Activate your premium subscription today
‘ഇറ്റലിയിൽ നിന്നുള്ള ഒരു ടെന്നിസ് കളിക്കാരൻ’– യാനിക് സിന്നർ എന്ന ഇരുപത്തിമൂന്നുകാരന്റെ സോഷ്യൽ മീഡിയ ഹാൻഡിലുകളിൽ പേരിനൊപ്പം ചേർത്തിരിക്കുന്ന വിശേഷണം ഇപ്രകാരമാണ്. എന്നാൽ, യുഎസ് ടെന്നിസ് പുരുഷ സിംഗിൾസ് ഫൈനൽ മത്സരം കഴിഞ്ഞതിനു പിന്നാലെ ആരാധകർ അതൽപം പരിഷ്കരിച്ചു– യുഎസ് ഓപ്പൺ സിംഗിൾസ് വിജയിയാകുന്ന ആദ്യ ഇറ്റാലിയൻ പുരുഷ താരം!
ന്യൂയോര്ക്ക്∙ യുഎസ് ഓപ്പൺ പുരുഷ സിംഗിൾസ് കിരീടം ഇറ്റാലിയൻ താരം യാനിക് സിന്നറിന്. ഫൈനൽ പോരാട്ടത്തിൽ യുഎസിന്റെ ടെയ്ലർ ഫ്രിറ്റ്സിനെ 6–3,6–4, 7–5 എന്ന സ്കോറിനാണ് സിന്നർ തോൽപിച്ചത്. സിന്നറുടെ രണ്ടാം ഗ്രാൻഡ് സ്ലാം കിരീടമാണിത്. ഈ വര്ഷം ആദ്യം ഓസ്ട്രേലിയൻ ഓപ്പൺ കിരീടവും 23 വയസ്സുകാരനായ താരം വിജയിച്ചിരുന്നു.
ന്യൂയോർക്ക്∙ യുഎസ് ഓപ്പണിനായി വിവാഹം തന്നെ മാറ്റിവച്ച യുക്രെയ്ൻ താരം ല്യുഡ്മില കിഷ്നോക്കിന്റെ തീരുമാനം വെറുതെയായില്ല; വനിതാ വിഭാഗം ഡബിൾസിൽ ലാത്വിയൻ താരം യെലേന ഓസ്റ്റപെങ്കോയ്ക്കൊപ്പം കിഷ്നോക്കിന് ഗ്രാൻസ്ലാം കിരീടത്തിന്റെ തിളക്കം. വിവാഹം നീട്ടിവച്ച് രണ്ടാം ദിവസമാണ് കിഷ്നോക്, യെലേനയ്ക്കൊപ്പം കിരീടം ചൂടിയത്.
ന്യൂയോർക്ക്∙ കഴിഞ്ഞ വർഷം ഫ്ലഷിങ് മഡോസിലെ ഹാർഡ് കോർട്ടിൽ വീണ തന്റെ കണ്ണീർ, ഇന്നലെ ഒരു നിറപുഞ്ചിരിയോടെ അരീന സബലേങ്ക തുടച്ചുനീക്കി. യുഎസ് ഓപ്പൺ വനിതാ സിംഗിൾസ് ഫൈനലിലെ സൂപ്പർ പോരാട്ടത്തിൽ യുഎസ്എയുടെ ജെസിക്ക പെഗുലയെ നേരിട്ടുള്ള സെറ്റുകൾക്ക് (7–5, 7–5) കീഴടക്കിയ ബെലാറൂസ് താരം സബലേങ്കയ്ക്ക് മൂന്നാം ഗ്രാൻസ്ലാം കിരീടം. കഴിഞ്ഞ വർഷത്തെ ഫൈനലിൽ യുഎസിന്റെ യുവതാരം കൊക്കോ ഗോഫിനെതിരെ ആദ്യ സെറ്റ് ആധികാരികമായി നേടിയ ശേഷമാണ് അടുത്ത രണ്ടു സെറ്റും കിരീടവും ഇരുപത്തിയാറുകാരി സബലേങ്ക കൈവിട്ടത്.
ന്യൂയോർക്ക്∙ യുഎസ് ഓപ്പൺ ടെന്നിസിൽ ഇത്തവണ ഇറ്റലിയുടെ യാനിക് സിന്നറും യുഎസ് താരം ടെയ്ലർ ഫ്രിറ്റ്സും ഏറ്റുമുട്ടും. ആവേശകരമായ സെമിപോരാട്ടങ്ങളിൽ ഇറ്റലിയുടെ ലോക ഒന്നാം നമ്പർ താരം യാനിക് സിന്നർ, 25–ാം സീഡായ ബ്രിട്ടിഷ് താരം ജാക്ക് ഡ്രേപ്പറിനെയും 12–ാം സീഡ് ടെയ്ലർ ഫ്രിറ്റ്സ് സ്വന്തം നാട്ടുകാരനായ 20–ാം സീഡായ ഫ്രാൻസസ് ടിഫോയിയെയുമാണ് തോൽപ്പിച്ചത്. ഇരുവരുടെയും ആദ്യ യുഎസ് ഓപ്പൺ ഫൈനലാണിത്.
ന്യൂയോർക്ക്∙ യുഎസ് ഓപ്പൺ വനിതാ സിംഗിൾസ് ഫൈനലില് ബെലാറൂസ് താരം അരീന സബലേങ്കയും യുഎസിന്റെ ജെസിക്ക പെഗുലയും ഏറ്റുമുട്ടും. സെമി ഫൈനലിൽ യുഎസിന്റെ തന്നെ എമ്മ നവാരോയെയാണ് സബലേങ്ക തോൽപിച്ചത്. സ്കോർ 3–6, 6–7 (2–7).
ന്യൂയോർക്ക് ∙ യുഎസ് ഓപ്പൺ ടെന്നിസിൽ സെമിഫൈനൽ ലൈനപ്പായതോടെ ഇത്തവണ പുരുഷ, വനിതാ വിഭാഗങ്ങളിൽ പുതിയ ചാംപ്യൻ ഉണ്ടാകുമെന്ന് ഉറപ്പായി. പുരുഷ വിഭാഗത്തിൽ ഒന്നാം സീഡ് യാനിക് സിന്നർ, അഞ്ചാം സീഡായ ഡാനിൽ മെദ്വെദേവിനെ വീഴ്ത്തി സെമിയിൽ കടന്നു. 25–ാം സീഡായ ബ്രിട്ടിഷ് താരം ജാക്ക് ഡ്രാപ്പറാണ് സെമിയിൽ സിന്നറിന്റെ എതിരാളി. മറ്റൊരു സെമിയിൽ യുഎസ് താരങ്ങളായ 12–ാം സീഡ് ടെയ്ലർ ഫ്രിറ്റ്സും ഫ്രാൻസസ് ടിഫോയിയും ഏറ്റുമുട്ടും. ഇതിനു മുൻപ് ഫ്രാൻസസ് ടിഫോയി മാത്രമാണ് യുഎസ് ഓപ്പണിന്റെ സെമിയെങ്കിലും കളിച്ചിട്ടുള്ളത്. 2022ലായിരുന്നു ഇത്.
ന്യൂയോർക്ക്∙ യുഎസ് ഓപ്പൺ മിക്സഡ് ഡബിൾസ് സെമി ഫൈനലിൽ തോറ്റ് രോഹന് ബൊപ്പണ്ണ–അൽദില സുജിയാദി സഖ്യം. യുഎസിന്റെ ടെയ്ലർ ടൗൺസെന്ഡ്– ഡോണൾഡ് യങ് സഖ്യത്തോട് 6–3, 6–4 എന്ന സ്കോറിനാണ് ഇന്ത്യ– തായ്ലൻഡ് സഖ്യം തോറ്റത്.
യുഎസ് ഓപ്പൺ പുരുഷ ഡബിൾസിൽ രണ്ടാം സീഡായ രോഹൻ ബൊപ്പണ്ണ–മാത്യു എബ്ദൻ സഖ്യം പുറത്ത്. അർജന്റീന താരങ്ങളായ മാക്സിമോ ഗോൺസാലസ്–ആന്ദ്രെ മോൾട്ടനി എന്നിവരോടാണ് പ്രീക്വാർട്ടറിൽ ഇരുവരും തോൽവി സമ്മതിച്ചത് (6–1,7–5). 16–ാം സീഡായ അർജന്റീന സഖ്യത്തിനെതിരെ പിടിച്ചുനിൽക്കാൻ ഓസ്ട്രേലിയൻ ഓപ്പൺ ജേതാക്കളായ ഇന്ത്യൻ–ഓസ്ട്രേലിയൻ കൂട്ടുകെട്ടിനായില്ല.
യുഎസ് ഓപ്പൺ ടെന്നിസ് പുരുഷ സിംഗിൾസിൽ ലോക ഒന്നാം നമ്പർ ഇറ്റലിയുടെ യാനിക് സിന്നർ വിജയക്കുതിപ്പു തുടരുന്നു. ഓസ്ട്രേലിയയുടെ ക്രിസ്റ്റഫർ ഒകോനലിനെ 6-1, 6-4, 6-2 എന്ന സ്കോറിനു മറികടന്ന ഇരുപത്തിമൂന്നുകാരൻ സിന്നർ നാലാം റൗണ്ടിൽ കടന്നു. യുഎസ്എയുടെ ടോമി പോളാണ് ഇന്നു നടക്കുന്ന മത്സരത്തിൽ സിന്നറുടെ എതിരാളി.
ന്യൂയോർക്ക്∙ യുഎസ് ഓപ്പണിൽ വമ്പൻമാരുടെ അടിവേരിളക്കുന്ന അട്ടിമറിക്കഥകൾ തുടരുന്നു. മൂന്നാം സീഡായ സ്പാനിഷ് താരം കാർലോസ് അൽകാരസിനു പിന്നാലെ, നിലവിലെ ചാംപ്യനും സെർബിയൻഡ സൂപ്പർ താരവുമായ നൊവാക് ജോക്കോവിച്ചും മൂന്നാം റൗണ്ടിൽ പുറത്ത്. ഓസ്ട്രേലിയയുടെ 28–ാം സീഡായ അലെക്സി പോപിറിനാണ് ജോക്കോവിച്ചിനെ
ന്യൂയോർക്ക്∙ യുഎസ് ഓപ്പണിലെ വൻ അട്ടിമറിയിൽ മൂന്നാം സീഡായ സ്പാനിഷ് താരം കാർലോസ് അൽകാരസ് രണ്ടാം റൗണ്ടിൽ തോറ്റു പുറത്ത്. നെതർലൻഡ്സ് താരം ബോട്ടിക് വാൻ ഡെ സാൻഡ്ഷൂൽപാണ് അൽകാരസിനെ അട്ടിമറിച്ചത്. 74–ാം റാങ്കുകാരനായ നെതർലൻഡ്സ് താരത്തോട് നേരിട്ടുള്ള സെറ്റുകൾക്കാണ് അൽകാരസിന്റെ തോൽവി. സ്കോർ: 1-6, 5-6, 4-6.
ന്യൂയോർക്ക് ∙ വിമ്പിൾഡനിലെ പുൽകോർട്ടിൽ കിരീടം ചൂടിയ ബാർബറ ക്രെജിക്കോവ യുഎസ് ഓപ്പണിലെ ഹാർഡ് കോർട്ടിൽ രണ്ടാം റൗണ്ടിൽ തന്നെ വീണു. യോഗ്യതാ റൗണ്ട് കടന്നെത്തിയ റുമാനിയയുടെ എലെന ഗബ്രിയേല റൂസ് ആണ് ചെക്ക് റിപ്പബ്ലിക് താരം ക്രെജിക്കോവയെ നേരിട്ടുള്ള സെറ്റുകൾക്കു വീഴ്ത്തിയത് (6–4,7–5). ഇവിടെ 8–ാം സീഡായിരുന്നു ക്രെജിക്കോവ. ലോക റാങ്കിങ്ങിൽ 122–ാം സ്ഥാനത്തുള്ള ഇരുപത്തിയാറുകാരി ഗബ്രിയേല ഇതാദ്യമായിട്ടാണ് എതെങ്കിലും ഗ്രാൻസ്ലാം ടൂർണമെന്റിൽ രണ്ടാം റൗണ്ടിനപ്പുറം മുന്നേറുന്നത്.
