പുതിയ കാലത്തിന്റെ സൗകര്യങ്ങൾക്കൊപ്പം പ്രകൃതിയിലേക്ക് തുറക്കുന്ന അകത്തളങ്ങളും വേണം. ഇതായിരുന്നു ഉടമസ്ഥന്റെ ആവശ്യം. ഇതിനനുസൃതമായാണ് ഈ വീട് ഡിസൈൻ ചെയ്തത്. തൃശൂർ ഇരവ് എന്ന സ്ഥലത്ത് 29 സെന്റിൽ 2900 ചതുരശ്രയടിയിലാണ് ഈ വീട് സ്ഥിതി ചെയ്യുന്നത്. സമകാലിക ശൈലിയിൽ ബോക്സ് ഷേപ്പ്ഡ് എലിവേഷനാണ് വീടിനു നൽകിയത്.
ലിവിങ്, ഡൈനിങ്, കിച്ചൻ, അറ്റാച്ഡ് ബാത്റൂമുകളോടുകൂടിയ രണ്ടു കിടപ്പുമുറികൾ എന്നിവയാണ് താഴത്തെ നിലയിൽ. മുകൾനിലയിൽ ഒരു അപ്പർ ലിവിങ്, കിടപ്പുമുറി എന്നിവ സജ്ജീകരിച്ചു.
പ്രകൃതിയിലേക്ക് തുറക്കുന്ന അകത്തളങ്ങളാണ് ഈ വീടിന്റെ ഹൈലൈറ്റ്. സ്വീകരണമുറി ഡബിൾ ഹൈറ്റിലാണ്. പുറത്തെ പച്ചപ്പിന്റെ കാഴ്ചകൾ വിരുന്നെത്താനായി ഗ്ലാസ് ജനാലകൾ നൽകിയിരിക്കുന്നു. റസ്റ്റിക് ഫിനിഷുള്ള ടൈലാണ് പ്രധാന ഇടങ്ങളിൽ വിരിച്ചത്.
ഊണുമുറിയിൽ നിന്നും പുറത്തേക്ക് ഒരു പാഷ്യോ സ്പേസും നൽകിയിട്ടുണ്ട്. മുകൾനിലയിൽ നിന്നും താഴേക്ക് കാഴ്ച കിട്ടുന്ന വിധം ഇടങ്ങൾ ക്രമീകരിച്ചു. കിടപ്പുമുറികളിലും പുറത്തേക്ക് കാഴ്ച ലഭിക്കും വിധം ജാലകങ്ങൾ നൽകിയിരിക്കുന്നു. ലളിതമായ അടുക്കള. സമീപം വർക്ക് ഏരിയയുമുണ്ട്.
ക്രോസ്സ് വെന്റിലേഷൻ നൽകിയിരിക്കുന്നതിനാൽ സുഖകരമായ കാലാവസ്ഥ വീടിനുള്ളിൽ നിലനിൽക്കുന്നു. പകൽ സമയങ്ങളിൽ ലൈറ്റും ഫാനും ഇടേണ്ട ആവശ്യമേ വരുന്നില്ല.
Project Facts
Location- Eravu , Thrissur
Area- 2900 SFT
Plot- 29 cents
Owner- Aravind Dileep
Architect- Jibu & Thomas Architects
Mob- 9846064916