തെലുങ്കിന്റെ താളം മാറ്റിയെഴുതുകയാണ് സംഗീത സംവിധായകൻ ഗോപീ സുന്ദർ. റിലീസിനൊരുങ്ങുന്ന 'ഗീത ഗോവിന്ദം' എന്ന ചിത്രത്തിലെ 'ഇങ്കേം, ഇങ്കേം' എന്ന പ്രണയഗാനത്തിെൻറ ലിറിക്കൽ വിഡിയോ ജനശ്രദ്ധ നേടി
എല്ലാവർക്കും ഒരുപോലെ ആസ്വദിക്കാനാവുന്ന ഗാനം. ആലാപനം സിദ്ധ് ശ്രീറാം. ആനന്ദ് ശ്രീറാമിന്റ വരികൾ. റൊമാന്റിക്-ക്ലാസിക് ചേരുവകളുള്ള ഗാനത്തിന് സിദ്ധ് ശ്രീറാമിന്റെ കർണാടക സംഗീതത്തിലെ പ്രാവിണ്യവും മാറ്റുയർത്തുന്നു. പ്രണയം കാമുകിയെ അറിയിക്കാനുള്ള ശ്രമവും സ്വപ്നങ്ങളുമാണ് ഗാനത്തിന്റെ പ്രമേയം.
റൊമാന്റിക് കോമിഡിയാണ് ചിത്രം. വിജയ് ദേവർകോണ്ട, രശ്മിക മന്ദനാ എന്നിവരാണ് പ്രധാന വേഷങ്ങളിൽ. പരശുറാം സംവിധാനം ചെയ്യുന്ന ചിത്രം ആഗസ്റ്റ് 15ന് തീയറ്ററുകളിലെത്തും. ബിഗ് സ്ക്രീനിൽ ചിത്രം വിജയം നേടുമെന്നാണ് വിലയിരുത്തൽ