യുഎസ് ഓപ്പൺ ടെന്നിസിൽ ഗ്രീക്ക് താരം സ്റ്റെഫാനോസ് സിറ്റ്സിപാസിന്റെ ദൗർഭാഗ്യം തുടരുന്നു. ഓസ്ട്രേലിയയുടെ തനാസി കൊക്കിനാകിസിനോട് തോറ്റ ( 7-6, 4-6, 6-3, 7-5) ഇരുപത്തിയാറുകാരൻ സിറ്റ്സിപാസ് ആദ്യ റൗണ്ടിൽ തന്നെ പുറത്തായി. ഓസ്ട്രേലിയൻ ഓപ്പൺ, ഫ്രഞ്ച് ഓപ്പൺ ഗ്രാൻസ്ലാം ടൂർണമെന്റുകളിൽ ഫൈനലിസ്റ്റായ സിറ്റ്സിപാസിന് യുഎസ് ഓപ്പണിൽ ഇതുവരെ മൂന്നാം റൗണ്ടിനപ്പുറം കടക്കാനായിട്ടില്ല.
യുഎസ് ഓപ്പൺ ടെന്നിസ് പുരുഷ സിംഗിൾസ് ആദ്യ റൗണ്ടിൽ ജർമൻ താരം അലക്സാണ്ടർ സ്വരേവിനു ജയം. നാലു സെറ്റ് നീണ്ട പോരാട്ടത്തിൽ ജർമൻ താരം തന്നെയായ മാക്സിമിലിയൻ മാർട്ടെററിനെയാണ് 4–ാം സീഡ് സ്വരേവ് തോൽപിച്ചത് (6–2,6–7,6–3,6–2).
ന്യൂയോർക്ക് ∙ കരിയറിലെ ഏറ്റവും വലിയ വിജയമെന്നാണ് മൂന്നാഴ്ച മുൻപ് പാരിസ് ഒളിംപിക്സിലെ തന്റെ സ്വർണമെഡൽ നേട്ടത്തെ നൊവാക് ജോക്കോവിച്ച് വിശേഷിപ്പിച്ചത്. ഗ്രാൻസ്ലാം കിരീടങ്ങളിലെ റെക്കോർഡിനൊപ്പം ഒളിംപിക്സ് സ്വർണവും നേടി ചരിത്രത്തിന്റെ കോർട്ടിൽ അജയ്യനായി നിൽക്കുമ്പോഴും നേട്ടങ്ങളിലേക്കുള്ള തന്റെ യാത്ര അവസാനിച്ചിട്ടില്ലെന്നാണ് ജോക്കോവിച്ചിന്റെ പ്രഖ്യാപനം.
ഒഹായോ ∙ സിൻസിനാറ്റി ഓപ്പൺ ടെന്നിസ് പുരുഷ വിഭാഗം കിരീടം ലോക ഒന്നാം നമ്പർ താരം ഇറ്റലിയുടെ യാനിക് സിന്നറിന്. ആവേശകരമായ കലാശപ്പോരിൽ യുഎസ് താരം ഫ്രാൻസിസ് ടിഫോയെ വീഴ്ത്തിയാണ് സിന്നറിന്റെ കിരീടനേട്ടം. സ്കോർ: 7-6(4), 6-2. ഈ വർഷം മാത്രം സിന്നറിന്റെ അഞ്ചാം കിരീടനേട്ടമാണിത്. ഇതോടെ, വരുന്ന യുഎസ് ഓപ്പണിൽ സിന്നർ കിരീടസാധ്യതയും വർധിപ്പിച്ചു.
ന്യൂയോർക്ക് ∙ സിൻസിനാറ്റി ഓപ്പൺ ടെന്നിസ് ടൂർണമെന്റിലെ പ്രീ ക്വാർട്ടർ തോൽവിക്കു പിന്നാലെ റാക്കറ്റ് തല്ലിത്തകർത്ത് സ്പാനിഷ് താരം കാർലോസ് അൽകാരസ്. ഫ്രാൻസിന്റെ മുപ്പത്തിയേഴുകാരൻ ഗെയ്ൽ മോൺഫിൽസിനോടാണ് ഇരുപത്തിയൊന്നുകാരൻ അൽകാരസ് അപ്രതീക്ഷിത തോൽവി വഴങ്ങിയത്. സ്കോർ: 4-6, 7-6, 6-4. വ്യാഴാഴ്ച രാത്രി ആരംഭിച്ച മത്സരം മഴമൂലം അടുത്ത ദിവസത്തേക്ക് നീട്ടിവയ്ക്കുകയായിരുന്നു.
പാരിസ് ∙ കരിയറിലെ അവസാന ഒളിംപിക്സിൽ ആ മോഹവും നൊവാക് ജോക്കോവിച്ച് സഫലീകരിച്ചു. ഒളിംപിക്സ് പുരുഷ സിംഗിൾസിൽ സ്പാനിഷ് താരം കാർലോസ് അൽകാരസിനെ വീഴ്ത്തി ജോക്കോവിച്ചിന് സ്വർണം. നേരിട്ടുള്ള സെറ്റുകൾക്കാണ് ജോക്കോവിച്ച് അൽകാരസിനെ വീഴ്ത്തിയത്. ഇരു സെറ്റുകളിലും ടൈബ്രേക്കറിലാണ് ജോക്കോവിച്ച് ജയിച്ചു കയറിയത്. സ്കോർ: 7 – 6, 7 – 6.
ഒളിംപിക്സ് പുരുഷ സിംഗിൾസ് ഫൈനലിൽ നൊവാക് ജോക്കോവിച്ചും കാർലോസ് അൽകാരസും നേർക്കുനേർ. ഇന്നലെ നടന്ന സെമിഫൈനലിൽ സെർബിയൻ താരം ജോക്കോവിച്ച് ഇറ്റലിയുടെ ലൊറൻസോ മുസെറ്റിയെ തോൽപിച്ചു (6–4, 6–2). കനേഡിയൻ താരം ഫെലിക്സ് അലിയാസിമെയെ നിഷ്പ്രഭനാക്കി (6–1,6–1) സ്പാനിഷ് താരം അൽകാരസ് നേരത്തേ ഫൈനലിലെത്തിയിരുന്നു.
കളിമണ്ണിലെ കരുത്തരായ രണ്ടു പേർ ഒളിംപിക് ടെന്നിസ് മത്സരങ്ങളിൽ നിന്നു പുറത്ത്. 14 വട്ടം റൊളാങ് ഗാരോസിൽ ഫ്രഞ്ച് ഓപ്പൺ ചാംപ്യനായിട്ടുള്ള റാഫേൽ നദാലിന്റെ ഒളിംപിക് യാത്ര ഇന്നലെ അതേ കോർട്ടിൽ അവസാനിച്ചു. പുരുഷ സിംഗിൾസിൽ നിന്ന് നേരത്തേ പുറത്തായ നദാൽ ഇന്നലെ കാർലോസ് അൽകാരസിനൊപ്പം ഡബിൾസിലും പരാജയപ്പെട്ടു.
ന്യൂഡൽഹി∙ പോർച്ചുഗലിൽ നടക്കുന്ന ഐടിഎഫ് ലോക ടെന്നിസ് മാസ്റ്റേഴ്സ് ചാംപ്യൻഷിപ്പിനുള്ള ഇന്ത്യൻ ടീമിനെ മുപ്പത്തിനാലുകാരിയായ മോണിക്ക മേനോൻ നയിക്കും. ഓഗസ്റ്റ് നാലു മുതൽ ഒൻപതു വരെയാണ് ടൂർണമെന്റ്. മോണിക്കയെ കൂടാതെ മീനു ശുക്ല, ജ്യോതി, സഞ്ജന മഹേന്ദ്ര റാവൽ എന്നിവരാണ് ഇന്ത്യൻ ടീമിലുള്ളത്. എല്ലാവരും 30 വയസ്സിനു
തൃശൂർ ∙ ഇന്ത്യൻ ടെന്നിസിലെ ഇതിഹാസങ്ങളായ ലിയാൻഡർ പെയ്സും മഹേഷ് ഭൂപതിയും തമ്മിൽ സൗഹൃദമില്ലാതിരുന്ന കാലം. 2004ൽ ന്യൂസീലൻഡിൽ ഡേവിസ് കപ്പിനായി ഇന്ത്യൻ ടീമിനെ തിരഞ്ഞെടുത്തപ്പോൾ പെയ്സും ഭൂപതിയും ഉൾപ്പെട്ടു. ഇവർ രമ്യതയിലല്ലെങ്കിൽ എങ്ങനെ ടൂർണമെന്റ് വിജയിക്കുമെന്ന ആശങ്ക ടെന്നിസ് തലപ്പത്തുണ്ടായി.
പാരിസ് ∙ ഒളിംപിക് ടെന്നിസ് വനിതാ സിംഗിൾസിൽ നാടകീയ രംഗങ്ങൾക്കൊടുവിൽ യുഎസ് താരം കൊക്കോ ഗോഫ് പുറത്ത്. മൂന്നാം റൗണ്ടിൽ ക്രൊയേഷ്യയുടെ ഡോണ വെകിച്ചിനോടു പരാജയപ്പെട്ട ഇരുപതുകാരി ഗോഫ് കണ്ണീരോടെയാണ് കളം വിട്ടത്. സ്കോർ: 7–6,6–2. ഒരു ലൈൻ കോളിന്റെ പേരിൽ അംപയറോടു ദീർഘനേരം തർക്കിച്ചതിനു പിന്നാലെയാണ് ഇവിടെ രണ്ടാം സീഡായ ഗോഫിന്റെ തോൽവി.
പാരിസ് ∙ തന്റെ പ്രിയപ്പെട്ട ‘കളിമണ്ണായ’ റൊളാങ് ഗാരോസിൽ ഒരു ഒളിംപിക് സിംഗിൾസ് സ്വർണം എന്ന റാഫേൽ നദാലിന്റെ സ്വപ്നം പൊലിഞ്ഞു– നൊവാക് ജോക്കോവിച്ചിനു മുന്നിൽത്തന്നെ! ഡബിൾസിലും സിംഗിൾസിലുമായി 3 ദിവസത്തിനുള്ളിൽ മൂന്നാം മത്സരം കളിച്ച നദാലിനെ നിഷ്പ്രഭനാക്കി സെർബിയൻ താരം ജോക്കോ പുരുഷ സിംഗിൾസ് മൂന്നാം റൗണ്ടിൽ കടന്നു.
പാരിസ് ∙ ഒളിംപിക്സ് ടെന്നിസിൽ ഇന്ത്യയുടെ പ്രതീക്ഷകൾക്ക് അൽപായുസ്സ്. പുരുഷ ഡബിൾസിൽ രോഹൻ ബൊപ്പണ്ണ– എൻ. ശ്രീരാം ബാലാജി സഖ്യം ആദ്യ മത്സരത്തിൽ പുറത്തായി. ഫ്രാൻസിന്റെ എദ്വാർദ് റോജെ– ഗയ്ൽ മോൻഫിസ് ജോടിയോട് 5–7, 2–6ന് ആണു തോൽവി. നേരത്തേ, പുരുഷ സിംഗിൾസിൽ സുമിത് നാഗൽ തോറ്റു പുറത്തായിരുന്നു.
