മെൽബൺ ∙ അമേരിക്കൻ ടെന്നിസ് താരം വീനസ് വില്യംസിനെതിരെ വംശീയ പരാമർശം നടത്തിയതിനെത്തുടർന്നു കമന്റേറ്ററുടെ പണി പോയി. ഇഎസ്പിഎൻ കമന്റേറ്ററായ ഡഗ് അഡ്‌ലറാണ് വീനസിനെ ‘ഗൊറില്ല’ എന്ന രീതിയിൽ വിശേഷിപ്പിച്ചു കുരുക്കിൽ ചാടിയത്.
സ്റ്റെഫാനി വോഗേലിനെതിരെ വീനസിന്റെ രണ്ടാം റൗണ്ട് മത്സരത്തിലാണു സംഭവം. ‘‘വോഗേൽ സെർവ് നഷ്ടപ്പെടുത്തിയിരിക്കുന്നു. വീനസ് ഗോറില്ലയെ പോലെ ആവേശഭരിതയാകുന്നു’’– അഡ്‌ലർ പറഞ്ഞു. എന്നാൽ താൻ ഒളിപ്പോരാളി എന്ന അർഥത്തിൽ ‘ഗറില’ എന്നാണു പറഞ്ഞതെന്നാണ് അഡ്‌ലർ വാദിച്ചത്.
×
