Manoramaonline.com no longer supports Internet Explorer 8 or earlier. Please upgrade your browser.  Learn more »

നെയ്മർ തകർക്കുമോ? എന്തായാലും ഈ വീട് ഒരു സംഭവമാണ്!

neymar-home 6 മില്യൺ പൗണ്ടാണ് ബംഗ്ലാവിന്റെ മൂല്യം. അതായത് ഏകദേശം 55 കോടിയോളം രൂപ.

ലോകകപ്പ് ആരംഭിച്ചതോടെ ലോകം പന്തിനു പിന്നാലെ ഓടാൻ തുടങ്ങി. വരും ദിനങ്ങളിൽ ബ്രസീലിന്റെയും അർജന്റീനയുടെയും കളികൾ എത്തുന്നതോടെ ലോകകപ്പ് ആവേശം ഉച്ചസ്ഥായിയിലെത്തും. കാരണം ഈ രണ്ടു ടീമുകൾക്കാണ് ഇങ്ങ് കേരളത്തിൽ വരെ കൂടുതൽ ആരാധകർ ഉള്ളത്. ഈയവസത്തിൽ ബ്രസീൽ സൂപ്പർതാരം നെയ്മറുടെ വീട് വരെയൊന്നു പോയി വന്നാലോ?

neymar-house-view

റിയോ ഡി ജനീറോയിലുള്ള പോർട്ടോബെല്ലോ എന്ന എസ്റ്റേറ്റിൽ രണ്ടര ഏക്കറിലാണ് നെയ്മറുടെ ബംഗ്ലാവ്. ഒരു മിനി റിസോർട് തന്നെയാണിവിടം. ഒക്ടോബർ 2016 ലാണ് താരം ഈ ബംഗ്ലാവ് മേടിച്ചത്. ഇൻസ്റ്റഗ്രാമിലൂടെ തന്റെ വീട്ടുവിശേഷങ്ങൾ നെയ്മർ ഇടയ്ക്കിടെ പങ്കുവയ്ക്കാറുണ്ട്. ആറു കിടപ്പുമുറികളുള്ള ബംഗ്ലാവിനു പുറത്ത് ഹെലിപാഡ്, ജിം, ടെന്നീസ് കോർട്ട്, ബോട്ട് ജെട്ടി തുടങ്ങിയവയുണ്ട്. 

neymar-house–rio

പുറത്തെ പച്ചപ്പിലേക്ക് മിഴി തുറക്കുന്ന ധാരാളം ഗ്ലാസ് ജാലകങ്ങൾ വീടിനുള്ളിൽ കാണാം. തുറന്ന ശൈലിയിലാണ് അകത്തളങ്ങൾ. സ്വീകരണമുറിയും ഊണുമുറിയുമെല്ലാം വിശാലമായ ഹാളിന്റെ ഭാഗമാണ്.

neymar-house-interior

വിശാലമായ ഔട്ഡോർ സിറ്റിങ് ഏരിയയാണ് മറ്റൊരാകർഷണം. ബംഗ്ലാവിനകത്തും സർപ്രൈസുകൾ നിരവധിയുണ്ട്. മസാജ് റൂം, സ്വിമ്മിങ് പൂൾ തുടങ്ങിയവയുമുണ്ട്. അടിത്തട്ടിലുള്ള വൈൻ സെല്ലാറിൽ 3000 കുപ്പി വൈനുകൾ സൂക്ഷിച്ചിട്ടുണ്ടത്രെ.

neymar-house-inside

ഫുട്‍ബോൾ താരമായിട്ടും ടെന്നീസിനാണ് താരം വീട്ടിൽ പ്രാധാന്യം നൽകിയിട്ടുള്ളത് എന്നത് കോർട് കണ്ടാൽ മനസിലാകും. രാജ്യാന്തര മത്സരങ്ങൾ നടക്കുന്ന കോർട്ടുകൾക്ക് സമാനമായ സൗകര്യങ്ങളോടെയാണ് ടെന്നീസ് കോർട്ട്.

6 മില്യൺ പൗണ്ടാണ് ബംഗ്ലാവിന്റെ മൂല്യം. അതായത് ഏകദേശം 55 കോടിയോളം രൂപ.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.