പാരിസ് ∙ ഒളിംപിക് പുരുഷ ടെന്നിസ് സിംഗിൾസ് രണ്ടാം റൗണ്ടിൽ റാഫേൽ നദാൽ–നൊവാക് ജോക്കോവിച്ച് സൂപ്പർ പോരാട്ടം. ഇന്നലെ ആദ്യ റൗണ്ടിൽ സ്പെയിൻ താരം നദാൽ ഹംഗറിയുടെ മാർട്ടൻ ഫുചോവിറ്റ്സിനെ തോൽപിച്ചു. മൂന്നു സെറ്റ് നീണ്ട പോരാട്ടത്തിലാണ് നദാലിന്റെ ജയം (6–1,4–6,6–4). സെർബിയൻ താരം ജോക്കോവിച്ച് കഴിഞ്ഞ ദിവസം ഓസ്ട്രേലിയൻ താരം മാത്യു എബ്ഡനെ രണ്ടു സെറ്റിൽ തകർത്തു വിട്ടിരുന്നു (6–0,6–1).
പാരിസ്∙ ഒളിംപിക്സ് ടെന്നിസിൽ ഇന്ത്യയുടെ മെഡൽ പ്രതീക്ഷകൾക്ക് അവസാനം. പുരുഷ ഡബിൾസില് രോഹൻ ബൊപ്പണ്ണ– ശ്രീറാം ബാലാജി സഖ്യം അടുത്ത റൗണ്ടിലെത്താതെ പുറത്തായി. ആദ്യ റൗണ്ടിൽ ഫ്രഞ്ച് സഖ്യമായ എഡ്വാർഡ് റോജർ– ഗെൽ മോൺഫിൽസ് എന്നിവരോടാണ് ഇന്ത്യ
ഫ്രഞ്ച് ഓപ്പൺ ചാംപ്യന്മാരായ റാഫേൽ നദാലിനും നൊവാക് ജോക്കോവിച്ചിനും കാർലോസ് അൽകാരസിനും വേണ്ടി റൊളാങ് ഗാരോസിലെ കളിമൺകോർട്ടിൽ ഇന്നു വീണ്ടും ആർപ്പുവിളികളുയരും. ഇക്കുറി അരങ്ങ് ഒളിംപിക്സിന്റേതാണെന്ന വ്യത്യാസം മാത്രം. നദാലും അൽകാരസും സ്പെയിനിന്റെ ഡബിൾസ് ടീമിലെ പങ്കാളികളുമാണ്.
കരിയറിലെ നാലാമത്തെ ഒളിംപിക്സിന് ഇറങ്ങുന്ന നാൽപത്തിനാലുകാരൻ രോഹൻ ബൊപ്പണ്ണ. രണ്ടാം ഒളിംപിക്സിന് ഇറങ്ങുന്ന ഇരുപത്തിയാറുകാരൻ സുമിത് നാഗൽ. ആദ്യ ഒളിംപിക്സിന് ഇറങ്ങുന്ന മുപ്പത്തിനാലുകാരൻ ശ്രീറാം ബാലാജി. പാരിസ് ഒളിംപിക്സിൽ ഡബിൾസ് മത്സരത്തിൽ രോഹനും ശ്രീറാമും ഒന്നിക്കും.
ടോൺസിലൈറ്റിസ് അസുഖം മൂലം ഒളിംപിക്സ് പുരുഷ ടെന്നിസ് മത്സരത്തിൽ നിന്നു പിൻമാറി ഇറ്റാലിയൻ താരം യാനിക് സിന്നർ. ഇരുപത്തിരണ്ടുകാരൻ സിന്നറായിരുന്നു ഒളിംപിക്സ് പുരുഷ സിംഗിൾസിലെ ഒന്നാം സീഡ് താരം.
പാരിസ് ഒളിംപിക്സോടെ ടെന്നിസ് കരിയർ അവസാനിപ്പിക്കുമെന്നു ബ്രിട്ടിഷ് താരം ആൻഡി മറെ. ഒളിംപിക്സിൽ രണ്ടുവട്ടം പുരുഷ സിംഗിൾസിൽ സ്വർണമെഡൽ ജേതാവായിട്ടുള്ള മുപ്പത്തിയേഴുകാരൻ മറെ സമൂഹമാധ്യമത്തിലൂടെയാണു വിരമിക്കൽ പ്രഖ്യാപനം അറിയിച്ചത്.
∙1988ലെ സോൾ ഒളിംപിക്സ് ടെന്നിസിൽ വനിതാ സിംഗിൾസിൽ ജേതാവായ ജർമനിയുടെ (അന്നു പശ്ചിമ ജർമനി) സ്റ്റെഫി ഗ്രാഫ് ചരിത്രത്തിലേക്കാണ് എയ്സ് പായിച്ചത്. അതേ വർഷം 4 ഗ്രാൻസ്ലാം (ഓസ്ട്രേലിയൻ ഓപ്പൺ, യുഎസ് ഓപ്പൺ, ഫ്രഞ്ച് ഓപ്പൺ, വിമ്പിൾഡൻ) ടൂർണമെന്റുകളിൽ ജേതാവായ ശേഷമാണു സ്റ്റെഫി ഗ്രാഫ് ഒളിംപിക്സിലും സ്വർണം നേടിയത്. അതോടെ, 4 ഗ്രാൻസ്ലാമുകൾ നേടിയ അതേവർഷം തന്നെ ഒളിംപിക് ജേതാവായ ഒരേയൊരു താരമെന്ന അപൂർവനേട്ടം ഗ്രാഫിനു സ്വന്തമായി.
വിമ്പിൾഡൻ വനിതാ സിംഗിൾസ് ജേതാവിനു ലഭിക്കുന്ന വീനസ് റോസ്വാട്ടർ ഡിഷ്, സെന്റർ കോർട്ടിന്റെ ബാൽക്കണിയിൽ നിന്ന് ആരാധക ഹർഷങ്ങൾക്കു നേരേ ഉയർത്തിപ്പിടിച്ച സ്വർണമുടിക്കാരിയെ പിറ്റേന്നു ലണ്ടൻ നഗരത്തിൽ ലെഗോ ബ്രിക്സ് (പ്ലാസ്റ്റിക് നിർമിത ചെറുകട്ടകൾ) വിൽക്കുന്ന കടകൾക്കു മുന്നിലൂടെ ഓടിനടക്കുന്നതു കണ്ടാൽ സംശയിക്കേണ്ട. അത് ബാർബറ ക്രെജിക്കോവ തന്നെ! ടെന്നിസ് കഴിഞ്ഞാൽ ക്രെജിക്കോവയുടെ ഇഷ്ടവിനോദമാണ് ലെഗോ ബ്രിക്സ് ഉപയോഗിച്ച് ചെറു രൂപങ്ങൾ നിർമിക്കുന്നത്. വിമ്പിൾഡൻ ജയിച്ചാൽ ഫൈനലിന് ആതിഥ്യമരുളുന്ന സെന്റർ കോർട്ടിന്റെ മാതൃക താൻ ലെഗോ ബ്രിക്സ് ഉപയോഗിച്ചു നിർമിക്കുമെന്ന് ക്രെജിക്കോവ ടൂർണമെന്റിനു മുൻപ് പറഞ്ഞിരുന്നു. അതിനുള്ള ഓട്ടത്തിലാകാം ചെക്ക് റിപ്പബ്ലിക്കിൽനിന്നുള്ള ഈ ഇരുപത്തിയെട്ടുകാരി.
ലണ്ടൻ ∙ വിമ്പിൾഡൻ പുരുഷ ഡബിൾസിൽ ഹെൻറി പാറ്റേൻ– ഹാരി ഹെലിയോവറ സഖ്യത്തിന് കിരീടം. ഫിൻലൻഡ് താരമായ ഹാരിയുടെയും ബ്രിട്ടിഷ് താരം ഹെൻറിയുടെയും ആദ്യ ഡബിൾസ് ഗ്രാൻസ്ലാം കിരീടമാണിത്. ഫൈനലിൽ ഓസ്ട്രേലിയൻ ജോടി മാക്സ് പർസെൽ– ജോർദാൻ തോംസൺ സഖ്യത്തിന്റെ വെല്ലുവിളി അതിജീവിച്ചാണ് ഫിന്നിഷ്– ബ്രിട്ടിഷ് ജോടി കിരീടം നേടിയത്. 6-7, 7-6, 7-6. വിമ്പിൾഡൻ പുരുഷ ഡബിൾസിൽ വിജയിയാകുന്ന ആദ്യ ഫിൻലൻഡ് താരമെന്ന റെക്കോർഡു ഹാരി സ്വന്തമാക്കി.
പുരുഷ ടെന്നിസിലെ പുതുയുഗത്തിൽ താൻ അജയ്യനാണെന്ന് കാർലോസ് അൽകാരസ് ഒരിക്കൽക്കൂടി തെളിയിച്ചു. അനുഭവസമ്പത്തിന്റെ കരുത്തുമായി എത്തിയ മുപ്പത്തിയേഴുകാരൻ നൊവാക് ജോക്കോവിച്ചിനെ നേരിട്ടുള്ള സെറ്റുകൾക്ക് (6–2,6–2,7,6) വീഴ്ത്തിയ ഇരുപത്തിയൊന്നുകാരൻ അൽകാരസ് തുടർച്ചയായി രണ്ടാം തവണയും വിമ്പിൾഡനിലെ പുരുഷ സിംഗിൾസ് വിജയികളുടെ ബോർഡിൽ തന്റെ പേര് കൊത്തിവച്ചു.
ലണ്ടൻ∙ വിമ്പിൾഡനിൽ ഒരിക്കൽക്കൂടി നൊവാക് ജോക്കോവിച്ചിനെ വീഴ്ത്തി ടെന്നിസ് പുരുഷ സിംഗിൾസിലെ ‘അധികാരക്കൈമാറ്റം’ പൂർത്തിയാക്കി സ്പാനിഷ് യുവതാരം കാർലോസ് അൽകാരസിന്റെ പട്ടാഭിഷേകം. ഗ്രാൻസ്ലാം കിരീടങ്ങളിൽ ‘കാൽസെഞ്ചറി’യെന്ന മോഹം സഫലമാകാൻ സൂപ്പർ താരത്തിന് ഇനിയും കാത്തിരിക്കേണ്ടിവരും. ഇന്ന് ജയിച്ചിരുന്നെങ്കിൽ 25 ഗ്രാൻഡ്സ്ലാം സിംഗിൾസ് കിരീടങ്ങൾ നേടുന്ന ആദ്യ ടെന്നിസ് താരമെന്ന റെക്കോർഡ് ജോക്കോവിച്ചിന്റെ പേരിലാകുമായിരുന്നു.
ലണ്ടൻ ∙ ഓൾ ഇംഗ്ലണ്ട് ക്ലബ്ബിലെ സെന്റർ കോർട്ടിൽ സെമിഫൈനൽ വിജയത്തിനു ശേഷം സംസാരിക്കുമ്പോൾ കൂകിവിളിച്ച കാണികളേക്കൊണ്ട് രണ്ടു ദിവസങ്ങൾക്കിപ്പുറം കയ്യടിപ്പിച്ച് സ്പാനിഷ് താരം കാർലോസ് അൽകാരസിന്റെ ഹീറോയിസം. പുരുഷ ടെന്നിസിലെ അനിവാര്യമായ ‘അധികാരക്കൈമാറ്റം’ ഏറെക്കുറെ പൂർണമായെന്ന സൂചനകളുമായി വിമ്പിൾഡനിലെ കലാശപ്പോരിൽ സ്പാനിഷ് താരത്തിന് കിരീടം. സൂപ്പർതാരം സെർബിയയുടെ നൊവാക് ജോക്കോവിച്ചിനെ നേരിട്ടുള്ള സെറ്റുകൾക്ക് വീഴ്ത്തിയാണ് കാർലോസ് അൽകാരസ് തുടർച്ചയായ രണ്ടാം വർഷവും വിമ്പിൾഡൻ കിരീടം ചൂടിയത്. സ്കോർ: 6-2 6-2 7-6 (7-4)
ലണ്ടൻ ∙ 1–6, 7–6, 6–1, 3–6, 6–4; ഓൾ ഇംഗ്ലണ്ട് ക്ലബ്ബിലെ സെന്റർ കോർട്ടിൽ കഴിഞ്ഞ വർഷം ജൂലൈ 16ന് നടന്ന പുരുഷ ടെന്നിസിലെ ‘അധികാരക്കൈമാറ്റം’ ചരിത്രം രേഖപ്പെടുത്തിയത് ഈ സ്കോർ കാർഡിലൂടെയാണ്. 23 ഗ്രാൻസ്ലാം കിരീടങ്ങളുമായെത്തിയ സെർബിയയുടെ നൊവാക് ജോക്കോവിച്ച്, സ്പെയിനിൽ നിന്നുള്ള ഇരുപതുകാരൻ കാർലോസ് അൽകാരസിന്റെ മുന്നിൽ വീണുപോയ ദിവസം. അഞ്ച് മണിക്കൂറോളം നീണ്ട പോരാട്ടത്തിൽ, ആദ്യ സെറ്റ് നഷ്ടപ്പെട്ടിട്ടും അന്ന് ജോക്കോവിച്ചിനെ വീഴ്ത്തി അൽകാരസ് ജേതാവായി. അതോടെ, പുരുഷ ടെന്നിസിൽ ഇനി അൽകാരസ് യുഗമായിരിക്കുമെന്ന് ടെന്നിസ് ലോകം വിധിച്ചു. എന്നാൽ ഭൂമി ഒരുതവണ കൂടി കറങ്ങിവന്നപ്പോൾ വിമ്പിൾഡൻ ഫൈനലിൽ ഇതാ അൽകാരസിനെ കാത്ത് വീണ്ടും ജോക്കോവിച്ച്!
