്തെ സന്ദർശനം അവസാനിപ്പിച്ച് ഖത്തറിൽനിന്നു വിമാനം കയറുകയും ചെയ്തു. കഴിഞ്ഞയാഴ്ച ദോഹയിൽ നടന്ന ചർച്ച തീരുമാനമാകാതെ പിരിഞ്ഞത് ഇസ്രയേൽ പുതിയ രണ്ട് ആവശ്യങ്ങൾ ഉന്നയിച്ചതോടെയാണ്. ഫിലാഡൽഫി ഇടനാഴിയുടെ നിയന്ത്രണം, വടക്കൻ ഗാസയിലേക്കു തിരികെപ്പോകുന്ന പലസ്തീൻകാരെ പരിശോധിക്കുക എന്നിവയായിരുന്നു അവ. സൈന്യം ആദ്യഘട്ടത്തിൽ ജനവാസ കേന്ദ്രങ്ങളിൽനിന്നു..
മനുഷ്യനല്ല മുഖ്യപ്രതി; ഉരുൾപൊട്ടിയത് ഹോട്സ്പോട്ടിൽ; മുന്നറിയിപ്പ് നൽകിയിരുന്നെങ്കിൽ മരണസംഖ്യ കുറഞ്ഞേനേ...

ക്വാറികളിലെ സ്ഫോടനം ഉരുൾപൊട്ടലുണ്ടാക്കുമോ? കൃഷിരീതികളിലെ മാറ്റങ്ങൾ ദോഷം ചെയ്തോ? റോഡ്, റെയിൽ, ആശുപത്രി അടക്കമുള്ള അടിസ്ഥാന സൗകര്യ വികസന പ്രവർത്തനങ്ങളെല്ലാം നിർത്തിവച്ച് പശ്ചിമഘട്ടം ഒരു മ്യൂസിയമാക്കി മാറ്റണോ? മലയോരമേഖലയിലെ എല്ലാ പ്രകൃതിദുരന്തങ്ങൾക്കും ഇരയാകുന്ന കുടിയേറ്റജനതയെ പ്രതിക്കൂട്ടിൽ നിർത്തുന്ന വാദമുഖങ്ങൾ നിറയുമ്പോൾ ഉയരുന്ന ചോദ്യങ്ങളാണിവ. പൊതുസമൂഹത്തെക്കൂടി വിശ്വാസത്തിലെടുത്തും അവരുടെ പിന്തുണ തേടിയുമുള്ള പരിസ്ഥിതിസംരക്ഷണ നയമാണു കാലം ആവശ്യപ്പെടുന്നത്. മനുഷ്യരുടെ ജീവൽപ്രശ്നങ്ങൾക്കു പരിഹാരം കാണലാകണം അതിന്റെ ആത്യന്തിക ലക്ഷ്യവും. ക്വാറികളിൽനിന്നുള്ള പ്രകമ്പനം പരമാവധി 150 മീറ്റർ പരിധിക്കുള്ളിലേ എന്തെങ്കിലും സ്വാധീനമുണ്ടാക്കുന്നുള്ളൂ. നിലവിലെ ക്വാറികളുടെ പ്രവർത്തനവും സ്ഫോടകവസ്തുക്കളുടെ ഉപയോഗവുമെല്ലാം ഏറെ നിയന്ത്രിതമാണു താനും. പ്രത്യേക മേഖലയിൽ മാത്രം കേന്ദ്രീകരിച്ചു പെയ്യുന്ന അതിതീവ്രമഴയാണ് ഉരുൾപൊട്ടലിനു പ്രധാനകാരണം. മുണ്ടക്കൈ– ചൂരൽമല ദുരന്തത്തിനു കാരണമാക്കിയത്
'ഇന്ത്യ'യുടെ മഞ്ഞിൽ ‘ഗുപ്കർ’ അലിയുമോ?; ഒറ്റയ്ക്ക് വഴിവെട്ടാൻ ബിജെപി; ജമ്മു കശ്മീര്‍ വീണ്ടും പോളിങ് ബൂത്തിലേക്ക്

മഞ്ഞുമലകളുടെ നാടാണ് ജമ്മു കശ്മീർ. രാഷ്ട്രീയ മഞ്ഞുരുകലിന് പലവട്ടം വേദിയായ സംസ്ഥാനം. പ്രായോഗിക രാഷ്ട്രീയത്തിന്റെ തട്ടകത്തിൽ ഒരു പതിറ്റാണ്ടിനു ശേഷം വീണ്ടും ജനാധിപത്യത്തിന്റെ ഉത്സവത്തിനു കളമൊരുങ്ങുമ്പോൾ പ്രതീക്ഷകളേറെ. വിഘടനവാദത്തിന്റെ കാർമേഘങ്ങൾ ഒഴിഞ്ഞുപോയിട്ടില്ലെങ്കിലും വികസനത്തിന്റെ പ്രകാശ കിരണങ്ങൾ ജമ്മു കശ്മീരിനെ തഴുകിത്തുടങ്ങിയിട്ടുണ്ട്. സംഘർഷങ്ങളുടെ ഇന്നലെകളെ മറന്ന്, നാടിന്റെ വികസനത്തിനുള്ള കൂട്ടായ്മകളായി മാറുകയാണ് കശ്മീർ ജനത. ഈ ലക്ഷ്യത്തിലേക്ക് എത്തിച്ചേരുന്നതിന് അവർക്ക് ഏറെ ആത്മവിശ്വാസം പകരുന്നു നിയമസഭാ തിരഞ്ഞെടുപ്പ് പ്രഖ്യാപനം. സെപ്റ്റംബർ 18, 25, ഒക്ടോബർ 1 തിയതികളിലാണ് ജമ്മു കശ്മീരിലെ 90 സീറ്റുകളിൽ വോട്ടെടുപ്പു നടക്കുക. ഒക്ടോബർ 4നാണ് ഫലപ്രഖ്യാപനം.
1.66 ലക്ഷം ആനകളുടെ ഭാരം; ഒലിച്ചെത്തി അണപൊട്ടിയ പോലെ; ഒപ്പം മുങ്ങിയത് സുരക്ഷയുടെ മാസ്റ്റർ പ്ലാനും!.

പുഴകളോടു ചേർന്നാണു മനുഷ്യരെപ്പോഴും ആധുനിക സംസ്കാരങ്ങൾ പടുത്തുയർത്തിയത്. താഴ്‌വരയിൽ ചാലിയാറിന്റെ തീരത്തടിഞ്ഞ സ്വർണത്തരികളുടെ ഉദ്ഭവസ്ഥാനം തിര‍ഞ്ഞാണ് അവരാദ്യം ചൂരൽമലയിലും മുണ്ടക്കൈയിലുമെല്ലാം കൂട്ടത്തോടെ വന്നതും. മനുഷ്യവാസം ഒന്നരനൂറ്റാണ്ടാകുന്നതിനു മുൻപേ ചാലിയാറിന്റെ തീരത്തു സ്വർണത്തരികൾക്കു പകരം മലയിൽനിന്നൊഴുകിയെത്തിയ മൃതദേഹങ്ങൾ കൂട്ടത്തോടെയടിഞ്ഞു. ദുരന്തഭൂമിയായിത്തീർന്ന മുണ്ടക്കൈയിലും ചൂരൽമലയിലും പുഞ്ചിരിമട്ടത്തും അട്ടമലയിലും ജീവൻ മാത്രം ബാക്കിയായവരെ കണ്ടു. അവർ വിയർപ്പൊഴുക്കിയ ഗ്രാമങ്ങൾ പൂർണമായി തകർന്നടിഞ്ഞുപോയ നൊമ്പരമറിഞ്ഞു. ആരോരുമില്ലാതെ അലഞ്ഞുതിരിയുന്ന വളർത്തുമൃഗങ്ങളുടെ കരച്ചിൽ കേട്ടു. ഒന്നുമില്ലാതായിത്തീർന്നിടത്തുനിന്ന് ഇനിയൊരു പുനർജനി നാടിനുണ്ടാകുമോ? മഹാദുരന്തം മുൻകൂട്ടി കാണാൻ നമുക്കു കഴിയാതെപോയത് എന്തുകൊണ്ടാണ്? ചോദ്യങ്ങൾ ഏറെയാണ്. പലതിനുമുള്ളതു കയ്പേറുന്ന ഉത്തരങ്ങൾ മാത്രം. ഉരുൾപൊട്ടലിന്റെ പ്രഭവകേന്ദ്രം വയനാട്ടിലെ മേപ്പാടി പഞ്ചായത്തിൽ മുണ്ടക്കൈയ്ക്കും പുഞ്ചിരിമട്ടത്തിനും മുകളിലുള്ള വെള്ളോലിപ്പാറമലയാണ്. മനുഷ്യന്റെ ഇടപെടലേയില്ലാത്ത നിബിഡ വനമേഖല. ഈ പ്രദേശം തൊട്ടടുത്ത ജനവാസകേന്ദ്രത്തിൽനിന്ന് ഏകദേശം ഒന്നേമുക്കാൽ കിലോമീറ്റർ അകലെ, ഉയർന്ന മേഖലയിലാണ്. ദുരന്തമുണ്ടായ ജൂലൈ 30നും തലേന്നുമായി ഇവിടെ
രാത്രി നടിയുടെ വാതിലിൽ മുട്ടിയവർ ഇനിയും അത് തുടരും; കേസെടുക്കാൻ ഹേമ കമ്മിറ്റി റിപ്പോർട്ട് പോരാ!

ജസ്റ്റിസ് ഹേമ കമ്മിറ്റി റിപ്പോർട്ട് സർക്കാർ പൂഴ്ത്തിയിട്ടില്ലെന്നും താൻ മന്ത്രിയായ ശേഷം കമ്മിഷന്റെ നിർദേശങ്ങളിൽ നടപടി സ്വീകരിച്ചു കൊണ്ടിരിക്കുകയാണെന്നും മന്ത്രി സജി ചെറിയാൻ.‘‘ഞാൻ മന്ത്രിയായ ശേഷം, റിപ്പോർട്ടിന്റെ കസ്റ്റോഡിയനായ ഉദ്യോഗസ്ഥൻ ഒരു കുറിപ്പു തന്നു. കമ്മിറ്റിയുടെ നിഗമനങ്ങളും നിർദേശങ്ങളുമായി 24 കാര്യങ്ങളാണ് അതിലുണ്ടായിരുന്നത്. ഞാൻ മുഖ്യമന്ത്രിയുമായി ആലോചിച്ചു. മുന്നോട്ടു പോകാൻ അദ്ദേഹം പറഞ്ഞു. പലരുമായും ആ നിർദേശങ്ങൾ ചർച്ച ചെയ്തു. സിനിമാനയം രൂപപ്പെടുത്താൻ ഷാജി എൻ.കരുൺ അധ്യക്ഷനായി കമ്മിറ്റിയുണ്ടാക്കി. കമ്മിറ്റി കരട് റിപ്പോർട്ടുണ്ടാക്കി. ഇതു ചർച്ച ചെയ്യാൻ നവംബറിലോ ഡിസംബറിലോ കൊച്ചിയിൽ കോൺക്ലേവ് നടത്താനും തീരുമാനിച്ചു’’– മന്ത്രി പറഞ്ഞു. 2019 ഡിസംബർ 31ന് കമ്മിറ്റി റിപ്പോർട്ട് നൽകി. വ്യക്തികളെ ബാധിക്കുന്ന പരാമർ‍ശങ്ങൾ ഉള്ളതിനാൽ റിപ്പോർട്ട് രഹസ്യമായി വയ്ക്കണമെന്ന്
‘ചിലർ ഓവർഡോസ് മരുന്ന് കഴിക്കുന്നു, എന്തിന് ജീവൻ ബാക്കി തന്നുവെന്ന നിലവിളികൾ; വയനാട്ടിൽ വൊളന്റിയേഴ്സിനു പോലും മനോനില തെറ്റുന്നു’

