തിരുവനന്തപുരം∙ ശ്രീപദ്മനാഭ സ്വാമി ക്ഷേത്രത്തിൽ ആറാട്ടിനെത്തിച്ച ആന ഇടഞ്ഞത് പരിഭ്രാന്തി പരത്തി. ഉഴവൂരിൽ നിന്നെത്തിയ മഹാദേവൻ എന്ന ആനയാണ് ഇടഞ്ഞത്. ഞായറാഴ്ച ഉച്ചതിരിഞ്ഞായിരുന്നു സംഭവം.
എഴുന്നള്ളിപ്പിനെത്തിച്ച ആനകളിലൊന്നായിരുന്നു മഹാദേവൻ. ഇടഞ്ഞ ആന സമീപത്തെ റോഡുകളിലൂടെ കുറേ ദൂരം പാഞ്ഞു. പിന്നാലെ പാപ്പാന്മാരും നാട്ടുകാരും. സംഭവത്തിൽ ആർക്കും പരുക്കേറ്റിട്ടില്ല. എലഫന്റ് സ്ക്വാഡ് എത്തിയാണ് ആനയെ തളച്ചത്.