ലണ്ടന്∙ വിമ്പിൾഡൻ വിജയത്തിനു പിന്നാലെ മുൻ പരിശീലക യാന നൊവോത്ന അനുസ്മരിച്ച് ചെക്ക് റിപ്പബ്ലിക് താരം ബാർബറ ക്രെജിക്കോവ. എതിരാളിയായ ഇറ്റാലിയൻ താരം ജാസ്മിൻ പവോലീനിയെ കെട്ടിപ്പിടിച്ച ശേഷം ആകാശത്തേക്കു നോക്കി സ്നേഹ ചുംബനമേകിയ ക്രെജിക്കോവ 2017ൽ അന്തരിച്ച മുൻ വിമ്പിൾഡൻ
ലണ്ടൻ ∙ കളവും കാണികളും ആഗ്രഹിച്ചതും ആഘോഷിക്കാൻ കാത്തിരുന്നതും വിമ്പിൾഡൻ വനിതാ സിംഗിൾസ് ഫൈനൽ കളിക്കുന്ന ആദ്യ ഇറ്റാലിയൻ താരം എന്ന മേലങ്കിയുമായി എത്തിയ ജാസ്മിൻ പവോലീനിയുടെ വിജയമായിരുന്നു. അതുകൊണ്ടാകാം ‘ ഞാൻ ജേതാവാകുമെന്ന് എന്റെ ടീം പോലും പ്രതീക്ഷിച്ചില്ല. ഇതു നേടിയെന്ന് എനിക്ക് ഇപ്പോഴും വിശ്വസിക്കാൻ സാധിക്കുന്നില്ല’ എന്ന് തന്റെ കന്നി വിമ്പിൾഡൻ ട്രോഫി മാറോടു ചേർത്തുപിടിച്ച ചെക്ക് റിപ്പബ്ലിക് താരം ബാർബറ ക്രെജിക്കോവ പറഞ്ഞത്. തുല്യശക്തികളുടെ പോരാട്ടം കണ്ട വിമ്പിൾഡൻ വനിതാ സിംഗിൾസ് ഫൈനലിൽ 6-2, 2-6, 6-4 നാണ് പവോലീനിയെ മറികടന്ന് കെജ്രിക്കോവ ജേതാവായത്.
ലണ്ടൻ ∙ പോരാട്ടവീര്യത്തിന്റെ ടെന്നിസിലെ പുതിയ പേരാണ് ജാസ്മിൻ പവോലീനി. 2 മാസം മുൻപ് നടന്ന ഫ്രഞ്ച് ഓപ്പൺ ഗ്രാൻസ്ലാം ടെന്നിസിൽ വനിതാ സിംഗിൾസിലും ഡബിൾസിലും കലാശപ്പോരാട്ടത്തിൽ തോൽവി വഴങ്ങിയ ഇറ്റാലിയൻ താരം പവോലീനി വീണ്ടുമൊരിക്കൽക്കൂടി ഗ്രാൻസ്ലാം കിരീടമെന്ന സ്വപ്നത്തിന് അരികിലെത്തി. വിമ്പിൾഡൻ വനിതാ സിംഗിൾസ് സെമിഫൈനലിലെ ആവേശപ്പോരാട്ടത്തിൽ ക്രൊയേഷ്യയുടെ ഡോണ വെകിച്ചിനെ തോൽപിച്ചാണ് (2–6, 6–4, 7–6) ജാസ്മിൻ പവോലീനി ഗ്രാൻസ്ലാം ടെന്നിസിലെ തുടർച്ചയായ രണ്ടാം ഫൈനലിനു യോഗ്യത നേടിയത്. വിമ്പിൾഡൻ ഫൈനലിലെത്തുന്ന ആദ്യ ഇറ്റാലിയൻ വനിതാ താരമാണ് ഏഴാം സീഡായ പവോലീനി. സെറീന വില്യംസിനുശേഷം (2016) ഒരേ വർഷം ഫ്രഞ്ച് ഓപ്പൺ, വിമ്പിൾഡൻ ടൂർണമെന്റുകളിൽ ഫൈനലിലെത്തുന്ന ആദ്യ വനിതാ താരവുമാണ്.
ലണ്ടൻ ∙ വിമ്പിൾഡൻ പുരുഷ സിംഗിൾസ് ഫൈനലിൽ വീണ്ടുമൊരു അൽകാരസ്– ജോക്കോവിച്ച് പോരാട്ടം. ഇന്നലെ നടന്ന സെമിഫൈനൽ മത്സരങ്ങളിൽ ആധികാരിക ജയവുമായാണ് സ്പാനിഷ് താരം കാർലോസ് അൽകാരസും സെർബിയയുടെ നൊവാക് ജോക്കോവിച്ചും ഫൈനൽ ബെർത്ത് ഉറപ്പിച്ചത്. കഴിഞ്ഞ വർഷത്തെ ഫൈനലിൽ ഇരുവരും നേർക്കുനേർ വന്നപ്പോൾ ജയം അൽകാരസിനൊപ്പമായിരുന്നു.
ലണ്ടൻ ∙ മുൻനിര താരങ്ങളിൽ പലരും അടിതെറ്റി വീണ വിമ്പിൾഡൻ ടെന്നിസ് വനിതാ സിംഗിൾസിൽ മുൻ ചാംപ്യൻ എലേന റിബകീന കിരീടക്കുതിപ്പ് തുടരുന്നു. യുക്രെയ്ൻ താരം എലീന സ്വിറ്റോലിനയെ അനായാസം തോൽപിച്ച കസഖ്സ്ഥാൻ താരം റിബകീന (6-3, 6-2) വിമ്പിൾഡനിൽ അവസാന നാലിലെത്തി. ചെക്ക് റിപ്പബ്ലിക് താരം ബാർബറ ക്രെജിക്കോവയാണ് സെമിയിൽ റിബകീനയുടെ എതിരാളി. 13–ാം സീഡ് യെലേന ഒസ്റ്റപെങ്കോയെ തോൽപിച്ചാണ് (6-4, 7-6) മുൻ ഫ്രഞ്ച് ഓപ്പൺ ചാംപ്യനായ ക്രെജിക്കോവ സെമിയിലെത്തിയത്. 31–ാം റാങ്കുകാരിയായ ക്രെജിക്കോവയുടെ ആദ്യ വിമ്പിൾഡൻ സെമിഫൈനലാണിത്. ക്രൊയേഷ്യയുടെ ഡോണ വെകിച്ചും ഇറ്റലിയുടെ ജാസ്മിൻ പവോലിനിയും തമ്മിലാണ് രണ്ടാം സെമിഫൈനൽ.
ലണ്ടൻ∙ വിമ്പിൾഡൻ ടെന്നിസിൽ സെമി ഫൈനലിലേക്ക് നോവാക് ജോക്കോവിച്ചിനെ വാക്കോവർ. ക്വാർട്ടറിൽ ജോക്കോയുടെ എതിരാളിയായ ഓസ്ട്രേലിയന് താരം അലെക്സ് ഡെ മിനോർ കളിക്കാതെ പിൻവാങ്ങിയതോടെയാണ് ജോക്കോയുടെ സെമി ഫൈനൽ പ്രവേശം. ഇടുപ്പിനു പരുക്കേറ്റതിനെ തുടർന്ന് ഒൻപതാം സീഡായ മിനോർ
ലണ്ടൻ ∙ അൽപം വൈകിയെങ്കിലും വെകിച്ച് ആ സ്വപ്നനേട്ടം സ്വന്തമാക്കി. പരുക്കിലും തിരിച്ചടികളിലും പതറാതെ കോർട്ടിൽ പിടിച്ചുനിന്ന ക്രൊയേഷ്യൻ താരം ഡോണ വെകിച്ച് 12 വർഷത്തെ കരിയറിൽ ആദ്യമായി ഗ്രാൻസ്ലാം ടെന്നിസിന്റെ സെമിഫൈനലിൽ. വിമ്പിൾഡൻ വനിതാ സിംഗിൾസ് ക്വാർട്ടർ ഫൈനലിൽ ന്യൂസീലൻഡിന്റെ ലുലു സുന്നിനെ തോൽപിച്ച (5-7, 6-4, 6-1) ഇരുപത്തെട്ടുകാരി, കരിയറിലെ 43–ാം ഗ്രാൻസ്ലാം ടൂർണമെന്റിലാണ് സെമിഫൈനൽ സ്വപ്നം യാഥാർഥ്യമാക്കിയത്. മുൻപ് ലോക റാങ്കിങ്ങിൽ ആദ്യ 20ൽ ഉൾപ്പെട്ടിരുന്ന വെകിച്ചിനു പിന്നീട് പരുക്കും ഫോമില്ലായ്മയും തിരിച്ചടിയായിരുന്നു. സീഡിങ് ഇല്ലാതെയാണ് ഇത്തവണ മത്സരിച്ചത്.
വിമ്പിൾഡൻ കോർട്ടിൽ മുൻനിര വനിതാ താരങ്ങൾ വാഴുന്നില്ല! വനിതാ സിംഗിൾസിൽ രണ്ടാം സീഡ് കോക്കോ ഗോഫ് ആണ് ഇന്നലെ പുറത്തായ പ്രധാന താരം. ഒന്നാം സീഡ് ഇഗ സ്യാംതെക്, 5–ാം സീഡ് ജെസീക്ക പെഗുല, 6–ാം സീഡ് മാർക്കേറ്റ വാന്ദ്രസോവ, 9–ാം സീഡ് മരിയ സക്കാരി, 10–ാം സീഡ് ഒൻസ് ജാബർ എന്നിവർ മുൻപേ പുറത്തായിരുന്നു. 4–ാം സീഡ് എലേന റിബകീനയാണ് ഇപ്പോൾ ശേഷിക്കുന്നവരിൽ സീഡിങ്ങിൽ മുന്നിലുള്ള വനിതാ താരം.
വിമ്പിൾഡൻ വനിതാ സിംഗിൾസ് കോർട്ടിൽ അട്ടിമറിക്കാറ്റ്. ഒന്നാം സീഡ് ഇഗ സ്യാംതെക്, 10–ാം സീഡ് ഒൻസ് ജാബർ എന്നിവർ 6–ാം ദിനം തോറ്റു പുറത്തായി. കസഖ്സ്ഥാന്റെ അൺ സീഡഡ് താരം യുലിയ പുടിൻസെവയാണ് വിമ്പിൾനിൽ കന്നിക്കിരീടമെന്ന ഇഗയുടെ മോഹം മൂന്നാം റൗണ്ടിൽ തന്നെ അവസാനിപ്പിച്ചത്. സ്കോർ: 3–6,6–1,6–2.