ഉരുളെടുത്ത മുണ്ടക്കൈയിലും ചൂരൽമലയിലും അവശേഷിക്കുന്ന ജീവന്റെ തുടിപ്പുകളിൽ നിന്നും ഉയർന്ന നിലവിളികൾ ഇനിയും അവസാനിച്ചിട്ടില്ല. ചിലർ കരഞ്ഞ് കണ്ണീർവറ്റി, വേറെ ചിലർ കരയുന്നില്ല, മിണ്ടുന്നില്ല, ഉറങ്ങുന്നുമില്ല. പ്രിയപ്പെട്ടവർക്കൊപ്പം അത്താഴം കഴിഞ്ഞ് കിടന്നവരിൽ പലരും പൊട്ടിയൊലിച്ചുവന്ന ഉരുളിൽ മണ്ണിൽ പുതഞ്ഞുപോയി. കാലവർഷം കലിതുള്ളിയപ്പോൾ പൊലിഞ്ഞുപോയത് ഇരുനൂറിലേറെ ജീവനുകളെന്നാണ് ഔദ്യോഗിക കണക്ക്. കാണാതായവരുടെ എണ്ണം കൂടി ചേരുമ്പോൾ ആ കണക്ക് പിന്നെയും ഞെട്ടിക്കും. ഒരു നാടിനെയൊന്നാകെ തുടച്ചുനീക്കിയ ഉരുൾപൊട്ടലിൽ തലനാരിഴയ്ക്കു രക്ഷപ്പെട്ടവർ നിലയ്ക്കാത്ത തേങ്ങലോടെ, ‘എന്തിന് ജീവൻ ബാക്കി തന്നുവെന്ന്’ ചോദിച്ച് സ്വയം ശപിച്ച് വിവിധങ്ങളായ ക്യാംപുകളില്‍ കഴിയുന്നു. പോകാൻ ഇടമില്ലാതെ, ഉറ്റവരില്ലാതെ അനാഥത്വത്തിന്റെ കയ്പുനീർ കുടിച്ച് ഒറ്റയ്ക്ക്! കരളുറപ്പോടെ ദുരന്തങ്ങളെ നേരിട്ടു ശീലിച്ച മലയാളികൾ രക്ഷപ്പെട്ടവരുടെ മാനസികാവസ്ഥയ്ക്കും കരുത്ത് പകരേണ്ടതുണ്ട്. പുനരധിവാസത്തിനൊപ്പം മാനസികമായ വീണ്ടെടുക്കലും ചർച്ച ചെയ്യപ്പെടേണ്ടതുണ്ട്. ദുരന്തഭൂമിയിൽ സേവനത്തിനായി ഇറങ്ങിയ വൊളന്റിയർമാർക്കു പോലും മനോനില തെറ്റുന്ന സാഹചര്യമുണ്ടായെങ്കിൽ അത് നേരിൽ അനുഭവിച്ചവരുടെ അവസ്ഥ നമുക്ക് ഊഹിക്കാൻ പോലും പറ്റാത്ത വിധം ഭീകരവും ദയനീയവും ആയിരിക്കില്ലേ! ഉരുൾപൊട്ടലിൽ ഉള്ളു പൊട്ടിപ്പോയ മനുഷ്യരുടെ മനസ്സിനെ തിരിച്ചു പിടിക്കാൻ ശ്രമം നടത്തിയ ക്ലിനിക്കൽ സൈക്കോളജിസ്റ്റുകളിൽ ഒരാളായ അലി.പി.കെ (ക്ലിനിക്കൽ സൈക്കോളജിസ്റ്റ് ആൻഡ് ഡോക്ടറൽ ഫെല്ലോ, ഇംഹാൻസ് കോഴിക്കോട്. ഡയറക്ടർ ഓഫ് മൈൻഡ് വീവേഴ്സ്) ദുരന്തഭൂമിയിലെ അനുഭവങ്ങൾ മനോരമ ഓൺലൈനുമായി പങ്കുവയ്ക്കുകയാണ്.
ചേലക്കരയിൽ അത്തരം ആളുകളില്ല, വിവാദവുമില്ല; ആലത്തൂരിൽ തോറ്റത് അന്വേഷിച്ചു, കണ്ടെത്തിയ കാരണം പാർട്ടിയെ അറിയിച്ചെന്നും രമ്യ

പാലക്കാടും ചേലക്കരയും. ഉപതിരഞ്ഞെടുപ്പുകളുടെ അങ്കം മുറുകാൻ പോകുന്ന കേരളത്തിലെ നിയമസഭാ മണ്ഡലങ്ങൾ. ലോക്സഭാ തിരഞ്ഞെടുപ്പിൽ മിന്നുന്ന വിജയം നേടിയ യുഡിഎഫിന് അടുത്ത നിയമസഭാ തിരഞ്ഞെടുപ്പിന്റെ സെമിഫൈനൽ എന്ന നിലയിൽ നിർണായകമാണ് ഈ മണ്ഡലങ്ങളിലെ വിജയം. ലോക്സഭാ തിരഞ്ഞെടുപ്പ് സംസ്ഥാന സർക്കാരിന്റെ വിലയിരുത്തൽ അല്ലെന്ന് പിണറായി വിജയൻ നിലപാട് വ്യക്തമാക്കിയിരുന്നെങ്കിലും സംസ്ഥാനത്ത് ഭരണവിരുദ്ധവികാരമുണ്ടെന്ന് പാർട്ടി പഠിച്ച സാഹചര്യത്തിൽ എൽഡിഎഫിനും നില മെച്ചപ്പെടുത്താൻ വിജയിച്ചേ തീരൂ. പാലക്കാടും ചേലക്കരയിലും ആരാണ് പകരക്കാരാവുക എന്ന ചർച്ച ഇരു പാർട്ടികളിലും സജീവം. രണ്ടിടത്തേക്കുമുള്ള അനൗദ്യോഗിക സ്ഥാനാർഥി ചർച്ചകൾ നാളുകൾക്കു മുൻപേതന്നെ ആരംഭിച്ചതുമാണ്. ആലത്തൂർ ലോക്സഭാ മണ്ഡലത്തിൽ എൽഡിഎഫ് സ്ഥാനാർഥി കെ.രാധാകൃഷ്ണൻ ജയിച്ചതോടെയാണ് അദ്ദേഹം പ്രതിനിധീകരിച്ചിരുന്ന ചേലക്കര നിയമസഭാ മണ്ഡലത്തിൽ ഒഴിവു വന്നത്. എൽഡിഎഫിന്റെ സിറ്റിങ് സീറ്റായ ചേലക്കര തിരികെ പിടിക്കാൻ യുഡിഎഫിൽനിന്ന് ആരായിരിക്കും എത്തുക? മണ്ഡലത്തിൽ ഇപ്പോൾത്തന്നെ സജീവമായി കേൾക്കുന്ന പേരുകളിലൊന്ന് ആലത്തൂരിൽ രാധാകൃഷ്ണനോട് പരാജയപ്പെട്ട യുഡിഎഫ് സ്ഥാനാർഥി രമ്യ ഹരിദാസിന്റേതാണ്. ആലത്തൂരിലെ സിറ്റിങ് എംപിയായിരുന്ന രമ്യ 20,111 വോട്ടുകൾക്കാണ് പരാജയപ്പെട്ടത്. ആലത്തൂർ ലോക്സഭാ മണ്ഡലത്തിൽ ഉൾപ്പെടുന്ന ചേലക്കരയിൽ ഇക്കുറി രമ്യ ആവുമോ സ്ഥാനാർഥി? എൽഡിഎഫ് മണ്ഡലമായിരുന്ന ആലത്തൂരിൽ 2019ൽ രമ്യ അട്ടിമറി വിജയം നേടിയതുപോലെ ചേലക്കരയും പിടിച്ചെടുക്കുമോ? അഭ്യൂഹങ്ങളേറെയാണ്. എന്താണ് സത്യം? മനോരമ ഓൺലൈൻ പ്രീമിയം അഭിമുഖ പരമ്പരയായ ‘ചാറ്റ് സീറ്റിൽ’ മനസ്സു തുറക്കുകയാണ് രമ്യ ഹരിദാസ്.
ശ്രീനാരായണ ഗുരു: അറിവിന്റെ അകവെളിച്ചം

ശ്രീനാരായണ ഗുരുവിന്റെ അടിസ്ഥാനദർശനം അദ്വൈതമാണെന്നു പലരും കരുതുന്നു. അദ്വൈതം എന്നാൽ ആത്മ - ബ്രഹ്മ ഭേദം ഇല്ലെന്ന ദർശനമാണ്. നിർഗുണ പരബ്രഹ്മ ബോധ്യം കൂടിയാണത്. ഈ ബോധ്യം ഗുരുവിന്റെ ധ്യാനാഷ്ടകങ്ങളിലടക്കം പ്രതിഫലിക്കുന്നുണ്ടെന്നാണ് നടരാജ ഗുരു വിലയിരുത്തിയിട്ടുള്ളത്. ആ അറിവ് ഗുരു വേദാന്തസൂത്രത്തിലും ഈശാവാസ്യ പരിഭാഷയിൽപ്പോലും വരികൾക്കിടയിൽ ഒളിപ്പിച്ചു പിടിച്ചതെന്തിനാകും? നടരാജഗുരു ചെയ്തപോലെ ഹെഗലിന്റെ ദർശനങ്ങളുടെയും പാശ്ചാത്യ ജ്ഞാനശാസ്ത്രത്തിന്റെയും പിൻബലത്തോടെ വ്യാഖ്യാനിച്ചാലേ അതു സമർഥിക്കാൻ കഴിയൂ. ഗുരുവിന്റെ ജ്ഞാനശാസ്ത്രത്തെ അടിസ്ഥാനമാക്കി ആ വരികൾ വീണ്ടും വായിച്ചാൽ അദ്ദേഹം പിന്തുടരുന്നത് പ്രാർഥനയ്ക്കും പൂജയ്ക്കും വഴങ്ങുന്ന പ്രപഞ്ച ദിവ്യശക്തിയായ പരബ്രഹ്മത്തെയാണെന്നു കാണാം.
INDIA FILE

ഒരു രാജി കൂടി കേന്ദ്രം താങ്ങുമോ? എന്തിനാണ് ബിജെപി രോഷം കൊള്ളുന്നത്?

യുഎസിലെ ഓഹരി വിപണി മേൽനോട്ട സ്ഥാപനമായ സെക്യൂരിറ്റീസ് ആൻഡ് എക്സ്ചേഞ്ച് കമ്മിഷന്റെ (എസ്ഇസി) എൻഫോഴ്സ്മെന്റ് ഡയറക്ടറായിരുന്ന ജോൺ എം.ഫെഡ്ഡേഴ്സ് 1985ൽ രാജിവച്ചത് ഒരു പത്രവാർത്ത കാരണമാണ്. 18 വർഷത്തെ വിവാഹജീവിതത്തിൽ ഭാര്യ ഷാർലറ്റിനെ താൻ ഏഴു തവണ മർദിച്ചിട്ടുണ്ടെന്നു ഫെഡ്ഡേഴ്സ് വിവാഹമോചന കോടതിയിൽ മൊഴിനൽകിയെന്നായിരുന്നു വാർത്ത. എസ്ഇസി അധ്യക്ഷൻ ജോൺ ഷാഡിനു നൽകിയ കത്തിൽ ഫെഡ്ഡേഴ്സ് എഴുതി: ‘സ്വകാര്യമായ പ്രശ്നം കമ്മിഷനിലെ എന്റെ ജോലിയെ ബാധിക്കുന്നില്ല. എങ്കിലും എന്റെ സ്വകാര്യജീവിതത്തിനു ലഭിക്കുന്ന പബ്ലിസിറ്റി എന്റെ വകുപ്പിന്റെയും കമ്മിഷന്റെതന്നെയും കാര്യക്ഷമതയെ ബാധിക്കാൻ സാധ്യതയുണ്ട്.’ രാജിക്കത്തിൽ ദാമ്പത്യപ്രശ്നം പറയുകയും ചില ആരോപണങ്ങളുടെ അന്വേഷണത്തിലെ വീഴ്ച ഏറ്റുപറയാതിരിക്കുകയും ചെയ്തെന്ന് അന്നു ഫെഡ്ഡേഴ്സ് വിമർശിക്കപ്പെട്ടിരുന്നു. എങ്കിലും, സ്വകാര്യജീവിതത്തിലെ പ്രശ്നം പദവിയുടെ വിശ്വാസ്യതയെ ബാധിക്കാമെന്നു തോന്നുമ്പോൾ രാജിവയ്ക്കുന്നതു നല്ലൊരു രീതിയായി വിലയിരുത്തപ്പെട്ടു. പദവിയിൽ താനെന്നതു താൽക്കാലികമാണെന്നും പൊതുസ്ഥാപനം എന്നും നിലനിൽക്കേണ്ടതാണെന്നും തിരിച്ചറിവുള്ളവർക്കാണ് അങ്ങനെ ചെയ്യാൻ തോന്നുന്നത് എന്നതായിരുന്നു കാരണം. നമ്മുടെ ഓഹരി വിപണിയുടെ മേൽനോട്ടക്കാരായ സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യയുടെ (സെബി) അധ്യക്ഷ മാധബി പുരി ബുച്ചിന്
‘ഇത് ചെർണോബിൽ അല്ല; ആണവനിലയം എന്ന് കേട്ടാലുടന്‍ പേടി വേണ്ട, തികച്ചും ഗ്രീൻ; ഇല്ലെങ്കില്‍ കോടികൾ ചെലവ്, കേരളം ഇരുട്ടിലാകും’

