ഹാങ്ചോ ∙ ടെന്നിസ് പുരുഷ ഡബിൾസിൽ രാംകുമാർ രാമനാഥൻ– സാകേത് മൈനേനി സഖ്യം വെള്ളി നേടിയതിനു പിന്നാലെ മിക്സ്ഡ് ഡബിൾസിലും ഇന്ത്യ ഫൈനലിൽ. രോഹൻ ബൊപ്പണ്ണ– ഋതുജ ഭോസലെ സഖ്യം 6–1, 6–3ന് ചൈനീസ് തായ്പേയിയുടെ ചാൻ ഹാവോ ചിങ്– യു ഹിസ്യു ഹിസു ജോടിയെയാണ് സെമിയിൽ കീഴടക്കിയത്. ഇതോടെ, ഇന്ത്യയ്ക്ക് സ്വർണമോ വെള്ളിയോ ലഭിക്കുമെന്ന് ഉറപ്പായി. ഇന്നു നടക്കുന്ന ഫൈനലിൽ ചൈനീസ് തായ്പേയിയുടെ എൻ ഷുവോ ലിയാങ്– സുങ് ഹാവോ ഹ്വാങ് ജോടിയാണ് ഇന്ത്യയുടെ എതിരാളികൾ.

English Summary: Gold hope in tennis mixed doubles