വൈദ്യുതി നിയന്ത്രണത്തിന് എതിരെ യുഡിഎഫ്

തിരുവനന്തപുരം ∙ ലോഡ് ഷെഡിങ് ഇല്ലെന്നു വൈദ്യുതി മന്ത്രി പരസ്യമായി പറയുമ്പോഴും സംസ്ഥാന വ്യാപകമായി നടപ്പാക്കുന്ന അപ്രഖ്യാപിത വൈദ്യുതി നിയന്ത്രണം ജനങ്ങളെ കബളിപ്പിക്കലാണെന്നു പ്രതിപക്ഷ നേതാവ് വി.ഡി.സതീശൻ. അപ്രഖ്യാപിത വൈദ്യുതി നിയന്ത്രണത്തിൽ നിന്നു സർക്കാർ പിൻമാറണമെന്നു വി.ഡി.സതീശൻ ആവശ്യപ്പെട്ടു. 

പിണറായി സർക്കാരിന്റെ അവകാശവാദം പൊളിഞ്ഞതു മറച്ചുവയ്ക്കാനാണു പ്രാദേശിക നിയന്ത്രണമെന്ന ഓമനപ്പേരിൽ ജനങ്ങളെ ദ്രോഹിക്കുന്നതെന്നു യുഡിഎഫ് കൺവീനറും കെപിസിസി ആക്ടിങ് പ്രസിഡന്റുമായ എം.എം.ഹസൻ പറഞ്ഞു.