കഴിഞ്ഞ ദിവസങ്ങളില്‍ രാത്രി ഏർപ്പെടുത്തേണ്ടിവന്ന വൈദ്യുതിനിയന്ത്രണം ഭാവിയില്‍ കേരളത്തെ ഇരുട്ടിലാക്കാന്‍ പോന്ന രൂക്ഷമായ ഊര്‍ജപ്രതിസന്ധിയുടെ മുന്‍കൂർ മുന്നറിയിപ്പോ? സൂചനകള്‍ കാണാതെ മുന്നോട്ടുപോകുന്നത് സാമ്പത്തികമായും വികസനപരമായും സംസ്ഥാനത്തെ എത്രത്തോളം പിന്നോട്ടു വലിക്കുമെന്നതാണ് കാത്തിരുന്നു കാണേണ്ടത്. സംസ്ഥാനത്തിന് ആവശ്യമായിട്ടുള്ള വൈദ്യുതിയുടെ ഏകദേശം 30 ശതമാനം ഇന്‍സ്‌റ്റോള്‍ഡ് കപ്പാസിറ്റി ഉണ്ടെങ്കില്‍പോലും പീക്ക് സമയത്ത് ആവശ്യമായിട്ടുള്ള വൈദ്യുതിയുടെ 30 ശതമാനം മാത്രമാണ് ലഭ്യമായിട്ടുള്ളത്. ബാക്കി മുഴുവന്‍ വലിയ വില കൊടുത്തു പുറത്തുനിന്ന് വാങ്ങേണ്ട സ്ഥിതി. നിലവില്‍ 13,000 കോടി രൂപയുടെ വൈദ്യുതിയാണ് വര്‍ഷം തോറും കേരളം വാങ്ങുന്നത്. 2030 ആകുമ്പോള്‍ 25,000–35,000 കോടി രൂപയ്ക്കും ഇടയിൽ ആയിരിക്കും വൈദ്യുതി വാങ്ങുന്നതിനായി വേണ്ടിവരിക. 2030 ആകുമ്പോള്‍ മലയാളികള്‍ വൈദ്യുതി യൂണിറ്റിന് 10 രൂപയെങ്കിലും വില കൊടുക്കേണ്ടിവരുമെന്നു മാത്രമല്ല പവർകട്ടും നേരിടേണ്ടിവരുമെന്ന് ഈ രംഗത്തെ വിദഗ്ദ്ധർ ചൂണ്ടിക്കാട്ടുന്നു. ഈ സാഹചര്യത്തിൽ ഊര്‍ജപ്രതിസന്ധിയുടെ പരിഹാരമെന്ന നിലയില്‍ സംസ്ഥാനത്തെ ആദ്യ ആണവ വൈദ്യുത നിലയം ഉള്‍പ്പെടെയുള്ള ചര്‍ച്ചകള്‍ ഉയരുന്നത്. 2030ല്‍ കേരളത്തിന്റെ ഊര്‍ജ ആവശ്യങ്ങള്‍ക്കായി 10,000 മെഗാവാട്ട് വൈദ്യുതി ഉല്‍പാദിപ്പിക്കേണ്ടി വരുമെന്ന
ഈ വരുമാനമാർഗം പലർക്കും അറിയില്ല; മനസ്സുവച്ചാല്‍ 1.37 ലക്ഷം; മാലിന്യമല്ലിത്, പണമാണ്!

പല പഞ്ചായത്തുകൾക്കും നഗരസഭകൾക്കും മാലിന്യം ഇപ്പോഴും കീറാമുട്ടിയാണ്. നാട്ടുകാരെപ്പോലെത്തന്നെ ‘ഇതെവിടെത്തള്ളും’ എന്നു ചിന്തിക്കുന്ന അധികാരികളും ഒട്ടേറെ. എന്നാൽ അതേ കേരളത്തിലെ ചില നഗരസഭകളും പഞ്ചായത്തുകളും മാലിന്യത്തെ വലിയൊരു സാധ്യതയായി കാണുന്നു. അവർ അതിൽ നിന്നു വരുമാനം കണ്ടെത്തുകയും ചെയ്യുന്നു. പ്ലാസ്റ്റിക് മാലിന്യ വിൽപനയിലൂടെ എറണാകുളം ജില്ലയിലെ ആമ്പല്ലൂർ പഞ്ചായത്ത് ഹരിതകർമ സേന സ്വന്തമാക്കിയ നേട്ടം അതിനൊരു മികച്ച ഉദാഹരണമാണ്. എങ്ങനെയാണ് അവർ മാലിന്യത്തെ വരുമാന മാർഗമാക്കിയത്? മുളന്തുരുത്തി ബ്ലോക്ക് പഞ്ചായത്തിന്റെ ഉടമസ്ഥതയിൽ അരയൻകാവ് ഇൻഡസ്ട്രിയൽ എസ്റ്റേറ്റിൽ പ്രവർത്തിച്ചിരുന്ന മെറ്റീരിയൽ റിക്കവറി ഫെസിലിറ്റി (എംസിഎഫ്) ആമ്പല്ലൂർ പഞ്ചായത്തിലെ ഹരിതകർമ സേന ഏറ്റെടുത്തതോടെയാണു മാലിന്യംവഴി വരുമാനമെത്തിത്തുടങ്ങിയത്. പ്ലാസ്റ്റിക് മാലിന്യം കളർ എച്ച്എം (ഹൈ മോളിക്കുലാർ), വൈറ്റ് എച്ച്എം, സാന്ദ്രത കുറഞ്ഞത് (എൽഡി), സൂപ്പർ എൽഡി, പോളി പ്രൊപ്പലീൻ (പിപി), മിൽമ പാൽ കവർ എന്നിങ്ങനെ ആറായി തിരിക്കും. ഓരോ ഇനവും പിന്നീട്
അദാനി മാത്രമല്ല, ‘റഡാറിൽ’ പ്രേം വത്സയും: വിപണി തകർക്കാൻ ഹിൻഡൻബർഗ്, കുലുങ്ങിയോ ഇന്ത്യ?

ഹിൻഡൻബർഗിനെ ആർക്കാണു പേടി? ആദ്യ തവണ ഇന്ത്യയിലെ ഓഹരി വിപണിയെ പരിഭ്രാന്തിയിലാഴ്‌ത്താൻ ഹിൻഡൻബർഗ് റിസർച്ചിൽനിന്നുള്ള റിപ്പോർട്ട് ഉപകരിച്ചതിന്റെ തുടർച്ചയായിട്ടാണു വീണ്ടും അതേ തന്ത്രം പ്രയോഗിച്ചു വിപണി തകർക്കാൻ ലക്ഷ്യമിട്ടത്. എന്നാൽ തകർന്നതു ഹിൻഡൻബർഗിന്റെ തന്ത്രം. മോഹവില ഉന്നംവച്ചു വിപണിയിലെത്തിച്ച തന്ത്രത്തിനു മുഖവില നൽകാൻ പോലും ഇന്ത്യൻ വിപണി തയാറായില്ല. ഹിൻഡൻബർഗിൽനിന്നു വീണ്ടും ആരോപണങ്ങളുയരാം. അവയുടെ ലക്ഷ്യം അദാനിയോ സെബി മേധാവിതന്നെയോ ആകണമെന്നുമില്ല. ഇന്ത്യൻ വിപണിയെ തകർക്കുക എന്ന അജൻഡ താലോലിക്കുന്നവരും ‘ഷോർട് സെല്ലിങ് സ്‌പെഷലിസ്‌റ്റു’കളും വേറെയുമുണ്ടല്ലോ.
GLOBAL CANVAS

ഭീതി പടർത്തുന്ന ‘റിഫോം യുകെ’; ഇംഗ്ലണ്ടിൽ നിന്ന് മാഞ്ഞിട്ടില്ല വംശീയ വിഷം; അഭയം തേടിയവരെ ‘കപ്പലേറ്റി’ വിടുമോ സ്റ്റാമെറും?

ഫിഫ ലോകകപ്പ്‌ കഴിഞ്ഞാല്‍ ലോകത്തിലെ ഫുട്ബോള്‍ പ്രേമികളുടെ ശ്രദ്ധ ഏറ്റവുമധികം ആകര്‍ഷിക്കുന്ന ചാംപ്യന്‍ഷിപ്പാണ് നാലുവര്‍ഷം കൂടുമ്പോള്‍ നടക്കുന്ന യൂറോ കപ്പ്‌. യൂറോപ്പിലെ ഫുട്ബോള്‍ ചാംപ്യന്മാര്‍ ആരാണ്‌ എന്ന്‌ തീരുമാനിക്കുന്ന ഈ ടൂര്‍ണമെന്റ്‌ 2024ല്‍ ജര്‍മനിയിലാണ്‌ നടന്നത്‌. ഇതിന്റെ കലാശ പോരാട്ടത്തില്‍ ഒന്നിനെതിരെ രണ്ടു ഗോളുകള്‍ക്ക്‌ ഇംഗ്ലണ്ടിനെ പരാജയപ്പെടുത്തി സ്പെയിന്‍ കിരീടമണിയുകയും ചെയ്തു. ഫൈനലിൽ പൊരുതി തോറ്റെങ്കിലും ഇംഗ്ലണ്ടിനും ആഘോഷിക്കുവാന്‍ ഏറെയുണ്ടായിരുന്നു. ലീഗ്‌ ഘട്ടത്തില്‍ തങ്ങളുടെ ഗ്രൂപ്പില്‍ ഏറ്റവും കൂടുതല്‍ പോയിന്റ്‌ നേടിയ ഇംഗ്ലണ്ട്‌, പ്രീ ക്വാര്‍ട്ടര്‍ ഫൈനലില്‍ സ്ലോവാക്കിയയെയും ക്വാര്‍ട്ടറില്‍ സ്വിറ്റ്സര്‍ലന്‍ഡിനെയും സെമിയില്‍ ഹോളണ്ടിനെയും പരാജയപ്പെടുത്തിയാണ്‌ ഫൈനലില്‍ എത്തിയത്‌. ഇതിന്‌ മുന്‍പ്‌ 2020ലെ യൂറോ കപ്പിലും ഇംഗ്ലണ്ട്‌ ഫൈനലില്‍ എത്തിയിരുന്നു. അന്ന്‌ ഫൈനലില്‍ ഇംഗ്ലണ്ട്‌ ഇറ്റലിയോട്‌ പരാജയപ്പെട്ടതാവട്ടെ പെനല്‍റ്റി ഷൂട്ടൗട്ടിലും. ഇംഗ്ലണ്ടിന്റെ മൂന്ന്‌ കളിക്കാര്‍ പെനൽറ്റി കിക്ക്‌ എടുത്തത്‌ പാളിപ്പോയതിനാലാണ് അന്ന്‌ മത്സരം തോറ്റുപോയത്. പാളിപ്പോയ പെനൽറ്റി കിക്കുകള്‍ എടുത്ത കളിക്കാര്‍ കറുത്ത വര്‍ഗക്കാര്‍ ആയിരുന്നു. ഇതിനെ തുടര്‍ന്ന്‌ സമൂഹമാധ്യമങ്ങളില്‍ അവര്‍ക്കെതിരെ വംശീയാധിക്ഷേപം നടന്നത്‌ വലിയ വാര്‍ത്തയായി. 2024ല്‍ ക്വാര്‍ട്ടര്‍ ഫൈനലില്‍ സ്വിറ്റ്സര്‍ലന്‍ഡിനെതിരെ പെനൽറ്റി ഷൂട്ടൗട്ട്‌ വന്നപ്പോള്‍ കിക്ക്‌ എടുത്ത അഞ്ചു കളിക്കാരില്‍ ആരും തന്നെ വെള്ളക്കാരായിരുന്നില്ല. എല്ലാ കിക്കും ഗോളില്‍ കലാശിക്കുകയും ഇംഗ്ലണ്ട്‌ മത്സരം ജയിക്കുകയും ചെയ്തു. ഈ ജയത്തെ മൈതാനത്തിലെ ജയത്തേക്കാളുപരി വംശീയാധിക്ഷേപത്തിനെതിരെ കാല്‍പന്തുകളിയുടെ ചുട്ട മറുപടിയായി മാധ്യമങ്ങളും നിരീക്ഷകരും ഉയര്‍ത്തിക്കാട്ടി. 2024ലെ യൂറോ കപ്പിലെ ഇംഗ്ലണ്ടിന്റെ പ്രകടനം അന്നാട്ടിലെ ഫുട്‌ബോള്‍ പ്രേമികള്‍ക്ക്‌ ആനന്ദിക്കാന്‍ ഏറെ വകനല്‍കി. എന്നാല്‍ ഈ ടീമിന്റെ വംശീയ ഘടനയാണ്‌ സാമൂഹ്യ ശാസ്തജ്ഞന്‍മാര്‍ക്കും മറ്റു നിരീക്ഷകര്‍ക്കും വശ്യമായി തോന്നിയത്‌. അതിലൊരു നിരീക്ഷണം ‘ആംഗ്ലോ-ഐറിഷ്‌-ആഫ്രിക്കന്‍-കരിബിയന്‍’ ടീമാണ്‌ ഇംഗ്ലണ്ടിന്‌ വേണ്ടി കളിച്ചതെന്നായിരുന്നു. ഇംഗ്ലണ്ടില്‍ ജീവിക്കുന്ന പല ദേശങ്ങളില്‍നിന്ന്‌ വന്നവരും പല വംശങ്ങളില്‍ നിന്നുള്ളവരും ചേര്‍ന്ന ഈ ഫുട്ബോള്‍ ടീം ഇംഗ്ലിഷ്‌ സമൂഹത്തിന്റെ മൊത്തത്തിലുള്ള ഒരു രേഖാചിത്രമായി കാണാവുന്നതാണെന്ന്‌ പല നിരീക്ഷകരും അഭിപ്രായപ്പെട്ടു. ഇങ്ങനെ വംശത്തിന്‌ അതീതമായി ചിന്തിക്കുന്ന എല്ലാ മനുഷ്യര്‍ക്കും സമാധാനമായി ജീവിക്കാന്‍ മാത്രമല്ല അവരുടെ കഴിവുകള്‍ വികസിപ്പിച്ചെടുക്കുവാനും അവർക്ക്‌ അംഗീകാരം നല്‍കുവാനും കഴിവുള്ള ഒരു സമൂഹമാണ്‌ ഇംഗ്ലണ്ടിലുള്ളതെന്ന്
‘കോൺഗ്രസിലെ നേതാക്കളെ ചുറ്റി പുതിയ ഗ്രൂപ്പുകൾ: ആ ആവശ്യത്തോട് പത്മജ എതിർപ്പ് പറഞ്ഞില്ല; രാധാകൃഷ്ണനെ സിപിഎം ഒതുക്കാൻ കാരണമുണ്ട്’

