Manoramaonline.com no longer supports Internet Explorer 8 or earlier. Please upgrade your browser.  Learn more »

ആദിയിൽ പ്രണവിന്റെ നായികയാര്? ജീത്തു ജോസഫ് പറയുന്നു

pranav-mohanlal-aadi

പ്രണവ് മോഹന്‍ലാൽ ആദ്യമായി നായകനാകുന്ന ‘ആദി’യുടെ വിശേഷങ്ങൾ സംവിധായകൻ ജീത്തു ജോസഫ് ആദ്യമായി പറയുന്നു. ചിത്രത്തിൽ പ്രണവിന്റെ നായികയാരാണ് മറ്റ് കഥാപാത്രങ്ങളെ അവതരിപ്പിക്കുന്നത് ആരൊക്കെയാണ് എവിടെയാണ് ഷൂട്ടിങ് തുടങ്ങി പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ചോദ്യങ്ങൾക്കുള്ള ഉത്തരങ്ങളെല്ലാം ജീത്തു ജോസഫ് മനോരമ ഓൺലൈനിനോട് പങ്കു വയ്ക്കുന്നു.

pranav-mohanlal-aadi1

ചിത്രത്തിൽ മൂന്നു പ്രധാനപ്പെട്ട സ്ത്രീ കഥാപാത്രങ്ങളാണുള്ളത്. ലെന, അനുശ്രീ, അദിതി രവി(അലമാര ഫെയിം) എന്നിവരാണ് ഈ കഥാപാത്രങ്ങളെ അവതരിപ്പിക്കുന്നത്. എന്നാല്‍ ഇവരൊന്നും പ്രണവിന്റെ നായികമാരല്ല. എല്ലാവരുടേതും പ്രാധാന്യമുള്ള കഥാപാത്രങ്ങളാണെങ്കിലും പ്രണവിന്റെ നായികയാര് എന്നു പറയാനാകില്ല. ജീത്തു ജോസഫ് പറഞ്ഞു. ചിത്രത്തിൽ പ്രണവ് അവതരിപ്പിക്കുന്ന കഥാപാത്രത്തിന്റെ പേര് തന്നെയാണ് ചിത്രത്തിനും നൽകിയത്. ആദി. ഈ കഥാപാത്രത്തെ കുറിച്ച് കൂടുതലൊന്നും ഇപ്പോൾ പറയാനാകില്ല. ചിത്രത്തിലെ മറ്റു കഥാപാത്രങ്ങളെ കുറിച്ചും ഇപ്പോൾ ഒന്നും പറയാനാകില്ല. ആദി എന്ന ചിത്രത്തെ റിവെഞ്ച് ത്രില്ലർ, സസ്പെൻസ് ത്രില്ലർ എന്നീ വിഭാഗങ്ങളിലൊന്നും ഉൾപ്പെടുത്താനാകില്ലെന്നാണ് ജീത്തു ജോസഫ് പറയുന്നത്. പൂര്‍ണമായും പ്രേക്ഷകരെ തൃപ്തിപ്പെടുത്തുന്ന തികഞ്ഞ എെന്റർടെയ്നറാണ് ചിത്രം. ജീത്തു ജോസഫ് പറഞ്ഞു. 

pranav-mohanlal-aadi2

ചിത്രത്തിന്റെ ഛായാഗ്രഹണം നിർവ്വഹിക്കുന്നത് സതീഷ് കുറുപ്പ് ആണ്. അതുപോലെ സിനിമയിൽ സണ്ണി വെയ്ൻ ഉണ്ടെന്ന വാർത്തകൾ അദ്ദേഹം തള്ളി. സിനിമയിൽ സിദ്ധിഖ് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഷിജു വിൽസൺ, ഷറഫുദ്ദീൻ, നോബി എന്നീ യുവ താരങ്ങളും സിനിമയിലുണ്ട്. ജീത്തു ജോസഫ് വ്യക്തമാക്കി. ചിത്രത്തിന്റെ ഷൂട്ടിങിന്റെ ആദ്യ ഷെഡ്യൂൾ കൊച്ചിയിലാണ്. ഒാഗസ്റ്റ് 1–ന് തുടങ്ങിയ ഈ ഷെഡ്യൂൾ ഒാഗസ്റ്റ്  10 വരെയാണ്. ചിത്രം പൂർണമായും ഇന്ത്യയിൽ തന്നെയാണ് ചിത്രീകരിക്കുന്നത്. 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.