ലണ്ടൻ ∙ രണ്ടാം ഗ്രാൻസ്ലാം കിരീടം ലക്ഷ്യമിടുന്ന ഇറ്റലിയുടെ യാനിക് സിന്നർ വിമ്പിൾഡൻ ടെന്നിസിൽ വിജയക്കുതിപ്പ് തുടരുന്നു. മൂന്നാംറൗണ്ട് മത്സരത്തിൽ സെർബിയയുടെ മിയോമിർ കെമനോവിച്ചിനെ അനായാസം തോൽപിച്ചാണ് ലോക ഒന്നാംനമ്പറായ ഇരുപത്തിരണ്ടുകാരൻ (6–1, 6–4, 6–2) ടൂർണമെന്റിന്റെ പ്രീക്വാർട്ടറിലെത്തിയത്. പുരുഷ വിഭാഗത്തിലെ മറ്റൊരു കടുത്ത പോരാട്ടത്തിൽ ബ്രിട്ടന്റെ കാമറൂൺ നോറിയെ തോൽപിച്ച് നാലാംസീഡ് ജർമനിയുടെ അലക്സാണ്ടർ സ്വരേവും മുന്നേറി (6-4, 6-4, 7-6). യുഎസിന്റെ ഫ്രാൻസസ് ടിഫോയിയെ പൊരുതി തോൽപിച്ച് നിലവിലെ ചാംപ്യൻ സ്പെയിനിന്റെ കാർലോസ് അൽകാരസും (5–7, 6–2, 4–6, 7–6, 6–2) പ്രീക്വാർട്ടറിൽ സ്ഥാനമുറപ്പിച്ചു.
ലണ്ടൻ ∙ കരിയറിലെ അവസാന ഗ്രാൻസ്ലാം ടൂർണമെന്റിൽ അവിസ്മരണീയ വിജയങ്ങൾ തേടിയിറങ്ങിയ ബ്രിട്ടിഷ് താരം ആൻഡി മറെയ്ക്ക് വീണ്ടും നിരാശ. സഹോദരൻ ജെയ്മിക്കൊപ്പം പുരുഷ ഡബിൾസിൽ മത്സരത്തിനിറങ്ങിയ മറെയ്ക്കു തുടക്കത്തിലേ തോൽവി. റിങ്കി ഹികാത്ത– ജോൺ പിയേഴ്സ് സഖ്യമാണ് ബ്രിട്ടിഷ് സഹോദരൻമാരെ ആദ്യ റൗണ്ടിൽ വീഴ്ത്തിയത്. പരുക്കിനെത്തുടർന്ന് വിമ്പിൾഡൻ സിംഗിൾസ് മത്സരത്തിൽ നിന്നു പിൻമാറിയ മറെയ്ക്ക് മിക്സ്ഡ് ഡബിൾസ് മത്സരം കൂടി ബാക്കിയുണ്ട്.
പരുക്ക് ഭേദമാകാത്തതിനാൽ വിമ്പിൾഡൻ ടെന്നിസിലെ പുരുഷ സിംഗിൾസ് മത്സരത്തിൽ നിന്ന് ബ്രിട്ടീഷ് താരം ആൻഡി മറെ പിൻമാറി. ചെക്ക് റിപ്പബ്ലിക്കിന്റെ തോമസ് മഷാക്കുമായുള്ള ഒന്നാം റൗണ്ട് മത്സരത്തിന് മണിക്കൂറുകൾക്കു മുൻപായിരുന്നു പിൻമാറ്റം. എന്നാൽ സഹോദരൻ ജെയ്മിക്കൊപ്പം ഡബിൾസിൽ മത്സരിക്കുമെന്നും മറെ അറിയിച്ചു.
വിമ്പിൾഡൻ ടെന്നിസിന്റെ ആദ്യദിനം സ്പെയിനിന്റെ കാർലോസ് അൽകാരസിനും ജപ്പാന്റെ നവോമി ഒസാക്കയ്ക്കും ജയം. യോഗ്യതാ റൗണ്ട് കടന്നെത്തിയ എസ്റ്റോണിയയുടെ മാർക് ലജാലിനെയാണ് പുരുഷ സിംഗിൾസ് ഒന്നാം റൗണ്ടിൽ നിലവിലെ ചാംപ്യൻ അൽകാരസ് തോൽപിച്ചത് (7–6,7–5,6–2).
ലണ്ടൻ ∙ ‘എന്നു വരും ലോക ടെന്നിസിൽ പുതുയുഗം?’– ഈ ചോദ്യം കോർട്ടിലുയരാൻ തുടങ്ങിയിട്ട് കാലം കുറച്ചായി. 5 ഗ്രാൻസ്ലാം ട്രോഫികളുമായി ഇരുപത്തിമൂന്നുകാരി ഇഗ സ്യാംതെക്കും 3 ട്രോഫികളുമായി ഇരുപത്തിയൊന്നുകാരൻ കാർലോസ് അൽകാരസും ആ ചോദ്യം ഇനി വേണ്ട എന്നു വിളിച്ചു പറയുന്നുണ്ടെങ്കിലും സംശയലേശമന്യേ അവർക്കിതു തെളിയിക്കാനുള്ള അവസരമാണ് ഈ വിമ്പിൾഡൻ.
മഡ്രിഡ്∙ പാരിസ് ഒളിംപിക്സ് ടെന്നിസ് ഡബിൾസ് ഇനത്തിൽ റാഫേൽ നദാലും കാർലോസ് അൽകാരസും സ്പെയിനിനായി മത്സരിക്കും. ടെന്നിസിൽ പുരുഷ വിഭാഗം സിംഗിൾസിലും നദാൽ സ്പെയിനിനു വേണ്ടി മത്സരിക്കുന്നുണ്ട്. പാരിസിലെ കളിമൺ കോർട്ടിലാണ് ഒളിംപിക് ടെന്നിസ് മത്സരങ്ങൾ
ഫ്രഞ്ച് ഓപ്പൺ സെമിഫൈനലിൽ കാർലോസ് അൽകാരസിനോടു പരാജയപ്പെട്ടെങ്കിലും ഇറ്റാലിയൻ താരം യാനിക് സിന്നർ എടിപി ലോക റാങ്കിങ്ങിൽ ഒന്നാം സ്ഥാനത്തേക്കു കയറി. നൊവാക് ജോക്കോവിച്ചിനെ മറികടന്നാണ് ഇരുപത്തിരണ്ടുകാരൻ സിന്നർ കരിയറിൽ ആദ്യമായി ഒന്നാമതെത്തിയത്. അൽകാരസിനും പിന്നിൽ മൂന്നാം സ്ഥാനത്താണ് പുതിയ റാങ്കിങ്ങിൽ ജോക്കോവിച്ച്
സെറീന വില്യംസ് 1999 യുഎസ് ഓപ്പൺ കിരീടം ചൂടുമ്പോൾ ഇഗ സ്യാംതെക് ജനിച്ചിട്ടില്ല. റോജർ ഫെഡറർ 2003 വിമ്പിൾഡൻ ചാംപ്യനാകുമ്പോൾ കാർലോസ് അൽകാരസ് ജനിച്ചിട്ടേയുള്ളൂ. സാങ്കേതികമായി ടെന്നിസിലെ ‘ന്യൂ ജനറേഷൻ’ ഗണത്തിൽ ഇരുവരെയും ഉൾപ്പെടുത്താൻ ഇതു മതി. പക്ഷേ ഈ ‘പുതുതലമുറ’യിലെ ഒന്നാംസ്ഥാനക്കാരാണ് തങ്ങൾ എന്നുകൂടി തെളിയിച്ചാണ് പോളിഷ് താരം ഇഗയും സ്പാനിഷ് താരം കാർലോസ് അൽകാരസും ഇത്തവണ ഫ്രഞ്ച് ഓപ്പണിൽ കിരീടം നേടി മടങ്ങുന്നത്.
ഫ്രഞ്ച് ഓപ്പൺ ഫൈനൽ, അലക്സാണ്ടർ സ്വരേവ്, കാർലോസ് അൽകാരസ്, French Open, Tennis, Alexander Zverev, Carlos Alcaraz, Tennis
പാരിസ് ∙ റാഫേൽ നദാൽ കരിയറിന്റെ അവസാന കാലങ്ങളിലായിരിക്കാം; പക്ഷേ കളിമൺ കോർട്ടിൽ ഇതാ നദാലിന് ഒരു പിൻഗാമി പിറവിയെടുത്തിരിക്കുന്നു– ഇഗ സ്യാംതെക്! വനിതാ സിംഗിൾസിൽ തുടർച്ചയായ 3–ാം ഫ്രഞ്ച് ഓപ്പൺ കിരീടം ചൂടി റൊളാങ് ഗാരോസിൽ അശ്വമേധം തുടർന്ന പോളണ്ട് താരം ഇഗയ്ക്കു മുന്നിൽ വീണു പോയത് ഇറ്റാലിയൻ താരം ജാസ്മിൻ പവോലീനി.
ഫ്രഞ്ച് ഓപ്പൺ ടെന്നിസിലെ നാലാം വനിതാ സിംഗിൾസ് കിരീടം പോളണ്ട് താരം ഇഗ സ്യാംതെക്കിന് ഒരു ജയം മാത്രം അകലെ. യുഎസ് താരം കൊക്കോ ഗോഫിനെ തോൽപിച്ചാണ് നിലവിലെ ചാംപ്യനും ലോക ഒന്നാം നമ്പർ താരവുമായ ഇഗ ഫൈനലിലേക്കു മുന്നേറിയത് (6-2, 6-4). ജാസ്മിൻ പവോലിനി– മിറ ആൻഡ്രീവ സെമിഫൈനൽ മത്സര വിജയികളെ ഫൈനലിൽ ഇഗ നേരിടും.
പാരിസ് ∙ ഫ്രഞ്ച് ഓപ്പൺ പുരുഷ ഡബിൾസിൽ ഇന്ത്യൻ താരം രോഹൻ ബൊപ്പണ്ണയും ഓസ്ട്രേലിയൻ താരം മാത്യു എബ്ദനും സെമിഫൈനലിൽ. ബൽജിയത്തിന്റെ സാൻഡർ ഗിൽ–ജൊരാൻ വ്ലീഗൻ സഖ്യത്തെയാണ് ക്വാർട്ടറിൽ തോൽപിച്ചത് (7–6,5–7,6–1). ആദ്യ 2 സെറ്റിലും ഒപ്പത്തിനൊപ്പം പോരാടിയ 10–ാം സീഡുകളെ മൂന്നാം സെറ്റിൽ നിഷ്പ്രഭരാക്കിയാണ് 2–ാം സീഡുകളായ ബൊപ്പണ്ണ–എബ്ദൻ സഖ്യത്തിന്റെ ജയം. സെമിയിൽ ഇറ്റലിയുടെ 11–ാം സീഡുകളായ സിമോൺ ബോലെലി–ആൻഡ്രിയ വാവസോറി എന്നിവരാണ് എതിരാളികൾ.
പാരിസ് ഒളിംപിക്സിലെ പുരുഷ ഡബിൾസ് ടെന്നിസ് മത്സരത്തിൽ തന്റെ പങ്കാളിയായി ശ്രീരാം ബാലാജിയെ തിരഞ്ഞെടുത്ത് രോഹൻ ബൊപ്പണ്ണ. ഡബിൾസ് റാങ്കിങ്ങിൽ നാലാം സ്ഥാനത്തുള്ള ബൊപ്പണ്ണയ്ക്ക് ഒളിംപിക്സിന് നേരത്തെ യോഗ്യത ലഭിച്ചിരുന്നു. റാങ്കിങ്ങിൽ ആദ്യ പത്തിലുള്ള താരങ്ങൾക്ക് പങ്കാളിയെ തിരഞ്ഞെടുക്കാൻ അവകാശമുണ്ട്.