പാലക്കാട്, ചേലക്കര ഉപതിരഞ്ഞെടുപ്പുകളിലേക്കാണ് ഇനി കേരള രാഷ്ട്രീയത്തിന്റെ ശ്രദ്ധ. കോൺഗ്രസിൽ ഈ തിരഞ്ഞെടുപ്പു പോരാട്ടങ്ങളുടെ മുഖ്യ ഉത്തരവാദിത്തം പാലക്കാടിന്റെ എംപിയും ചേലക്കര അടങ്ങുന്ന തൃശൂർ ജില്ലയുടെ താൽക്കാലിക ഡിസിസി പ്രസി‍ഡന്റുമായ വി.കെ.ശ്രീകണ്ഠനാകും. ഇടതുപക്ഷത്തിന്റെ കോട്ടയായിരുന്ന പാലക്കാട് മുക്കാൽ ലക്ഷം വോട്ടിന്റെ ഭൂരിപക്ഷത്തോടെ ജയിച്ച ശ്രീകണ്ഠൻ കോൺഗ്രസിനു വേണ്ടി ആ സീറ്റ് രണ്ടാമതും നിലനിർത്തിയതിനു പിന്നാലെയാണ് പ്രശ്നഭരിതമായ തൃശൂരിന്റെ ചുമതലയിലേക്ക് നിയോഗിക്കപ്പെട്ടത്. പാലക്കാട് ഡിസിസി പ്രസിഡന്റായിരിക്കെ പ്രകടിപ്പിച്ച പ്രവർത്തനമികവാണ് പുതിയ ദൗത്യത്തിലേക്ക് അദ്ദേഹത്തെ നിയോഗിക്കാൻ കെപിസിസിയെ പ്രേരിപ്പിച്ചതും. ഏൽപ്പിക്കുന്ന ജോലി പൂർണമനസ്സോടെയും കഠിനാധ്വാനത്തോടെയും നിർവഹിക്കുന്ന നേതാവ് എന്ന വിശേഷണമാണ് കോൺഗ്രസിൽ ശ്രീകണ്ഠനുള്ളത്. വിവാദങ്ങളുടെയും വാക്‌പോരുകളുടെയും പിന്നാലെ അദ്ദേഹം പോകാറില്ല. കോൺഗ്രസിന്റെ പതിവു ശൈലികളിൽനിന്ന് വ്യത്യസ്തനായ ശ്രീകണ്ഠൻ അതേക്കുറിച്ചും മുന്നിലെ ദൗത്യങ്ങളെപ്പറ്റിയും ‘ക്രോസ് ഫയറിൽ’ സംസാരിക്കുന്നു. മലയാള മനോരമ തിരുവനന്തപുരം ചീഫ് ഓഫ് ബ്യൂറോ സുജിത് നായരുമായുള്ള അഭിമുഖം.
ബിജെപിയെ ഞെട്ടിച്ച് 44, 42, 4: ‘മാന്ത്രിക സംഖ്യ’യിൽ ആഹ്ലാദിച്ച് കോൺഗ്രസ്: ഇനി എഎപിയും വേണ്ട!

ഒക്ടോബർ 1: ഹരിയാനയുടെ നെഞ്ചിടിപ്പേറ്റുന്ന ദിനം. രാജ്യതലസ്ഥാനമായ ഡൽഹിയുമായി ചേർന്നുകിടക്കുന്ന ഹരിയാനയിൽ വോട്ടെടുപ്പ് അന്നാണ്. ഒക്ടോബർ നാലിന് ഫലവുമെത്തും. ലോക്സഭാ തിരഞ്ഞെടുപ്പിൽ ആകെയുള്ള പത്തിൽ 5 സീറ്റു വീതമാണ് എൻഡിഎയ്ക്കും ഇന്ത്യാ സഖ്യത്തിനും ലഭിച്ചത്. 2019ൽ പത്തിൽ പത്തു സീറ്റിലും എൻഡിഎ ജയിച്ചിരുന്നുവെന്നും ഓർക്കണം. ലോക്സഭാ തിരഞ്ഞെടുപ്പിൽ നഷ്ടമായ പ്രതാപം തിരികെ പിടിക്കാൻ ബിജെപി ഇതിനോടകം ശ്രമങ്ങൾ ആരംഭിച്ചു കഴിഞ്ഞു. അതേസമയം, പത്തുവർഷത്തെ ആലസ്യത്തിൽനിന്ന് ഉണർന്ന കോൺഗ്രസിനും ലോക്സഭാ തിരഞ്ഞെടുപ്പുഫലം നൽകിയ ആവേശം വളരെ വലുതാണ്. ഇരുശക്തികളും തുല്യനിലയിലായിരിക്കുന്ന ഗോദയിൽ ആര് ആരെ മലർത്തിയടിക്കുമെന്നാണ് ഗുസ്തിയുടെ നാടായ ഹരിയാന ഉറ്റുനോക്കുന്നതും. കോൺഗ്രസിന്റെയും ബിജെപിയുടെയും ശക്തി– ദൗർബല്യങ്ങൾ എന്തെല്ലാമാണ്? ലോക്സഭാ തിരഞ്ഞെടുപ്പിലെ തിരിച്ചടിയിൽനിന്ന് ബിജെപി പഠിച്ച പാഠങ്ങൾ എന്തെല്ലാമാണ്? ലോക്സഭയിലെ മുന്നേറ്റം കോൺഗ്രസിന് എത്രമാത്രം ആത്മവിശ്വാസം പകരുന്നുണ്ട്? വിശദമായി വിലയിരുത്തുകയാണിവിടെ.
എന്നെ കൈകാര്യം ചെയ്യണമെന്ന രീതിയിൽ ബോധപൂർവ ശ്രമം നടന്നു; മുഖ്യമന്ത്രി സ്ഥാനാര്‍ഥി ആകാനില്ല: വേണുഗോപാൽ

എഐസിസിയുടെ സംഘടനാകാര്യ ജനറൽ സെക്രട്ടറി കെ.സി.വേണുഗോപാൽ പാർലമെന്റിന്റെ പബ്ലിക് അക്കൗണ്ട്സ് കമ്മിറ്റി (പിഎസി) ചെയർമാൻ പദവിയിലേക്കു കൂടി നിയമിതനായിരിക്കുന്നു. പാർലമെന്റിൽ പ്രതിപക്ഷത്തിന് ലഭിക്കാവുന്ന ഏറ്റവും പ്രധാന പദവികളിലൊന്ന്. കേരളത്തിൽ ഉപതിരഞ്ഞെടുപ്പുകളും നിയമസഭ തിരഞ്ഞെടുപ്പുകളും വരാനിരിക്കെ സംസ്ഥാന രാഷ്ട്രീയത്തിലേക്ക് കെസി വന്നേക്കുമെന്ന പ്രചാരണങ്ങളുമുണ്ട്. തിരഞ്ഞെടുപ്പിന്റെ കൂടി പശ്ചാത്തലത്തിൽ കെ.സി.വേണുഗോപാൽ മനോരമ ‘ചോദ്യവേള’യിൽ സംസാരിക്കുന്നു.
‘നെഞ്ചിൻ എഴുതി’ മലയാളി; നൽകിയത് 35,000 കോടി; ആ പേര് മനപൂർവം മറന്നു; വൈറലായത് ബോധപൂർവമല്ല!

തലയെടുപ്പുള്ള വ്യക്തികളുടെ ജീവിത കഥകളും അവരുടെ നേരനുഭവങ്ങളുമാണ് പോയ വാരം മനോരമ ഓൺലൈൻ പ്രീമിയത്തിലേക്ക് കൂടുതൽ വായനക്കാരെ എത്തിച്ചത്. മുൻ മുഖ്യമന്ത്രി സി.അച്യുതമേനോൻ, ഇന്ത്യൻ ബഹിരാകാശ ഗവേഷണത്തിന്റെ പിതാവ് വിക്രം സാരഭായി, ബഹിരാകാശ യാത്രിക സുനിത വില്യംസ്, വിഴിഞ്ഞം ഇന്റര്‍നാഷണല്‍ സീപോര്‍ട്ട് ലിമിറ്റഡിന്റെ മാനേജിങ് ഡയറക്ടര്‍ ഡോ. ദിവ്യ എസ്. അയ്യർ, യുവ സംഗീത സംവിധായകൻ എൻ.ആദർശ് കൃഷ്ണൻ എന്നിവരെയായിരുന്നു ‘പ്രീമിയത്തിലെ’ പോയ വാരത്തിലെ ആ മിന്നും താരങ്ങൾ. സ്വന്തമായി വീടു പണിയാൻ താൽപര്യമെടുക്കാത്തയാൾ ഒരു ലക്ഷത്തോളം കുടുംബങ്ങൾക്ക് പാർപ്പിടമുണ്ടാക്കിയെന്ന് പറഞ്ഞാൽ ഇന്നത്തെ തലമുറയ്ക്ക് വിശ്വസിക്കാൻ പ്രയാസമായിരിക്കും. എങ്കിൽ നിങ്ങൾ സി.അച്യുതമേനോൻ എന്ന മുഖ്യമന്ത്രിയെ കുറിച്ച് കൂടുതൽ
SCIENCE BLOCK

‘ആ പുക ശ്വസിച്ചാൽ അർബുദം വരാം’! സ്വാദ് കൂടുമെന്നത് തോന്നൽ മാത്രം; വിറകടുപ്പ് വില്ലനാവുമ്പോൾ

അമ്മ മരിച്ചിട്ടു കൃത്യം ഒരു മാസം തികയുന്നു. അമ്മയെ ഓർമിക്കുമ്പോഴൊക്കെ, വീട്ടിലെ പുക പിടിച്ച അടുക്കളയും ഓർമ വരും. ഞാനും അനുജത്തി ശ്രീജയും സ്‌കൂളിൽ പോകുമ്പോൾ, ചൂട്ടിനു തീ പിടിപ്പിച്ച്, അതിൽനിന്നു കൊതുമ്പു വച്ച്, പിന്നെ വിറകു വച്ച് കത്തിച്ചാണ് ഉച്ചയ്ക്കുള്ള ചോറു പാകം ചെയ്തിരുന്നത്. അമ്മയ്ക്കുണ്ടായിരുന്ന ഒരു ഭാഗ്യം അച്ഛനും അടുക്കളയിൽ സഹായിക്കാനുണ്ടാവും എന്നതാണ്. മഴക്കാലമായാൽ ചൂട്ടും കൊതുമ്പും വിറകും എല്ലാം നനഞ്ഞിരിക്കും. ഇതു കത്തുമ്പോൾ അടുക്കള നിറയെ പുകയാകും. നനഞ്ഞ വിറകിൽ ഊതി തീ പിടിപ്പിക്കുന്ന അച്ഛനും പുകയിൽ നിന്നു ചുമയ്ക്കുന്ന അമ്മയും ഇന്നും വേദനയുണർത്തുന്ന ഓർമകളാണ്. പത്താം ക്ലാസിൽ പഠിക്കുമ്പോഴാണ്
വെറുതേ കളയല്ലേ, വൈദ്യുതിയാക്കാം; മാലിന്യം ‘വായനശാല’യാക്കിയും മാതൃക; ഈ നിരത്തിൽ തുപ്പാൻ ആർക്കും തോന്നില്ല!

