കൊച്ചി∙ ബിഷപ് ഫ്രാങ്കോ മുളയ്ക്കൽ കന്യാസ്ത്രീയെ പീഡിപ്പിച്ചെന്ന കേസിൽ കോടതി നിരീക്ഷണത്തിൽ ഫലപ്രദമായ അന്വേഷണം നടത്തണമെന്നും പ്രതിയെ കുടുക്കണമെന്നും ആവശ്യപ്പെട്ടു ഹൈക്കോടതിയിൽ പൊതുതാൽപര്യ ഹർജി. മലയാളവേദി പ്രസിഡന്റ് ജോർജ് വട്ടുകുളമാണു ഹർജി നൽകിയത്. ഇരയ്ക്കു ഭീഷണിയുള്ളതിനാൽ സംരക്ഷണം നൽകണമെന്നും ഹർജിയിൽ പറയുന്നു. പി.സി. ജോർജ് എംഎൽഎ ഉൾപ്പെടെയുള്ള വ്യക്തികൾ കന്യാസ്ത്രീയെ അധിക്ഷേപിച്ച കാര്യവും ഹർജിയിൽ ചൂണ്ടിക്കാട്ടിയിട്ടുണ്ട്.