ഫ്രഞ്ച് ഓപ്പൺ ടെന്നിസിലെ ക്വാർട്ടർ മത്സര വിജയത്തിലൂടെ ഇറ്റലിയുടെ രണ്ടാം സീഡ് യാന്നിക് സിന്നറിന് സ്വന്തമായത് 2 വലിയ നേട്ടങ്ങൾ. കരിയറിലെ ആദ്യ ഫ്രഞ്ച് ഓപ്പൺ സെമിഫൈനൽ പ്രവേശത്തിനൊപ്പം പുരുഷ സിംഗിൾസ് ലോക റാങ്കിങ്ങിൽ ഒന്നാംസ്ഥാനവും ഇരുപത്തിരണ്ടുകാരനായ സിന്നർ ഉറപ്പാക്കി. നിലവിലെ ചാംപ്യനും ഒന്നാം റാങ്കുകാരനുമായ നൊവാക് ജോക്കോവിച്ച് പരുക്കേറ്റ് ഫ്രഞ്ച് ഓപ്പണിൽ നിന്നു പിൻമാറിയതാണ് സിന്നറിനു റാങ്കിങ്ങിൽ നേട്ടമായത്.
ഫ്രഞ്ച് ഓപ്പൺ ടെന്നിസ് പുരുഷ സിംഗിൾസിൽ ഒന്നാം സീഡ് നൊവാക് ജോക്കോവിച്ചിനെ വിറപ്പിച്ച് അർജന്റീനയുടെ ഇരുപത്തിയഞ്ചുകാരൻ താരം ഫ്രാൻസിസ്കോ സെറുൻഡൊലോ. അഞ്ചു സെറ്റ് നീണ്ട പോരാട്ടത്തിൽ 6–1,5–7,3–6,7–5,6–3 എന്ന സ്കോറിനാണ് സെർബിയൻ താരം ജോക്കോവിച്ചിന്റെ ജയം. രണ്ടും മൂന്നും സെറ്റുകൾ നേടിയ സെറുൻഡൊലോ നാലാം സെറ്റിലും മുന്നേറിയെങ്കിലും നേരിയ പരുക്ക് അതിജീവിച്ച് അവസാനം തിരിച്ചടിച്ച ജോക്കോ മത്സരം അഞ്ചാം സെറ്റിലേക്കു നീട്ടി.
ഫ്രഞ്ച് ഓപ്പൺ ടെന്നിസ് വനിതാ സിംഗിൾസിൽ ലോക ഒന്നാം നമ്പർ താരം ഇഗ സ്യാംതെക് ക്വാർട്ടറിൽ. എതിരാളികളെ നിഷ്പ്രഭരാക്കി മുന്നേറുന്ന ഇഗ ഇന്നലെ നാലാം റൗണ്ടിൽ തകർത്തുവിട്ടത് റഷ്യൻ താരം അനസ്താസിയ പൊട്ടപോവയെ. 40 മിനിറ്റു മാത്രം നീണ്ട പോരാട്ടത്തിലാണ് ഇഗയുടെ ‘ഡബിൾ ബാഗൽ’ ജയം (6–0, 6–0).
ഫ്രഞ്ച് ഓപ്പൺ ടെന്നിസിൽ ആറാം സീഡ് ആന്ദ്രെ റുബ്ലേവിനെ വീഴ്ത്തി ഇറ്റാലിയൻ താരം മാറ്റിയോ അർനാൾഡി പ്രീ ക്വാർട്ടറിൽ. റഷ്യൻ താരം റുബ്ലേവിനെതിരെ നേരിട്ടുള്ള സെറ്റുകൾക്കാണ് ഇരുപത്തിമൂന്നുകാരൻ അർനാൾഡിയുടെ ജയം (7–6,6–2,6–4). ലോക റാങ്കിങ്ങിൽ 36–ാം സ്ഥാനത്താണ് അർനാൾഡി.
ഫ്രഞ്ച് ഓപ്പൺ വനിതാ സിംഗിൾസിലെ സൂപ്പർ പോരാട്ടത്തിൽ ജപ്പാനീസ് താരം നവോമി ഒസാക്കയെ വീഴ്ത്തി പോളണ്ട് താരം ഇഗ സ്യാംതെക്. ലോക ഒന്നാം നമ്പർ താരമായ ഇഗയ്കെതിരെ രണ്ടാം സെറ്റ് നേടിയതിനു ശേഷമാണ് ഇവിടെ സീഡില്ലാതെ എത്തിയ ഒസാക്ക കീഴടങ്ങിയത് (7–6,6–1,7–5). മാച്ച് പോയിന്റിൽ നിന്നു രക്ഷപ്പെട്ടതിനു ശേഷം തുടരെ അഞ്ച് ഗെയിമുകൾ നേടിയായിരുന്നു ഇഗയുടെ രണ്ടാം റൗണ്ട് വിജയം.
പാരിസ് ∙ ഇരുപത്തഞ്ചാം ഗ്രാൻസ്ലാം കിരീടം ലക്ഷ്യമിടുന്ന സെർബിയൻ സൂപ്പർതാരം നൊവാക് ജോക്കോവിച്ച് പാരിസിൽ കുതിപ്പ് തുടങ്ങി. ഫ്രാൻസിന്റെ ഹ്യൂസ് ഹെർബർട്ടിനെയാണ് (6-4,7-6,6-4) നിലവിലെ ചാംപ്യനായ ജോക്കോ ഫ്രഞ്ച് ഓപ്പണിന്റെ ആദ്യറൗണ്ടിൽ മറികടന്നത്. ലോക 63–ാം നമ്പർ സ്പെയിനിന്റെ റോബർട്ടോ ബായിനയാണ് രണ്ടാം റൗണ്ടിൽ ജോക്കോവിച്ചിന്റെ എതിരാളി.
പാരിസ് ∙ ഒന്നും രണ്ടുമല്ല, 14 വട്ടം ആഘോഷനൃത്തം ചവിട്ടിയ കളിമൺ കോർട്ടിൽനിന്നു മടങ്ങുമ്പോൾ ഇത്തവണ റാഫേൽ നദാലിന്റെ കണ്ണുകൾ നിറഞ്ഞു. റൊളാങ് ഗാരോസിലെ ആകാശത്തു നിറഞ്ഞ മഴമേഘങ്ങൾപോലെ ഇടയ്ക്കെപ്പോഴോ അവയൊന്നു തൂവി.... ബാഗ് തോളിലിട്ടു മടങ്ങുമ്പോൾ ഗാലറിയിലെ ആരാധകരെ നോക്കി വിഷാദപ്പകർച്ചയോടെ അദ്ദേഹം കയ്യുയർത്തി...
ഫ്രഞ്ച് ഓപ്പൺ ടെന്നിസിന്റെ ആദ്യറൗണ്ടിൽ സ്പെയിനിന്റെ കാർലോസ് അൽകാരസിന് അനായാസ ജയം. യുഎസിന്റെ ജെ.ജെ.വോൾഫിനെ മറികടന്നായിരുന്നു (6-1,6-2,6-1) മൂന്നാം സീഡ് അൽകാരസിന്റെ മുന്നേറ്റം. എന്നാൽ വനിതകളിലെ ആദ്യറൗണ്ട് മത്സരത്തിൽ മുൻ ലോക ഒന്നാം നമ്പർ ജപ്പാന്റെ നവോമി ഒസാക്ക സീഡ് ചെയ്യപ്പെടാത്ത ഇറ്റാലിയൻ താരം ലൂസിയ ബ്രോൺസെറ്റിയോടു വിയർത്തു ജയിച്ചു (6-1,4-6,7-5).
പാരിസ് ∙ ഫ്രഞ്ച് ഓപ്പൺ ഗ്രാൻസ്ലാം ടെന്നിസ് ടൂർണമെന്റിന്റെ ആദ്യദിനമായ ഇന്ന് പുരുഷ സിംഗിൾസ് മൂന്നാം സീഡ് സ്പെയിന്റെ കാർലോസ് അൽകാരസ് കളത്തിലിറങ്ങും. യുഎസ് താരം ജെ.ജെ.വോൾഫാണ് അൽകാരസിന്റെ എതിരാളി. പരുക്കിന്റെ നിഴലിലായ അൽകാരസ് ടൂർണമെന്റിൽ നിന്നു പിൻമാറുമെന്നു നേരത്തേ സൂചനകളുണ്ടായിരുന്നു. വനിതാ സിംഗിൾസിൽ 4 തവണ ഗ്രാൻസ്ലാം ചാംപ്യനായ ജപ്പാന്റെ നവോമി ഒസാക്കയും ഇന്ന് ആദ്യ മത്സരത്തിനിറങ്ങും.
പാരിസ് ∙ ലോക ടെന്നിസിലെ ഏറ്റവും മികച്ച പ്രണയകഥ 2 വ്യക്തികൾ തമ്മിലുള്ളതല്ല, കളിമൺ കോർട്ടിലെ രാജകുമാരൻ റാഫേൽ നദാലും കളിമണ്ണിലെ ഏക ഗ്രാൻസ്ലാം ടൂർണമെന്റിന് വേദിയായ പാരിസിലെ റൊളാങ് ഗാരോസും തമ്മിലുള്ളതാണ്. കരിയറിലെ ആദ്യ ഗ്രാൻസ്ലാം കിരീടമുയർത്തിയ, 14 വിജയങ്ങളുടെ റെക്കോർഡിട്ട വേദിയിലേക്കു നദാൽ വീണ്ടുമെത്തുന്നു; വിടപറയാനായി!
പാരിസ് ഒളിംപിക്സിൽ തന്റെ പുരുഷ ഡബിൾസ് പങ്കാളിയായി ശ്രീരാം ബാലാജിയെയോ യൂകി ഭാംബ്രിയെയോ രോഹൻ ബൊപ്പണ്ണ തിരഞ്ഞെടുക്കും. ഡബിൾസ് ലോക റാങ്കിങ്ങിൽ ആദ്യ പത്തിലുള്ള താരമായതിനാൽ ബൊപ്പണ്ണയ്ക്ക് (നിലവിൽ 4–ാം റാങ്ക്) പങ്കാളിയെ തിരഞ്ഞെടുക്കാൻ അവകാശമുണ്ട്. ഓൾ ഇന്ത്യ ടെന്നിസ് അസോസിയേഷൻ ബൊപ്പണ്ണയുടെ താൽപര്യം അംഗീകരിക്കാനാണ് സാധ്യത.
ഇറ്റാലിയൻ ഓപ്പൺ ടെന്നിസ് വനിതാ സിംഗിൾസ് കിരീടം പോളണ്ട് താരം ഇഗ സ്യാംതെക്കിന്. ഫൈനലിൽ ബെലാറൂസ് താരം അരീന സബലേങ്കയെ നേരിട്ടുള്ള സെറ്റുകൾക്ക് (6–2, 6–3) തോൽപിച്ചാണ് ഇഗ കിരീടം ഉറപ്പിച്ചത്. ഇക്കഴിഞ്ഞ മഡ്രിഡ് ഓപ്പണിലും സബലേങ്കയെ തോൽപിച്ചാണ് ഇഗ കിരീടം ചൂടിയത്.
ലണ്ടൻ ∙ പ്രായംകൂടുന്തോറും വീര്യംകൂടുന്ന നൊവാക് ജോക്കോവിച്ചിന്റെ റാക്കറ്റിൽ മറ്റൊരു ലോക റെക്കോർഡ് കൂടി. സിംഗിൾസ് ടെന്നിസിലെ പ്രായമേറിയ ഒന്നാംറാങ്കുകാരനെന്ന റെക്കോർഡ് സ്വന്തമാക്കിയ സെർബിയൻ താരം ഈ നേട്ടത്തിൽ മറികടന്നത് സ്വിസ് ഇതിഹാസം റോജർ ഫെഡററെയാണ്. എടിപി പുരുഷ സിംഗിൾസ് റാങ്കിങ്ങിൽ ഒന്നാംസ്ഥാനക്കാരനായി 419–ാം ആഴ്ചയിലേക്കു കടക്കുമ്പോൾ ജോക്കോവിച്ചിന്റെ പ്രായം 36 വയസ്സും 321 ദിവസവുമാണ്. 310 ആഴ്ചക്കാലം ലോക ഒന്നാംറാങ്കിൽ തുടർന്ന റോജർ ഫെഡറർ 2018 ജൂണിലാണ് അവസാനം ഈ നേട്ടം കൈവരിച്ചത്.