അയ്യോ മാലിന്യം എന്നു പറഞ്ഞ് മൂക്കത്തു വിരൽവയ്ക്കുന്നവരാണ് പലരും. പക്ഷേ, അതേ മാലിന്യത്തിൽനിന്ന് വരുമാനമുണ്ടാക്കുന്നവരും വളമുണ്ടാക്കുന്നവരും നമുക്കിടയിലുണ്ട്; വൈദ്യുതിയുണ്ടാക്കുന്ന നഗരസഭയും. മാലിന്യമുക്ത കേരളത്തിനായി ഒരുങ്ങുമ്പോൾ നമുക്ക് മാതൃകയാക്കാൻ അവയിൽ ചിലതിനെക്കുറിച്ച്. ശുചിമുറി മാലിന്യ സംസ്കരണം വലിയ ചോദ്യചിഹ്നമായപ്പോൾ അതിനുള്ള ശരിയായ ഉത്തരം സഞ്ചരിക്കുന്ന മൊബൈൽ സെപ്റ്റേജ് ട്രീറ്റ്മെന്റ് യൂണിറ്റാണെന്നു കണ്ടുപിടിച്ചു ചങ്ങനാശേരി നഗരസഭ. വീടുകളിലും സ്ഥാപനങ്ങളിലും വാഹനവുമായെത്തി ശുചിമുറി മാലിന്യം സംസ്കരിക്കുന്ന പദ്ധതിയാണിത്. കഴിഞ്ഞ മേയിൽ ആരംഭിച്ച പദ്ധതിയുടെ സേവനം സമീപ പഞ്ചായത്തുകളിലും
താമര തിന്നുന്നവർ - ബി.എസ്. വാരിയർ എഴുതുന്നു

ഹോമർ രചിച്ച ഗ്രീക്ക് ഇതിഹാസകാവ്യമായ ഒഡീസിയിലെ കഥാനായകനാണ് ഒഡീസിയുസ്‌ രാജാവ്. ട്രോജൻയുദ്ധം ജയിച്ച്, അദ്ദേഹം നാവികരുമായി സ്വരാജ്യമായ ഇത്തക്കയിലേക്കു മടങ്ങവേ, മുറതെറ്റിയ കാറ്റിൽപ്പെട്ട് കപ്പൽ അപരിചിതമായൊരു ദ്വീപിലെത്തി. ദ്വീപുനിവാസികൾ സൗഹൃദത്തോടെ പെരുമാറി. പക്ഷേ അവർ കുഴിമടിയന്മാരായിരുന്നു. അവിടത്തെ ലോട്ടസ് മരത്തിന്റെ മധുരിക്കുന്ന പഴം തിന്നാൽ ആരും പെട്ടെന്നു മയക്കത്തിലാവും. പാതി മയക്കത്തിൽ അലസജീവിതം നയിക്കുന്നവരാണു ദ്വീപുകാർ. നാവികർ അവരുടെ ശീലത്തിൽ കുടുങ്ങി, നാട്ടിലേക്കു മടങ്ങുന്നില്ലെന്നു തീരുമാനിച്ചു. ഊർജസ്വലമായ ജീവിതത്തിലേക്ക് അവരെ തിരികെയെത്തിക്കാൻ ഒഡീസിയുസ് ഏറെ ക്ലേശിച്ചു. കഠിനമാർഗവും അലസമാർഗവും മുന്നിൽക്കണ്ടാൽ, അലസമാർഗം സ്വീകരിക്കാനാവും മിക്കവരുടെയും താൽപര്യം. ലക്ഷ്യമേതെന്നു ചിന്തിച്ചില്ലെന്നിരിക്കും. ഇക്കഥയെ ഉപജീവിച്ച്
സമരങ്ങളിൽ തളർന്ന് താമര; ഹരിയാനയിൽ അപകടം മണത്ത് ‘മുങ്ങി’ ജെജെപി: പിഴച്ചത് ബിജെപിക്കോ ഖട്ടറിനോ?

ഹരിതാഭമായ ഹരിയാന ഒരു വഴിയാണ്, ഇന്ദ്രപ്രസ്ഥത്തിലേക്കുള്ള വഴി. കുരുക്ഷേത്രയിലും പാനിപ്പത്തിലും യുദ്ധം ജയിച്ചവർ ഇന്ദ്രപ്രസ്ഥം ഭരിച്ചിട്ടുണ്ട്. സ്വാതന്ത്ര്യാനന്തര ഇന്ത്യയ്ക്കും പറയാനുണ്ട്, ഹരിയാനയിൽ ജയിച്ചു കയറിയവർ ഇന്ദ്രപ്രസ്ഥം വാണതിന്റെ ചരിത്രം. സമീപകാല ചരിത്രം പരിശോധിച്ചാൽ ലോക്സഭാ തിരഞ്ഞെടുപ്പുകളിലും, ആകെയുള്ള പത്തിൽ പത്തു സീറ്റും നൽകി ഡൽഹിയിലെ ഭരണകർത്താക്കളുടെ കാര്യത്തിൽ അർഥശങ്കയ്ക്കിടയാകാത്ത തീരുമാനം ഹരിയാന രേഖപ്പെടുത്തിയിരുന്നു. എന്നാൽ 2024ൽ സ്ഥിതി വ്യത്യസ്തമായിരുന്നു. ഭരണപക്ഷത്തിനൊപ്പം ശക്തമായ പ്രതിപക്ഷവും വേണമെന്ന രാജ്യത്തിന്റെ തീരുമാനത്തിന്റെ നേർചിത്രമായിരുന്നു ഹരിയാനയിലും കണ്ടത്. ആകെയുള്ള 10ൽ അഞ്ച് സീറ്റ് വീതം ബിജെപിയും കോൺഗ്രസും പങ്കിട്ടെടുക്കുകയായിരുന്നു. ഇത്തരമൊരു സാഹചര്യത്തിലാണ് വരാനിരിക്കുന്ന നിയമസഭാ തിരഞ്ഞെടുപ്പ് നിർണായകമാകുന്നത്. തിരഞ്ഞെടുപ്പു നടക്കാനിരിക്കുന്ന മഹാരാഷ്ട്രയ്ക്കും ജാർഖണ്ഡിനുമൊപ്പം ഹരിയാനയും ഇതിനോടകം തിരഞ്ഞെടുപ്പു ചൂടിലേക്കു ‘ഗിയർ’ മാറ്റിക്കഴിഞ്ഞു. ഒക്ടോബര്‍ ഒന്നിനാണ് ഹരിയാന നിയമസഭാ തിരഞ്ഞെടുപ്പ്. ഒക്ടോബർ നാലിന് വോട്ടെണ്ണലും. ഇത്തവണത്തെ ലോക്സഭാ തിരഞ്ഞെടുപ്പിൽ ബിജെപിയിൽനിന്ന് പകുതി സീറ്റുകളും 12% വോട്ട് വിഹിതവും പിടിച്ചെടുത്താണ് കോൺഗ്രസ് ശക്തമായ തിരിച്ചുവരവ് നടത്തിയത്. അധികാരത്തിൽ തിരിച്ചെത്താം എന്ന ആത്മവിശ്വാസവും അതോടെ പാർട്ടിക്ക് സ്വന്തം. എന്നാൽ തിരിച്ചടിക്കു കാരണമായ കാര്യങ്ങൾ കണ്ടെത്തിയും തിരുത്തലുകൾ വരുത്തിയും ആകർഷകമായ പദ്ധതികൾ പ്രഖ്യാപിച്ചും ബിജെപിയും പഴുതുകളടച്ചു കച്ച മുറുക്കുകയാണ്.
യുഎസിലേക്കുള്ള സമുദ്രോൽപന്ന കയറ്റുമതി: ആമ മുതൽ തിമിംഗലം വരെ ഭീഷണി

കടലാമയിൽ ഒതുങ്ങുന്നില്ല, കടൽ സസ്തനികളും ഇന്ത്യയിൽ നിന്നു യുഎസിലേക്കുള്ള സമുദ്രോൽപന്ന കയറ്റുമതിക്കു ‘പാര’യായേക്കും. 2026 ജനുവരി 1 മുതൽ മറൈൻ മാമൽ പ്രൊട്ടക്‌ഷൻ നിയമ വ്യവസ്ഥകൾ യുഎസ് കർശനമാക്കും. അതിനു മുൻപ് ഇന്ത്യയിലെ കടൽ സസ്തനികളുടെ വിവരശേഖരണം പൂർത്തിയാക്കി മത്സ്യബന്ധനം അവയ്ക്കു ഭീഷണിയാകില്ലെന്നു സ്ഥാപിക്കാൻ കഴിഞ്ഞില്ലെങ്കിൽ ‘ചെമ്മീൻ കെണി’യെക്കാൾ വലിയ തിരിച്ചടിയാകും സമുദ്രോൽപന്ന കയറ്റുമതി മേഖല നേരിടുക. സമുദ്രോൽപന്ന കയറ്റുമതി വികസന അതോറിറ്റിയുടെ (എംപിഇഡിഎ) ശുപാർശയെ തുടർന്ന്, ഇന്ത്യൻ കടലുകളിൽ തിമിംഗലമുൾപ്പെടെ കടൽ സസ്തനികളുടെ ലഭ്യത തിട്ടപ്പെടുത്താനും സമുദ്രശാസ്ത്ര പ്രത്യേകതകൾ
Tattoo Times

മലയാളിയുടെ ബോറടിയും ബേക്കറിയും തമ്മിലെന്ത് ബന്ധം? അലസത ഒരു മാനസികപ്രശ്‌നമാണോ?

ജോലിയുടെ ഭാഗമായി എപ്പോഴും രാജ്യം ചുറ്റിക്കൊണ്ടിരിക്കുന്ന ഉത്തരേന്ത്യക്കാരനായ ഒരാൾക്കൊപ്പം കഴിഞ്ഞ നാലഞ്ചു ദിവസം കേരളത്തിലുടനീളം യാത്ര ചെയ്യേണ്ട ആവശ്യമുണ്ടായി. യാത്രയ്ക്കിടയിൽ അദ്ദേഹം ഒരു ചോദ്യമെറിഞ്ഞു: ഇതെന്താണ് കേരളത്തിൽ എല്ലായിടത്തും ഇത്രയധികം ബേക്കറികൾ? അത് എപ്പോഴും ആലോചിച്ചുകൊണ്ടിരിക്കുന്ന വിഷയമാകയാൽ ഉത്തരം വൈകിയില്ല. ‘വിരസതയാണ് സർ കേരളം നേരിടുന്ന ഏറ്റവും വലിയ പ്രശ്‌നം, വിരസതയ്ക്കുള്ള പ്രതിവിധികളിലൊന്നാണ് ബേക്കറികൾ. വിരസത (വിശപ്പല്ല) മാറ്റാനുള്ള പലജാതി തീറ്റസാധനങ്ങൾ വിവിധ വർണങ്ങളിലും സ്വാദുകളിലും രൂപങ്ങളിലും മൊരിപ്പുകളിലും ആകർഷകമായി വിൽക്കാൻ വച്ചിരിക്കുന്ന വിനോദകേന്ദ്രങ്ങളാണ് ബേക്കറികൾ’. സത്യത്തിൽ വിരസത ആഗോളപ്രശ്‌നമാണ്. അതിനപ്പുറം, അതൊരു സ്വർഗീയപ്രശ്‌നമാണെന്നും പറയാം. അതെ, ദൈവങ്ങൾക്കുപോലും വിരസതയിൽനിന്നു മോചനമില്ലെന്നാണ്...
ഇറാൻ – ഇസ്രയേൽ നേർക്കുനേർ; മധ്യപൂർവേഷ്യയിൽ സമാധാനത്തിനുള്ള അവസാന ശ്രമം; പരാജയപ്പെട്ടാൽ യുദ്ധം?

