Manoramaonline.com no longer supports Internet Explorer 8 or earlier. Please upgrade your browser.  Learn more »

14 ലക്ഷത്തിന് സ്വപ്നഭവനം സാധ്യമാക്കാം! പ്ലാൻ

low cost house interlock soil home for 14 lakhs ഇന്റർലോക്ക് മൺകട്ടകൾ കൊണ്ട് നിർമിച്ച ഈ 1000 ചതുരശ്ര അടി വീടിന് ചെലവായത് 14 ലക്ഷം.

പുനലൂർ സ്വദേശി അരുൺ നാസറിന് വീടിനെക്കുറിച്ച് ലളിതമായ ആഗ്രഹങ്ങളേ ഉണ്ടായിരുന്നുള്ളൂ. ഭാര്യയും രണ്ട് മക്കളുമടങ്ങുന്ന ചെറിയ കുടുംബത്തിനിണങ്ങുന്ന വീട്. വീടുപണി ഏറ്റെടുത്ത ഹാബിറ്റാറ്റിലെ പ്രോജക്ട് എൻജിനീയറായ നവീൻലാലിനോട് ഒരു കാര്യം പറയാൻ മറന്നില്ല; സമീപത്തുള്ള പ്ലോട്ടുകളിലെല്ലാം പുതിയ വീടുകൾ വരുന്നുണ്ട്. അതിനാൽ വീട്ടുകാരുടെ സ്വകാര്യതയെ മുൻനിർത്തിയായിരിക്കണം ഡിസൈൻ.

∙ നാലര സെന്റാണ് പ്ലോട്ടിന്റെ വിസ്തീർണം. സ്ഥലത്തിന്റെ സവിശേഷതകൾക്കനുസരിച്ചാണ് വീട് ഡിസൈൻ ചെയ്തത്.

interlock-house-14-lakh-front-view

∙ ഇന്റർലോക്ക് മൺകട്ടകൾ ഉപയോഗിച്ചാണ് ഭിത്തി നിർമിച്ചത്. കട്ട ഒന്നിന് 26 രൂപയായി.

∙ അൽപം ചരിച്ചാണ് മുൻവശത്തെ ജനാലകൾ നൽകിയത്. വീടിനു മുന്നിലൂടെ പോകുന്നവരിൽ നിന്ന് ഉള്ളിലെ കാഴ്ചകൾ മറയ്ക്കാനാണ് ഇങ്ങനെ ചെയ്തത്.

∙ രണ്ട് കിടപ്പുമുറികൾ, ഹാൾ, അടുക്കള, സ്വീകരണമുറി എന്നിവയാണ് ഈ ഒറ്റനില വീട്ടിൽ ഉൾക്കൊള്ളിച്ചത്. ടെറസിലേക്ക് പോകാൻ കോണിപ്പടിയുമുണ്ട്. പച്ച, വെള്ള നിറങ്ങളാണ് ഇന്റീരിയറിൽ പൊതുവായി ഉപയോഗിച്ചത്.

interlock-house-14-lakh-interior സ്വീകരണമുറി

∙ സ്റ്റീൽ ജനാലകളാണ് നൽകിയത്. തടി ഉപയോഗിക്കുന്നതിന്റെ 30 ശതമാനം ചെലവേ ഇവയ്ക്കുള്ളു.

∙ മുൻവശത്തെ ജനാലകൾക്ക് മുന്നിൽ ഫ്ലവർബെഡ് നൽകിയിട്ടുണ്ട്.

∙ ഭിത്തികൾ പുറംഭാഗത്ത് തേച്ചിട്ടില്ല. ഉൾഭാഗം പ്ലാസ്റ്റർ ചെയ്തിട്ടുണ്ട്.

∙ ഫില്ലര്‍ സ്ലാബ് വച്ചാണ് മേൽക്കൂര വാർത്തിരിക്കുന്നത്.

interlock-house-14-lakh-dining പ്രധാന ഹാൾ

∙ ഹാളിലെയും കിടപ്പുമുറിയിലെയും ജനാലകൾക്ക് തടി ഉപയോഗിച്ച് ബേവിൻഡോ നൽകി.

∙ സ്വീകരണമുറിയിൽ നിഷ് സ്പേസ് നൽകി ക്യൂരിയോസ് വച്ചിട്ടുണ്ട്.

interlock-house-14-lakh-patio മുൻവശത്തെ കോർട് യാർഡ്

∙ ഓപൻ ശൈലിയിലാണ് അടുക്കള ഡിസൈൻ ചെയ്തത്. കാബിനറ്റുകൾക്ക് മൾട്ടിവുഡ് ഉപയോഗിച്ചു. കബോർഡുകളും മൾട്ടിവുഡ് കൊണ്ടാണ് ചെയ്തത്. ഇവയ്ക്കും പച്ച, വെള്ള നിറങ്ങൾ നൽകി.

∙ പ്രധാനവാതിലിന് മാത്രം തേക്ക് ഉപയോഗിച്ചു. ഇന്റീരിയറിൽ നൽകിയ റെഡിമെയ്ഡ് വാതിലുകൾക്ക് 2,500–3,000 രൂപയായി.

arun-nasar-family അരുൺ നാസറും കുടുംബവും

∙ കോണിപ്പടിക്ക് സ്റ്റീൽ റെയ്‌ലിങ് നല്‍കി. ലാൻഡിങ്ങിലെ ഭിത്തിയിൽ ജാളിവർക് ചെയ്തിട്ടുണ്ട്.

∙ ഫ്ലോറിങ്ങിന് വിട്രിഫൈഡ് ടൈലുകൾ ഉപയോഗിച്ചു.

Project Facts

Area: 1000 Sqft

Engineer: നവീൻലാൽ

ഹാബിറ്റാറ്റ് ടെക്നോളജീസ്, കൊല്ലം

habitatplr@gmail.com

Location: പുനലൂർ

Year of completion: ജൂലൈ, 2016

Cost: 14 ലക്ഷം

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.