അട്ടിമറി ജയത്തിനു പിന്നാലെ എടിപി ലൈവ് സിംഗിൾസ് റാങ്കിങ്ങിൽ സുമിത് നാഗൽ 80–ാം സ്ഥാനത്തെത്തി. സുമിത്തിന്റെ കരിയറിലെ മികച്ച റാങ്കിങ് മുന്നേറ്റം ആണിത്.
ഇറ്റാലിയൻ യുവതാരം യാനിക് സിന്നറിന് മയാമി ഓപ്പൺ ടെന്നിസ് പുരുഷ സിംഗിൾസ് കിരീടം. ഏകപക്ഷീയമായ ഫൈനലിൽ ബൾഗേറിയയുടെ ഗ്രിഗോർ ദിമിത്രോവിനെ നേരിട്ടുള്ള സെറ്റുകൾക്ക് മറികടന്നാണ് (6–3, 6–1), നിലവിലെ ഓസ്ട്രേലിയൻ ഓപ്പൺ ജേതാവായ സിന്നർ മയാമി ഓപ്പണിൽ തന്റെ കന്നിക്കിരീടം സ്വന്തമാക്കിയത്. ജയത്തോടെ എടിപി റാങ്കിങ്ങിൽ സിന്നർ രണ്ടാം സ്ഥാനം ഉറപ്പിച്ചു.
എടിപി ടൂറിലെ ‘സീനിയർ സിറ്റിസനായ’ രോഹൻ ബൊപ്പണ്ണയുടെ ആദ്യപ്രണയം ടെന്നിസല്ല! കുടകിലെ കാപ്പിയുടെ നറുമണവും അതിന്റെ ചൂടും ചൂരുമൊക്കെയാണ്. കുടകിലെ കാപ്പി എസ്റ്റേറ്റിൽ കളിച്ചു വളർന്ന കാലത്ത് ആദ്യമായി റാക്കറ്റെടുത്ത രോഹൻ പതിറ്റാണ്ടുകൾക്കു ശേഷവും നേട്ടങ്ങളിൽനിന്നു നേട്ടങ്ങളിലേക്കു കുതിക്കുകയാണ്. ഡബിൾസ് പങ്കാളി മാത്യു എബ്ദനൊപ്പം 43–ാം വയസ്സിൽ ഓസ്ട്രേലിയൻ ഓപ്പൺ കിരീടവും 44–ാം വയസ്സിൽ മയാമി ഓപ്പൺ കിരീടവും നേടിക്കഴിഞ്ഞു
മയാമി (യുഎസ്) ∙ ‘‘43–ാം വയസ്സിലല്ല ഞാൻ കളിക്കുന്നത്. 43–ാം ലവലിലാണ്’– ഇക്കഴിഞ്ഞ ജനുവരിയിൽ ഓസ്ട്രേലിയൻ ഓപ്പൺ പുരുഷ ഡബിൾസ് കിരീടം ചൂടി റെക്കോർഡിട്ട ശേഷം ഇന്ത്യൻ ടെന്നിസ് താരം രോഹൻ ബൊപ്പണ്ണ പറഞ്ഞതിങ്ങനെ. രണ്ടു മാസങ്ങൾക്കിപ്പുറം ബൊപ്പണ്ണ തന്റെ പെർഫോമൻസ് ഒരു ലവൽ കൂടി ഉയർത്തിയിരിക്കുന്നു. 44–ാം വയസ്സിൽ എടിപി മാസ്റ്റേഴ്സ് 1000 ചാംപ്യൻഷിപ്പായ മയാമി ഓപ്പണിൽ കിരീടം. ഗ്രാൻസ്ലാം ചാംപ്യൻഷിപ്പുകൾക്കു തൊട്ടു താഴെയുള്ള എടിപി മാസ്റ്റേഴ്സ് ചാംപ്യൻഷിപ്പുകളിലൊന്നിൽ ജേതാവാകുന്ന പ്രായം കൂടിയ താരം എന്ന തന്റെ തന്നെ റെക്കോർഡാണ് ബൊപ്പണ്ണ തിരുത്തിയത്. കഴിഞ്ഞ വർഷം ഇന്ത്യൻ വെൽസ് ടൂർണമെന്റ് ജയിച്ചാണ് ബൊപ്പണ്ണ റെക്കോർഡ് കുറിച്ചിരുന്നത്. ‘സൺഷൈൻ ഡബിൾ’ എന്നറിയപ്പെടുന്ന ഇന്ത്യൻ വെൽസിലും മയാമിയിലും ജയിച്ചതോടെ കരിയറിന്റെ സാന്ധ്യശോഭയിലും ഉച്ചസൂര്യനെപ്പോലെ ജ്വലിച്ചു നിൽക്കുകയാണ് രോഹൻ ബൊപ്പണ്ണ എന്ന കൂർഗുകാരൻ.
ന്യൂയോർക്ക് ∙ പ്രായം കൂടുംതോറും കോർട്ടിൽ തന്റെ വീര്യമേറുകയാണെന്ന് രോഹൻ ബൊപ്പണ്ണ ഒരിക്കൽകൂടി തെളിയിച്ചു. ഓസ്ട്രേലിയൻ ഓപ്പൺ ടെന്നിസിലെ പുരുഷ ഡബിൾസ് കിരീടനേട്ടത്തിനു പിന്നാലെ മയാമി ഓപ്പണിലും നാൽപത്തിനാലുകാരൻ ബൊപ്പണ്ണ വെന്നിക്കൊടി നാട്ടി.
രോഹൻ ബൊപ്പണ്ണ– മാത്യു എബ്ദൻ സഖ്യം മയാമി ഓപ്പൺ ടെന്നിസിന്റെ സെമിഫൈനലിൽ. നെതർലൻഡ്സിന്റെ സി വെർബീക്, ഓസ്ട്രേലിയയുടെ ജോൺ പാട്രിക് സ്മിത്ത് സഖ്യത്തെയാണ് ഒന്നാം സീഡായ ബൊപ്പണ്ണ സഖ്യം ക്വാർട്ടറിൽ തോൽപിച്ചത് (3-6, 7-6, 10-7).
ഓസ്ട്രേലിയൻ ഓപ്പൺ ഡബിൾസ് ടെന്നിസ് കിരീടം നേടിയ രാജ്യാന്തരടെന്നിസ് താരം രോഹൻ ബൊപ്പണ്ണ (43)യ്ക്കു കർണാടക സർക്കാർ 50 ലക്ഷം രൂപ പാരിതോഷികം പ്രഖ്യാപിച്ചു.
കാംഗരൂവിനു ഭക്ഷണം കൊടുക്കുന്ന ഈ അർജന്റീന താരം ഒരു കാലത്ത് ടെന്നിസ് ആരാധകരുടെ ആവേശമായിരുന്നു. ലോക റാങ്കിങ്ങിൽ സിംഗിൾസിലും ഡബിൾസിലും മൂന്നാം റാങ്ക് വരെ എത്തിയ ഗബ്രിയേല സബറ്റീനി. 1988 സോൾ ഒളിംപിക്സിൽ വനിതാ സിംഗിൾസിൽ വെള്ളി മെഡൽ നേടിയ സബറ്റീനി 1990ൽ യുഎസ് ഓപ്പൺ കിരീടവും നേടി.
ചെന്നൈ ഓപ്പൺ എടിപി ചാലഞ്ചർ ടെന്നിസ് ടൂർണമെന്റിൽ ജേതാവായ ഇന്ത്യൻ താരം സുമിത് നാഗൽ കരിയറിൽ ആദ്യമായി ടോപ് 100 റാങ്കിലേക്ക്. ടൂർണമെന്റിലെ ഒന്നാം സീഡ് ഇറ്റലിയുടെ ലൂക്ക നർഡിയെയാണ് ഫൈനലിൽ സുമിത് പരാജയപ്പെടുത്തിയത് (6–1, 6–4).
പുണെ∙ ടെന്നിസ് മത്സരങ്ങൾക്കായി ഇന്ത്യയിലെത്തിയപ്പോഴുണ്ടായ മോശം അനുഭവങ്ങളെക്കുറിച്ചു വെളിപ്പെടുത്തി സെർബിയൻ ടെന്നീസ് താരം ദേയാന റാഡനോവിച്. ഇന്ത്യയിലെ സൗകര്യങ്ങൾ മോശമാണെന്നു പറയുമ്പോൾ വംശീയ വിരോധി എന്നു വിളിക്കുന്നതിൽ എന്താണ് അർഥമെന്നും സെർബിയൻ താരം സമൂഹമാധ്യമത്തിൽ ചോദിച്ചു.
പുഴയിലൂടെ മെല്ലെ നീങ്ങുന്ന തോണിയിൽ കണ്ണുകളടച്ച് ശാന്തനായി വിശ്രമിക്കുന്ന ഈ താരം ഒരു കാലത്ത് അതിവേഗ സർവുകൾ കൊണ്ട് ടെന്നിസ് കോർട്ടിൽ പ്രകമ്പനം തീർത്തയാളാണ്. ‘ബൂംബൂം’ എന്ന വിശേഷണത്തിൽ അറിയപ്പെട്ടിരുന്ന ബോറിസ് ബെക്കർ. 1985ൽ 17–ാം വയസ്സിൽ തന്നെ വിമ്പിൾഡൻ പുരുഷ സിംഗിൾസ് കിരീടം നേടിയാണ് ബെക്കർ വരവറിയിച്ചത്.
ഇസ്ലാമാബാദ് ∙ ആറു പതിറ്റാണ്ടിനു ശേഷമുള്ള പാക്കിസ്ഥാൻ പര്യടനം അവിസ്മരണീയമാക്കി ഇന്ത്യൻ ടെന്നിസ് ടീം. പ്ലേ ഓഫിൽ പാക്കിസ്ഥാനെ 4–0നു നിഷ്പ്രഭരാക്കി ഇന്ത്യ ലോക ഗ്രൂപ്പ് ഒന്നിൽ സ്ഥാനമുറപ്പിച്ചു. കളിച്ച 3 സിംഗിൾസ് മത്സരങ്ങളും ഒരു ഡബിൾസും ജയിച്ചാണ് ഇന്ത്യയുടെ മുന്നേറ്റം. ഡബിൾസിൽ യുകി ഭാംബ്രി–സാകേത് മൈനേനി
ഇസ്ലാമാബാദ് ∙ 6 പതിറ്റാണ്ടിനുശേഷം പാക്കിസ്ഥാനിൽ ഡേവിസ് കപ്പ് ടെന്നിസ് മത്സരത്തിനിറങ്ങിയ ഇന്ത്യൻ ടീം വിജയത്തിന് അരികെ. രാംകുമാർ രാംനാഥനും ശ്രീരാം ബാലാജിയും 2 സിംഗിൾസ് മത്സരങ്ങൾ വിജയിച്ച് കരുത്തു കാട്ടിയതോടെ ഡേവിഡ് കപ്പ് ലോക ഗ്രൂപ്പ് ഒന്ന് പ്ലേ ഓഫ് മത്സരത്തിന്റെ ആദ്യദിനത്തിൽ ഇന്ത്യ 2–0ന് ലീഡെടുത്തു. അവശേഷിക്കുന്ന 3 മത്സരങ്ങളിൽ ഒന്നുകൂടി വിജയിച്ചാൽ ഇന്ത്യയ്ക്ക് ലോക ഗ്രൂപ്പ് ഒന്നിലേക്കു മുന്നേറാം. പാക്കിസ്ഥാന്റെ വെറ്ററൻ താരം ഐസം ഉൽഹഖ് ഖുറേഷിക്കെതിരായ സിംഗിൾസ് മത്സരത്തിൽ ആദ്യ സെറ്റ് നഷ്ടപ്പെടുകയും രണ്ടാം സെറ്റിന്റെ തുടക്കത്തിൽ പിന്നിലാകുകയും ചെയ്തശേഷമാണ് രാംകുമാർ രാംനാഥൻ ഉജ്വല തിരിച്ചുവരവ് നടത്തിയത് (6-7, 7-6, 6-0). ടൈബ്രേക്കറിലൂടെ രണ്ടാം സെറ്റ് നേടിയ രാംകുമാർ മൂന്നാം സെറ്റിൽ എതിരാളിയെ അനായാസം മറികടന്നു. രണ്ടാം സിംഗിൾസിൽ ശ്രീരാം ബാലാജിക്ക് വെല്ലുവിളിയുയർത്താൻ പാക്ക് താരം അഖീൽ ഖാനും (7-5, 6-3) കഴിഞ്ഞില്ല.