ഒരു ഭാഗത്ത് ഇറാനും ഹിസ്ബുല്ലയും ഹൂതിയും ചേർന്ന സഖ്യം ഇസ്രയേലിനെ ആക്രമിക്കാൻ പടയൊരുക്കം നടത്തുന്നു. പിന്തുണയായി റഷ്യയും ചൈനയും. മറുഭാഗത്ത് ഇസ്രയേൽ ആയുധ ശേഖരം വർധിപ്പിക്കുന്നു. ഏതു സമയവും യുദ്ധത്തിനു തയാറാവാൻ ഒരുങ്ങുന്നു. ഇസ്രയേലിനെ സഹായിക്കാനും ഇറാനെ പ്രതിരോധിക്കാനുമായി യുഎസും രംഗത്ത് എത്തി. എന്തും സംഭവിക്കാവുന്ന ഈ സാഹചര്യത്തിൽ ലോകത്തിന്റെ കണ്ണുകൾ മുഴുവൻ ദോഹയിലേയ്ക്കാണ്. മധ്യപൂർവേഷ്യയിൽ സമാധാനത്തിനുള്ള അവസാന അവസരമായാണ് ഇന്നത്തെ ചർച്ചയെ ലോകം വിശേഷിപ്പിക്കുന്നത്. ദോഹയിൽ എന്തെങ്കിലും പ്രതികൂല സാഹചര്യമുണ്ടായാൽ ചർച്ച ഈജിപ്തിന്റെ തലസ്ഥാനമായ കെയ്റോയിലേക്കു വേണമെങ്കിലും മാറാമെന്നു സൂചനയുണ്ട്. ഇസ്രയേൽ വെടിനിർത്തൽ പ്രഖ്യാപിച്ചാൽ ബന്ദികളെ വിട്ടയയ്ക്കാമെന്നു ഹമാസും പ്രതികാര നടപടികളിൽ നിന്നു പിന്മാറാമെന്നു ഇറാനും നിലപാടെടുത്തിട്ടുണ്ട്. നവംബറിൽ നടക്കുന്ന തിരഞ്ഞെടുപ്പിനു മുൻപായി മധ്യപുർവേഷ്യയിൽ സമാധാനം കൊണ്ടുവരേണ്ട കടമ യുഎസ് പ്രസിഡന്റ് ജോ ബൈഡനുമുണ്ട്. വെടിനിർത്തൽ പ്രഖ്യാപിക്കാൻ
INDEPENDENCE DAY SPECIAL

സ്വാതന്ത്ര്യമതൊന്നേ... യുവത്വത്തിന് വേണം നീതി, സമത്വം, സുരക്ഷിതത്വം

ഇന്ത്യ എന്ന ആശയത്തിന്റെ ഭാവിയെപ്പറ്റി ചിന്തിക്കാനാണ് യുവതലമുറയിലെ അഞ്ചുപേർ ഓൺലൈനിൽ ഒരുമിച്ചത്. രാജ്യം 78–ാം സ്വാതന്ത്ര്യദിനം ആഘോഷിക്കുമ്പോൾ യഥാർഥത്തിൽ ആഘോഷിക്കാനായിട്ടെന്തുണ്ട് എന്ന ആശങ്കയാണവർ ഏറെയും പങ്കുവച്ചത്. രാജ്യം നേരിടുന്ന വെല്ലുവിളികളിൽ അസ്വസ്ഥരാകുമ്പോഴും നമ്മെ ‘ഇന്ത്യ’ എന്ന ചട്ടക്കൂടിലുറപ്പിച്ചു നിർത്തുന്ന തൂണുകളുടെ കാതലിനെക്കുറിച്ചവർ പറഞ്ഞു. അതു കൂടുതൽ ശക്തിപ്പെടുത്തേണ്ടതിനെക്കുറിച്ചു സംസാരിച്ചു. എഴുത്തുകാരനും പ്രഭാഷകനുമായ അനന്ദു രാജ്, യുവകവിക്കുള്ള ഈ വർഷത്തെ സാഹിത്യ അക്കാദമി പുരസ്കാര ജേതാവും ക്വീർ എഴുത്തുകാരനുമായ ആദി, എഴുത്തുകാരിയും പാലക്കാട് ഐഐടിയിൽ ഗവേഷകയുമായ ആർദ്ര കെ.എസ്., ഇന്ത്യൻ വനിതാ ബാസ്കറ്റ്ബോൾ ടീം മുൻ ക്യാപ്റ്റൻ ജീന സ്കറിയ, നോവലിസ്റ്റ് റിഹാൻ റാഷിദ് എന്നിവരാണ് വർത്തമാനകാല ഇന്ത്യയിലെ സ്വാതന്ത്ര്യത്തിന്റെ അർഥതലങ്ങളെക്കുറിച്ചു സംവദിച്ചത്
ടി.ഡി. രാമകൃഷ്ണൻ എഴുതുന്നു: ‘അധികാരം ഹിംസാത്മക ഉന്മാദമായി; ഭരണകൂട തെറ്റിനെ വിമർശിക്കുന്നവരെല്ലാം രാജ്യദ്രോഹികളല്ല’

രാജ്യം എഴുപത്തിയെട്ടാം സ്വാതന്ത്ര്യദിനം ആഘോഷിക്കുന്ന ഈ അവസരത്തിൽ, സ്വതന്ത്ര ഇന്ത്യയിലെ പൗരന്മാർ എത്രകണ്ട് സ്വതന്ത്രരാണെന്ന് നിങ്ങൾ ആലോചിച്ചിട്ടുണ്ടോ? ഭരണകൂടത്തിന്റെ പ്രവർത്തനങ്ങളോടുള്ള നിങ്ങളുടെ വിയോജിപ്പുകൾ, രാഷ്ട്രീയമായ അഭിപ്രായവ്യത്യാസങ്ങൾ എന്നിവ തുറന്നു പ്രകടിപ്പിക്കാനോ പ്രതിഷേധിക്കാനോ ഉള്ള സ്വാതന്ത്ര്യം നിങ്ങൾക്കുണ്ടോ? നിങ്ങൾക്കിഷ്ടമുള്ള ഭക്ഷണം കഴിക്കാനും വസ്ത്രം ധരിക്കാനും ദൈവങ്ങളെ ആരാധിക്കാനുമുള്ള സ്വാതന്ത്യമുണ്ടോ? നിങ്ങൾക്കിഷ്ടമുള്ള ഇണയെ തിരഞ്ഞെടുക്കാനും ഒപ്പം ജീവിക്കാനും സ്വാതന്ത്ര്യമുണ്ടോ? ഒരു വ്യക്തിയെന്ന നിലയിൽ ഈ ചോദ്യങ്ങളിൽ പലതിനും നിങ്ങൾക്ക് ‘ഉണ്ട്’ എന്ന ഉത്തരം പറയാൻ കഴിഞ്ഞേക്കാം. പക്ഷേ, ഈ രാജ്യത്തെ എല്ലാ പൗരന്മാർക്കും, എല്ലാ ചോദ്യങ്ങൾക്കും ‘ഉണ്ട്’ എന്ന ഉത്തരം പറയാൻ കഴിഞ്ഞാൽ മാത്രമേ നമ്മുടെ രാജ്യം പൂർണമായ അർത്ഥത്തിൽ സ്വാതന്ത്ര്യമുള്ള ജനാധിപത്യരാഷ്ട്രമാണെന്ന് പറയാൻ കഴിയൂ. മേൽപ്പറഞ്ഞ ചോദ്യങ്ങൾക്കുള്ള ഉത്തരങ്ങൾ കണ്ടെത്താനുള്ള പല മാർഗങ്ങളിലൊന്ന് ഇന്ത്യയിലെ മാധ്യമസ്വാതന്ത്ര്യത്തിന്റെ സമകാലിക അവസ്ഥ പരിശോധിക്കുകയാണ്. ആ മേഖലയിലെ ആഗോള ഇൻഡെക്സുകളുടെത്ത് നോക്കിയാൽ ഇന്ത്യയുടെ സ്ഥാനം വളരെ പിന്നിലാണെന്നു കാണാം. റിപ്പോർട്ടേഴ്സ് വിത്തൗട്ട് ബോർഡേഴ്സിന്റെ (RSF- Reporters without Borders) 2024ലെ ലിസ്റ്റിൽ നമ്മൾ ശ്രീലങ്കയ്ക്കും പാക്കിസ്ഥാനും പുറകിൽ നൂറ്റിയമ്പത്തിയൊൻപതാം സ്ഥാനത്താണ്. 2014 ൽ നൂറ്റിനാൽപതാം സ്ഥാനത്തുണ്ടായിരുന്ന ഇന്ത്യ ഓരോ കൊല്ലവും പുറകോട്ട് പോയിക്കൊണ്ടിരിക്കുകയാണ്. ഒരു ജനാധിപത്യഭരണസംവിധാനം നിലനിൽക്കുന്ന രാജ്യത്തിങ്ങനെ സംഭവിക്കുന്നത് തികച്ചും നിർഭാഗ്യകരമാണ്. ആവിഷ്കാര സ്വാതന്ത്ര്യവുമായി ബന്ധപ്പെട്ട മറ്റ് മേഖലകളിലും നമ്മുടെ രാജ്യത്തിന്റെ സ്ഥിതി
കൊറിയൻ സുന്ദരിയാകണം, ജിമിനെ ഉമ്മ വയ്ക്കണം: മുഖക്കുരു വന്ന സങ്കടത്തിൽ പത്താം ക്ലാസുകാരി കഴിച്ചത് വിഷം

മൊബൈൽ ഫോൺ മാറ്റൂ, മാറ്റൂ എന്ന് എല്ലാരും പറയുന്നു. എന്നിട്ട് ഞാനെന്തു ചെയ്യാനാ? മനുഷ്യനു ബോറടിച്ചിട്ടു പാടില്ല’’. വീട്ടുകാർ ഫോൺ കൊടുക്കാത്തതിന്റെ പേരിൽ വീടുവിട്ടിറങ്ങിയ കുട്ടിയുടെ വാക്കുകൾ. ബോറടിയും എന്തു ചെയ്യണം എന്ന ആശയക്കുഴപ്പവും ‍ഫോൺ വഴി ബുദ്ധിയിലുറച്ച തെറ്റായ ജീവിതപാഠങ്ങളുമായി ആകെ അലങ്കോലമാണ് പല കുട്ടിമനസ്സും. ഫോൺ അടിമത്തത്തിൽനിന്നു ഡിജിറ്റൽ ലഹരിയുടെ പുതിയവഴി തേടിയ ചില കുട്ടികളെക്കൂടി കാണാം.
സുർക്കി അണകൾ ഇനി ആശങ്കയുടെ ഉത്തുംഗത്തിൽ! ഒരു ഗേറ്റ് തകർന്നിട്ട് പ്രളയ സമുദ്രം; മുല്ലപ്പെരിയാർ എത്രത്തോളം ‘ഭദ്രം’?

ഏതാണ്ട് വലിയ വ്യത്യാസമില്ലാത്ത ഉയരം. ‘ശരീര ഘടന’ ഒന്നു തന്നെ– തുംഗഭദ്ര, മുല്ലപ്പെരിയാർ അണക്കെട്ടുകളെ ഇങ്ങനെ താരതമ്യം ചെയ്താൽ ഇന്ന് കേരളം ഒന്നു പേടിക്കും. അതിനു കാരണമുണ്ട്. മുല്ലപ്പെരിയാറിനുള്ള മുന്നറിയിപ്പാണോ തുംഗഭദ്ര? 71 വർഷം പിന്നിട്ട തുംഗഭദ്ര അണയുടെ ഗേറ്റ് തകരുമ്പോൾ 130 വര്‍ഷം പിന്നിട്ട മുല്ലപ്പെരിയാർ നോക്കി നിന്നാൽ മതിയോ? തുംഗഭദ്രയും മുല്ലപ്പെരിയാറും സുർക്കി മിശ്രിതത്തിലാണ് നിർമിച്ചിരിക്കുന്നത്. വാസ്തവത്തിൽ ഗേറ്റ് തകർന്നത് തുംഗഭദ്രയിലാണെങ്കിലും വിള്ളൽ വീണത് കേരളത്തിന്റെ നെഞ്ചിലാണ്. കർണാടകയിലും ആന്ധ്രയിലും പ്രളയം രൂപപ്പെട്ടപ്പോൾ കേരളത്തിൽ ആശങ്കയുടെ ഉരുൾപൊട്ടിയെന്നു പറയാം. ഭീതിയുടെയും ആശങ്കയുടെയും സുർക്കി മിശ്രിതത്തിലാണ് ഇന്ന് കേരളത്തിന്റെ മനസ്സിൽ മുല്ലപ്പെരിയാർ അണക്കെട്ടിന്റെ കെട്ടുറപ്പ്. ലോകത്ത് എവിടെ അണപൊട്ടിയാലും കേരളം ഞെട്ടും. വാസ്തവത്തിൽ തുംഗഭദ്ര മുല്ലപ്പെരിയാറിന് മുന്നറിയിപ്പു നൽകുന്നുണ്ടോ? തുംഗഭദ്ര അണയും മുല്ലപ്പെരിയാർ അണയും തമ്മിൽ
പ്ലസ്‍‌‌ടുക്കാരിയുടെ ഫോൺ നിറയെ ‘മോശം’ വിഡിയോകൾ: അച്ഛനു നേരെ കൊലവിളി: ‘നിന്നെ കൊന്നിരിക്കും’

പ്ലസ്ടുക്കാരി. ഉറക്കമുണരുമ്പോഴേ കൈ ഫോണിലേക്ക്; ഗുഡ് മോണിങ്, പല്ലുതേപ്പ്, ചായ, സ്കൂൾ യാത്രാ സെൽഫികൾ, ഗെറ്റ് റെഡി വിത് മി വിഡിയോ... ഫുൾ ടൈം ഫോണിൽ. സ്കൂളിൽ ഫോൺ സമ്മതിക്കാത്തതുകൊണ്ട് സ്ഥിരം ‘അസുഖ’മായി. വീട്ടിൽ കുട്ടിയും അമ്മയും മാത്രം. മകൾ ‘ടെക്കി’യാണെന്നും ഫോണിലെ എല്ലാ കാര്യങ്ങളും അറിയാമെന്നും ‘അഭിമാന’മായിരുന്നു അമ്മയ്ക്ക്. കാരണമില്ലാതെയുള്ള അസുഖത്തിന് ആശുപത്രികൾ കയറിയിറങ്ങിയുള്ള ‘ചികിത്സ’യും മുറയ്ക്കു നടന്നു. ഇതിനിടെ, കുട്ടി ഡേറ്റിങ് ആപ്പ് ഡൗൺലോഡ് ചെയ്തു. അതിൽ കണ്ടുമുട്ടിയ ചെറുപ്പക്കാരനെ പരിചയപ്പെടുത്തിയപ്പോൾ അമ്മയ്ക്കു സന്തോഷം: മോൾ എത്ര ഓപ്പണാണ്. പ്രേമമൊന്നുമല്ല, ലൈഫ് പ്ലാൻ ചെയ്തു മുന്നോട്ടുപോകുകയാണത്രേ. വിദേശത്തേക്കു പോകാനുള്ള കോഴ്സുകളും മറ്റും ‘ഡിസ്കസ്’ ചെയ്യുകയാണത്രേ. ഇപ്പോഴത്തെ പിള്ളേരൊക്കെ ജീവിക്കാൻ പഠിച്ചവരാ എന്ന് അമ്മയുടെ ആത്മഗതം. ഡേറ്റിങ് ആപ്പിലെ ചാറ്റും വിഡിയോ കോളും കൂടുതൽ മൊബൈൽ അഡിക്‌ഷനിലേക്ക് തള്ളിവിട്ടു. സ്കൂളിൽ ഒട്ടും പോകാതെയായി, ആപ്പിലെ പയ്യനുള്ള രാജ്യത്തേക്കു പോകണമെന്നു പറഞ്ഞ് ബഹളമായി. അങ്ങനെ ഫോൺ
INDIA FILE

മുല്ലപ്പെരിയാർ: ചർച്ചയ്ക്ക് എന്തിന് തടയണ?

