Manoramaonline.com no longer supports Internet Explorer 8 or earlier. Please upgrade your browser.  Learn more »

ദാരിദ്ര്യത്തിനിടയിൽ വില്ലനായി അപകടവും: സഹായം തേടി രാഖി

rakhi-charity

മുണ്ടക്കയം∙ 21 വയസിനിടെ ഒരു മനുഷ്യ ആയുസിലെ മുഴുവൻ ദുഖങ്ങളും ദുരിതങ്ങളും ഒന്നിച്ച് അനുഭവിച്ച രാഖി ഇപ്പോൾ പൊരുതുന്നത് സ്വന്തം വിധിയോടാണ്. 17–ാം വയസിൽ പ്രണയിച്ച പുരുഷനൊപ്പം ജീവിക്കാൻ തുടങ്ങിയ രാഖി, ഭർത്താവ് ഉപേക്ഷിച്ച് പോയപ്പോഴും തളർന്നില്ല. രണ്ടുവയസുകാരിയായ മകളെ വളർത്തുന്നതിന് സൂപ്പർ മാർക്കറ്റില്‍ ജോലി ചെയ്തു വരികയായിരുന്നു. എന്നാൽ അപ്രതീക്ഷിതമായി ഉണ്ടായ വാഹനാപകടം രാഖിയുടെ ശരീരത്തിൽ ജീവൻ മാത്രമാണ് ബാക്കിവച്ചത്.

സാലു–ഷീല ദമ്പതികളുടെ രണ്ടുമക്കളിൽ മൂത്തവളാണ് രാഖി. 10 വർഷം മുൻപ് സാലു കാൻസർ ബാധിച്ച് മരിച്ചതോടെ ഷീല അയൽ വീടുകളിൽ പണിചെയ്താണ് രണ്ട് പെൺമക്കളെ വളർത്തിയത്. ഇതിനിടെ രാഖി പ്രണയിച്ച് വിവാഹിതയായെങ്കിലും ഭർത്താവ് ഉപേക്ഷിച്ചു പോയി. ജോലിക്ക് പോകുന്നതിന് ബസ് കയറാൻ വഴിയാണ് നിയന്ത്രണം വിട്ട ലോറി രാഖിയെ ഇടിച്ചു തെറിപ്പിച്ചത്. അതീവ ഗുരുതര നിലയിൽ വണ്ടാനം മെഡിക്കൽ കോളജിൽ എത്തിച്ച രാഖി 70 ദിവസമാണ് അനക്കം പോലുമില്ലാതെ കഴിഞ്ഞത്. സ്വകാര്യ ആശുപത്രിയിൽ നടന്ന മേജർ ശസ്ത്രക്രിയയെ തുടർന്ന് രാഖി അത്ഭുതകരമായി ജീവിതത്തിലേക്ക് തിരിച്ചുവന്നു. ഒരു വർഷം കൊണ്ട് രാഖി എഴുന്നേറ്റിരുന്നു.

ഇനി ദിവസവും 450 രൂപയുടെ മരുന്ന് ഒന്നര വർഷം കഴിച്ചാൽ രാഖി എഴുന്നേറ്റ് നടക്കുമെന്ന് ഡോക്ടർമാർ ഉറപ്പുനൽകുന്നു. പക്ഷേ പട്ടിണി കൂട്ടുകാരനായി വീട്ടിൽ നിന്ന് ഇത്രയും തുകയ്ക്കുള്ള മരുന്ന് എന്നത് ഉൗഹിക്കാൻ പോലുമാകുന്നില്ല. ഇപ്പോൾ മരുന്നിനു പോലും വകയില്ലാതെ കഷ്ടപ്പെടുന്ന രാഖിക്ക് വേണ്ടത് സുമനസുകളുടെ സഹായമാണ്.മൂന്നര സെന്റ് സ്ഥലവും അതിന്റെ ഇരട്ടി തുകയുടെ ബാധ്യതയുമാത്രമാണ് അമ്മ ഷീലയുടെ സമ്പാദ്യം. മകളെ ചികിൽസിക്കാൻ മുട്ടാത്ത വാതിലുകളില്ല. സുമനസുകളുടെ സഹായം മാത്രമാണ് ഈ കുടുംബത്തിന്റെ ഏക ആശ്രയം. ഇതിനോടകം താടിയെല്ലിന്റെ ഓപ്പറേഷനായി രണ്ടു ലക്ഷം രൂപയോളം ചിലവായി.

ബാങ്ക് അക്കൗണ്ട് വിവരങ്ങൾ:

ഷീല സാലു

ഷീല സാലു:എസ്ബിടി മുണ്ടക്കയം ബ്രാ‍ഞ്ച്
അക്കൗണ്ട് നമ്പർ: നമ്പർ 67221354962
ഐഎഫ്എസ്‌സി കോഡ്: SBIN0070133
ഫോൺ: 8547289226

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.