തിരുവനന്തപുരം∙ കഴക്കൂട്ടത്ത് ഡിവൈഎഫ്ഐ പ്രവർത്തകനെ പൊലീസ് ക്രൂരമായി മർദിച്ചതായി പരാതി. കഴക്കൂട്ടം കുളത്തൂർ സ്വദേശി രാജീവാണ് പരാതി നൽകിയത്. കോർപറേഷൻ മേയറെ അക്രമിച്ച സംഭവത്തിലുള്ള പ്രതിഷേധത്തിനിടെ കയ്യേറ്റം ചെയ്തെന്ന ബിജെപി പ്രവർത്തകന്റെ പരാതിയിൽ കഴക്കൂട്ടം സിഐയാണ് രാജീവിനെ കസ്റ്റഡിയിലെടുത്തത്. തുടർന്ന് ലോക്കപ്പിലിട്ട് രാത്രി മുഴുവൻ ഹോക്കി സ്റ്റിക്ക് ഉപയോഗിച്ചു ദേഹമാസകലം മർദിച്ചെന്നു രാജീവ് പറയുന്നു.