ഇസ്ലാമാബാദ്∙ ഇന്ത്യ– പാക്കിസ്ഥാൻ ഡേവിസ് കപ്പ് ടെന്നിസ് മത്സരങ്ങൾക്ക് ഇന്ന് ഇസ്ലാമാബാദിൽ തുടക്കം. ആദ്യദിനത്തിലെ 2 സിംഗിൾസ് മത്സരങ്ങളിൽ രാംകുമാർ രാംനാഥനും ശ്രീരാം ബാലാജിയും ഇന്ത്യയ്ക്കായി കളത്തിലിറങ്ങും. 60 വർഷത്തെ ഇടവേളയ്ക്കുശേഷം പാക്കിസ്ഥാനിൽ ഡേവിസ് കപ്പ് കളിക്കാനെത്തിയ ഇന്ത്യൻ ടീമിന്റെ ആത്മവിശ്വാസമുയർത്തുന്നത് ഈ ടൂർണമെന്റിൽ ഇതുവരെ പാക്കിസ്ഥാനോട് തോറ്റിട്ടില്ലെന്ന ചരിത്രമാണ്.നാളെ നടക്കുന്ന ഡബിൾസ് മത്സരത്തിൽ യുകി ഭാംബ്രി– സാകേത് മയ്നേനി സഖ്യത്തിലാണ് ഇന്ത്യയുടെ പ്രതീക്ഷ.
60 വർഷം നീണ്ട ഇടവേളയ്ക്കു ശേഷം ഇന്ത്യൻ ടെന്നിസ് ടീം ഡേവിസ് കപ്പ് മത്സരങ്ങൾക്കായി പാക്കിസ്ഥാനിലെത്തി. ഇസ്ലാമാബാദിൽ ഇന്ത്യൻ ഹൈക്കമ്മിഷൻ ടീമിന് സ്വീകരണം നൽകി. ഇതിനു മുൻപ് 1964ലാണ് ഇന്ത്യൻ ടീം പാക്കിസ്ഥാനിൽ മത്സരം കളിച്ചത്.
മെൽബൺ ∙ രോഹൻ ബൊപ്പണ്ണയുടെ പുരുഷ ഡബിൾസ് കിരീടത്തിൽ മാത്രം ഒതുങ്ങുന്നതല്ല ഇത്തവണത്തെ ഓസ്ട്രേലിയൻ ഓപ്പൺ ഗ്രാൻസ്ലാം ടെന്നിസിലെ ഇന്ത്യൻ വിജയഗാഥ. ഓസ്ട്രേലിയൻ ഓപ്പണിൽ കേൾവി പരിമിതിയുള്ളവരുടെ മത്സരത്തിൽ ചെന്നൈ സ്വദേശിയായ പൃഥ്വി ശേഖർ കൈവരിച്ചത് ഇരട്ട നേട്ടം. പുരുഷ സിംഗിൾസിൽ കിരീടവും ഡബിൾസിൽ രണ്ടാംസ്ഥാനവും നേടിയാണ് ഇരുപത്തൊൻപതുകാരൻ പൃഥ്വി മെൽബണിൽനിന്നു മടങ്ങുന്നത്. കഴിഞ്ഞവർഷം ഇതേ ചാംപ്യൻഷിപ്പിൽ പുരുഷ സിംഗിൾസ് സെമിഫൈനലിസ്റ്റായിരുന്നു പൃഥ്വി.
നൊവാക് ജോക്കോവിച്ചിനെ തോൽപിച്ചാണല്ലോ താൻ ഇവിടെയെത്തിയത് എന്ന് യാനിക് സിന്നർ ഓർത്തത് ഫൈനലിൽ രണ്ടു സെറ്റിനു പിന്നിലായപ്പോഴാണ്! അതോടെ അടിമുടി ഒരു വീര്യം ഇറ്റാലിയൻ താരത്തിൽ ഇരച്ചുകയറി. അതു റാക്കറ്റിലേക്കും പടർന്നതോടെ പിന്നീടുള്ള 3 സെറ്റുകളും ആദ്യ ഗ്രാൻസ്ലാം കിരീടവും സ്വന്തം.
ഓസ്ട്രേലിയൻ ഓപ്പൺ സെമിയിൽ ഇതിഹാസ താരം നൊവാക് ജോക്കോവിച്ചിനെ വീഴ്ത്തിയ ഇറ്റാലിയൻ യുവതാരം യാനിക് സിന്നർ ഒടുവിൽ തന്റെ ദൗത്യം പൂർത്തിയാക്കി, കിരീട വിജയവുമായി. മെൽബൺ റോഡ് ലേവർ അരീനയിൽ വാശിയേറിയ പോരാട്ടത്തിനൊടുവിലാണ് ഇറ്റലിയില്നിന്നുള്ള 22 വയസ്സുകാരൻ സിന്നർ കരിയറിലെ ആദ്യ ഗ്രാൻഡ്സ്ലാം ഫൈനലിൽ കിരീടം ഉറപ്പിച്ചത്.
മെൽബൺ ∙ മദിച്ചെത്തിയ നൊവാക് ജോക്കോവിച്ചും കുതിച്ചെത്തിയ അലക്സാണ്ടർ സ്വരേവും വീണതോടെ, ഓസ്ട്രേലിയൻ ഓപ്പൺ ടെന്നിസ് പുരുഷ സിംഗിൾസ് ഫൈനലിൽ പോരാട്ടം റഷ്യയുടെ ഡാനിൽ മെദ്വദേവും ഇറ്റലിയുടെ യാനിക് സിന്നറും തമ്മിൽ. 25–ാം ഗ്രാൻസ്ലാം കിരീടം
മെൽബൺ ∙ ഒപ്പം ഉദിച്ചുയർന്നവരെല്ലാം കോർട്ടിൽ നിന്ന് അസ്തമിക്കുന്ന കാലത്ത് രോഹൻ ബൊപ്പണ്ണ ഉച്ചസൂര്യനെപ്പോലെ കത്തിജ്വലിച്ചു കൊണ്ടിരിക്കുകയാണ്! ഓസ്ട്രേലിയൻ ഓപ്പൺ പുരുഷ ഡബിൾസിൽ കിരീടം ചൂടി നാൽപത്തിമൂന്നുകാരൻ ബൊപ്പണ്ണ ലോക ടെന്നിസിലെഴുതിയത് പുതുചരിത്രം.
രോഹൻ ബൊപ്പണ്ണയുടെ ചരിത്ര വിജയം ഇന്ത്യൻ കായിക മേഖലയ്ക്കു വലിയ പ്രചോദനമാണെന്ന് അദ്ദേഹത്തിന്റെ ജൂനിയർ തലത്തിലെ പരിശീലകനും ബെംഗളൂരുവിലെ രോഹൻ ബൊപ്പണ്ണ ടെന്നിസ് അക്കാദമിയിലെ കൺസൽറ്റന്റുമായ ബാലചന്ദ്രൻ മാണിക്കത്ത്.
ആദ്യം റാങ്കിങ്ങിലെ ലോക റെക്കോർഡ്, പിന്നെ പത്മശ്രീ, ഒടുവിലിപ്പോൾ ഓസ്ട്രേലിയൻ ഓപ്പണും. 43–ാം വയസ്സിൽ സ്വപ്ന നേട്ടങ്ങൾ ഓരോന്നായി വെട്ടിപ്പിടിക്കുന്ന രോഹൻ ബൊപ്പണ്ണയെ കണ്ട് ആരാധകർ പറയുകയാണ്– ‘പ്രായം വെറും അക്കങ്ങൾ മാത്രം’. ഓസ്ട്രേലിയൻ ഓപ്പണിൽ ശനിയാഴ്ച നടന്ന പുരുഷ ഡബിൾസ് ഫൈനലിൽ ഫൈനലിൽ ഇറ്റലിയുടെ സിമോൺ ബോറെല്ലി– ആന്ദ്രേ വാവസോറി സഖ്യത്തെയാണ്
മെൽബൺ∙ ഓസ്ട്രേലിയൻ ഓപ്പണിൽ ചരിത്ര വിജയം സ്വന്തമാക്കി ഇന്ത്യയുടെ രോഹൻ ബൊപ്പണ്ണ. പുരുഷ ഡബിൾസ് ഫൈനലിൽ 43–ാം വയസ്സിലാണ് ബൊപ്പണ്ണയുടെ വിജയം. ഫൈനലിൽ ഇറ്റലിയുടെ സിമോൺ ബോറെല്ലി– ആന്ദ്രേ വാവസോറി സഖ്യത്തെയാണ് ബൊപ്പണ്ണയും ഓസ്ട്രേലിയൻ താരം മാത്യു എബ്ദനും നേരിട്ടുള്ള സെറ്റുകൾക്കു കീഴടക്കിയത്
മെൽബൺ∙ ഓസ്ട്രേലിയൻ ഓപ്പണ് വനിതാ സിംഗിൾസ് കിരീടം ബെലാറൂസ് താരം അരീന സബലെങ്ക നിലനിർത്തി. ഫൈനലിൽ ചൈനയുടെ ക്വിൻ വെൻ ഷിങ്ങിനെ നേരിട്ടുള്ള സെറ്റുകൾക്ക് അരീന സബലെങ്ക കീഴടക്കി. സ്കോർ 6–3, 6–2. ബെലാറൂസിയൻ താരത്തിന്റെ കരിയറിലെ രണ്ടാമത്തെ ഗ്രാൻഡ് സ്ലാം
മെൽബൺ∙ ഓസ്ട്രേലിയൻ ഓപ്പണിന്റെ ഫൈനൽ കാണാതെ സെർബിയൻ താരം നൊവാക് ജോക്കോവിച്ച് പുറത്ത്. പുരുഷ സിംഗിൾസ് സെമിയിൽ ഇറ്റാലിയൻ താരം യാനിക് സിന്നറിനോടാണ് ജോക്കോവിച്ച് തോൽവി സമ്മതിച്ചത്. സ്കോർ 6–1,6–2,6–7,6–3. ആദ്യ രണ്ടു സെറ്റുകൾ വിജയിച്ച
മെൽബൺ ∙ 43–ാം വയസ്സിൽ ലോക ഡബിൾസ് റാങ്കിങ്ങിൽ ഒന്നാമതെത്തി റെക്കോർഡിട്ട ഇന്ത്യയുടെ രോഹൻ ബൊപ്പണ്ണ മറ്റൊരു ചരിത്ര വിജയത്തിന് അരികെ. ഓസ്ട്രേലിയയുടെ മാത്യു എബ്ദനൊപ്പം ഓസ്ട്രേലിയൻ ഓപ്പൺ പുരുഷ ഡബിൾസിന്റെ ഫൈനലിലെത്തിയ താരത്തെ, ഒരു ജയം അകലെ കാത്തിരിക്കുന്നത് കരിയറിലെ ആദ്യ ഗ്രാൻസ്ലാം കിരീടം. 2 തവണ യുഎസ് ഓപ്പണിന്റെ ഫൈനലിലെത്തിയ ബൊപ്പണ്ണയുടെ മൂന്നാം ഗ്രാൻസ്ലാം ഫൈനലുമാണിത്.
Results 1-100 of 797