ഒറ്റനോട്ടത്തിൽ, കേരളവും തമിഴ്നാടും തമ്മിലുള്ളതുപോലൊരു ബന്ധം ഇന്ത്യയിൽ മറ്റു സംസ്ഥാനങ്ങൾക്കൊന്നിനും അവകാശപ്പെടാനില്ല. ജനങ്ങളും തീർഥാടനകേന്ദ്രങ്ങളും സിനിമയും സംഗീതവും നൃത്തവുമെല്ലാം അതിനു കാരണങ്ങളാണ്. ഇപ്പോഴാണെങ്കിൽ, മുഖ്യമന്ത്രിമാർ തമ്മിലും സൗഹൃദം. വയനാടിനായി സ്റ്റാലിൻ നൽകിയ പണത്തിന് അയൽസ്നേഹത്തിന്റെ സുഗന്ധമുണ്ട്. ഈ നല്ല ബന്ധം പക്ഷേ, മുല്ലപ്പെരിയാർ അണക്കെട്ടിനെച്ചൊല്ലിയുള്ള തർക്കത്തെ സ്വാധീനിക്കുന്നില്ല. 1886ലെ കരാറിനു നിലനിൽപുണ്ടോ എന്ന അടിസ്ഥാനചോദ്യമുൾപ്പെടെ സുപ്രീം കോടതി വീണ്ടും പരിഗണിക്കുകയാണ്. 1998 മുതൽ മുല്ലപ്പെരിയാർ പ്രശ്നം സുപ്രീം കോടതിയിലുണ്ട്. 2006ലും 2014ലും ഭരണഘടനാ ബെഞ്ചുകൾ സുപ്രധാന വിധികൾ നൽകി. അവ കേരളത്തിന്റെ ആശങ്ക പരിഹരിച്ചില്ല. സാഹചര്യം നോക്കുമ്പോൾ, തർക്കം ഏഴംഗ ബെഞ്ചാവും ഇനി പരിശോധിക്കുക. അവരത്
പണപ്പെരുപ്പം താഴ്‌ന്നു, പലിശനിരക്ക് കുറച്ചാലെന്താണ്? തൊടുന്യായം പറയുമോ ആർബിഐ? യുഎസിനും പങ്ക്?

അഞ്ചു വർഷത്തോളം നീണ്ട ഇടവേളയ്ക്കു ശേഷം പണപ്പെരുപ്പ നിരക്ക് മൂന്നര ശതമാനത്തിലേക്കു താഴ്ന്നതോടെ വായ്പ നിരക്കുകളുടെ പടിയിറക്കം പ്രതീക്ഷിക്കാവുന്ന അവസ്ഥയിലാണ്. വ്യവസായ, വാണിജ്യ മേഖലയിൽനിന്നുള്ളവർ മാത്രമല്ല അസംഘടിതരായ കോടിക്കണക്കിനു സാധാരണക്കാർ വരെ നിരന്തരമായി പ്രതീക്ഷിച്ചുവരികയായിരുന്ന നിരക്കിളവിനു പക്ഷേ റിസർവ് ബാങ്ക് ഓഫ് ഇന്ത്യ (ആർബിഐ) ഉടൻ തയാറാകുമോ? അതോ തൊടുന്യായങ്ങൾ നിരത്തി നടപടി നീണ്ടുപോകുമോ? അങ്ങനെയെങ്കിൽ വീണ്ടും കാത്തിരിക്കേണ്ടിവരുന്നത് എത്ര കാലം? ഉപഭോക്തൃ വില സൂചികയെ (കൺസ്യൂമർ പ്രൈസ് ഇൻഡെക്സ്) അടിസ്ഥാനമാക്കിയുള്ള പണപ്പെരുപ്പ നിരക്കാണു 3.5 ശതമാനത്തിലേക്കു താഴ്ന്നിരിക്കുന്നത്. ഈ നിരക്കാണ്...
GLOBAL CANVAS

ചൈനയ്ക്ക് കരകയറാൻ ഇന്ത്യയും കനിയണം; കരടായി യുഎസ് ബന്ധം; കൈകൊടുത്താൽ നേട്ടം

കേന്ദ്ര ബജറ്റ്‌ അവതരിപ്പിക്കുന്നതിന്റെ തലേ ദിവസം സര്‍ക്കാര്‍ പാര്‍ലമെന്റില്‍ സമര്‍പ്പിക്കുന്ന രേഖയാണ്‌ ‘ദേശീയ സാമ്പത്തിക സര്‍വേ’ (National Economic Survey). പോയ സാമ്പത്തിക വര്‍ഷത്തില്‍ രാജ്യത്തിലെ സമ്പദ്ഘടനയുടെ സ്ഥിതി എന്തായിരുന്നുവെന്നും വരുന്ന വര്‍ഷത്തെ കുറിച്ചുള്ള ഒരു അവലോകനവുമാണ്‌ ഈ രേഖയില്‍ ഉള്‍ക്കൊള്ളിക്കാറുള്ളത്‌. രാജ്യത്തെ നികുതി ഘടനയില്‍ വരുത്തേണ്ടതായ മാറ്റങ്ങള്‍, സാമ്പത്തിക മേഖലയില്‍ നടപ്പാക്കേണ്ട നയങ്ങള്‍, കൈക്കൊള്ളേണ്ട നടപടികള്‍ എന്നിവയെ കുറിച്ചും ഇതില്‍ പ്രതിപാദിക്കാറുണ്ട്‌. ഒരു പരിപൂര്‍ണ സാമ്പത്തിക രേഖ എന്ന ഇതിന്റെ ഖ്യാതിക്ക്‌ നിരക്കാത്ത ഒരു പരാമര്‍ശം ഈ വര്‍ഷത്തെ ദേശീയ സാമ്പത്തിക സര്‍വേയില്‍ ഉണ്ടായിരുന്നു. ഇന്ത്യയുടെ ഉല്‍പ്പാദന മേഖല കൂടുതല്‍ മെച്ചപ്പെടുത്തുവാനും കാര്യക്ഷമമാക്കുവാനും വേണ്ടി ചൈനയുമായുള്ള വാണിജ്യ ബന്ധങ്ങളില്‍ ഇപ്പോള്‍ ഏര്‍പ്പെടുത്തിയിട്ടുള്ള വിലക്കുകളും നിയന്ത്രണങ്ങളും ഒരു പുനഃപരിശോധനക്ക്‌ വിധേയമാക്കുന്നതിന്റെ ആവശ്യകതയെ കുറിച്ച്‌ ഇതില്‍ പ്രത്യേകം എടുത്ത്‌ പറയുന്നുണ്ട്‌. രാജ്യത്തിന്റെ പ്രധാനപ്പെട്ട സാമ്പത്തിക രേഖയില്‍ നമ്മുടെ വിദേശകാര്യ നയത്തെ സംബന്ധിക്കുന്ന ഒരു വിഷയത്തെ കുറിച്ച്‌ പരാമര്‍ശം വന്നതു കൊണ്ട്‌ മാത്രം ഇത്‌ ധാരാളം ശ്രദ്ധ ആകർഷിച്ചു. ഇന്ത്യയുടെ ചൈന നയത്തില്‍ വരാനിരിക്കുന്ന മാറ്റങ്ങളുടെ ഒരു സൂചനയാണോ ഇതെന്ന രീതിയിലുള്ള ചര്‍ച്ചയും ഉണ്ടായി. ഇന്ത്യ അതിര്‍ത്തി പങ്കുവയ്ക്കുന്ന രാജ്യങ്ങളില്‍ വച്ച്‌ ഏറ്റവും വലുതും സാമ്പത്തികവും സൈനികവുമായി
‘മൊബൈൽ കിട്ടിയില്ലെങ്കിൽ അമ്മയെ കടിച്ചുപറിക്കും’: അടിച്ചു നന്നാക്കാൻ നോക്കല്ലേ, രക്ഷിക്കാൻ വഴിയുണ്ട്

നമുക്കു ഫോൺ ഉപയോഗിക്കാം, ഫോൺ നമ്മളെ ഉപയോഗിക്കാതിരുന്നാൽ മതി’– പതിരില്ലാത്ത ഈ പുതിയചൊല്ലുമായി വരുന്ന കുട്ടിക്കു പ്രായം 13. ‘എന്റെ കഥ പത്രത്തിൽ പറയണേ, കുറച്ചുപിള്ളേർക്കെങ്കിലും ബോധം വീണാൽ നല്ലതല്ലേ’ എന്നു പറഞ്ഞ് വിഡിയോ കോളിലാണു കുട്ടി സംസാരിച്ചത്. ‘‘ഞാനാരാണെന്ന് എനിക്കറിയാൻ മേലെങ്കിൽ ഞാൻ ആരോടു ചോദിക്കും ഞാനാരാണെന്ന് – വട്ടായില്ലേ? ആ പരുവത്തിലായിരുന്നു ഞാൻ. തേന്മാവിൻ കൊമ്പത്ത് സിനിമയിലെ കുതിരവട്ടം പപ്പുവിനെപ്പോലെ കിറുങ്ങിയടിച്ച അവസ്ഥ. പേടിക്കേണ്ട, കള്ളൊന്നും കുടിച്ചിട്ടല്ല. മൊബൈൽ ഫോൺ നോക്കി നോക്കി അങ്ങു കൈവിട്ടുപോയി. പിന്നെ മൊത്തം ഡാർക്ക് സീൻ. ഫോണിൽ വിഡിയോ കാണലോടു കാണലായിരുന്നു. ടോയ്‌ലറ്റിൽ പോകുമ്പോ വരെ കാണും. കുളിക്കുമ്പോ ഇതു കുറച്ചു പ്രയാസമായതുകൊണ്ട് കുളിയങ്ങു നിർത്തി. ഫോണിലിങ്ങനെ തോണ്ടിത്തോണ്ടി വെളുപ്പിന് 3–4 മണിവരെ ഒറ്റയിരിപ്പ്. ഉറങ്ങാനൊക്കെ പ്രയാസം. ഇനിയെങ്ങാനും കണ്ണടച്ചു പോയാലോ
സാംസങിനൊപ്പം ടിവി നിർമിച്ച കേരളം; ട്രാക്ടർ തടഞ്ഞവർ ആ പേര് മനപൂർവം മറന്നു; വഴികാട്ടിയായ അച്യുതമേനോൻ

‘പല കാരണങ്ങൾ കൊണ്ട് പല കേന്ദ്രങ്ങളും തമസ്കരിക്കാൻ ശ്രമിച്ച നേതാവാണ് സി. അച്യുതമേനോൻ. കൃഷിക്കാരന് കൃഷിഭൂമിയും തൊഴിലാളിക്ക് ഗ്രാറ്റുവിറ്റിയും പാവങ്ങൾക്ക് ലക്ഷം വീടും കൊടുത്ത ഗവൺമെന്റിനെ ഇടതുപക്ഷ ഗവൺമെന്റായി അംഗീകരിക്കാൻ കൂട്ടാക്കാത്ത ചില ചരിത്ര വ്യാഖ്യാതാക്കൾക്ക് മറച്ചുവയ്ക്കാൻ കഴിയാത്ത കമ്യൂണിസ്റ്റ്ശോഭയുടെ പേരാണ് അച്യുതമേനോൻ’ ‘നവയുഗ’ത്തിൽ ഇങ്ങനെ എഴുതിയത് സിപിഐ സംസ്ഥാന സെക്രട്ടറി ബിനോയ് വിശ്വമാണ്. അച്യുതമേനോന്റെ പ്രതിമ തിരുവനന്തപുരത്ത് സ്ഥാപിക്കുന്ന കാര്യം വ്യക്തമാക്കിക്കൊണ്ടാണ് ബിനോയ് വിശ്വം ലേഖനമെഴുതിയത്. ആര്, എന്തുകൊണ്ട് അച്യുതമേനോനെ തമസ്കരിക്കുന്ന എന്ന കാര്യം എല്ലാവർക്കും വ്യക്തമായറിയാം എന്നതിനാലാകണം പാർട്ടി സെക്രട്ടറി ഇങ്ങനെ അവസാനിപ്പിച്ചത്. പയ്യന്നൂർ നിന്ന് പ്രതിമയുമായി പുറപ്പെട്ട ജാഥയിലുടനീളം ‘സി. അച്യുതമേനോൻ നവകേരള ശിൽപി’ ആണെന്ന കാര്യം പ്രത്യേകം ഓർമിപ്പിക്കണമെന്നും പാർട്ടി നിർദേശം നൽകിയിരുന്നു. ‘അച്യുതമേനോന്റെ പാർട്ടി’ എന്ന പരിഗണന കേരളീയർ സിപിഐക്ക് ഇപ്പോഴും നൽകുന്നതിനാൽ അക്കാലം തിരിച്ചുപിടിക്കാനായി പാർട്ടി നടത്തുന്ന ശ്രമങ്ങൾക്ക് സവിശേഷമായ തലങ്ങളുണ്ട്.
‘തൃശൂരിൽ ഇടതു വോട്ട് ചോർന്നു; ‘ജീവൻ രക്ഷാപ്രവർത്തനം’ തെറ്റ്; സിപിഐയിൽ പുതിയ ചേരി നോക്കേണ്ട’

കേരളത്തിൽ നിന്നുള്ള സിപിഐയുടെ ദേശീയ നിർവാഹകസമിതി അംഗം എന്ന നിലയിൽ സംസ്ഥാനത്തെ സിപിഐ ശ്രേണിയിൽ രണ്ടാമനാണ് കെ.പ്രകാശ് ബാബു. എന്നാൽ പദവി കൊണ്ട് ശക്തനെങ്കിലും രാജ്യസഭയിലേക്കും സിപിഐ കേന്ദ്ര സെക്രട്ടേറിയറ്റിലേക്കും ഒഴിവുകൾ ഉണ്ടായപ്പോൾ പരിഗണിക്കപ്പെട്ടെങ്കിലും ഒടുവിൽ പ്രകാശ് ബാബു തഴയപ്പെട്ടു. സംഘടനയിലും അതിന്റെ രാഷ്ട്രീയത്തിലും സ്വാധീനശക്തിയായി തുടരുമ്പോഴും അവസരങ്ങൾ വരുമ്പോൾ അദ്ദേഹത്തിന് കാര്യങ്ങൾ ഭദ്രമല്ല. ഒരു ഘട്ടത്തിൽ കാനം രാജേന്ദ്രനു പിൻഗാമിയായി അദ്ദേഹം വരുമെന്ന പ്രചാരണം ശക്തമായിരുന്നെങ്കിലും സിപിഐയുടെ കേന്ദ്ര–സംസ്ഥാന നേതൃത്വങ്ങൾ യോജിപ്പോടെ തീരുമാനിച്ചത് ബിനോയ് വിശ്വത്തിന്റെ പേരാണ്. സമീപകാല സംഭവവികാസങ്ങൾ ഇരുവരുടെയും ബന്ധത്തിൽ വിളളലുകൾ സൃഷ്ടിച്ചെന്നു കരുതുന്നവരുണ്ട്. സിപിഐയുടെ രാഷ്ട്രീയ നിലപാടുകൾ ആർജവത്തോടെ വ്യക്തമാക്കാറുള്ള കെ.പ്രകാശ് ബാബു ലോക്സഭാ തിരഞ്ഞെടുപ്പ് തോൽവിയുടെ കൂടി പശ്ചാത്തലത്തിൽ ഈ വിവാദങ്ങളെക്കുറിച്ച് മലയാള മനോരമ തിരുവനന്തപുരം ചീഫ് ഓഫ് ബ്യൂറോ സുജിത് നായരോട് ‘ക്രോസ് ഫയറിൽ’ സംസാരിക്കുന്നു.
ലക്ഷ്യം അദാനിയും മോദിയും; ഹിൻഡൻബർഗിനു പിന്നിലാര്? രാഹുലോ ചൈനയോ 8000 കോടി പോക്കറ്റിലാക്കിയ സോറോസോ?

വൻകിട വ്യവസായ സാമ്രാജ്യത്തിന്റെ അധിപനായ അദാനിയെ അപകീർത്തിപ്പെടുത്താൻ ആരോപണങ്ങൾ ഒന്നൊന്നായി ഉന്നയിച്ചുവരുന്ന ഹിൻഡൻബർഗിനു പിന്നിൽ രാഹുൽ ഗാന്ധിയോ? ഹിൻഡൻബർഗ് എന്ന ഗവേഷണ സ്ഥാപനം സ്ഥിരമായി അദാനി ഗ്രൂപ്പിനെ പ്രതിക്കൂട്ടിൽ നിർത്തുമ്പോൾ അദാനിയുടെ അഭ്യുദയകാംക്ഷി എന്ന് ആരോപിച്ചു പ്രധാനമന്ത്രി നരേന്ദ്ര മോദിയെ കൂട്ടുപ്രതിയായി ചിത്രീകരിക്കാൻ ശ്രമിക്കുന്നവരുണ്ട്. മോദിയെ അദാനി ബന്ധം ആരോപിച്ചു സ്ഥിരമായി വിമർശിക്കുന്ന പ്രതിപക്ഷ നേതാവ് രാഹുൽ ഗാന്ധിയുടെ നേർക്കു സംശയത്തിന്റെ വിരൽ നീളുന്നത് ഈ പശ്ചാത്തലത്തിലാണ്. സത്യാവസ്ഥ എന്താണ്? അതറിയാൻ ഏറെ അന്വേഷണങ്ങൾ ആവശ്യമുണ്ട്. കാരണം, ദുരൂഹതകളും അത്രയ്ക്ക് ഏറെയാണ്. അദാനി ഗ്രൂപ്പിനെ ലക്ഷ്യമിട്ട് ഹിൻഡൻബർഗ് ആദ്യ ബോംബു പൊട്ടിച്ചതു കഴിഞ്ഞ വർഷം ജനുവരി 24ന് ആയിരുന്നു. 21,000 കോടിയോളം രൂപയുടെ സമാഹരണ ലക്ഷ്യവുമായി അദാനി എന്റർപ്രൈസസ് മൂലധന വിപണിയെ സമീപിക്കാനിരുന്നതിനു രണ്ടു ദിവസം
ഭരിക്കാൻ വനിത വേണ്ട; മുടി മുതൽ രക്തം വരെയെടുത്തു; മൃതദേഹങ്ങൾ കടലിൽ; അത് ആത്മഹത്യയെന്ന് ഉറപ്പുണ്ടോ?

യുഎസ് പ്രസിഡന്റ് തിരഞ്ഞെടുപ്പിലെ അപ്രതീക്ഷിത ചുവടുമാറ്റങ്ങൾ, ഒളിംപിക്സിലെ അസാധാരണ സംഭവങ്ങൾ, പസിഫിക് സമുദ്രത്തിലെ കുഞ്ഞു ദ്വീപായ സായ്പെയുടെ അറിയാ കഥകൾ, റിട്ടയർമെന്റ് ജീവിതത്തിലെ സാമ്പത്തിക സുരക്ഷ, ബംഗ്ലദേശ് കലാപം തുടങ്ങി പോയവാരം മനോരമ ഓൺലൈൻ പ്രീമിയം വായനക്കാരുടെ മനംകവർന്നത് ഒട്ടേറെ വാർത്തകളാണ്. രാജ്യം ഞെട്ടലോടെ ഓർക്കുന്ന നിർഭയ കേസിലെ പ്രതികൾ, കശ്മീർ വിഘടനവാദിയായിരുന്ന മഖ്ബൂൽ ഭട്ട്, പാർലമെന്റ് ഭീകരാക്രമണക്കേസിൽ തൂക്കിലേറ്റപ്പെട്ട അഫ്സൽ ഗുരു തുടങ്ങി രാജ്യം ശ്രദ്ധിച്ച പ്രതികളിൽ പലരുടെയും അന്ത്യം തിഹാറിനുള്ളിലെ കഴുമരത്തിലായിരുന്നു. ഈ സംഭവങ്ങളെല്ലാമായും ചേർത്ത് തിഹാർ വാർത്തകളിൽ നിറഞ്ഞിരുന്നു. ഇവയ്ക്കെല്ലാം പുറമേ 1996ൽ പുറത്തിറങ്ങിയ ‘യുവതുർക്കി’ എന്ന സുരേഷ് ഗോപി ചിത്രം കണ്ടിട്ടുള്ള മലയാളികൾക്കാർക്കും തിഹാറിനെ പ്രത്യേകം പരിചയപ്പെടുത്തേണ്ട കാര്യവുമില്ല. ഇന്ത്യയിലെ ആരോപണ വിധേയരായ പ്രമുഖ രാഷ്ട്രീയക്കാർ മുതൽ കുപ്രസിദ്ധ കുറ്റവാളികൾ വരെ കഴിയുന്ന ഏഷ്യയിലെ ഏറ്റവും വലിയ ജയിലായ തിഹാറിനുള്ളിലെ സംഭവങ്ങൾ ഒരു ത്രില്ലർ സിനിമ കണക്കെ
മാറ്റി നിർത്തിയാലുമറിയും, ‘ഇതെന്റെ അമ്മയല്ല’; ‘സ്നേഹപ്പശ’ മാറ്റും വേദന’; അമ്മ സ്നേഹത്തിന് കാരണമുണ്ട്!

ബ്രിട്ടിഷ് മനഃശാസ്ത്രജ്ഞനായ ഡോ. ജോൺ ബൗൾബിയാണു കുട്ടികളുടെ സാമൂഹികവും വൈകാരികവുമായ വികാസത്തിൽ പ്രഥമപരിചാരകരുടെ പങ്കു സ്ഥിരീകരിച്ച സിദ്ധാന്തം ആവിഷ്കരിച്ചത്. നാമടക്കമുള്ള സർവജീവികളിലും കണ്ടുവരുന്ന തള്ള, പിള്ള ബന്ധത്തിനു പിന്നിലെ ശാസ്ത്രരഹസ്യം കണ്ടെത്താൻ ഗവേഷകർ ശ്രമിക്കുകയാണ്. മനുഷ്യമസ്തിഷ്കത്തിൽ രാസപദാർഥങ്ങൾ കുത്തിവച്ചു പഠനം നടത്താൻ പറ്റില്ല. മൃതശരീരങ്ങളിലും ഈ പരീക്ഷണം നടത്താനാവില്ല. അതിനു പരിഹാരമാണു ചുണ്ടെലി. ജനിതകമായി നമ്മുടെ അസ്സൽ പതിപ്പാണ് എലി. അതിന്റെ ശരീരത്തിനകത്തു നടക്കുന്ന പ്രക്രിയകളെല്ലാം ഏറക്കുറെ നമ്മുടേതുപോലെ തന്നെയാണ്. വളർത്താൻ എളുപ്പം, സൗകര്യപൂർവം ജനിതക ഭേദഗതികൾ വരുത്താം; ലക്ഷണമൊത്ത പരീക്ഷണ മൃഗം. ഡോ. ഡൊലാരി കാർബോൺ ഈയിടെ പറഞ്ഞ കണക്കനുസരിച്ച് അമേരിക്കൻ ഗവേഷണ കേന്ദ്രങ്ങൾക്കു വർഷം 11 കോടി ചുണ്ടെലികൾ വേണം. പ്രേമ ഹോർമോൺ എന്ന ഓമനപ്പേരിൽ അറിയപ്പെടുന്ന ഓക്സിടോസിൻ എന്ന ഹോർമോണാണ് അമ്മയെയും കുഞ്ഞിനെയും ചേർത്തുപിടിക്കുന്ന പ്രകൃതിയുടെ പശ. യുഎസിലെ അറ്റ്ലാന്റയിലുള്ള യെർകസ് ദേശീയ ആൾക്കുരങ്ങു ഗവേഷണകേന്ദ്രത്തിൽ ഡോ. ലാരി യങ് ചുണ്ടെലിയുടെ ബന്ധുവായ വോൾ എന്ന കാട്ടെലിയെ രണ്ടു പതിറ്റാണ്ട് നിരീക്ഷിച്ചു. ജീവിതകാലം മുഴുവൻ ഏകപങ്കാളി വ്രതമനുഷ്ഠിക്കുന്ന ഇവയുടെ

Results 1-100 of 983

Opinion And Analysis

our sites

about

QUICK LINKS

EXPERIENCE MANORAMA ONLINE PREMIUM

Our Sites